No meki sma bruya un denki esi! Yu de klariklari fu du ala
Transcript
No meki sma bruya un denki esi! Yu de klariklari fu du ala
15 DECEMBER 2013 3-9 februari No meki sma bruya un denki esi! BLADZIJDE 3 SINGI: 65, 59 10-16 februari Yu de klariklari fu du ala san yu man gi a Kownukondre? BLADZIJDE 18 Bigi letter Waktitoren SINGI: 40, 75 PISI 1 ® Vol. 134, No. 24 DECEMBER 15, 2013 Semimonthly SRANANTONGO STUDIE-ARTIKEL No meki sma bruya un denki esi! A prenspari fu no meki sma kori wi fu bribi tori di kan meki wi tweifri èn di Bijbel no e fruklari. Fu di a kaba de krosibei, meki den warskow na ini a fosi nanga a di fu tu brifi fu Tesalonika fiti srefisrefi. Yu de klariklari fu du ala san yu man gi a Kownukondre? Wi musu libi furu sani na baka fu horibaka gi a Kownukondre wroko. Na ini na artikel disi wi o si sortu ofrandi sma na ini owruten Israel ben e tyari. Wi o luku eksempre tu di e sori wi fa furu sma na ini a ten disi e du ala san den man fu horibaka gi a Kownukondre. A tijdschrift disi no e seri. A Waktitoren na wan fu den sani di Kotoigi e gebroiki fu gi Bijbel leri na heri gron` tapu en sma e gi moni fu horibaka gi a wroko disi. Te a no skrifi tra fasi, dan den Bijbeltekst na ini a tijdschrift disi teki puru fu a Bijbel—Nyun-Grontapuvertaling. Druck und Verlag: Wachtturm Bibel- und Traktat-Gesellschaft der Zeugen Jehovas, e. V., Selters/Taunus. Verantwortliche Redaktion: Ramon Templeton, Selters/Taunus. 5 2013 Watch Tower Bible and Tract Society of Pennsylvania. Printed in Germany No meki sma bruya un denki esi! „Brada, wi wani aksi unu . . . [fu] no meki sma bruya un denki so esi.”—2 TES. 2:1, 2. SANI FU HORI NA PRAKSERI Sortu warskow Paulus gi na a yoisti ten di a skrifi den tu brifi gi den Tesalonikasma? San kan yepi wi fu sma no kori wi? Fa wi kan kisi kibri te wi e preiki fayafaya fu a Kownukondre? NA INI a ten disi sma abi a gwenti fu kori trawan èn fu lei gi den. Disi no musu fruwondru wi. Bijbel e sori wi krin taki Satan Didibri sabi heri bun fa fu kori sma èn taki en na a tiriman fu a grontapu disi (1 Tim. 2:14; 1 Yoh. 5:19). O moro a kaba fu na ogri grontapu disi e kon krosibei, o moro Satan ati e bron fu di a sabi taki „en ten syatu” (Openb. 12:12). Sobun, wi kan fruwakti 1, 2. Fu san ede someni sma na ini a ten disi e suku fu kori trawan èn na sortu fasi den e du dati? (Luku a prenki na a bigin fu na artikel na ini a Waktitoren di abi prenki.) PISI 1 A WAKTITOREN—15 DECEMBER 2013 3 taki den sma di Didibri e tiri o meki moro muiti fu kori trawan, spesrutu den futuboi fu Yehovah. 2Son leisi te nyunsu e taki sani fu den futuboi fu Yehovah, sma no e fruteri fa sani de trutru noso den e lei srefi gi den. Sma e gebroiki koranti, telefisi nanga Internet fu panya lei di den wani meki trawan bribi. A bakapisi de taki son sma e bruya noso den ati e bron srefi fu di den e bribi den lei dati sondro fu go luku fosi efu a tru. 3Wi breiti taki wi man du sani fu kibri wisrefi gi den lei fu Satan. Fu no meki a feanti disi kori wi, wi abi Gado Wortu di „bun . . . fu poti sani kon reti” (2 Tim. 3:16). Den sani di na apostel Paulus skrifi e sori taki sma ben kori son Kresten fu Tesalonika nanga lei. A ben gi den a rai fu ’no meki sma bruya den denki so esi’ (2 Tes. 2:1, 2). San wi kan leri fu a lobi-ati rai di Paulus gi den Kresten disi èn fa wi srefi kan du san a taigi den? 3. San kan yepi wi fu no meki sma kori wi nanga lei? 4 A WAKTITOREN—15 DECEMBER 2013 PISI 1 WARSKOW DI WI KISI NA A YOISTI TEN 4Na ini a fosi brifi di Paulus skrifi gi a gemeente na Tesalonika, a poti prakseri na „a dei fu Yehovah” di ben de krosibei. A no ben wani taki den Kresten brada fu en de na dungru, ma a ben wani taki den de srekasreka gi sani di ben kan miti den. Fu di den ben de „manpikin fu a leti”, meki a taigi den taki den ben musu ’tan wikiwiki èn taki den ben musu tan na ai’. (Leisi 1 Tesalonikasma 5: 1-6.) Na ini a ten disi wi e wakti fu Babilon a Bigiwan, a grontapu makti fu falsi bribi, kisi pori. Te dati pasa, wi o sabi taki a bigi dei fu Yehovah bigin. Now wi e frustan moro krin fa Yehovah o du san a abi na prakseri. Boiti dati, na ini a gemeente wi e kisi warskow di e kon na a yoisti ten èn di musu yepi wi fu tan na ai. Te wi arki den warskow disi, dan dati o yepi wi fu tan ’gebroiki wi frustan te wi e du santa wroko’ gi Gado.—Rom. 12:1. 4. Fa Paulus ben warskow Kresten na Tesalonika taki „a dei fu Yehovah” ben de krosibei èn fa wi e kisi warskow? PISI 1 A WAKTITOREN—15 DECEMBER 2013 5 5Syatu baka di Paulus seni en fosi brifi gi den Kresten fu Tesalonika, a seni den wan di fu tu brifi. Na ini a brifi disi a taigi den taki wan ten fu banawtu ben o kon pe Masra Yesus ben o krutu ’den sma di no sabi Gado èn den sma di no e gi yesi na a bun nyunsu’ (2 Tes. 1:6-8). Na ini kapitel 2 fu a brifi disi wi e leisi taki son sma na ini a gemeente dati ben ’lasi densrefi’ so te, taki den prakseri taki a dei fu Yehovah ben o kon na ini a ten dati. (Leisi 2 Tesalonikasma 2:1, 2.) Den fosi Kresten no ben sabi furu fu a fasi fa Gado e du san a abi na prakseri. Na fu dati ede Paulus ben taki bakaten: „Wi no sabi ala sani di de fu sabi èn wi no e taki ala profeititori ete. Ma te wi kon sabi ala sani èn te wi taki ala profeititori, dan a pikinso sabi di wi ben abi no o de moro èn wi no o taki wan tu profeititori nomo” (1 Kor. 13:9, 10). Ma 5, 6. (a) San Paulus taki na ini a di fu tu brifi di a skrifi gi den Tesalonikasma? (b) San Gado o meki Yesus du na ini a ten di e kon èn san wi musu aksi wisrefi? 6 A WAKTITOREN—15 DECEMBER 2013 PISI 1 den sani di Gado meki Paulus, na apostel Petrus nanga tra salfu brada skrifi na ini a ten dati, ben kan yepi den fu no lasi bribi. 6Fu yepi den brada nanga sisa fu si sani na a yoisti fasi, Paulus skrifi nanga yepi fu santa yeye taki fosi a dei fu Yehovah doro sma ben o drai baka gi a bribi, èn „a sma di e du kruktudu” ben o kon. Te fu kaba „a sma di e du kruktudu” èn ala den wan di a sma disi kori, no o de moro fu di Masra Yesus o ’puru den na pasi’ na wan ten di a feni bun. Na apostel Paulus ben sori den taki Gado ben o krutu den „fu di den no ben angri fu kon sabi san na den tru tori” (2 Tes. 2:3, 8-10). Dati meki a bun fu aksi wisrefi: ’Mi lobi den tru Soleki fa skrifi na Tori fu den apostel 20:29, 30, dan Paulus ben taki dati sma na ini a gemeente ben o „taki sani di no tru, fu hari den disipel kon na den baka”. Baka wan pisi ten yu ben kan si wan difrenti na mindri den wan di ben e teki fesi na ini a gemeente nanga den tra memre fu a gemeente. Na ini a di fu dri yarihondro a ben kon na krin taki „a sma di e du kruktudu” ben de ala den kerki fesiman fu den falsi Kresten kerki.—Luku A Waktitoren fu 1 september 2003, bladzijde 6, 7. PISI 1 A WAKTITOREN—15 DECEMBER 2013 7 tori fu Bijbel trutru? Mi abi a gwenti fu studeri a tijdschrift disi nanga den tra buku di Gado e gi en pipel na heri grontapu, so taki mi sabi fa wi musu frustan Bijbel leri na ini a ten disi?’ LUKU BUN NANGA SUMA YU E BUMUI 7Ma boiti den leri fu den sma di drai baka gi a bribi, tra sani ben o de tu di ben kan pori a bribi fu tru Kresten. Paulus ben skrifi Timoteyus taki „lobi gi moni na a rutu fu ala sortu ogri sani”. Na apostel ben skrifi taki „fu di son sma kweki a lobi dati, meki den gowe libi a bribi èn den gi densrefi furu pen, neleki na dyuku den dyuku densrefi” (1 Tim. 6:10). Tra sani di kan pori wi bribi na „den sani di a sondu skin e du”.—Gal. 5:19-21. 8 Yu kan frustan fu san ede Paulus ben warskow den Tesalonikasma taki sma ben o de na den mindri di ben o suku fu puru den na bribi. Paulus ben 7, 8. (a) Nanga sortu sani den fosi Kresten ben musu luku bun? (b) Nanga sortu sani Kresten na ini a ten disi musu luku bun? 8 A WAKTITOREN—15 DECEMBER 2013 PISI 1 kari den sma disi „falsi apostel” tu. Sonwan fu den sma disi ben e ’taki sani di no tru èn den ben e hari den disipel kon na den baka’ (2 Kor. 11:4, 13; Tori 20:30). Bakaten Yesus prèise den Kresten fu a gemeente na Efeise fu di den ben sori taki den „no lobi ogri sma”. Den Efeisesma disi ondrosuku sani finifini èn den kon si taki den sma disi no ben de apostel trutru, ma leiman (Openb. 2:2). Na ini a di fu tu brifi di Paulus skrifi gi den Tesalonikasma, a gi den a rai disi: „We, mi brada, wi e taigi unu na ini a nen fu Masra Yesus Krestes, taki efu wan brada no e tyari ensrefi na wan fasi di fiti . . . un no musu bumui nanga en moro.” Baka dati a taki fu Kresten di ’no ben wani wroko’ (2 Tes. 3:6, 10). Sobun, efu den no ben musu bumui nanga lesi sma di no ben wani wroko, dan a no de fu taki dati den no ben musu bumui kwetikweti nanga sma di ben drai baka gi a bribi. Iya, te brada nanga sisa na ini a ten dati ben e bumui PISI 1 A WAKTITOREN—15 DECEMBER 2013 9 furu nanga sma di drai baka gi a bribi, dan a ben kan pori a bribi fu den èn fu dati ede den ben musu luku bun nanga den sma dati. Na so a de tu na ini a ten disi.—Odo 13:20. 9 Dei fu dei a bigi banawtu èn a kaba fu na ogri grontapu disi e kon moro krosibei. Dati meki den warskow di Yehovah gi sma na ini a fosi yarihondro de moro prenspari gi wi. Wi wani „tan hori na prakseri fu san ede” Yehovah sori wi bun-ati èn wi no wani lasi a grani fu kisi têgo libi, awinsi na ini hemel noso na grontapu (2 Kor. 6:1). Te wan sma e kon na den konmakandra èn a e suku fu hari wi kon na ini wan takimakandra di abi fu du nanga tori di Bijbel no e fruklari noso a e krutu den owruman nanga trawan na ini a gemeente, dan wi musu luku bun nanga so wan sma. —2 Tes. 3:13-15. 9. Fu san ede wi musu luku bun nanga sma di e fruteri fa den e si son sani di Bijbel no e taki fu en noso di e krutu trawan na ini a gemeente? 10 A WAKTITOREN—15 DECEMBER 2013 PISI 1 „TAN HORI DEN SANI DI UNU BEN LERI” 10Paulus ben gi den brada nanga sisa na Tesalonika deki-ati fu „tanapu kánkan” èn fu tan hori den sani di den ben leri. (Leisi 2 Tesalonikasma 2:15.) San na ’den sani di den ben leri’? Na den sani di Yesus leri sma èn den sani di Gado meki Paulus nanga tra sma skrifi. Paulus no ben e taki fu den sani di falsi kerki ben e leri sma. A moi fu si taki Paulus prèise den brada nanga sisa fu a gemeente Korente fu di ’den ben prakseri en ala ten èn den ben e tan du sani soleki fa a leri den’ (1 Kor. 11:2). Fu di den leri disi ben kon fu Yehovah nanga en Manpikin, meki sma ben kan frutrow den trutru. 11Na ini a brifi di Paulus skrifi gi den Hebrewsma a taki fu tu sani di ben kan meki taki wan Kresten lasi bribi èn taki a no tan dini Yehovah. 10. Na sortu leri den Kresten na Tesalonika ben musu hori densrefi? 11. San na tu fasi fa sma kan meki trawan kori den? PISI 1 A WAKTITOREN—15 DECEMBER 2013 11 (Leisi Hebrewsma 2:1; 3:12.) Paulus taki dati wan Kresten kan „drifi gowe” èn taki a kan ’hari ensrefi puru’. Te wan boto e drifi gowe fu syoro, dan yu no e si disi wantewante. Safrisafri a boto e gowe moro fara fu a syoro. Ma wan sma di e pusu wan boto gowe fu a syoro e du disi fu di ensrefi wani dati. Ala tu eksempre e sori san kan pasa nanga wan sma te a e meki trawan kori en èn te a e gi pasi taki a bribi di a abi na ini den tru tori fu Gado kon swaki. 12A kan taki na dati pasa nanga son brada nanga sisa na Tesalonika. Ma fa a de na ini a ten disi? Wan lo sani de di kan nyan wi ten. Prakseri omeni ten wan sma e lasi te a e taki nanga trawan tapu Internet, te a e sms, te a e du sani di a lobi du, noso te a de nomonomo fu luku ala sport nyunsu di de. Iniwan fu den sani disi kan puru a prakseri fu wan Kresten na prenspari sani èn a 12. San na wan tu sani na ini a ten disi di kan pori a bribi fu wi? 12 A WAKTITOREN—15 DECEMBER 2013 PISI 1 kan meki taki a no de fayafaya moro. San kan de a bakapisi? Kande a no e begi fayafaya moro, kande a no e studeri Gado Wortu moro, kande a no e go na den konmakandra moro, noso kande a no e preiki a bun nyunsu so furu moro. San wi musu du efu wi no wani taki sani bruya wi denki so esi? SAN KAN KIBRI WI FU NO MEKI SANI BRUYA WI DENKI? 13Wan prenspari sani di wi musu du na fu tan hori na prakseri na ini sortu ten wi e libi. Wi no musu frigiti tu san kan pasa efu wi e bumui nanga sma di e weigri fu bribi taki wi e libi na ini „den lasti dei”. Petrus ben taki fu a ten disi: „Spotuman o kon di o teki sani meki spotu. Den o du san den eigi takru lostu meki den du. Den o taki: ’A ben pramisi wi taki a ben o kon. Ma pe a de? We, sensi a dei di den afo fu wi dede, ala sani tan soifri soleki fa den ben de sensi di Gado bigin 13. (a) Fa furu sma ben o tyari densrefi soleki fa Bijbel taki? (b) San o yepi wi fu no lasi a bribi fu wi? PISI 1 A WAKTITOREN—15 DECEMBER 2013 13 meki sani’” (2 Petr. 3:3, 4). Te wi e leisi Bijbel ibri dei èn te wi abi a gwenti fu studeri, dan dati o yepi fu no frigiti na ini sortu ten wi e libi. A o memre wi taki wi de na ini „den lasti dei”. Bijbel ben taki dati sma ben o drai baka gi a bribi. A sani dati bigin langa ten pasa èn a e go doro na ini a ten disi. „A sma di e du kruktudu” de te now ete èn a e tan gens den futuboi fu Gado. Dati meki wi musu tan hori na prakseri taki a dei fu Yehovah de krosibei.—Sef. 1:7. 14Ondrofeni e sori taki wan prenspari fasi fa wi kan sorgu taki wi tan na ai èn taki sani no bruya wi denki so esi, na fu abi a gwenti fu preiki a bun nyunsu fu a Kownukondre. Krestes Yesus, na Edeman fu a gemeente, gi den bakaman fu en a komando fu meki sma fu ala kondre tron disipel èn fu leri den fu du ala san a taigi den fu du. Te yu luku en bun, dan a rai dati ben de fu kibri den (Mat. 28:19, 20). Efu wi wani du san a taki, dan 14. Fu san ede wi musu tan du a wroko fu Gado fayafaya? 14 A WAKTITOREN—15 DECEMBER 2013 PISI 1 wi musu preiki fayafaya. Yu denki taki den brada nanga sisa na Tesalonika ben preiki èn gi leri soso fu di den ben musu du dati? No frigiti taki Paulus ben taigi den: „No tapu a yeye fu Gado fu a wroko na ini unu. No si den profeititori leki soso sani” (1 Tes. 5:19, 20). Den profeititori di wi e studeri èn di wi e fruteri trawan na span tori trutru! 15A no de fu taki dati wi wani yepi wi osofamiri fu du a preikiwroko moro bun. Furu brada nanga sisa kon si taki den kan gebroiki ten fu na osofamiri anbegi fu luku fa den kan du a preikiwroko moro bun. Kande a bun fu taki nanga yu osofamiri fa unu o tyari gobaka na wan sma di wani sabi moro fu Bijbel. San unu o taki a tra leisi te unu go baka na a sma? Sortu tori unu o taki nanga a sma so taki a wani kon sabi moro? San na a moro bun ten fu go baka na a sma? Furu osofamiri e gebroiki ten fu na osofamiri anbegi fu 15. San na wan tu moi sani di wi kan du na a osofamiri anbegi? PISI 1 A WAKTITOREN—15 DECEMBER 2013 15 sreka densrefi gi den gemeente konmakandra, so taki den sabi fu sortu tori wi o taki na den konmakandra disi. Yu denki taki unu kan du moro muiti fu sreka unsrefi èn fu teki prati na den konmakandra? Te unu e du dati, dan un bribi o kon moro tranga èn disi o yepi unu fu no meki sani bruya un denki so esi (Ps. 35:18). Iya, na osofamiri anbegi o yepi wi fu no tweifri èn fu no kon nanga wi eigi denki te a abi fu du nanga tori di Bijbel no e fruklari. 16Te wi prakseri a fasi fa Yehovah blesi a pipel fu en na ini den yari di pasa èn fa a yepi den fu kon frustan den profeititori fu Bijbel moro bun, dan a de krin gi wi sortu moi blesi wi o kisi na ini a ten di e kon. Den salfuwan abi a howpu fu de makandra nanga Krestes na ini hemel. A no de fu taki dati disi o gi den a deki-ati fu no meki sani bruya a denki fu den! Den sani di Paulus tai16. San e gi salfu Kresten deki-ati fu no meki sani bruya a denki fu den? 16 A WAKTITOREN—15 DECEMBER 2013 PISI 1 gi den Tesalonikasma fiti den salfuwan trutru: „Wi musu taki Gado tangi gi unu ala ten, mi brada di Yehovah lobi, bika . . . Gado teki unu . . . di a gebroiki en yeye fu meki unu kon santa èn di unu ben bribi den tru tori di unu yere.”—2 Tes. 2:13. 17Den wan di abi a howpu fu libi fu têgo na grontapu musu du muiti tu fu no meki sani bruya a denki fu den so esi. Efu yu abi a howpu fu libi na grontapu, dan a bun fu teki a rai di Paulus gi den salfuwan na Tesalonika. (Leisi 2 Tesalonikasma 3:1-5.) Ibriwan fu wi musu sori taki wi e warderi den lobi-ati sani dati di a taki. Iya, den brifi gi den Tesalonikasma e warskow wi fu no kon nanga wi eigi denki te a abi fu du nanga tori di Bijbel no e fruklari èn fu no bribi sma te den e taki fu tori di musu meki sma tweifri. Fu di a kaba de so krosibei, meki wi leki Kresten musu breiti taki wi e kisi den warskow disi. 17. Sortu deki-ati yu e kisi te yu e leisi den sani di skrifi na 2 Tesalonikasma 3:1-5? PISI 1 A WAKTITOREN—15 DECEMBER 2013 17 Yu de klariklari fu du ala san yu man gi a Kownukondre? „Gado lobi a sma di e gi sani nanga prisiri.” —2 KOR. 9:7. DENKI DIPI FU DEN BIJBELTEKST DISI Fa ibriwan fu den tekst disi e yepi yu fu go luku fa yu kan du moro gi a Kownukondre? 1 Kroniki 29:9 1 Korentesma 16:1, 2 2 Korentesma 8:12 SMA de klariklari fu du ala san den man fu kan kisi wan sani di prenspari gi den. Papa nanga mama e gi den ten, moni nanga krakti fu yepi den pikin fu den. Yongusma di e du sport èn di wani teki prati na den Olempis Prei e wroko tranga èn den e oefen ibri dei omeni yuru langa. Den no kan go prei èn abi prisiri leki den speri fu den. Yesus srefi ben de klariklari fu gi ensrefi fu 1. San furu sma de klariklari fu du èn fu san ede? 18 A WAKTITOREN—15 DECEMBER 2013 PISI 1 man du san ben de prenspari gi en. A no ben suku fu kon gudu èn a no ben kisi pikin. Na presi fu dati a ben wani gi ala en krakti fu horibaka gi Gado Kownukondre (Mat. 4:17; Luk. 9:58). Den bakaman fu en sosrefi ben e du ala san den man fu horibaka gi a Kownukondre dati. A Kownukondre ben de a moro prenspari sani gi den èn fu dati ede den ben de klariklari fu gi densrefi (Mat. 4:18-22; 19:27). Dati meki a bun fu aksi wisrefi: ’San na a moro prenspari sani na ini mi libi?’ 2Wan tu prenspari sani de di ala tru Kresten musu du fu kan abi wan bun matifasi nanga Yehovah. Fu eksempre, den musu gi den ten nanga den krakti fu begi, den musu leisi Bijbel, hori na osofamiri anbegi, go na den konmakandra èn du a preikiwroko (Yos. 1:8; Mat. 28:19, 20; Hebr. 2. (a) Sortu prenspari sani ala tru Kresten musu du? (b) Fa son Kresten du ala san den man gi a Kownukondre? PISI 1 A WAKTITOREN—15 DECEMBER 2013 19 10:24, 25). Fu di wi e du muiti èn fu di Yehovah e blesi wi, meki a preikiwroko e go na fesi èn furu sma e tan go na „a bergi fu na oso fu Yehovah” (Yes. 2:2). Fu horibaka gi a Kownukondre, yu abi furu Kresten di e du ala san den man fu kan dini na Betel, fu yepi bow Kownukondre zaal nanga kongreshal, fu orga kongres noso fu yepi te wan rampu pasa. Aladi wi no de fruplekti fu du den sani disi fu kan kisi têgo libi, toku den sani disi musu du fu meki a Kownukondre wroko na ini a ten disi go na fesi. 3Noiti ete a ben de so prenspari leki na ini a ten disi fu du ala san wi man gi a Kownukondre. A moi fu si taki furu sma de klariklari fu gi densrefi. (Leisi Psalm 54:6.) Te wi e du disi, dan wi o de koloku aladi wi e wakti Gado Kownukondre Luku na artikel „Tyari ofrandi gi Yehovah nanga yu heri ati” na ini A Waktitoren fu 15 yanuari 2012, bladzijde 21-25. 3. (a) Sortu wini wi o kisi te wi e du ala san wi man gi a Kownukondre? (b) Sortu aksi wi musu go luku? 20 A WAKTITOREN—15 DECEMBER 2013 PISI 1 (Deut. 16:15; Tori 20:35). Ma wi alamala musu ondrosuku wisrefi finifini. Fa wi kan du moro gi a Kownukondre? Fa wi e gebroiki wi ten, wi moni, wi krakti nanga a koni di wi abi fu du wan sani bun? Nanga sortu sani wi musu luku bun? Meki wi go luku wan tu eksempre di abi fu du nanga ofrandi di sma ben tyari fu di den ben firi fu du dati. Den eksempre disi o yepi wi fu abi moro prisiri. OFRANDI DI SMA BEN TYARI NA INI OWRUTEN ISRAEL 4Efu wan sma na ini Israel ben wani kisi pardon fu sondu, a ben musu tyari ofrandi. Den ofrandi dati ben de fanowdu efu a pipel ben wani taki Yehovah feni den bun. Den ben de fruplekti fu tyari son ofrandi fu di Gado Wèt ben taki so. Ma tra ofrandi den ben kan tyari fu di den ben firi fu du dati (Lef. 23:37, 38). Den bron-ofrandi 4. Sortu wini den Israelsma ben o kisi te den ben e tyari ofrandi? PISI 1 A WAKTITOREN—15 DECEMBER 2013 21 fu den ben kan de leki wan presenti gi Yehovah. Wan okasi pe sma ben e tyari furu ofrandi gi Yehovah ben de na a ten di den gi a tempel fu Salomo abra na Gado.—2 Kron. 7:4-6. 5Fu di Yehovah na wan lobi-ati Gado, meki a ben sabi taki a no ala sma ben kan gi a srefi sani leki ofrandi. Dati meki a ben wani taki sma gi soso san den ben man. A wèt fu Yehovah ben taki dati a brudu fu wan meti ben musu kanti trowe. Disi ben o de ’wan skaduw fu den bun sani di ben musu kon ete’ nanga yepi fu en Manpikin Yesus (Hebr. 10:1-4). Ma Yehovah no ben de nomonomo taki na wán spesrutu sortu meti den ben musu tyari leki ofrandi. Fu eksempre, efu wan sma no ben man tyari wan skapu noso wan bokoboko leki ofrandi, dan a ben kan gi doifi èn Gado no ben o mandi nanga dati. Na so fasi srefi pôtisma ben kan prisiri fu tyari ofrandi gi Yehovah (Lef. 1:3, 10, 14; 5:7). Aladi Yehovah ben feni en 5. San Yehovah ben seti gi sma di no ben man gi so furu? 22 A WAKTITOREN—15 DECEMBER 2013 PISI 1 bun taki sma ben e tyari difrenti meti leki ofrandi, toku tu sani ben de di ibri sma ben musu du te a ben e firi fu tyari wan ofrandi leki presenti. 6A fosi sani na taki a sma ben musu gi a moro bun sani di a abi. Yehovah taigi a pipel taki ala meti di den ben tyari leki ofrandi ben musu de gosontu efu den ben wani taki Gado feni den bun (Lef. 22:18-20). Efu wan meti ben siki noso a ben abi wan mankeri, dan Yehovah no ben o teki na ofrandi dati. A di fu tu sani na taki a sma di ben tyari na ofrandi ben musu krin fu di a Wèt ben taki so. Te wan sma no ben krin, a ben musu tyari wan sondu-ofrandi noso wan pardon-ofrandi fu kon bun baka nanga Yehovah. Dan fosi a ben kan tyari wan ofrandi leki presenti (Lef. 5: 5, 6, 15). Disi ben de wan seryusu tori. Yehovah ben taki dati efu wan sma di no krin ben o nyan fu wan freide-ofrandi, di a ben tyari leki presenti, 6. (a) San na tu sani di ibri sma ben musu du te a ben e tyari ofrandi? (b) O prenspari a ben de fu du den tu sani disi? PISI 1 A WAKTITOREN—15 DECEMBER 2013 23 dan a sma dati ben musu dede (Lef. 7:20, 21). Ma te wan sma di krin na ini Yehovah ai ben o tyari wan ofrandi di no ben mankeri noti, dan a sma disi ben o abi bigi prisiri nanga wan bun konsensi.—Leisi 1 Kroniki 29:9. TYARI OFRANDI NA INI A TEN DISI 7Na ini a ten disi furu sma de klariklari tu fu du moro gi Yehovah èn a breiti nanga dati. Wi e kisi furu prisiri te wi e gi wisrefi fu yepi den brada nanga sisa fu wi. Wan brada di e yepi bow Kownukondre zaal èn di e yepi brada nanga sisa te wan rampu pasa, e taki dati a no man fruteri o furu prisiri a e gi en fu yepi sma na a fasi disi. A e taki: „Te mi e si fa den brada nanga sisa e prisiri èn fa den breiti nanga a nyun Kownukondre zaal fu den noso nanga a yepi di den e kisi baka wan rampu, dan mi sabi taki a wroko nanga a muiti di mi du no ben de fu soso.” 7, 8. (a) Fa furu sma e prisiri fu du moro gi a Kownukondre? (b) San wi kan gebroiki fu du moro gi Yehovah? 24 A WAKTITOREN—15 DECEMBER 2013 PISI 1 8Ala ten Yehovah en organisâsi na ini a ten disi suku okasi fu horibaka gi a wroko fu en. Na ini 1904 Brada C. T. Russell taki dati ibriwan fu wi musu du ala san wi man fu gebroiki wi ten, wi krakti, wi moni nanga tra sani fu meki Yehovah kisi glori. Aladi wi musu meki muiti fu du sani gi Yehovah, toku wi e kisi furu blesi (2 Sam. 24:2124). Wi kan gebroiki den sani di wi abi na wan moro bun fasi? 9Wi ten. A e teki furu ten nanga muiti fu vertaal èn druk den buku fu wi, fu bow konmakandra presi, fu orga bigi konmakandra, fu yepi brada nanga sisa te wan rampu pasa èn fu du furu tra prenspari sani. Ma wi abi soso wan tu yuru wan dei fu du ala den sani disi. Yesus gi wi bun rai fu yepi wi na ini a tori disi. Di a seni den disipel fu en go preiki, a taigi den fu no „brasa nowan sma fu gi en odi” (Luk. 10:2-4). Fu san ede 9. San wi e leri fu Lukas 10:2-4 te a abi fu du nanga a fasi fa wi musu gebroiki wi ten? PISI 1 A WAKTITOREN—15 DECEMBER 2013 25 a gi a rai disi? Wan Bijbel sabiman e taki: „Te wi e taki sma odi, dan a kan taki wi e boigi wi ede pikinso, noso taki wi e seki anu nanga a sma. Ma den sma fu den kondre fu owstusei no ben taki odi na a fasi dati. Den ben gwenti fu brasa sma wan lo leisi, fu boigi den ede èn srefi fu boigi nanga den fesi go na gron. Fu du ala den sani disi, ben teki furu ten.” Yesus no taigi den bakaman fu en fu no gi sma odi. Ma a yepi den fu si taki den no ben abi furu ten. Dati meki den ben musu du muiti fu gebroiki a ten dati gi den moro prenspari sani (Ef. 5:16). Wi kan a rai fu Yesus? Te wi e du dati, dan wi o abi moro ten fu horibaka gi a Kownukondre wroko. 10Wi moni. Furu moni de fanowdu fu horibaka gi a Kownukondre wroko. Ibri yari den brada e gebroiki milyunmilyun Amerkan dala fu pai 10, 11. (a) Fa den brada e gebroiki a moni di wi e gi leki bijdrage, fu horibaka gi a wroko di e du na heri grontapu? (b) Fa a rai na 1 Korentesma 16:1, 2 kan yepi wi? 26 A WAKTITOREN—15 DECEMBER 2013 PISI 1 gi den kostu fu kring-opziener, distrikt-opziener, spesrutu pionier nanga zendeling. Sensi 1999, moro leki 24.500 Kownukondre zaal bow na ini pôti kondre. Toku sowan 6400 Kownukondre zaal de fanowdu ete. Ibri mun den brada e druk sowan 100 milyun Waktitoren nanga Ontwaakt! Ala den sani disi den man du fu di yu e gi moni fu horibaka gi a wroko. 11Na apostel Paulus ben gi wi rai di e sori san wi kan du te wi wani gi bijdrage. (Leisi 1 Korentesma 16:1, 2.) Paulus ben gi den Kresten brada fu Korente deki-ati fu no wakti teleki a kaba fu a wiki, ma fu bosroiti na a bigin fu a wiki omeni moni den ben kan gi. Na so fasi den no ben o gi san tan abra fu a moni fu den. Neleki fa a ben de na ini a fosi yarihondro, na so brada nanga sisa na ini a ten disi e sreka sani na fesi, so taki den sabi san den man gi na a kaba fu a mun (Luk. 21:1-4; Tori 4:32-35). Yehovah breiti te sma e gi nanga den heri ati. PISI 1 A WAKTITOREN—15 DECEMBER 2013 27 12Wi krakti nanga a koni di wi abi fu du wan sani bun. Yehovah e yepi wi te wi e meki muiti fu gebroiki wi krakti nanga a koni fu wi fu horibaka gi a Kownukondre. A pramisi wi taki a o yepi wi te wi kon weri (Yes. 40:29-31). Yu abi a firi taki a koni di yu abi no bun nofo fu yepi nanga a wroko? Yu denki taki trawan de di betre moro yu fu du a wroko dati? Hori na prakseri taki Yehovah kan gi wi a koni fu du sani moro bun, neleki fa a ben du dati nanga Besaleyel nanga Oholiab.—Eks. 31:1-6; luku a prenki na a bigin fu na artikel na ini a Waktitoren di abi prenki. 13Yehovah e gi wi deki-ati fu du ala san wi man nanga wi heri ati (Odo 3:27). Di a pipel ben e bow a tempel baka, dan Yehovah taigi den Dyu na Yerusalem fu aksi densrefi san den ben e du fu 12, 13. Fu san ede son sma denki taki den no man gi Yehovah moro fu a krakti nanga a koni fu den, ma fa Yehovah kan yepi den sma disi? 28 A WAKTITOREN—15 DECEMBER 2013 PISI 1 horibaka gi a bow-wroko (Hag. 1:2-5). Den ben meki tra sani puru den prakseri èn dati meki a wroko fu Yehovah no ben de na a fosi presi moro na ini den libi. A ben o bun fu aksi yusrefi: A wani fu Yehovah na a moro prenspari sani gi mi? Kande yu musu go prakseri fa a de nanga yu libi. Aksi yusrefi: Fa mi kan du moro fu horibaka gi Gado Kownukondre na ini den lasti dei disi? DE KLARIKLARI FU GI SAN YU MAN 14Furu sma e libi na ini kontren pe a libi muilek srefisrefi noso pe sma pôti. Te den brada nanga sisa fu wi di e libi na ini den kondre dati e mankeri wan sani, dan na organisâsi fu wi e pruberi fu „yepi” den (2 Kor. 8:14). Ma srefi te brada no abi furu, den e feni en wan bigi grani fu gi san den man. Yehovah breiti te pôti brada nanga sisa e gi sani nanga den heri ati.—2 Kor. 9:7. 14, 15. (a) Fa na eksempre fu den pôti brada fu wi e gi wi deki-ati? (b) San wi musu angri fu du? PISI 1 A WAKTITOREN—15 DECEMBER 2013 29 15Na ini wan kondre fu Afrika di pôti srefisrefi, son brada nanga sisa e gebroiki wan pikin pisi fu den dyari fu prani sani di den e seri bakaten èn nanga a moni dati den e horibaka gi a Kownukondre wroko. Na ini a srefi kondre dati, den brada ben seti sani fu bow wan Kownukondre zaal di den ben abi tranga fanowdu. Den brada nanga sisa fu a kontren dati ben wani yepi nanga a wroko. Ma a bow-wroko ben o du na a ten te den ben musu prani gron. Toku den ben wani yepi bow a Kownukondre zaal. Dati meki den du a bow-wroko na deiten èn na mofoneti den go prani gron. Iya, a moi fu si fa den brada nanga sisa disi gi ala san den man. Disi e meki wi denki den brada fu Masedonia na ini a fosi yarihondro. „Den ben pôti srefisrefi”, ma toku den begi den brada fu yepi nanga a wroko di ben musu du (2 Kor. 8: 1-4). Meki wi srefi gi san wi man fu sori taki wi de nanga tangi gi den blesi di Yehovah e gi wi. —Leisi Deuteronomium 16:17. 30 A WAKTITOREN—15 DECEMBER 2013 PISI 1 16Ma te wi e du moro gi Yehovah, wi musu luku bun taki wi no e frigiti den moro prenspari sani, soleki wi osofamiri. Neleki fa den Israelsma ben musu sorgu taki Gado feni den ofrandi bun di den ben tyari leki presenti, na so wi srefi musu sorgu taki den sani di wi e du gi Gado, na sani di a feni bun. Wi musu hori na prakseri taki wi osofamiri nanga na anbegi fu wi na a moro bigi frantwortu di wi abi. Te wi e gebroiki wi ten nanga den sani di wi abi fu yepi trawan, dan disi no musu meki taki wi no man yepi wi osofamiri fu abi wan bun matifasi nanga Yehovah èn taki wi no man sorgu den. Efu wi ben o du dati, dan yu kan taki dati wi e gi Gado san wi no abi. (Leisi 2 Korentesma 8:12.) Boiti dati, wi musu tan tranga a matifasi di wi srefi abi nanga Yehovah (1 Kor. 9:26, 27). Ma wi kan de seiker taki te wi e du san Bijbel taki, dan den sani di wi e du gi 16. Fa wi kan sorgu taki den sani di wi e du gi Yehovah, na sani di a feni bun? PISI 1 A WAKTITOREN—15 DECEMBER 2013 31 Yehovah o gi wi furu prisiri èn a o feni den bun. YEHOVAH E WARDERI EN TE WI E GI WISREFI 17Furu brada nanga sisa fu wi e ’gi densrefi leki wan dringi-ofrandi di kanti trowe’ fu di den e horibaka gi a Kownukondre wroko (Fil. 2:17). Wi abi furu warderi gi den sma di sori taki den de klariklari fu gi densrefi. Den wefi nanga den pikin fu den brada di e teki fesi na ini a Kownukondre wroko, e sori taki den de klariklari fu gi densrefi nanga den heri ati. Wi wani prèise den gi dati. 18Wi musu wroko tranga fu horibaka gi a Kownukondre. Meki wi alamala begi Gado fu yepi wi fu go luku san wi kan du moro fu horibaka gi a wroko. Yu kan de seiker taki wi o kisi bigi blesi now èn moro bigi blesi „na ini a ten di e kon”.—Mark. 10:28-30. Go na www.jw.org/srn noso scan a code disi 32 A WAKTITOREN—15 DECEMBER 2013 wlp13 12/15-SR-1 130827 17, 18. Fa wi e si den sma di de klariklari fu du ala san den man gi a Kownukondre èn san wi alamala musu go luku?