Transcript
pdf
La Quotidiana, 15-07-2005, p. 06 6 SURSELVA VENDERDI, ILS 15 DA FANADUR 2005 Cucheras per contemplar il misteri da la vita Prest ord stampa: Poesias da Barbara Gaugler e da Daniel Monn ■ (anr/vi) L’emna proxima vegn «Teisser reits da plaids» da Barbara Gaugler e da Daniel Monn ord stampa. Il nov cudesch porscha poesias tudestgas cun versiuns sursilvanas. La poesia rumantscha è savens pli lomma e neidia che la versiun originala. «Teisser reits da plaids» è in titel poetic. Igl è in titel che descriva bain la lavur da la liricra Barbara Gaugler e dal translatur ed autur Daniel Monn. Las tailas ch’els taissan èn pitschens maletgs da la vita – maletgs che descrivan sentiments cun precisiun surprendenta. Ils 20 da fanadur prelegian Gaugler e Monn en la Casa Caltgera a Laax ord il nov cudesch. Patratgs che fan bain «Las poesias ed ils maletgs èn per mai sco cucheras per contemplar e meditar il misteri da la vita», scriva Monn da las poesias da Gaugler en il preavis. El haja gì la chaschun d’udir pliras prelecziuns da Gaugler. «Sia verva ha tschiffà mai. Ses texts èn fitg concis en in stil gigin che sa restrenscha a l’essenzial.» Ils patratgs fetschian bain ad ins. Els sajan profunds e porschian ina buna basa per meditar. Per quest motiv ha Monn gì gust d’exprimer ils poems da Gaugler en sia lingua materna. Monn ha tessì ils patratgs da Gaugler sin ses taler rumantsch. Las raits ch’i ha dà han plaschì uschè bain a l’autura ch’ella ha vulì publitgar las poesias rumantschas ensemen cun las versiuns originalas. Il resultat è ina collecziun da var tschuncanta poesias, mintgina tessida en rumantsch e tudestg. Lingieradad rumantscha Las versiuns rumantschas paran pli ruassaivlas. Quest’impressiun po avair da far cun la scripziun pitschna dal rumantsch, ma forsa era cun la sonoritad dal sursilvan. Sch’ins cumpareglia las poesias rumantschas cun las tudestgas croda era en egl: Monn ha verbalisà bleras sequenzas. Uschia daventan las lingias pli lingieras e miaivlas, ellas cuntegnan bunamain dapli vita che las lingias tudestgas cun ils substantivs statics e sterics. Ma simpel n’èsi segir betg stà per La via denter Lumbrein e Surin vegn serrada ■ (pocha) Pervia da lavurs da manteniment sto la via cantunala denter Lumbrein e Surin, naven dil spartavias Via lumneziana – Sietschen, km 0.00 – 0.70, vegnir serrada per scadin traffic naven dils 18 da fenadur entochen ils 5 d’uost, mintgamai da gliendisgis allas 07.30 tochen venderdis allas 12.00. In detur sur S. Andriu – Farglix – Sietschen ei signalisaus. ■ SALMIRA Murgnac Carmalar hosps e tener pétg alla concurrenza ei igl a ed o da mintga organisaziun turistica. Ina premissa impurtonta dil success ein creativitad, innovaziun e fantasia. L’organisatura dil kino sut tschiel aviert a Laax, l’Arena dallas Alps, para dad esser alla tscherca da quellas qualitads. Duront in entir meins, naven dad oz tochen miez uost, san ins mirar mo films americans. Ni films talians, tudestgs, franzos, engles ni spagnols paran dad esser creativs e buns avunda pils da Flem-Laax-Falera. Spel Lag Grond vegn il publicum secapescha proviantaus cun fast food e conventional food. Quei nutriment cuntegni bia proteins e vitamins che promovien il patertgar innovativ e creativ. *** Il project Ruinaulta para sin buna via, silmeins tenor la sera d’orientaziun che ha giu liug dacuort. La planisadra Madeleine Grob ed il meinaproject Josef Sauter han explicau ils pigns e paucs problems ch’ein aunc da sligiar. Duas uras han els investau persuenter. La delegaziun dalla vischnaunca da Flem – che stuess pagar il pli bia vid il project – era buca presenta. E cullas suprastonzas da Schluein, Castrisch e Sagogn, vitier aunc culla Pro Natura, ston Grob e Sauter aunc s’entupar per litgar groma e sligiar problems. Pli gitg che duas uras. *** La Ruinaulta duei daventar ina nova marca turistica. Tenor il concept ei il plaid romontsch «Ruinaulta» buca da responsar, el associeschi memia fetg culs plaids tudestgs «Ruin» ed «alt», motivescha il specialist da marketing. Alla tscherca dalla noziun adattada ha el fatg tests da capientscha alla staziun da Cuera. Sia sligiaziun ultimativa ei da Monn. Gaugler sa serva era da pleds che n’existan betg en il mintgadi rumantsch, p. ex. «Brandung», «Gestrandeter», «Gezeiten», «Strandgut». Monn ha dumagnà nà era tar talas expressiuns ina translaziun persvadenta. Ord «Brandung» ha el fatg ina «unda furibunda» e «Strandgut» è daventà «rauba da naufragi». La versiun rumantscha regorda savens a las poesias da Tresa Rüthers-Seeli. Sco Rüthers dovra era Monn respectivamain Gaugler be paucs e simpels pleds per evocar in maletg da vita cler e pulpì. Duas biografias Il nov cudesch è gia la sisavla publicaziun da Barbara Gaugler-Straumann. Ella è naschida il 1928, ha emprendì da bibliotecara ed è sa scolada pli tard sco psicologa, grafologa e psicologa d’uffants. Sco cunterpais a la lavur analitica scriva ella poesias e malegia. Il 1988 è cumparì l’emprim cudesch da poesias da Gaugler. «Wortnetze weben / Teisser reits da plaids» è il sisavel cudesch. Daniel Monn-Brassel è naschì il 1962 a Mustér. El ha studegià teologia e rumantsch a Friburg. Da preschent è el lavurer pastoral a Turitg. Monn è stà redactur da la «Talina» ed ha gidà a parturir la gasetta da giuventetgna «Punts». En la «Litteratura» ha Monn era gia publitgà atgnas poesias. Barbara Gaugler-Straumann, Daniel Monn: «Wortnetze weben / Teisser reits da plaids». Chasa editura Offene Szene Literatur (OSL). 144 paginas. 19,50 francs. Basilea 2005. ISBN 3-9523004-2-X. La prelecziun dals 20 da fanadur en la Casa Caltgera a Laax cumenza a las 20.00. Poesias ord «Teisser reits da plaids» En mintga daguot rugada cupidan juvels dil mument * Ier hai jeu piars ina poesia plaids da veider dil tuttafatg transparents nunpussaivel d’anflar * Cristaglia sesereina ord la direzia dil grep en fladadas immens liungas sefa la transformaziun ■ CAMP CADI I Excursiun a Saas Fee Igl avonmiezdi han tuts luvrau pruamein vid il project. Ei entscheiva plaunsiu a survegnir fuorma. Suenter in bien furtem parler ed ina prima petta essan semess sin via encunter Saas Fee. Tgi che ha vuliu ha saviu ir cun la «Rodelbahn». Quella Rodelbahn ei 1 km liunga. Suenter ein tuts affons aunc i in tec a spazergiond per Saas Fee entuorn. Ils menaders han gudiu in bien caffè ed il sulegl sin ina terrassa, ed aschia saviu serevegnir dils strapazs dils davos dis. Ils affons eran empau trumpai ch’ei han per negin prezi anflau in H&M, Mediamarkt, Manor etc. Ei han stuiu secuntentar mo cun stizunettas da souvenirs. Suenter quei bi suentermiezdi eran tuts motivai dad ir a pei encunter casa nua ch’ina buna tscheina spitgava sin nus. Suenter tscheina ha sur Benny fatg il survetsch divin ch’el haveva preparau ensemen culs affons. Per vegnir staunchels havein aunc fatg suenter entgins giugs. Informaziuns detagliadas mira sut www.campscadi.ch Menadras e menaders vender la Ruinaulta cul num «Die Rheinschlucht». L’idea revoluziunara dil marketing ei schi sempla: Leni Vinzens, l’ustiera da Luven che vul per exempel far reclama en Tiaratudestga per ses capuns, va alla staziun da Cuera e damonda diesch Tudestgs tgei ch’els capeschien meglier: «Bündner Oberländer Fleischklösschen» ni «capuns sursilvans». *** Golf Sagogn-Schluein ei sut la marella dils ecologs. Els veglien pli bugen scatschar il carstgaun ord la cuntrada che unfrir ils utschals che vivien ella paliu e sillas gravas dil Rein. Sco quei ch’ins ha udiu, veglien ussa ils presidents communals Adrian Maissen e Flurin Panier organisar e menar questa stad in camp d’aventura ella paliu ed alla riva dil Rein. Uaffens ed isaglia speciala sco lontschas e reits s’audan tier igl equipagi dils aventuriers. *** Finalmein. Igl uors gida ils paupers schurnalists ord la ruosna da stad. Gest uss, cura che nuot marscha pli, s’avischina meister péz als cunfins grischuns. Aunc avon enzacons onns savev’ins silmeins sefidar dil luf, mo quel ni seregheglia ni semuossa pli. Ni ch’el ei gia s’integraus aschi bein che negin fa pli stem dad el. *** In comite da retscheviment pigl uors ei gia seconstituius. Anita Mazzetta hagi seschau eleger alla testa da quella delegaziun. Ella hagi denton tschentau la cundiziun d’astgar trer ils fils da Cuera ano. Quei hagi da far nuot cun tema digl uors. Ella mondi buca schi bugen ellas regiuns. Cun empau distanza vesi ins semplamein las caussas pli objectiv. Plaunsiu survegnan las figuras ina fuorma. MAD 150 cavals a Flond Pcd giuvna dil Grischun a Laax ed a Glion La gronda concurrenza da cavalcar dalla Surselva ■ (cp) Sonda proxima, ils 16 da fenadur 2005 rimna la pcd giuvna dil Grischun suttascripziuns per sia iniziativa cantunala per in fondo d’innovaziun per il Grischun. L’iniziativa pretenda che projects innovativs ed extraordinaris vegnien susteni cun il capital agen danvonz che la Banca Cantunala Grischuna vegn a pagar anavos al cantun. Naven dallas 9.00 – 10.00 vegnan enzacons commembers dalla pcd giuvna dil Grischun ad esser en vischinonza dalla posta a Laax e dallas 10.30 – 12.00 sper il bogn aviert a Glion. Els selegran da presentar lur iniziativa a numerusas Grischunas e numerus Grischuns. Ils formulars d’iniziativa san era vegnir retratgs online sut www. jcvp-gr.ch. ■ (cp) Damaun sonda e dumengia ha liug a Flond il pli grond eveniment da cavalcar dalla Surselva. Igl organisatur Fabien Walder e sia squadra envidan al turnier cun pliras attracziuns e 150 cavals. Il turnier vegni uonn ad esser la pli gronda manisfestaziun da cavalcar dalla Surselva, communicheschan ils organisaturs. Fabien Walder, possessur dalla stalla e scola da cavalcar a Flond, quenta cun rodund 400 visitaders. Per la partenza alla concurrenza seigien uonn 150 cavals e cavalcaders annunziai. En cerchels da cavalcaders ha il turnier da Flond contonschiu in oreifer bien num. En ina revista da cavalcar dalla Bassa vegn el titulaus sco «attractiva concur- renza da siglir sill’alp». Flond en Surselva vegn perinagada ad esser il center dils cavalcaders dalla Svizra orientala. Als 150 cavalcaders e cavals che separticipeschan carmalan l’atmosfera generala dil turnier, la cuntrada cun vesta sils Cavistrai ed il Péz Durschin e las attracziuns da siglir. Sper las concurrenzas sportivas porscha «Flond» presentaziuns cun cavalcaders inschignus, cavalcar sin ponis, differentas shows cun cavals e sco attracziun speciala la cuorsa d’obstachels cun carr e cavagl. Il turnier da cavalcar a Flond entscheiva la sonda da miezgi e cuoza tochen la dumengia suentermiezgi. Access alla plazza naven dalla casa da scola.