ho keteka khalalelo - Church of the Nazarene Africa Region
Transcript
ho keteka khalalelo - Church of the Nazarene Africa Region
HO KETEKA KHALALELO MATLA A TSOHO POWER THAPELORESURRECTION EA HO TLOHA KA PASEKA HO FIHLELA KA EASTER TO PENTECOST PENTEKONTA DEVOTIONS KEREKE EA NAZARENE – TIKOLOHO EA AFRIKA 2 E Ananetsoe Ke Africa Region Kereke Ea Nazarene Pilungoane 2011 bakeng sa KETEKELO EA KHALALELO EA 2012 Ho Tsoa Tikoloho ea Eurasia HO QALA BORUMOUA ba Kereke Lisebelisuoa bakeng sa kholo ea motho kamong 3 LIHLOOHO: KAROLO 1: MOKHOA OA HO BA LE NAKO EA THAPELO 5 KAROLO 2: TSOHO, THAPELO EA HO TLOHO KA PASEKA HO FIHLELA KA PENTEKONTA 10 LITLATSETSO MATLA A TSOHO BEKE EA PELE 13 Lipotso tsa tlatsetso BEKE EA BOBELI 19 Lipotso tsa tlatsetso BEKE EA BORARO 26 Lipotso tsa tlatsetso BEKE EA BONE 32 Lipotso tsa tlatsetso BEKE EA BOHLANO . 39 Lipotso tsa tlatsetso BEKE EA BOT’SELELA 45 Lipotso tsa tlatsetso BEKE EA BOSUPA 52 Lipotso tsa tlatsetso 4 MOKHOA OA HO BA LE NAKO EA THAPELO Ka Dr Richard J Krejcir Thutong ea lona ea lefats’e lohle www.churchleadership.org 5 MOKHOA OA HO ETSA NAKO EA HO IKHUTSA QALEHO: Mokhoa oa ho atamela pelo ea Molimo ka ho haha likamano tse tebileng le Molimo Buka ea pele ea Petrose e bua ka boikokobetso, bo hlalosoang e le tabatabelo ea ho hola ho Kreste, ho fumana thuto, le ho fumana kholo. Litsela tse peli tseo u ka etsang tsena ka tsona ke ho ba le nako ea thapelo u le mong le hoba karolo ea sehlopha se senyane sa boithuto ba Bibele. Petrose o re bolella hore re lokela ho ikokobetsa e mong ho e mong e le hore re tsebe ho ba le mohau oa Molimo, re se ke ra ba bahanyetsi ba Molimo. La bobeli o re re ikhethele ho ikokobetsa, e seng feela ho batho ba bang empa le ho Molimo. Hona ho hlakile. Hona ho bohlokoa hore u be mokreste, le kereke e hlohonolofetseng le ho ba mokreste le kereke e holang, e seng ka palo empa linthong tse bohlokoa tsa borutuoa, e leng ho it’setleha, ho ithuta, ho hola Kresteng, ho etella pele mekhoeng ea bophelo ba khumamelo! Nka matlafatsa nako ea ka ea ho ba le Molimo oa rona hore ke be mokreste ea tebileng, ea holile joang? Likhothatso tse robong ke tsena tse tla u tataisa hore u be tseleng e nepahetseng. A. Sehlohlolo: Elelloa moo u leng teng semoeeng (Liketso22:8-10; Baefese2:13), ‘me u rere moo u batlang ho ea teng. Etsa thloro ea hau, u be u e utloisise. Tlhoro ea hau e tlameha e phethehe, ke hore e phethehe ho Kreste.(Bakolose1;28), kapa ho e bua ka mantsoe a mang, ho ba mokreste ea holileng e le kannete, motho eo katamelo ea hae le liketso tsa hae li t’soanang le tsa Kreste(Baefese4:13). U hokae semoeeng ‘me o hloka ho ea kae? E seng hore feela na u batla ho ea kae, empa hape Molimo o u bilelitse ho ea kae? B. Tsoelopele: Utloisisa hore ho na le tsoelopele (Lipesalama16:11; 73:28; Liprovobia16:9; Baheberu11:1-6) e ntseng e etsahala. Ha e etsahale ka bosiu bo le bong, hape u keke oa e fumana ka botlolong, kapa ka ho lula setulong. Tsoelopele ke e ‘ngoe ea lisebelisuoa tsa kholo. E kenyelletsa ho nt’setsa pele leeto la hore na qetello e hlokahalang ke efe. Ke ntlha ea bohlokoa ea ho fihlela tlhoro ea hau, ho nka nako ea hao u le mong, tsatsing le leng le le leng le Molimo. Ka lebaka lena, tsoelopele ea leeto e bohlokoa ka ho t’soana haeba ha se ho feta qetello ea leeto, hobane leetong la rona rea ithuta ebile rea hola! Ha re ka fihla torong ea rona ka bobebe feela re sa sokola ho fihla moo, re ke ke ra teba, ra matlafala kapa ra hola! Etsa bonnete ba hore sehlohlolo sa hao se t’soana le sa Molimo kapa ke teng moo Molimo a u hlokang teng. Ha rea lokela ho lumella boikutlo ba rona le boikhohomoso ba rona ho fifatsa litsela tsa Molimo. C. Rala: Rala pele ho nako (Esaia26:3; Mareka1:35). Hona ha ho itlhahele feela, u tlameha ho rala nako ea hao ea thapelo e le hore e tle e atlehe. U ka fumana mekhoa e mengata e hlophisitsoeng ea ho rapela libukeng tsa pokello tsa bakreste kapa oa lula fat’se ka sontaha, oa etsa qeto ea hore na u tla ithuta lirapa li feng kapa likhaolo li feng boleleleng ba beke. Ho etsa sena ho tla u thusa hore u qobe bothata ba ho qeta halofo ea nako ea hao ea boithuto e le hona u ntseng u khetha hore na u batla ho ithuta kae. U ka nna oa sebelisa likarete tsa boithuto ba Bibele, libuka tsa thapelo ea boikhutso kapa tataiso tse se ntse li hlophisitsoe empa u se ke oa ikakhela feela. U tla ithuta tse ngata u be le boitsebelo ba hao, ha u ka rala. D. Sehlooho: Kenya thapelong ea hao lihlooho tse fapaneng empa tse nang le moelelo o t’soanang (Lipesalama16:8-11) boithutong ba hao. Khoeli e le ‘ngoe u ka nna oa ithuta Epistole kapa u ka nna oa nka 1Samuele kapa u ka nna ua khutlela Testamenteng e ncha ua ithuta ka serapa sa thuto joaloka Baroma. E be ka morao u khutlela ho baporofeta ba banyane joaloka Joele. Leka ho ithuta Bibele kaofela ha eona boleleleng ba selemo, kapa tse peli ha ho thoe u hlotsoe. U se ke ua ithuta karolo e le ‘ngoe feela, e ba u so shebane le liepistole feela, hape u se ke ua tlola Testamente ea khale, hobane u ke ke oa utloisisa Testamente e ncha u sa tsebe ea khale. Se ke ua sebelisa moralo o t’soanang selemo le selemo. Fetola maoa, u sebelise e meng e mecha. Etsa ho t’soanang le ka libuka tsa hao tsa boithuto, u litsoake. Ha u na le e ntle joaloka “Tlhoro ea ho tseba 6 E. F. G. H. I. boholo/bophahamo ba hae” e sebelise selemo e be u nka e ‘ngoe, e be u khutlela ho ea pele selemong se hlahlamang. Ha re tsepamisitse maikutlo n’ga e le ‘ngoe ho fete tekanyo, thuto e tla qetella e etsoa hore u ipatlele thoriso e be u ba le tloaelo e seng nako le Kreste. Tsepamisa maikutlo: Khetha nako tsatsi le leng le le leng eo u tla tsepamisa maikutlo kholong ea hao (Lipesalema119:130; Esaia42:16; Johanne4:23-24; 15)’me joale u e etse ntlha ea pele ea bohlokoa. Ka ho etsa joalo u tla tseba ho “etsa” ka lerato la ka matla. Lumella Kreste ho u fetola ka lentsoe la hae. KATAMELO e bohlokoa. U tlameha u qale ka katamelo e nepahetseng u ea ka pel’a Molimo ea halalelang!!! Ho hotle ho qeta boholo ba nako ea hao u ithuta u ntse u shebana le litemana tse ‘maloa,e seng e be u matha ka har’a lirapa tse ngata. Sena se tla u thusa ho tsepamisa maikutlo. Iketsetse molemo ka hore u ngole fat’se u tle u boloke seo u ithutileng sona, u ngole lipotso fat’se, e be u botsa batho bao u ithutang ho bona. Ho tlatsetsa u ka nna behella letsatsi le le leng bekeng ka thoko e be ha u ithute joaloka mehla, e be u bala khaolo e le ‘ngoe kapa tse peli ho tsoa mangolong kapa lirapeng tse fapaneng, u se ke oa ngola letho. Tsela e ‘ngoe le e ‘ngoe feela eo u tla e khetha, lula u tsepamisitse maikutlo, u se ke oa kheloha moralo, u se ke oa ithuta ho feta tekanyo. Lisebelisuoa:fumana lisebelisuoa tse ntle ka hohle kamoo u ka khonang,reka Bibele e ntle (Baefese 4:1-3) e ngotsoeng ka phetolelo eo u tla e utloisisa,joaloka Bibele eaPhetolelo ea Bophelo Bo Bocha“New Living Translation”,ela hloko ho sebelisa Bibele ea hao boithutong.Ke rata Bibele ea “Reformatoin Study Bible”.Boithutong ba bohlokoa sebelisa NIV kapa NASB kapa NKJV.Libuka tse ntle tsa boithuto ke “Tlhoro ea ho tseba bophahamo ba hae”ea Chambers,le Bosiu Ka Bosiu ea Spurgeon.U ka nna oa fumana buka e sebelisoang linthong tse amanang le likamano tsa hao le Molimo le balumeli ba bang ‘me u ka oa ngola fats’e seo u ithutileng le lipotso tseo u nang le tsona. Sebaka: khetha sebaka se khutsitseng (Luka 5:16) moo u tla ithutela u lokolohile ho se na lits’itiso.Tlosa tsohle tse ka u ferekanyang.Koala li kharetene, koala monyako,tima TV le seea le moea,tlosa bohlasoa tafoleng ea hau,nts’a fono ho uena, hape u koalle katse ka kamoreng eo ho hlapeloanng kapa sohle seo o ka se etsang.U tla khona ho tsepamisa maikutlo ‘me u be le nako e ntle le Molimo.Nka taba ea ho kopana le Molimo e le ea bohlokoa haholo. Nako: khetha nako e nepahetseng e ntle (Baefese 2:18) khetha nako ea thapelo ea hao,ha u hlile u le maemong a nepahetseng.Ka mehla,hoseng ke nako e ntle,hobane kantle ho sa khutsitse hoseng.Haeba ha u motho ea tsohang hoseng,e etse ha u le sehlahlo haholo.Fa Molimo se betere sa hau.Khetha “x’metsotso ea ho ithuta le “y” metsotso ea ho rapela,ikemisetse ho chencha ha moea o o tataisa nakong ena!Haeba u motho ea sa khoneng ho nka nako e telele joaloka nna ,e etse hanyane ka hanyane boleleng ba Letsatsi mohlomong,u ka bala Testamenteng ea khale hoseng,e be u bala serapa Testamenteng e ncha ka tinare,e be u balla boithuto le ho le kenya ts’ebetsong borapelli pele u roabala.Hopola,hore nako ena ea halalela, ‘me ho bolela hore e beetsoe Molimo feela.Haeba u rapela ka moralo le ka nako ea hao feela,ho tla ba le sebaka se senyane haholo sebakeng sa Kreste.Moralo ke sesebelisoa sa kholo ha se kholo ka bo bona. Arola: seo u ithutileng (Lipesame 55:14, Mattheu 18:20; Baroma 12:2, 2 Bakorinthe 12:18).Re ithuta ka ho etsa le ka ho arolelana seo re se fuoeng sebakeng sa rona le bang, ke mpho etsoellang pele ho re fa, ha re ntse re fana re bile re thusa ba bang! Pelo e ikemiselitseng, moea o rutehang, boikemisetso le ho fumaneha ho arola li bohlokoa ho barutuoa ba Morena oa rona! Ho tsoa lintlheng tsena tse robong, re hlokomela hore ho tsoa semelong sa Kreste ho tla tsoa katamelo ea hae, ha re khetha ho mo latela. Ka lebaka lena lintlha tsena tseo re lokelang ho tsamaea ka tsona Letsatsi le leng le leng ho re tsamaisa boits’oarong, litla susumetsa ba bang ‘me li hahe semelo sa rona. U sitoa ho ba moetapele moo u so kang u ba teng. Ke lebaka lena borutuoa bo leng bohlokoa lintlhenng tsa ho ba mokreste. Re bitsitsoe e seng feela ho tla bona kapa ho tseba borutuoa, empa ho bo etsa. Motho a ke ke a nahana ka lijo feela e be o se a khora. Lisebelisoa tsa ho pheha li lokela ho bokelloa e be hoa phehoa,’me ka mora mona ke hona joale ho ka jeoang. 7 MOKHOA OA HO ETSA NAKO EA HO IKHUTSA Mokreste ea batlang ho teba le ho hola,le kereke e batlang ho atleha,ba nka mangolo le pitso ea Molimo e le lintho tsa bohlokoa ‘me e be ba li Kenya ts’ebetsong ea maphelo a bona. Tsebeliso: maikutlo a mang a ka eloang hloko ka ho Kenya ts’ebetsong nako ea boithuto: A. U ke ke oa itsebela ka ho phethahala bohlokoa ba nako ea thapelo le boithuto ho fihlela u itloaetsa ho Kenya ts’ebetsong seo u ithutileng sona. Ithute ka ts’epo ea hore Molimo o tla u fa mokhoa oa ho Kenya ts’ebetsong tsohle. Joale ikemisetse ho Kenya seo ts’ebetsong kantle ho letsoalo le ts’tiso ea letho. Lumella ts’epo ea hao ho Kreste hore e be e tiileng ‘me u e kenye ts’ebetsong. B. Etsa hore seo u se kenyang ts’ebetsong se be le tekanyo. Nahana ka hore na ke mang,ke eng,e hokae,neneng,joang le hobaneng .Mohlala “Ke tla qala ho bonts’a lerato la bohaisane ka hore ke mo botse hore na ho na le ntho eo nka mo thusang hore ke mo tlele le eona shopong nakong e tlang ha ke ilo reka.” C. Ka nako e ‘ngoe u tla fumana mekhoa e mene kapa e mehlano e khethehileng eo seratsoana seo u ithutileng sona se ka sebelisoang ka teng.Ho bohlokoa ho khetha tsela e le nngoe eo u tla e sebelisa ho tsoa lentsoeng letsatsing leo e be oa e etsa. Ha u ka batla ho Kenya ts’ebetsong mekhoa eo e mengata u tla ferekana e be ha u atlehe. Ha u sa khone ho etsa khetho, sebelisa mokhoa oa pele kapa oo u hlokang thuso e khethehileng ho ona. D. Etsa hore mokhoa oa hau oa ho Kenya lintho ts’ebetsong e be o mokhuts’oanyane joaloka lintho tseo u tlang ho li etsa ka Letsatsi kapa ka beke. Ha nako e lokela Molimo o tla u fa tsela ea ts’ebetso eo u tla hloka nako e telele ho e sebetsa. Ha sena se etsahala, thaba ‘me u tlotlise Molimo hobane sena se tla u haha. Ka mokhoa o ts’oanang, tsoelapele ho sebetsa le ho Kenya tsebetsong lintho tsa nako e khuts’oanyane. Li nke e le mehato ea ngoana ea ithutang ho tsamaea ‘me ka mora nakoana, mehato eo e tla fetoha lebelo. Lumella Molimo ho etsa mosebetsi o mocha letsatsi le letsatsi, ‘me u lebohe hore e be o batla ho sebetsa ka uena. QETELLO Ho na le mekhoa e mengata eo re ka ithutang Bibele ka katleho ka eona. Ha ho na mokhoa o nepahetseng ho feta e meng. Bakreste ba bangata ba nahana hore ba tla hola ka ho lula setulong ba buletse seealemoea, TV kapa ba be le boitsebelo hobane feela e le bakreste. Sena ha se etsahale. Ena ha se eona tsela e ka fetolang maphelo a rona. U keke oa hola moeeng oa ba oa teba kantle le hore u nke khato joaloka ha u keke oa ea lebenkeleng eaba u ema moo ho rekisoang eaba u fetoha cucumber. Hore re be bakreste ba holileng,re lokela ho bala re be re kene ka hare ho lentsoe la Molimo ka borona. Sena re se etsa ka thapelo ,ho sebetsa ka thata,borutuoa,ho tsepamisa maikutlo,ho Kenya lintho ts’ebetsong le ho rapela khafetsa. Nkela taba ena pelong. Jesu a ke ke a re motho a etse ntho e be ha a mo fe matla a ho etsa seo. Lumella sena hore e be khothatso ea hao(Mattheu 28:20).Hopola hore Molimo oa u rata ‘me u u batlela tse ntle feela. Tsela ea hae e nepahetse kamehla ‘me re lokela ho ba le eena le hoba le khopolo ea bophelo bo sa feleng mehopolong ea rona ,e seng re be le boikutlo le litakatso tse felang. “Motho ea busoang ke botho ba hae ha a amohele tsa Moea oa Molimo,hobane ho eena tseo ke bothoto. Le ho li tseba a ke ke a li tseba,hobane li hlalohanngoa ke moea o halalelang feela.Motho ea nang le Moea o halalelang o hlalohanya tsohle,athe eena ha ho ea ka mo ahlolang.”(1 Bakorinthe 2:1415) 8 Mangolo ao e leng taelo a buoang ka borutuoa le bolateli ba Kreste ao e seng khetho,a lokela hore a eloe hloko joaloka: liprovebia 18:24,Mattheu 7:18-24;10:1-42;19:28-30;28:16-20;Mareka1:1-5;1:352:12;Luka 9:23-25;48;Luka 14:26-27;Johanne8:31;12:20-26;14:15:1Johanne5:3;Baroma 12;1Bakorinthe3:5-11;Bagalata 6:1-10;2Timothea2:7;1Petrose3:15. 9 MATLA A TSOHO Thapelo ea ho tloha paseka ho fihlela pentekonta Gary Moore Mangolo a nkuoe ho tsoa Bibeleng e halalelang le Bibeleng ea phetolelo 10 MATLA A TSOHO TLATSETSO Tikoloho ea Afrika e khothaletsa thapelo ena le boithuto hore e be ba malapa. Lelapa ke sehlopha sa mantlha se senyane ‘me le tla kotula tse molemo thutong ena. Batsoali ba khothaletsoa ho kenyeletsa bana le bacha lipuisanong. Ka ho etsa sena re fana ka lipotso tsa tlatsetso tsa letsatsi le letsatsi qetellong ea boithuto ba beke. Sepheo ke ho khothaletsa puisano e tloaelehileng ka hohle hohle e le ho qoba bothata ba ho shebana le batho ba lilemong tse itseng feela. Ho bohlokoa hore baetapele ba itokisetse ka ho bala lipotso tsa tlatsetso pele ho boithuto le ho rapela letsatsi le leng le leng e le hore ba tle ba khone ho kenyelletsa litho tsohle tsa lelapa. Sebelisa Bibele ea bana ka hohle ka moo u ka khonang ho bala mangolo. Ho ea hlokahala hape ho etsa thapelo ka mokhoa oo bana ba tla khona ho e pheta ka mora batsoali ba bona. Dr Stan A Toller(SAT) ke eena mookameli kakaretso oa Afrika ,Dr Filemao Chambo (FMC) ke mookameli oa Afrika,Rev P.Collin Elliot (PCE) mohokahanyi oa Afrika e boroa le Dr Louis Bostle (LEB) mookameli oa lefats’e oa borumuoa. Mabitso a ba kentseng letsoho a fumaneha qetellong ea thapelo le boithuto. Ke thapelo ea rona hore libekeng tsena tse fokolang tse tlang tsa boithuto le boitlhahlobo,le itsebele ka bocha tlholo le matla a bophelo le tsoho ea hae le hore lona ‘moho le kereke ea Nazarene Afrika le keteke khalalelo. 11 MATLA A TSOHO Ha u nahana ka tsoho ho tlang kelellong ea hau? Ho ba bangata ba rona, ke ketsahalo e etsahetseng lilemong tse 2000 tse fetileng. Re buoa ka eona ka peseka,empa ke ha ngata ha kae re e sebelisang maphelong a rona a letsatsi ka leng? Mohlomong e se ka mehla. Re ka nna ra buoa ka motho ea tlosang bolutu,semathi,ralipolotiki ea “tsositseng bafung” mosebetsi oa hae,empa haholo holo tsoho ke lentsoe la selumeli le senang karolo e kholo bophelong ba rona ba Letsatsi ka leng. Libekeng tse supileng tse tlang re tla tsamaea leeto lena re ntse re ithuta haholo ka tsoho. Le ha ho le joalo, ha re batle hore taba ena e be feela seo batho ba batlang ho itsebela sona. Re tla ithuta hore na lentsoe la Molimo le reng ka matla a tsoho hobane ha re ka etsa ka botho feela leeto la rona le ke ke la re tsoela molemo. Paulosi o hlalosa matla a tsoho ho bafilipi 3:10-11 e le a fetolang bophelo. Ba bangata ba lona ba ka lumela sena,empa le hopala ka seo Molimo a se etsang nakong eo re kopanang le Kreste ‘me re tla ho eena hore a re ts’oarele le hore a re fe bophelo bo sa feleng.Sena ke phetoho ea bophelo. Empa matla a tsoho Paulosi u a hlalosa e le a ho tseba Kreste hore a re matlafatse hore re fetohe le mekhoeng ea bophelo ba letsatsi ka leng. Ke taba e tiileng eo.E ka na ea ba eo uena u sa lumellaneng le eona. Leeto lena ke lona la hore re iphumanele hore na matla a tsoho a ka fetola likarolo tsohle tsa maphelo a rona joang. Ke kopa e mong le e mong ho bulela Molimo pelo le ho mo lumella hore a mo bonts’e tsela eo matla a na a tsoho e leng senotlolo sa bophelo ba tlholo,moelelo,morero,phetho ea tsohle le matla. Mohlomong eena ke nako ea hore re rapele hammoho. “molimo rea tseba hoba u re hlohonolofalitse,u re ratile,u re ts’oaretse u bile u re khethile. Re rata ho phela maphelo a u khahlisang. Re rata ho u tseba Jesu Kreste le matla a hau a tsoho.Amen.” 12 MATLA A TSOHO BEKE EA PELE “Ke batla ho tseba Kreste feela le matla a tsoho ea hae,ke be le kabelo mahlokong a hae ka ts’epo ea hore ke tla tsosoa bafung ho isoa bophelong.”(Bafilipi 3:10-11). LETSATSI LA PELE U hopolang ha u utloa lentsoe “MATLA”? Ho joalo,ho itsoela moelelong oa litaba. Ha u buoa ka lipapali,ke lumela hore ho na le mabitso a lihlopha kapa batho ba tlang kelellong.Ha u nahana ka lipolotiki u ka nahana ka moporesitente kapa tona kholo. Ha u nahana ka limelo tse ntle,u ka nahana ka ‘me’ Teresa kapa Gandhi. Hona le meelelo e meng e mengata eo re ka buoang ka matlaka eona. Ha u utloa ka mantsoe, “matla a semoea” ho tlang kelellong ea hau? Ba bangata ba rona re nahana ka tumelo,pholiso,tokoloho,mehlolo kapa boporofeta. Hantle ntle re ke ke ra fosa,ha feela lintho tseo li ka amahangoa le matla a semoea. Ha re ipheng tlhahlobo e nyenyane. Haeba lintho tseo re liboletseng ka holimo li bonts’a matla a semoea,u ka bea bophelo ba hao mokhahlelong o fe?Ke tumelo e kae,pholiso e kae,tokoloho e kae mehlolo e mekae le boporofeta bo bokae tseo u li boneng ts’ebetsong ea bophelo ba hau? Ba bangata re ke ke ra fana ka likarabo tse telele kapa tse sa fellang. Hopola mantsoe ao Jesu a a buileng pele a nyohela leholimong bukeng ea Liketso 1:8, “Empa le tla fuoa matla mohla Moea o halalelang o tlang ho lona,’me le tla ba lipaki tsa ka Jerusalema le naheng eohle ea Judea le ea Samaria,le ho isa lipheletsong tsa lefats’e.”Oh,ha rea ka ra batla le ho utloa seo.Ha re tla litabeng tsa ho pakela Jesu ho batho ba bang,re sa le morao haholo,re na le matla kapa a le sieo. Re rata taba ea matla a semoea, empa ba bangata ba rona re lokela ho amohela hore re na le ts’epo ea hore re ka tsamaea re siile matla morao, mohlomong re a sietse moruti,baruti ba rometsoeng libakeng tse ling kapa baevangeli. Ba bangata ba rona re leka ho phela re behile leoto le leng ka pela le leng e be ha re etse mosebetsi re o tlohellela tsatsi le hlahlamang, ebe ha le fihla re etsa se ntseng se ts’oana le sa maobane. Re rata Molimo ‘me re elelloa boteng le mohau oa hae,empa ke ba ba kae ba rona ba tla etsa hore maphelo a bona a bonahatse matla a ka ho bona,bonyane karolong ea semoea? Kea lumela hore re ka phela maphelo a semoea a matla hohle moo re phelang. Molimo o re file sohle se bohlokoa ka Mora oa hae, Jesu Kreste. Seo re se hlokang ke ho sheba libaka tse nepahetseng. Joaloka motho e mong le e mong oa mohlobo o sele,ke ee ke behe lintho tse ling hampe katlung. Kea tseba hore u ka nna oa fumana sena se le thata ho se lumela. Ka hobane ke le monna,ke ee ke qale pele ka ho batla ntho e joalo ka lekunutu e be ha ke e fumane. Ka morao ke hona ke tla tlohella boikhohomoso ba bonna e be ke botsa mosali oa ka.Ka nako e seng kae e be oa e fumana.Hobanenng?Hobane o tseba ho sheba libakeng tse nepahetseng. Ka lebaka lena ha re nkeng nako ea rona re kopa Moea o halalelang ho re thusa ho sheba libakeng tse nepahetseng . Thapelo ea Letsatsi “Molimo oa ka ea ratehang, ke ela hloko boteng le mohau oa hau. U mphile sohle seo ke se hlokang ka Mora oa hao Jesu Kreste.Matsatsing ana a mabeli a tlang nthuse ho sheba libakeng tse nepahetseng hore ke phele bophelo ba semoea bo matla moo ke leng teng.Amen.” 13 LETSATSI LA BOBELI Joale matla a tsoho ke eng? Ha re shebe temana ea bafilipi 3:10-11 hantle. Temana e qala ka mantsoe a na, “Ke batla ho tseba Kreste.”Bala bafilipi 3:8-9,u shebe temana ea 8 “….hoba ntho tsohle ke ts’enyeho ha li ka bapisoa le boholo ba ho tseba Jesu Kreste morena oa ka.”Ena ke polelo e matla ruri. Ha re beng le nnete ‘me re botse potso eo re neng re tla e botsa, “Na Paulosi u na tiisitse seo a neng a se bolela? Ho tseba Kreste ho eena ho ne ho bolelang hoo aneng a ka ba a etsa lintho tsohle tahleho ha li bapisoa le hona? Tloaelo ea rona tabeng ena ke hore re re Paulosi e ne e le moapostola ‘me ‘na ke ‘na ka lebaka lena nkeke ka fihlela boemo boo ba likamano le Molimo. Ha ke lumele seo! U ka khona ,le ‘na nka khona. Joang? Ka ho lumella matla a tsoho a Molimo ka Jesu Kreste ho fetola maphelo a rona. Ha re shebe temana ea rona. Lentsoe “tseba”temaneng ea 10 ke lentsoe le hapang pelo.Ha re ka sebelisa lentsoe lena ho latela moelelo oa rona,re ke ke ra utloisisa seo Paulosi a neng a se bolela. Ha motho e mong a u botsa na u tseba motho ea itseng,u ee u arabe joang? Hangata u araba ka hore ee le hoja motho ea joalo u mo tseba hanyenyane. Ho tiisa sena u ee u re “ke mo tseba ka kotloloho le ha ke sa tsebe lebitso la hae hore na ke mang.” Lentsoe leo Paulosi a le sebelisitseng temaneng ea 10 a ka be a sa le sebelisa maemong ana. Ketso ea “ho tseba” holatela segerike e bolela ho tsebana ka likamano tse haufi haholo. Ka kotloloho le ne le sebelisoa ho bolela thoabalano ho ea ka segerike. Ho sebelisa lentsoe lena moelelong oa ho tseba Kreste ho ne ho bolela hore ba tsebana ka botebo. Paulosi o ne a tsebana le Kreste ka botebo,ka likamano tse haufi haholo ‘me Jesu Kreste o ne a tseba Paulosi ka mokhoa o ts’oanang. Ke likamano li fe tse haufi tseo u nang le tsona?Haeba u nyetsoe ke lumela hore ke tsa hao le molekane oa hao. Likamano tseo li hotse joang? Nka nako u ntse u nahana hore na li hotse joang. Ha u ntse u etsa joalo u tla qala ho utloisisa hore na Paulosi u ne a bolelang ka “ho tseba Kreste.”Joale ipotse hape hore na likamano tsa hao le Kreste li ntse li hola joang.Na u tsamaea methating e ts’oanang le Kreste joaloka ha u tsamaile le molekane oa hao? Nahana hore na u lakatsa ho fetola likamano tsa hao le Kreste joang e le hore u tle u tsebe hore joaloka Paulosi, “ke batla ho tseba Kreste.” Thapelo ea Letsatsi “Molimo oa ka,ha ke batle ke tle ke re: “Ha ke mo tsebisise hantle” empa ke batla ke tle ke re “kea mo tseba!” Nka fihlela ho ba le likamano tse tebileng le uena ha ke eketsa ho ts’oana le uena. Nthuse Molimo hore ke u tsebe motsotso le motsotso le Letsatsi le leng le le leng.Amen.” LETSATSI LA BORARO Re k eke ra itsebela matla a tsoho ntle le hore re itsebele Kreste. Ke ka lebaka lena Johanne15:4 e leng thusa e kholo ho rona. Ke serapeng sena moo Jesu a joetsang barutuoa ba hae hore ke sefate rona re makala. O re temaneng ea bone, “Lulang(ebang, phelang, khomarelang)le nna ho lona. “Joaloka lekala ha le sitoa ho beha le inot’si, ha le sa khomarela sefate, ho joalo le lona ha le sa nkhomarele.” Ha re tlisa taba ena temaneng ea rona ea Bafilipi, re hlokomela hore t’sebeliso ea lentsoe ea Paulosi ea ho khomarela sefate ke”ho tseba Kreste”. Ho bea litholoana, tseo moelelong ona e leng ho itsebela matla a tsoho, e leng tse tlisoang ke ho khomarela sefate kapa ho tseba Kreste. Hantle matla a tsoho ke eng? Ho araba potso ena re lokela ho sheba boemo ba rona le hore na hobaneng ha ngata re ikutloa re se na matla, le ha re le bakreste. Sebakeng sa moelelo oa rona re tla 14 MATLA A TSOHO hlalosa mokreste e le ea “leng ho Kreste”(2Bakorinthe5:17) hape e le molateli ea sehlahlo oa Jesu Kreste. Haeba tlhaloso ena ha se seo u leng sona, hona joale, ke nako e ntle ea hore u eme u kope Morena Jesu hore a tle bophelong ba hao e le hore u qalelle ho mo tseba. Sena se qala ka pako le boipolelo. 1Johanne1:9 e re,” Ha re ipolela libe tsa rona, Molimo o tla re ts’oarela tsona, ‘me a re hloekise bokhopo bohle.” Boemo ba rona ke bofe? Ke eng ntho e re sitisang ho phela ka matla aa a Moea? Re ka lokolisa tse ngata, ‘me boholo ba tsona ke lintho tsa nama. Re bolela maemo a rona,lietsahala tsa bophelo ba rona, ho hlokatsebo ea Bibele, kereke kapa menyetla. Tse ling tsa tsena li ka nna tsa Kenya letsoho empa tsona ka botsona ha se mabaka a rona a ho hloka matla a Semoea. Che! Ke lintho tse peli tse re sitisang ho fumana matla a Semoea, kapa matla a tsoho ao Paulosi a buang ka ona ‘me a a bont’sa ka liketso. Ha re tobane le lifefo tse re tlisetsang meea e boima, re utloa ho fokola ha matla ana le ho lahleheloa ke ona matla ana nakoana e itseng. Libakeng tse ngata lefat’seng, sena ke sona se etsahalang ha ngata, ‘me bofokoli ba bona bo nka matsatsi a itseng. Ke eng ntho e etsang hore re lule re na le ho fokolloa ke matla aa a Semoea? Ke sebe le lefu. Hare sheba maphelo a rona, re tla fumana ho fokolloa ke matla ana a Semoea lireng tsena tsa rona tse peli. Nka metsotso e fokolang ea boitlhahlobo le thapelo. Hantle u nahana eng ka sebe le lefu? Bua nnete; nahanisa taba ena. Thapelo ea Letsatsi: “Kea rapela kajeno hore ke u batlisise ke be ke hlahlobe bophelo ba ka ‘me ke fumane seo e kabang se nt’sitisa ho fihlela matla a Semoea kapa matla a tsoho ea hau ao Paulosi a buang ka ona. Ke batla ho u khomarela e le hore ke bee litholoana. Amen” LETSATSI LA BONE Ka mor’a ho nahana le ho itlhahloba, u ka nna oa nahana le taba ea hore sebe le lefu ke tsona tse re sitisang ho tseba matla ana a Semoea. Ke joang ho tseba Kreste le matla a tsoho ea hae ho ka tlisang phetoho ea letho? Ha re sheba lira tsena tsa rona tse peli tse matla,re bone hore na li ama bokhoni ba rona ba ho itsebela matla a tsoho joang. Sebe ke eng ‘me se re ama joang? Taba ea pele ea mantlha ka sebe ke hore ke karohano le Molimo. Likhaolong tse tharo tse qalang buka ea Genese re bona hore na sebe se re arohanya le Molimo joang. Hobaneng ho le joalo? Ke hobane Molimo oa halalela joale sebe se ke ke sa ba teng hoba Molimo oa halaleleng. Hopola Moshe ha a ne a le boteng ba Molimo ‘me a t’saba hore o tla shoa. O ne a tseba hore ke motho oa moetsalibe ‘me ha a ka ba boteng ba Molimo ea halalela o tla shoa. Esaia le eena o ile a tseba taba ena ha a tla re bukeng ea Esaia6:5” ho malimabe nna”. Hobaneng a ne lla joalo? Esaia o ne a t’sohile hobane o ne a tseba hore o tla shoa hobane a le lit’sila, empa joale a bone Molimo ea halalelang. Ho tloha nakong ea Adama, re tsoaletsoe sebeng. Baroma 5:12 e re”Ka baka leo, joaloka ha sebe se kene lefat’seng ka motho a le mong, ‘me lefu le kene ka sebe, ka mokhoa o joalo lefu le aparetse batho bohle, ka hobane ba siiloe bohle.” Ka mantsoe a mang, re tsoetsoe le lefu lena la sebe ‘me le tlisitse koluoa. Baroma 2:23 e re,”Hobane bohle ba sitiloe, ‘me ha ba t’soaneloe ke khanya ea Molimo” baroma6:23 e tlatsetsa ka ho re,” moputso oa sebe ke lefu.” U ka nna oa ipotsa,” tsee tsohle li nkama joang?” Karabo ke hore li u ama kaofela ka hohlehohle. 15 Ere ke u botse, u ne u tla etsa lintho joang, u phele joang ha u ne u tseba hore sebe ha se na matla, ha e ne e le ntho eo u e tsebang hore se hlotsoe ‘me ha se sa na matla ho uena? Kea tseba, ba bang ba lona ba nahana hore taba ena ke maikutlo a khelohileng tumelo ‘me a kotsi. Ke nnete, a kotsi hobane tsoho ea Jesu khahlanong le sebe e ka nna ea lokolla ba bang hore ba phele ka bocha, ka matla a tlholo. Ha Jesu a shoa Sefapanong, o ile a nka eng le eena? Bala Bakolose2:13-15. Jesu o ile le eng Sefapanong? O ile le tsohle tse neng li le khahlanong le rona, e leng sebe. 1Petrose2:24 e re,” eena ea jereng libe tsa rona ‘meleng oa hae Sefapanong, hore re shoe ka n’geng ea libe, re tle re phelele ho loka” Ke na le serapa se seng seo ke le shebetseng sona hore re se bale. Ke 1Johanne3:4-10. Na u se balile? Nke ke ka bala serapa sena kantle ho hore ke “WOW” Ela hloko karolo ea ho qetela ea temana ea 8” seo mor’a Molimo a se tletseng ke ho felisa mesebetsi ea Diabolosi”. Pholoho ea rona, t’soarelo ea libe, tlhoekiso le bophelo bo sa feleng, ha se ona mabaka a mantlha ao Jesu aa tletseng lefat’seng. Tsena litla ka mor’a ho senya mesebetsi ea Diabolosi. Joale, ho latela lengolo lena, haeba Jesu o phethile seo a neng a se tletse, joale, matla a sebe a ka re hlola joang? Tsoho ea Jesu e phethile mosebetsi oa ho senya seo sera se neng se leka ho se etsa. Tsoho ea Jesu e hlapant’sitse sohle seo lefu la hae le se phethileng. Ho kenyelletsa matla le tlholo holima sebe sebakeng sa ba leng “ho Kreste”. Hallelujah, ha ho be joalo! Ho phela ka matla a tsoho ho bolela ho phela ka tokoloho sebeng. Thapelo ea Letsatsi: “Kea leboha Morena Jesu ka hore e be u nkile libe tsa ka, ha u ne u khokhothelloa, oa ba oa shoa sefapanong! Kea leboha hobane ke khona ho phela ka bolokolohi ho uena. Ke kopa u nthuse ho se lebale bohlokoa ba matla a tsoho ea hau. Amen” LETSATSI LA BOHLANO: Kea lumela u ntse u nahana ka litaba tseo re buisaneng ka tsona tsa sebe. U ka nna oa nahana hore ha li monate. Matla a tsoho a monate. Re tla tsoelapele ka tseo bekeng e tlang ha re bua hore na re fumana matla a na a tsoho joang. Tsatsing lena, ha re shebeng ntlha ea bobeli e re sitisang ho ba le matla a na a tsoho: lefu. Ha ho na motho ea batlang ho bua ka lefu. Re elelloa kapa re sa elelloe, e ka nna ea ba re kenoe ke monahano oa hore re phela ha ‘ngoe feela bophelong, ‘me re etsa sohle se matleng a rona. Ka mohopolo o joalo, re etsa eng joale ha re se re shebane le lefu? Re iphapanyetsa lona kapa ha ngata re leka ho ithetsa e be rea hana hore ke ntho e teng? Se e re se etsa joang? Oh! Ka litsela tse ngata, ha se kaofela li leng mpe, empa re lumellana le maikutlo a hore re lokela ho etsa tsohle pele re shoa. Hobaneng re lokela ho shoa? Ka lebaka la sebe. Bukeng ea Genese2:17, Molimo o re ho Adam le Eva,”empa ha e le sefate sa ho tseba botle le bobe, sona le se ke la se ja, hobane mohla u ka se jang, ruri u tla shoa.” Adama le Eva ha baa ka ba bona lefu. Joale, mohopolo ke hore ba ne ba bopetsoe ho phela ka ho sa feleng; hobane ba ne ba entsoe ka ho t’soana le Molimo(sheba Genese1:27). Nnete ke hore Adama le Eva ba ile ba shoa. E seng hang hang, empa ba ile ba ba tlokotsing ea ho tobana le lefu ho tloha tsatsing leno. Lebaka: sebe, ho se utloe Molimo hoa bona. Joaloka ha re se re bone, Baroma5:12 e re sebe le lefu li kene lefat’seng ka Adama ‘me bohle re tobane le lefu leo le litholoana tsa lona: Lefu(Baroma6:23). Nahana ka Jesu Sefapanong, ha u ka khona. Ha se pono e ntle hohang. Ha re lula re e shebisisa, e re bakela moferefere. Re ne re lokela ho ba moo. E tlameha e be ke rona re fanyehiloeng Sefapanong. Ha 16 MATLA A TSOHO se hantle, ha ho joalo, hore ebe motho ea se nang molato oa hlokofatsoa. Na ho na le ntho bophelong ba rona e ka tlisang ho loka ho feta ha motho ea se nang molato a hlokofatsoa ka bolotsana. Eba, nako eohle ha re sheba sefapanong re bona Jesu e le eena ea fanyehiloeng moo, e seng nna, e seng uena? Re leka ho tla tabeng ea 2Bakorinthe5:21” Hobane ea sakang a tseba sebe, Molimo o mo entse sebe ka baka la rona, re tle re beoe ka eena ba lokileng pel’a Molimo.” Hobaneng Molimo o entse taba ee? Re se ntse re bona karabo,ho senya mesebetsi ea Diabolosi; ho tlosa thohako ea lefu ho ba leng ho Kreste; ho re tlosa moleng oa lefu ho re isa moleng oa chebahalo ea bosafeleng. Ema hanyane, u bolela joalo? U entse phoso. O shoele hore a re fe bophelo bo sa feleng, e seng chebahalo ea bosafeleng. Che! Ha kea etsa phoso. Le Molimo ha aa etsa phoso. O re buselitse, ka Jesu Kreste monyetleng oa pele oa ho phela ka ho sa feleng le eena. Ke ka lebaka lena ba leng ho Kreste “re fetohelang set’soant’song se le seng le eena ka khanya e isang khanyeng, e leng ka Moea oa Morena.”(2Bakorinthe3:18) Ha u ne u tseba hore u tlo phela ka ho sa feleng, hore lefu ha se bothata, taba ee e ne e tla fetola bophelo ba hau joang? Ah; empa u re re tlo shoa. Na Bibele ha e rute hore”Batho ba shoa hang, ho nto ba kahlolo,”(Baheberu9:27)? Ee ! ho joalo, empa ho ba seng ba tseba matla a tsoho, mantsoe ao a bolela ho fapaneng. Ba bangata ba rona re bea t’sepo ea rona bophelong ba joale. Hore re lokela ho etsa tsohle, ho bona tsohle, ho utloa tsohle, ho fihlela tsohle le ho ipolella tsohle, hobane nako ea rona ea fela. Leholimo? Na ree re nahane hore leholimo le re emetse? Bula Bibele ea hao u bale Bafilipi3:18-21. Ho phela ka matla ho bolela hore re na le pono e fapaneng. Ke ‘Muso oa Maholimo/ pono Molimo. LEFU HA SE KARABO EA MAFELELLO. Haeba seo ke nnete, se fetola tsohle he. Ke sona seo leeto lena le leng sona. Matla a tsoho a fetola mokhoa oo re phelang ka oona joang? Thapelo ea Letsatsi: “ Ke rorisa Molimo hobane lefu ha se lona karabo ea mafelelo sebakeng sa ka. Ke kopa tsela eo ke lokelang ho phela ka eona e le hore ke tlise phetoho ‘me ke phele ka matla a tsoho. Nketse hore ke fetohele ho t’soana le uena. Amen.” LETSATSI LA BOT’SELELA Tsatsing lena ke lakatsa re tlo hlahloba tsohle tseo re ithutileng tsona matsatsing a mahlano a fetileng. Ngola hore na bophelo ba hao bo ne bo tlo fetoha joang ha e ne e ba lefu le sebe li fela li tlositsoe bophelong ba hao.Leha u sa e lumele, e etse le ha ho le joalo. Oa bona na u ka tla le eng? Katamelo ea hao ea bophelo e ne e tla fetoha joang ha e ne ba u phela ka matla aa a tsoho? Thapelo ea Letsatsi: “Ke talimile ho uena kajeno, Morena, ka tsohle tseo u nt’senoletseng tsona matsatsing a fetileng. Ke kopa u nthuse ho elelloa hore na bophelo ba ka bo ka fetoha joang, ha nka phela ke it’setlehile ka matla a tsoho ea hao.” Amen. 17 LETSATSI LA BOSUPA Tsatsing lena ke lakatsa hore u nke nako u le mong u bale Bibele ea hao Pesalemeng ea 103. Sheba Pesalema ena u ipapisitse le matla a tsoho. E bale, e bine, e lumelle hore e bue le uena. E ba le Letsatsi le hlohonolofetseng. Ke tla le bona hosane ha re araba lipotso,”Ke fumana matla a tsoho joang?” Thapelo ea Letsatsi: “Lerato le khaphatsehang la hao ho nna ke le hlollang. Mehauhelo e mengata e tsoang letsohong la hao, lit’sepiso tsa hao kaofela li ngotsoe Pesalemeng ena, ‘me ke bona ka mahlo a matla a hao. Amen” LIPOTSO TSA TLATSETSO TSE BUISANOANG KE MALAPA: Ho tsosa ho bolela ho khutlisetsa bophelong; matla ke ho khona ho etsa. Joale, matla a tsoho ke bokhoni ba ho ba le ho etsa lintho hobane matla a tsositseng Jesu bafung a sebetsa maphelong a rona. Ho thusa bana ho utloisisa le ho tloaela poleloana ena, ba tla tlameha ho etsa tjena nako eohle ha ho buoa ka“matla a tsoho”: Phahamisang matsoho le a phahamisetse ka holim’a lihlooho le butse liatla, e be lea theola, ho otlolla mesifa. LETSATSI LA PELE: 1. U nahana hore ho ntse ho na le banna le basali ba nang le matla a nnete mehleng ee? Na u ka bolela ba fokolang ba tlang kelellong ea hau? 2. Leka ho fumana limelo tseo ba nang le tsona tse ba khethollang ho batho ba bang. 3. U nahana hore ho kopa thuso le tataiso ho bont’sa bofokoli? LETSATSI LA BOBELI: 1. Motsoalle oa hao oa sebele ke mang? Le bile metsoalle joang? Ke tsela eo Paulosi a tsebileng Jesu ka eona. U ka etsang hore u etse Molimo motsoalle oa hao oa sebele? 2. Hore u be le likamano tse tiileng le motho, re tlameha ho ikitlaelletsa bona. U nahana boiketlaetso bo bolelang? 3. Motho a ka chesehella Molimo joang e le hore a mo tsebe? LETSATSI LA BORARO: Pako e bolela ho furalla sebe ho boelana le Molimo. Re phela ka tsela eo Jesu a neng a tla phela ka eona. Boipolelo ba libe, ke ha re elelloa, re ananela ho Molimo hore re fositse ‘me re kopa t’soarelo. Libe ke lintho tse mpe tseo re li etsang tse sa khahliseng Molimo. Batho ba etsa lintho tse mpe hobane ba bonahala ba hlahile le lefu le bitsoang sebe le ba susumetsang ho etsa lintho tse mpe. 1. Ke life lintho tse mpe tseo u li etsang tse koatisang Molimo? 2. Molimo o rometse Morena Jesu hobaneng? 3. Itlhahlobe hore na ke sebe sefe se teng bophelong ba hao se sitisang matla a Semoea ho tsamaea ka bolokolohi? 4. Ho boleloang ka ho shoa Semoeeng? 18 MATLA A TSOHO LETSATSI LA BONE 1. Na ho nepahetse hore e be Jesu o ile a hlokofatsoa ka lebaka la libe tsa rona? 2. Sebe se etsang ho uena? 3. Na “ho lokolloa sebeng” ho bolela hore ha re sa tla hlola re etsa sebe kapa ho boleloa hore re na le matla a ho hanela moleko oa sebe ha o tla ho rona. 4. Ho latela 1Johanne3:4-10, na ho ea khonahala ho hlalohanya “bana ba Diabolosi” ho “bana ba Molimo”? 5. Se e se bolelang ka mohloli oa matla a Kreste? LETSATSI LA BOHLANO 1. U nahana hore ke hobaneng batho ba sa rate ho nahana kapa ho bua ka lefu? 2. Lengolo la Bafilipi3:18-21 le reng ka moo bakreste ba ikarabellang? Se e se fetola monahano oa rona ka lefu joang? LETSATSI LA BOT’SELELA 1. Taka set’soant’so sa hao, se bont’sang u na le matla a Molimo bophelong ba hao. 2. Hlahloba mekhoa eo Molimo a u thusitseng hore u be mohloli bekeng ena. LETSATSI LA BOSUPA 1. U bonang ka Molimo Pesalemeng ea 103? 2. U bonang ka uena Pesalemeng ee? BEKE EA BOBELI “Lulang ho nna, le nna ho lona . joaloka lekala ha le sitoa ho beha le inot’si, ha le sa khomarele sefate, ho joalo le lona ha le sa nkhomarele.” (Johanne15:4) LETSATSI LA PELE: Ke hopola pale e ‘ngoe ea monna ea neng a etela England a tloha America. O ne a ile a tla America ha e sa le moshanyana a tla le batsoali ba hae ba tloha England; ‘me e ne e le khale a lakatsa ho chakela ha habo. Ke khale pele lifofane liba teng, ‘me o ne a palama sekepe ho tloha New York ho ea England. O ne a ile a nna a boloka chelete ea hae ho fihlela e khona ho reka tekete ea sekepe. Ha sekepe se ntse se tsamaea ka eena, o ne a sa kholoe hore toro ea hae e qetelletse e phethahetse. Ha nako ea lijo e fihla, monna enoa o ne a tla khutlela kamoreng ea hae, a nke cheese le likuku tseo a neng a li nkile e le mofao oa hae, hobane o ne a na le chelete e seng kae ‘me o ne a sa batle ho senya letho. Lijo tsa hae li ne li le monate ‘me o ne a sena bothata ba ho ja lijo tseo tsa hae tse t’soanang matsatsi a 12 a leeto. Ha matsatsi a ntse a ea, monna enoa a ba le motsoalle ‘me ba babeli ba ne ba tla lula e be ba qoqa. Ka Letsatsi le leng ba qoqa ho fihlela e ba nako ea lijo , ‘me motsoalle oa monna enoa a botsa hore na ba se ba tla kopana ka ntlong ea lijo. Monna enoa a makalla taba ea ntlo ea lijo ; nakong ena lijo tsa hae li ne li batla li utloile bohloko li se li nkha. Eaba monna enoa o re ho motsoalle oa hae “oh! Ke ne nka reka ka seo ke nang le sona ka ntlong ea lijo, empa ha ke na chelete, ka hoo ke tla ea kamoreng ea ka ke lo ja mofao oa ka.” Eaba motsoalle oa hae o mo sheba ka ho makala” ha u na tekete ea hore e be u palame ka sekepeng” a botsa. 19 “Ke na le eona.” Monna a araba,”Nka ba ka moo joang ke sena tekete?” motsoalle oa hae a mo hlalosetsa ka bonolo, “Na ha u hlokomele hore tekete ea hau e u lamella ho ja ka ntlong ea lijo nako eohle ha lijo li fanoa? Chelete ea lijo e kenelletse leetong la hao.” Pale ena e nkhopotsa bakreste ba bangata bao ke ba tsebang le bao ke utloang ka bona. Re leka ho tsamaea leeto la rona le Jesu re ntse re ja mofao oa rona empa Jesu a re file tse hlollang. Matla a Semoea ao re a tlohetseng, matla a tsoho ao Paulosi a buang ka ona, a lokela ho fumaneha ho rona. Potso ke hore na re a fumana joang? Bongata ba rona, re amohetse pitso, molaetsa kapa Evangeli ka mokhoa o itseng. Ka mokhoa o itseng, re ile ra ithuta hore ha re kopa t’soarelo ho Jesu, oa re t’soarela, o fela a re t’soarela a be a lule lipelong tsa rona. Ha re rapetse thapelo eo, re ile ra “tsoaloa la bobeli”, “ra bolokeha” kapa “ra fetoha bakreste”. Tseo tsohle ke nnete. Leha ho makatsa ha kaalo, ke eona memo eo Jesu a re fang eona. Temana ea mantlha e baloang ke Johanne3:16. Ha hona nnete e fetang e hlalosoang ke temana eno. Ho bohlokoa, leha ho le joale, ho utloisisa lentsoe “ho lumela”. Testamenteng e ncha e bont’sa ketso. Ka mantsoe a mang, ha u bala lentsoe ho lumela Bibeleng, le bont’sa hore u etsa seo u se lumelang ‘me u lumela seo u se etsang. (Jakobo2:14-19) e hlalosa boitsebelo ba pholoho ea hao. Na leeto la hao le Kreste le lumellana le litemana tsa Jakobo 2? Thapelo ea Letsatsi: “Kea leboha Morena ha u mmemetse tafoleng ea pholoho le matla a hao. Ke batla ho tsamaea le uena leetong la ka la Semoea ‘me ha ke batle ho lahleheloa ke matla a Semoea. Amen” LETSATSI LA BOBELI Ha re memela batho kerekeng kapa re ba pakela, re etsa ka litsela tsohle hore ba fumane ho le bobebe hore ba lumele. Hopola bekeng e fetileng ha re bala Baroma6:23” Moputso oa sebe ke lefu” Temana eo ha e tsoelapele e re ,” empa neo ea mohau oa Molimo ke bophelo bo sa feleng, ka Jesu Kreste , Morena oa rona.” Pholoho ke mpho ‘me e itsoela mohaung(Baefese2:8-9) Ha re khutleleng temaneng ea rona ea maobane ea Johanne3:16. Haeba taba ea mantlha ke ho “lumela” Jesu Kreste e le hore ke fumane bophelo bo sa feleng, joale hobaneng ke hloka matla a tsoho? Joale ke tla hloka matla aa ha ke shoa, empa e seng pele ho moo. Haeba mantsoe a ‘teketeng ea ka ea leeto sekepeng” ke hore ke se ke ka timela, empa ke be le bophelo bo sa feleng, joale ke tla tseba joang hore na ke ntse ke lahleheloa ke eng? Joaloka monna ea neng a ja mofao oa hae ka sekepeng a sa ea ntlong ea lijo, le nna ke hloka ho bala hore na tekete ea ka e ntokollela lit’sebeletso lifeng ka sekepeng. Morena Jesu o bitsitse batho joang hore e be “bakreste” kapa hore “ba bolokehe” kapa hore “ba tsoaloe la bobeli”(e leng se bolelang ho tsoaloa moeeng). Empa ela hloko seo Jesu a se buileng temaneng ea (Johanne3:3). O re ha ho na motho ea tla bona ‘Muso oa Molimo ntle le hore a tsoaloe ka Moea. Ke kopa u bale Mattheu4:18-22. Morena Jesu o itseng ho Andrease, Petrose, Jakobo le Johanne?”Ntateleng” Ho Luka5:27-31, Morena Jesu o bitsa Mattheu ka mokhoa o t’soanang “ntatele” U ka nna oa re bana e ne e le barutuoa ba hae; e ebe u re Morena Jesu o ne a ba nkile ka tsela e itseng e fapaneng le ea ka le ea hao. Haeba u hloka nnete ea hore na Morena Jesu o bitsetsa batho matleng a 20 MATLA A TSOHO tsoho ea hae joang, bala Mattheu19:16-26. Joale, bapisa taba eo le ha re bolella batho Evangeli. Ha monna oa morui a re o bolokile melao eo Jesu a neng a e boletse, re ka be re sa mo kolobetsa feela, re ka be re bile re mo behile komiting ea kereke! Polelo ea Jesu ea ho qetela e bile e feng? ”Ntatele” Nnete ke hore re ke ke ra latela Jesu ka matla a rona. Ke ka lebaka lena, ha Jesu a botsoa ho Mattheu19:25, “ho ka bolokeha mang?”. A ileng a araba ka hore, “Ha e le batho(ho bolokeha le ho phela ka matla a tsoho) ke ntho e ba sitang, empa Molimo ha o sitoe ke letho.”(mantsoe a ka masakaneng ke a ka). Hlahloba kamohelo ea hao ea Evangeli, u arabetse ka hore u be mokreste, u ee leholimong, libe tsa hao li t’soareloe kapa ka ho latela Jesu? Thapelo ea Letsatsi. “Molimo oa ka, ha ke rate ho u latela ka matla a ka; ke tla be ke le leoatla ha nka etsa joalo. Empa, kea tseba hore nka u latela ka ho lumela joaloka ha u boletse hore “Haele batho ba sitoa, empa ka uena lintho tsohle lia khonahala. Amen.” LETSATSI LA BORARO Lengolo le leng leo ke le ratang Bibeleng le hlaha ho Mattheu16:13-28. Phetla Bibele ea hao hona joale, re le bale hammoho. Nako ena eo Jesu a nang le eona le barutuoa ba hae e ne le ho tla mehopolong ea rona ka linako tse itseng. Jesu o ne a qeta ho khutsisa sefefo,a lelekile matemona, a tsositse ngoanana bafung, a folisitse batho ba ba ngata a ba a fepa ba likete li hlano. Barutuoa ba tlameha ba ne ba forafora ke matla a Molimo. Ha ba ntse ba leka ho nahanisa tsena tsohle, Morena Jesu a ba botsa potso ea bohlokoa haholo eo monna e mong le e mong a neng a tlameha ho e araba,”…lona le re ke mang? Hobaneng potso ee e le bohlokoa ho rona bohle? Bophelong ba rona, lefat’se lohle le leholimo le bo safeleng bohle bo tlameha ho ba le karabo ea potso eno. Karabo eo Petrose a faneng ka eona ke eona e nepahetseng.” U Kreste, Mor’a Molimo o phelang”. Morena Jesu o ne a tseba hore e mong le e mong o ne a tla cho joalo, ‘me o ile a hlalosa hore na polelo eo e bolelang hantle ntle. Ke lekunutu la ho phela ka matla a tsoho. Hantle, Jesu o re ka “tsoho” ena ea batho, o tla haha kereke le seo kereke e tlang ho ba sona(temana ea 18-19). ‘me ka mor’a moo o ba fa set’soant’so sa mahlomola a hae a tlang, joale Petrose oa mo khalemela. Petrose o ne a khalemellang Morena Jesu? Ke hobane Petrose o ne a ntse a le mehopolong ea hae ea nama a so ka a ba le kutloisisa ka matla a tsoho. Temaneng ea 24, re fihla ‘moko tabeng oa matla a tsoho. Boiphihlelo ba pele” ke ho itela”. Taba ena ha e bonolo feela joaloka “ho se shoe” ‘me o fumana”bophelo bo sa feleng”. Hantle-ntle, taba tsena tse peli lia amana, pitso ea Jesu le ho itela. Ke eng eo re lokelang ho e tela? Bo rona? Boikutlo? Litakatso tsa rona? Litoro tsa rona? Ho ile ha ba le pherekano e kholo ka ho itela lilemong tse fetileng. Ha se boitelo ka tsela eo re hopolang ka eona. Ba bangata, ba nka boitelo e le ho fana ka ntho e itseng, ka nako ea boitimo matsatsi a 40 a pele ho Paseka kapa ho itima sebakeng sa morero o itseng. Linako tseno li bohlokoa, empa ha se seo Jesu a re biletsang sona temaneng ena. Pele re kopana le Jesu, rea iphelela, leha ba bang ba ka re laola ho fihlela moo ho itseng, empa re etsa lintho ka ho rata ha rona. Re phela ka mokhoa oa lefat’se, kapa o t’soanelang lefat’se. re phela ka tsela eo re reng e tla re re shoa ra be re entse lintho tseo re li ratang. Ha ngata ha Molimo a iponahatsa, re 21 nahana hore boteng ba hae bo tla re thusa hore re atlehe lithatong tsa rona. Re re Molimo o tla re thusa ho thaba, ho phela hantle, ho atleha le ho rua kapa sohle seo re ratang ho se fihlela sa lithato tsa rona. Ho tseba Kreste ho ka nna ha u thusa linthong tsena empa pitso ea Jesu ho uena e kholo ho feta seo. Pitso ea ho itela ke pitso e re lahlisang merero ea rona. Hopola na Paulosi o itseng ka ho ba Mojalefa oa ‘Muso oa Molimo? Bojalefa boo, ke bona boo Jesu a re biletsang ho bona. Ha se sebakeng sa rona empa ke sebakeng sa Jesu le hore na o etsang. Lengolo le leng ke lena leo re tlo le bala, Bafilipi2:1-11. Temana ea 7, e re Jesu o “ifelisitse”, ho bolelang hore Jesu “o ikentse ea se nang thuso”, o ne a itelisang? BoMolimo? Ho ba mora? Che! Jesu o felisitse maemo a hae a ho ba ka letsohong le letona la Ntate, maemo a hae a khanya, o ile a tela a hae e le hore e be molopolli. Temana ea 10 le 11 tsa serapa seo li ka be li etsahetse le ha temana tse 9 tse qalang li sa etsahala. Jesu a ka ba ntsa le maemong a hae a ho etsa hore mangole ‘ohle a mo khumamele le leleme lohle hore le mo pake. O ne a sa hloke hore a tle lefat’seng ka nama, e be mosebeletsi kapa a shoe sefapanong. Hoja o ile a sebelisa maemo ao a hae ho ka be ho se na pholoho sebakeng sa ka le uena. Ho itela, joale, ke ho tlohela maemo a rona le litabatabelo tsa rona e le hore re kopane le Jesu morerong oa hae oa ho pholosa. Re ka nna ra re “ke batla ho se shoe, ke be le bophelo bo sa feleng, empa ha ke batle borumuoa.” Hoo ha se khetho ho latela litaba tseo Jesu a li buileng, ho latela karabo ea hae ho monna oa morui. U re “ nka se khone ho e etsa” le nna ha ke khone. Empa ka hobane Jesu o shoele sefapanong a ba a tsoha, re ka khona ho e etsa ka “ ho tseba Kreste”. Sena se bitsoa matla a tsoho. Thapelo ea Letsatsi: “Nthuse kajeno, Moren’a ka, ho bona hore na ke ka tsela e feng ke hlokang ho itela; hore na ke lintho li feng tseo ke lokelang ho li tela hore ke u latele. Ke batla hore litoro tsa hao e be tsa ka, litabatabelo tsa hao e be tsa ka. Ha ke batle ho tsamaea thoko le boikitlaetso bona ba hao hobane ke hloka ho batla sefahleho sa hao, ho u tseba ka ho fetisisa. Amen” LETSATSI LA BONE: Maobane re bone karolo ea pele ea pitso ea Jesu bophelong ba matla a tsoho. Kajeno, re tlo ithuta karolo ea bobeli e fumanoang ho Mattheu16:24.Jesu o re ka mor’a hore re itele, re tlameha ho “ipelesa sefapano sa hae”. Re etsa see joang? Ke nahana hore Jesu o shoele sefapanong hang sebakeng sa rona ‘me ha re hloke ho se jara? Joale ke ipelesa sefapano sa hae joang? Ha re khutlele litemaneng tsa rona tsa mantlha tsa leeto lena, Bafilipi3:10-11” ke tle ke tsebe Kreste, le matla a tsoho ea hae, ke tle ke t’soane le eena mahlomoleng a hae.” E kaba see se bolelang? Lefat’seng lee? Nnete ke hore lefat’seng lena ha e na kelello, hobane ha e utloisisehe. Ho biletsoa mahlomoleng ha se ho susumetsa batho hore ba latele Molimo. Na ke lona lebaka leo Kreste a re biletsang ho jara sefapano sa hae? Lebaka leo Kreste a itseng re itele pele e ne e le hore re tle re tsebe ho jara sefapano sa hae. Ha re ntse re le linthong tsa rona, re ke ke ra khona ho jara sefapano sa hae. Hopola hore morero oa Molimo ke oa poelano le pholoso. Bukeng ea Bakolose1:20, re bala hore “ le ho busetsa lintho tsohle khotsong ea Molimo ka eena(Jesu Kreste), le ha e le tse lefat’seng, leha e le tse leholimong, ka hobane e le eena ea entseng khotso ka mali a sefapano sa hae.”(litlatsetso ke tsa ka). 22 MATLA A TSOHO U hopola sello sa Davida Pesalemeng ea 51? Bala temana ea 10. Davida o ne a tseba hore tharollo e ‘ngoe feela, ke hore Molimo a mo bopele pelo e ncha- pelo e tla otla ka tsela ea Molimo. Davida o ne a ntse a etsa mosebetsi oa Molimo, empa ka kelello le tsela ea hae ea nama. Joale, Davida o ne a batla pelo ea hae e otle joalo ka ea Molimo. Pelo eo e ne e tla shebahala joang hape e be le maikutlo a fe? Davida o ne a tseba hore e tla ba le Moea o motle(temana ea 10), thabo(temana ea 12), pelo e tsetselelang ba lahlehileng(temana ea 13), pelo e khumamelang(temana ea14-15) le pelo e nang le boikokobetso(temana ea17). Ke eona pelo ea sefapano sa Kreste eo a re kopang hore re be le eona. Ha rea qobelloa, ha re sa batle re ka tlohela, empa ha re sa e nke re ke ke ra tseba Kreste le matla a tsoho ea hae. Hopola hore sera se seng sa matla a Semoea ke sebe. Lefu lena la sebe leo re nang le lona kaofela ha re hlaha(Baroma5:12), se lokela ho hlatsuoa/hloekisoa e le hore re khone ho ba le pelo e le ‘ngoe e t’soanang le ea Molimo ea ho jara sefapano sa hae. Matla a tsoho aa khonahala, ha re bale Bagalata5:24,”’Me bao e leng ba Kreste, ba thakhisitse nama, le lithato le litakatso tsa eona.” Ka lebaka lena hobane Jesu o tsohile bafung, o fane ka monyetla oa ho hloekisa sebe le litakatso tsa nama. O hloekisa lipelo tsa rona le litakatso tsa sebe, tseo e leng tsa rona. Joale, ka pelo ena e ncha eo Davida a e hlalosang Pesalemeng ea 51, re ka “ phela ka Moea”,me “ re tsamaea ka Moea” (Bagalata5:24-25). Lentsoe la mantlha temaneng ea 24 ke’bao e leng ba”. Nke ke ka ba oa Kreste ntle le hore ke itele pele ‘me ke tsamaee ka lithato tsa hae. Joale ke halalelitsoe kapa ke beetsoe mesebetsi e halalelang, joaloka ha Jesu a re rapeletse ho Johanne 17:17. A k’u nahanise, hore ka matla a tsoho nka ba le pelo e otlang ho latela thato ea Molimo. Itlhahlobe nakoana hore na pelo ea hao e otla joang. Ka nama, pelo ea hao e tlameha ho otla ha 72 ka motsotso, empa ka Moea, pelo ea hao e tlameha ho otla ka thabo, ka ho tsetselela ba lahlehileng, ka thoriso le boikokobetso. U ea joang? Thapelo ea Letsatsi: “Ke hloka pelo e labalabelang sefapano sa Kreste hobane u nkopile hore ke se jare. Ke batla pelo ea ka e tlale ka Moea oa hae, le thabo ea hae; ke batla ho ba le pelo e tsetselelang ba lahlehileng, lerato la bona, empa ka holim’a tsohle ke batle pelo e ikokobelitseng. Ke batla pelo e t’soanang le ea hao Molimo. Amen.” LETSATSI LA BOHLANO: Ho boleloang ka ho tseba Kreste le mahlomola a hae? Ha re shebe Mattheu 16:24, karolo ea boraro ea pitso ea Kreste ea bophelo ba matla a tsoho. O re bitsitse ka tsela e t’soanang le eo a bitsitseng Andrease, Petrose, Jakobo, Johanne le Mattheu:”Ntatele”. Hopola hore na ke ka makhetlo a makae Petrose a neng a batla ho latela Jesu, empa Jesu a mo joetsa hore ha a so lokele bolateli ‘me a ke ke a bo khona. O ne a so be thatong ea Molimo. Hopola hore morero oa Molimo ke poelano le pholoso. Haeba re tlo tsamaea ka tsela eo ea Molimo re tlo teana le mahlomola le liqholotso. Ke ne ke na le likhoeli tse 18 feela ke le moruti ha ke ithuta taba ena. Ke ne ke natefetsoe ke ho rera le ho etella batho pele, le lintho tsohle tse amanang le boruti empa ke ile ka tlameha ho ithuta hore lintho tseo tsohle li ntokisetsa ho nka karolo le ho tseba Kreste mahlomoleng a hae. Ke ile ka fumana mohala(mantsiboea a Letsatsi le leng) oa e mong oa maphutheho a ka. Mosali enoa o ne a ruta lithuto tsa sontaha teropong eo ka nako e telele. O ile a mpolella ka mosali e mong ea neng a mo ruta a re o nyetsoe lenyalo la bobeli. 23 Monna ea nyetseng mosali enoa le eena o ne a kila nyala ‘me ba ne ban a le bana ba 7 bao ba ba holisang. Tsatsing leo mosali o ne a il’a ba le khang le monna oa hae . Ka mor’a nakoana a ea polasing ea moo ba lulang. A fihla a nka sethunya a ea ntlong ka sona , a batla monna hohle eaba ha a mo fumane. Ea re haa sa mofumane a nka sethunya a ithunya ka sona eaba oa ipula. Tichere ena ea sekolo sa sontaha e ne e batla ho tseba hore na ke tla etela lelapa leno na. Ke kopa ho buoa nnete ,ke ne ke sa batle ho ea. Boithuto ba baruti le kutloisiso li ne li sa ntukisetsa maemo a kang a na, ‘me ke ne ke sa tsebe hore na ke tlameha ho reng kapa ho etsang. Ha ke fihla moo,batsoali ba monna le bana ba supileng ba neng ba le teng. Ka mora nako ea tsitsipano,ke ile ka hlokomela hore e ne e se balateli ba Kreste ‘me bane ba sa thabeleng bo teng ba ka moo. Ke utloa Moea o halalelang o nts’usumetsa ‘me ka botsa monna hore na u batla ho ea ka ntle. Re nkile nako kantle,re le babeli feela ‘me ke ne ke sena mantsoe kapa litemana tseo a neng a ka li utloisisa. Seo ke ileng ka khona ho se etsa ke ho mo utloela bohloko eena le mahlomola a hae.Sena se ne se le thata ho feta ho mofa mantsoe a bohlale ao a e song ho a utloe. Nako eo,e ne e le eona feela tsela ea poelano sebakeng sa monna eo le Molimo. Ho latela Jesu tseleng ea hae,ho bolela hore ho bona ba bang ka tsela eo a ba bonang ka teng. Ke sona seo Paulosi a neng a se bolela haa ngola 2Bakorinthe 5:16, “Ka baka leo,le joale ha re sa tseba motho ka nama;” o ne a se a bona batho ka pelo e ncha e neng e otla ka mohopolo oa poelano le pholoho. Ke lokela ho le hlokomelisa hore pelo ena e ncha e hlokofala ha bonolo. Lintho tse utloisang Molimo bohloko joale le uena li se litla u utloisa bohloko. Mona ke moo kopano e hlahang teng. Kopano ea rona le Kreste e tiea maemong ana. Ha hona maemo a mang ao ke tsebang re mo tseba ka botlalo. Ha rea lokela ho sheba maemo ao ka bonngoe. Haeba re latela Kreste,re nkile sefapano sa hae re itetse,re tla kopana le lintho tse re utloisang bohloko. Lelapeng le leng re ile ra ba mahlomoleng le lelapa le leng la mophutheho oa rona. Morali oa hae ea lilemo li 15 o ne a kulela lefu matsatsi a leshome. Likamano tsa rona le lelapa lena li ne li le ntle le ha re ne re na le ho se lumellane ka maikutlo linthong tse ling tse amang kereke.Ha re ntse re nka hora ka mora e ngoe hammoho re le sepetlele,re ile ra qalella ho kopanela ho arolelana mahloko le mahlomola a Kreste. Litaba tse molemo ke hore morali eo o ile a folisoa ka mohlolo ‘me ke mosali ea phetseng hantle le kajeno. Taba e nngoe e thabisang ke hore maphelo a rona a ile a fetoloa ka ho tsamaisana tsela ena nakong ea bothata bona. Re kopane le bona likhoeling tse fetileng,lilemong tse ka bang leshome, ‘me ho ntse ho na le kopano e tiileng mahareng a rona le bona. Ha re latela Jesu, kopano ea rona le eena e ea hola.Matla a tsoho a hlolang sebe le lefu,a ntlhoekisa ‘me hape a ntlafatsa hore ke be mosebeletsi oa Kreste le ho tseba Kreste le matla a hae a tsoho le kopano ea ho arolelana le eena bohloko ba hae. Thapelo ea letsatsi “Morena Jesu,ke kopa hore o nketse hore ke batle ho ts’oana le uena,ke talime lefats’e ka leihlo leo u neng u tla le talima ka lona.Ke lakatsa hore pelo ea ka e otle ka mohopolo oa poelano le oa pholoho. Ke batle le hore lintho tse utloisang pelo ea hao bohloko le ‘na li utloise pelo ea ka bohloko. Ha ke ntse ke tsoelapele ho u latela,ke batla likamano tsa ka le uena li hole.Amen” 24 MATLA A TSOHO LETSATSI LA BOTS’ELELA Nka pents’ele le pampiri e be u hlahloba leeto la hao le Kreste. Bala Mattheu 16:13-28. U arabile potso ea Jesu joang haa re ho uena, “Uena u re ke mang?U arabile taba ea ho itela joang le ea ho ipelesa sefapano sa hae joang. Thapelo ea letsastsi “Ke u leboha ha u entse hore ke tsebe seo u leng sona Mora Molimo o phelang!ka lebaka lena ke batla ho itela pele,ke ipelese sefapano sa ka Letsatsi le leng le le leng ke u latele. Kea leboha Amen” LETSATSI LA BOSUPA Tsatsing lena bala pesalema ea 37, u e nahanisise. Molimo o re bitselitse ho thaba ho eena. Kea lumela hore sena ke lekunutu la matla a tsoho a ho tseba Kreste. Ho thaba le ho nyakalla!Ha re kopaneng hosasa ha re tla be re talimana le matla a tsoho le pitso ea hao. Thapelo ea letsatsi “Morena oa ka,ke batla ho ikhahlisetsa ho uena. Ke lule ho uena ‘me ke boloke litsela tsa hao. Ke batla u be matla a ka ka linako tsohle tsa tlokotsi hobane kea tseba u tla ntokolla.Amen.” LIPOTSO TSA TLATSETSO TSE BUISANOANG KE MALAPA LETSATSI LA PELE 1. Na u kopile morena Jesu hore a u ts’oarele libe? 2. Ke lintho life tseo u li etsang ho bonts’a ba bang hore Jesu oa phela pelong ea hao? 3. Ke lintho life hape tseo u li eetsang ho bonts’a lerato la Jesu Kreste ho ba bang ka liketso e seng ka lipuo? 4. Hlahloba boitsebelo ba hao ba pholoho. Na leeto la hao le Kreste le hlalosoa ke litemana tsa Jakobo 2? 5. Na “metsamao” ea hao ke seo u se “buoang”? LETSATSI LA BOBELI 1. Hobaneng monna oa morui a sa ka a latela Jesu? 2. Ke eng se entseng hore u be mokreste? 3. U nahana hore phapang lipakeng tsa ho ts’oareloa libe le ho latela Jesu ke efe? 4. Oa hlokomela hore u sitoa ho latela Jesu Kreste ka matla a hao? LETSATSI LA BORARO Ho ba le thato tsa hao ke ho tsamaea ka litakatso tsa hao. Ho tela borona ke ho lahla seo batho ba nahanang hore re sona. Ho tela boleng ba rona ke ho lahla seo re leng sona. Ho tela litabatabelo tsa rona ke ho lahla tseo re li tsotellang haholo. Ho tela litoro tsa rona ke ho lahla seo re batlang ho se etsa molemong oa ba ba 1. U lakatsa ho ba eng ha u hola? 2. Ke litoro life tseo e leng tsa mantlha bophelong ba hao? 3. Jesu ke mang ho uena? 4. Na u ikemiselitse ho lahla le ho tela meralo ea hao le litoro tsa hao e be u latela Jesu ha a u kopa ho etsa joalo? 5. Na bolokolohi lithatong tsa hao bo u tlisetsa thabo? LETSATSI LA BONE 1. Davida o ne a batla pelo e joang pesalemeng ea 51:10? 2. Pelo e joalo e ne e tla ratang? 25 3. U ka fumana joang pelo e joalo ka eo Davida a neng a e batla? 4. Na pelo ea hao e hloekisitsoe linthong tsa sebe,tse reng uena feela? LETSATSI LA BOHLANO Morero oa Molimo ke oa poelano-ho re boelanya le eena,le oa pholoso-ho re ts’oarela libe.Tsela eo e tla kenyelletsa le mats’oenyeho. 1. Na u kile oa ba le motho ea mahlomoleng kapa ea utloileng bohloko haholo? U ile oa ikutloa joang? U ka bonts’a lerato la Jesu joang ho batho ba mahlomoleng? See se etsa hore u ikutloe u atamelane le Jesu ha kae? 2. Molimo o ile a sebelisa maemo joang hore a etse hore a be le likamano tse tiileng le motho? 3. Na ho na le bothata boo u nang le bona boo Molimo a ka bo sebelisang hore a itlotlise haa joale? BEKE EA BORARO “Hobane le bolokehile ke mohau,ka tumelo,ha ho tsoe ho lona,ke mpho ea Molimo;ha se ka mesebetsi ho tle ho se ke haeba motho ea ithosisang. Hobane re mosebetsi oa oona,re bopetsoe ho Jesu Kreste mesebetsi e molemo eo Molimo a e lokisitseng pele,re tle re itsamaele ho eona.”(Baefese 2:8-10) LETSATSI LA PELE Na ho na le ntho eo u utloang e ka u e bitselitsoe? Hona joale na hona le seo u kareng u se bitselitsoe,mohlomong ho ba morumuoa Hawaii kapa sehlekehlekeng se setle sa Caribbean? Ho na le pherekano e ngata ka lipitso tsa rona bophelong. Batho ba se ba bile ba sebelisa pitso ea Molimo hampe joaloka ba etsang lintho tsa bohlanya le tse soabisang ka lebitso la Molimo. Joale ho bolelang ho bitsoa ke Molimo? Ho bitsoa ho amana joang le ho phela ka matla a tsoho? Lia hokahana hobane moo re bitsitsoeng ke Molimo ke teng moo re phelang ka matla a tsoho bophelong ba rona. Ho latela ka moo re tsebang Molimo ka teng,re na le ts’epo ea hore ha a re bitsetsa mosebetsing o itseng,o tla re fa le mohau le matla a ho araba pitso eo. Ha re shebe hape litemana tsa rona tsa mantlha,Bafilipi 3:10-11 u shebe karolo ea ho qetela ea temana ea 10, “Ke tle ke ts’oane le eena lefung la hae.” Re ts’oana le Kreste joang lefung la hae? Na re tlameha ho shoa sefapanong joaloka eena? Ee ho ka etsahala ho ba bang empa ha ke nahane hore ke seo Molimo a re bitselitseng sona. Buka ea Bakolose 2:12 re bala hore,”….le patiloe le eena kolobetsong,moo le tsositsoeng le eena ka ho lumela matla a Molimo o mo tsositseng bafung.” Hopola re itse ho itela pele,ho tela sebe,kapa ho hloekisoa litakatsong tsa sebe ke ho tlohela morero oa sebe re etsa morero oa Molimo maphelong a rona. Rea hlokomela hore ha re ntse re le lefats’eng,morero oa rona ke hore re kopanele le Molimo mosebetsing oa hae oa pholoso le poelano. Ho latela bafilipi 2,morena Jesu o ile a tela tokelo ea hae ea ho ba letsohong le letona la Molimo ntate,hore e be mopholosi. Molimo o re kopa ho ba le katamelo le mohopolo o ts’oanang le oa Jesu(temana ea 5). Ho ts’oana le Jesu lefung,ke ho kopanela le eena morerong oa hae ‘me re tela litakatso tsa rona. Ke ho sheba bophelo ka leihlo la bosafeleng ba matla a tsoho. Sena ke se re lokisetsang pitso ea rona ho Molimo. Nka metsotso e fokolang,u nahana hore na Molimo o u bitselitseng , ‘me u shebe hore na u arabetse pitso eo joang. Thapelo ea letsatsi “Kea rapela hore kajeno o mphe sebete sa hore ha u mpitsetsa ho etsa ho itseng,ke ts’epe hore u tla mpha mohau le matla a ho phetha pitso eo bophelong ba ka.”Amen. 26 LETSATSI LA BOBELI Re tseba joang hore Molimo o na le pitso bakeng sa e mong le e mong oa rona? Re nka kereke e le “‘mele oa Kreste” ‘me rea nepa. Le ha ho le joalo lentsoe kereke testamenteng e ncha hantle le bolela “ba bitsitsoeng.” Re ka ipotsa potso ea hore na “re bitsitsoe ho tsoa kae?” karabo e ka ba hore ba bitsitsoeng ho tsoa mekhoeng ea khale ea sebe ho tla bophelong ba pitso e ncha-morerong oa ho boelanngoa le eena. Ha rea bitsoa feela ho tsoa empa re bitselitsoe le ho ea. Ha re bale baheberu 5:11-6:3. Hobaneng ha re tsoelapele ho ja lebese re sa je lijo tse thata? Hobaneng re lula re pota pota ka “lithuto tsa motheo” hofihlela re buisana ka tsona re entse likhang ka tsona,re arohane ka baka la tsona? Hobaneng re shebana re sa ee pele ra holela bophelo? Ho ka ba le mabaka a mangata empa ho ea ka nna la mantlha ke hobane ha re so qalelle ho phela ka matla a tsoho. E amana hantle le seo re buileng ka sona bekeng e fetileng ho Johanne 3:16. Taba kholo ea rona e “ho se shoeng”le “ho ba le bophelo bo sa feleng” ho feta seo Molimo a batlang ho se etsa hona joale. Re tsepamisa maikutlo a rona hore na re bolokehile ho eng- kahlolo ea libe tsa rona ho feta hore na re boloketsoeng-bophelo ba matla a tsoho. Joale chalimo ea rona ea bokreste ke e tloaelehileng,ea hore na “u pholositsoe?” Athe taba ea Jesu e ne e tlaba, “Na u oa ntatela,u itetse pele na,na u ipelesitse sefapano sa ka?” Ho ka nna hoa utloahala eka re se re buoa ka evangeli ea mesebetsi e seng ea mohau. Empa ha ho joalo!Re bolokehile ke mohau, ‘me re tsamaea ka moea mohaung. Mosebetsi oo re o etsang ke hore re ntse re re “che, ho Jesu Kreste haa re re molatele. Le ho lumellana le Molimo ha a re re molatele ho tsoa mohaung oa hae o sebetsang ka ho rona. Ha feela re kholisehile ke mohau oona,re tla laba labela ho latela Jesu. Ke ee ke utloe batho ha ba imeloa ke bofokoli ba bona ba re, “Ke ka tlasa mohau oa Molimo”.Ha ke hopole seo ekaba mohau ho hang. Ke hore, “Morena kea utloa hore na o reng,empa kena le morero oa ka. Mphe mohau o lekaneng hore ke tsoelepele ho etsa thato ea hao eseng ea ka hobane ea ka ha se ea mohau. Bophelo bo pheloang ka matla a tsoho ke karabelo mohaung oa Molimo bophelong ba ka le ba lefats’e. Nka nako kajeno u itlhahloba,u nahanisa mohau oa Molimo. Thapelo ea letsatsi “Morena oa ka,ke batla ho tsepamisa mehopolo ea ka bophelong bo safeleng le ho uena ka ho itela pele le ho ipelesa sefapano sa ka. Ke bolokehile ke mohau oa hau ‘mme ke tsamaisoa ke moea oa hao oa mohau.Amen.” LETSATSI LA BORARO Enngoe ea lipina tseo ke li ratang e buoa ka mohau. Mantsoe a mang a eona a re, “Mohau oa hao oa makatsa,lerato la hao ke misteri. Letsatsi le leng le leng ke oa ka mangole a ka hobane mohau oa hao o lula o ‘makatsa kamehla. Re ntse re buoa ka pitso ea rona. Re bitsitsoe ka mohau. Molimo ha a re bitsetsa mosebetsing o itseng hobane o re ts’oanela kapa hobane re ka khona ho o etsa,o re bitsa ka mohau oa hae e be o re hlomella ka tsohle tseo re li hlokang hore re phethe mosebetsi. Ka mokhoa o mokhuts’oanyane,pitso ea rona ha e re letho ka rona empa e buoa ka molimo feela. Hantle ntle bophelo ba matla a tsoho bo buoa ka Molimo feela,e seng rona. Ke ka lebaka lena ho leng bohlokoa ho hlatsuoa semelo sa sebe. Ho sa tsotellehe hore na re hlatsoitsoe ho le ho kae,re ba le semelo sa borona,ho sa tsotellehe hore na motho o matla ha kae le hore na o leka hakae ho latela Molimo. Ha re utloisisa ka lefu le tsoho ea Jesu,mesebetsi ea diabolosi e felisitsoe,re ka lumella mali a Jesu hore a re hlatsoe bokhopo bohle(1 Johanne1:9) 27 Bala baefese 5:16-26 ‘me u shebe hore na Paulosi o hlalohanya mesebetsi ea nama le ea moea joang. Lintho tsena tse peli li fapane ‘me motho u sitoa ho li etsa ka bobeli.E lokela ho ba moea kapa nama e seng ho hong.O ele hloko hore ha ke fihletse boemo ba ho se ikhabe(ke itetse ke siile tsa ka ),ke jere sefapano sa Kreste (ke lumetse pitso ea hae),ke ka mo latela (ka phela ka moea,temana ea 16,25). Sena ke sona seo Jesu a se bolelang ha a re re lokela ho kolobetsoa ka Moea o halalelang.(Liketso 1:5). Ka matla a tsoho ,re ka tlatsoa ka Moea o halalelang maphelong a rona. Lentsoe lena kolobetso ho tloha motheong le ne le bolela ho ina ka hare ho ntho e fetolang ‘mala oa liaparo. Re lokela ke hona hore re ineloe ho Kreste le hore re fetoloe mokhoeng oa sebe ho isoa ho o mong oa pitso ea Molimo. Joaloka ha re buile bekeng e fetileng,re nka matla ao Jesu a buileng ka oona ho liketso 1 malebana le Moea o halalelang e be re batla ho o sebelisa. Re nyenyefatsa matla a Moea o halalelang ka lintho tse kang liponts’o le mehlolo. Mehlolo le liponts’o e ka ba karolo ea matla a tsoho empa litla tlisoa ke bophelo ba semoea. Matla ao Jesu a neng a buoa ka oona ke a “ho phela ka mokhoa o ts’oanelang pitso eo le bitsitsoeng ka eona(Baefese 4:1) Paulosi o hlalositse matla a na a tsoho ka tsela e‘ngoe ho 2Bakorinthe5:14 ha a re” Hobane lerato la Kreste le re tlamile”. Haeba bophelo ba hao bo sa ntsane bo re uena le litakatso tsa hao, lerato le ke ke la u tlama, litemana tsa 14-15 li bont’sa hantle hore na motho ea fetotsoeng ke mohau oa Molimo o joang. Hobane Kreste o re shoetse, rea shoa litseleng le mekhoeng ea rona. Ha u sa iphelela- u phelela ba bang, e leng bophelo bo susumetsoang ke lerato. Joale, re ikemiselitse ho tsoelapele ka pitso ea Molimo ho rona. Ha re ntse re itokisetsa hosane, re tle re balile Baefese2:10. Thapelo ea Letsatsi: “Pelo ea ka e labalabela hore u e hlomelle hore e tle e khone ho phetha pitso ea hao bophelong ba ka; ho phela bophelo bo t’soanelang pitso ea ka. Ke batla ho phela bophelo bo susumetsoang ke lerato la hao. Amen.” LETSATSI LA BONE: Baefese2:10 ke temana e lokelang ho t’soaroa ka hlooho,”Hobane re mosebetsi oa ona, re bopetsoe ho Jesu Kreste mesebetsi e molemo, eo Molimo o e lokisitseng pele, re tle re itsamaele ho eona..” Molaetsa o mo kakang. Tsela e ‘ngoe eo re ka hlalosang lentsoe “mosebetsi oa rona” ke hore “ re libopuoa tsa oona”. Boholo ba rona ha re inahane re le libopuoa tse khethehileng, empa Molimo eena o re nka re khethehile hobaneng? Hobane o re entse. Ba bang ba lona le nahana hore le ka be le entse mosebetsi o betere hoja Molimo o ile a kopa maikutlo a lona pele, e be o u entse ka tsela eo u neng u tla nepahala ka eona sebakeng sa mesebetsi ea hao. Ho latela temana ena, o na na le mohopolo o itseng oa hae. Sheba poleloana ea ho qetela temaneng eo, “ re lokisitsoe pele. Pele ho eng? Oa ipotsa? E , e bolela hore pele Molimo a bopa lefat’se, o ne a tseba hore u tla ba teng le hore na u tla phela neng. Ha u oa hlaha ka phoso, Molimo haa u tlisa ka t’sohanyetso. Molimo o tsebile hore u tla ba teng lefat’seng lena, ‘me a u lokisetsa hore u tlo phela lefat’seng lona lena kajeno. U “bopetsoe ho Jesu Kreste mesebetsi e molemo.” Ka mantsoe a mang , Molimo o u etselitse mesebetsi, bosebeletsi le boruti. Ha u bona lentsoe “boruti” mehopolong ea rona ho tla ‘moleli, 28 MATLA A TSOHO moevangeli le morumuoa. Ka tsela e ‘ngoe re tse ling tsa lintho tsena, empa pono ea Molimo e kholo ho feta mono. Leka ho sheba set’soant’so seo se seholo hona joale. Molimo o mosebetsing oa ho boelanya lintho tsohle(lefat’seng le leholimong) le eena ka seo Kreste a se entseng sefapanong(Bakolose1:20). U oela kae set’soant’song see? Ba bang ba rona ba nahana hore bosebeletsi bo ka kerekeng feela. E bosebeletsi ha ngata bo ka kerekeng. Empa kereke le baetapele ba eona ba lokela ho hlomelloa hore ba tsebe ho etsa mosebetsi oo Molimo o ba bilelitseng ona.ke nnete hore karolo e ‘ngoe ea pitso ea hao ke ho nka karolo ‘meleng oa Kreste. Ho latela Paulosi ho Baefese4, re kolobellelitsoe ‘meleng oa Kreste. Pitso ea hao e kholo ho feta moo; Re bilelitsoe ho ba karolo ea ‘mele oa Kreste lefat’seng ka bophara. Bala 2Bakorinthe5:11-12. Ho na le litaba tse ngata moo, empa sheba litemana tsa 18-20, Paulosi o re kaofela ha rona ba “leng ho Kreste” re bitselitsoe t’sebeletso ea poelano. Re khethiloe re le man’gosa joaloka ha e ka Molimo o etsa boipiletso ba hae ka rona. Ana ke mantsoe a makatsang. Ho ba len’gosa ke pitso e phahameng. Linaheng tse kholo, mangosa a naha a khethoa ke moporesitente kapa tonakholo. Re khethiloe ke Molimo hore re be mangosa a Kreste. Ke eona pitso ea rona. Ema, o reng, e le hore hona ho bolela hore re na le pitso e le ‘ngoe? Set’soant’song se seholo,ee ho joalo. Empa, Molimo, ka bohlale ba hae bo se nang ho lekanngoa o re file litsela tseo re ka arabang pitso ea hae. Nahana kajeno hore na u lengosa le joang la Kreste. Thapelo ea Letsatsi: “Nka be ke so tsebe hore ke sebopuoa se khethehileng, empa kea leboha hore e be u nkuketse holimo ha kaalo. Pele lefat’se le theoa u ne u se ntse u tseba hore na ke tlo ba joang, ‘me u ile oa nthata ho le joalo. Ke ikutloa ke tlameha ho ba lengosa la hao.Amen” LETSATSI LA BOHLANO: Maobane re tsebile hore re bilelitsoe ho ba mangosa a Kreste eo a re fileng molaetsa oa bosebeletsi ba poelano. Ha re khutlele ho Baefese2:10. Molimo o re bopetse mesebetsi e molemo ka Jesu Kreste, o re bopile, a re bitsa, a ba a re hlomella hore re tsebe ho e etsa seo. Mesebetsi ena e molemo e shebuoa set’soant’song se seholo- pitso ea rona re le mang’osa ke bosebeletsi ba poelano. Bophelong ba tsoho, re mosebetsing le Molimo morerong oa ho pholosa le ho boelanya. Hona le lintlha tseo re lokelang ho liela hloko ha re araba pitso ena: cheseho, monyetla le kopano le Molimo. Tsena ke tsona litsela tseo Molimo a li sebelisang ho rona ho phetha seo a re biletsang sona ho latela Baefese2:10 le ho latela tlhaloso ea 2Bakorinthe5:18-20. U chesehellang bophelong? Ke eng ntho eo u e etsang hore u utloe u le mafolofolo? Ke eng se u thabisang kapa se u qholotsang? Haeba karabo ea hao ke”letho”, u tla tlameha u itlalehe ngakeng u utloe hore na u ntse u phela. Kea lumela u nahana lintho tse ngata tseo u ka li thabelang u ipapisitse le maemo. Ke ling lintho tseo? Nka pampiri u li ngole fat’se. leka ho tlisa lintho tsena pitsong ea hao ho Kreste: Qalong, ho ka nna ha batla ho ba thata ho etsa joalo hobane tse ling tsa lintho e ne e se tsa Moea. Oa hopola ha re sheba Davida Pesalemeng ea 51 re ile ra bona hore na pelo e chesehellang Molimo ke e joang? Bophelong ba tsoho, pelo e otlela Molimo e bile e otla le Molimo. Re ngotse litabatabelo tsa rona tsa motho oa khale, tseo re hlokang ho hloekisoa ho tsona. Joale he, Molimo a ka re sebelisa hore re phethe pitso ea rona. E re ke le fe mohlala. 29 Ke hotse ke le motho ea ratang lipapali, ho li shebella, ho bala ka tsona le ho lora ka tsona. Hoo, ha se mohlolo ho bashanyana ba bangata naheng ea heso. Ha ke ntse ke hola ,lerato leo la tota ho feta. Ntho eo ke neng ke sa e hlokomele ke hore cheseho ena e loant’sana le ho rata Molimo ha ka pelong ea ka. Sena se ile sa tsoela pele le ha ke se ke qalile ho ba moruti. Sontaha se seng, ke ile ka shebella papali e ‘ngoe ‘me ke ne ke tsepamisitse maikutlo. Ke ne ke shebelletse papali eo ka pelo ea ka kaofela. Qetellong sehlopha sa heso sa hloloa, eaba qetello e bohloko. Ke ne ke ntse ke nahana ka papali ena le mantsiboea ha ke ntse ke tsamaisa t’sebeletso kerekeng, ka rera ka moea o oeleng ka lebaka la sehlopha sa heso se hlotsoeng. Ha ke hopola tsatsi leo, ke ile ka hlokomela hore katamelo le mohopolo oa ka ho Molimo o ne o se motle, o sa khahlise. Eaba ke qala leeto le lecha la hore na cheseho eaka e lutse hokae na. Ke ntse ke rata ho bapala le ho shebella lipapali, empa hona joale li nkile sebopeho sa matla a tsoho, li nkile karolo set’soant’song se seholo. ‘Me u ka se kholoe hore Molimo o khona ho sebelisa lit’sekamelo tsa rona ka nako e ‘ngoe ho phetha morero le mosebetsi oa hae oa poelano. Ha lipelo tsa rona li fela li otla le ea Molimo, a ka nka lit’sekamelo tsa rona le licheseho tsa rona eaba o li sebelisetsa “mesebetsi e molemo” eo a re bopetseng eona. E ‘ngoe ea litebello tsa rona lihlopheng tse nyane ke hore re lumelle licheseho le lit’sekamelo ho susumetsa ho thomeha ha lihlopha tse ling tse nyane. Batho ba ka bokella lit’sekamelo le licheseho tsa bona eaba ba li sebelisetsa ho araba mosebetsi oa poelano. Cheseho e kholo ea bophelo ba hao ke e fe? Jesu o lakatsa ho ba teng moo. Bala Mattheu5:8 le 6:1924. Botsa Molimo ka nnete eohle hore na letlotlo la hao le hokae? Thapelo ea Letsatsi: “Haesale ke sebetsana le nako ena ea boikhutso libekeng tsena tse peli tse fetileng , ke ithutile haholo ka uena le hore na u batlang ho nna ha u mpitsa. Ke batla ho chesehella ho phetha thomo ea hao le mosebetsi oa poelano.Amen.” LETSATSI LA BOT’SELELA: Maobane re ithutile hore na re ka sebelisa lit’sekamelo tsa rona joang pitsong ea Molimo. Hape, re bitselitsoe molaetsa oa bosebeletsi ba poelano kaofela, ka ha re mang’osa a Kreste. Ka ha re se na cheseho le lit’sekamelo tse t’soanang, ha re na menyetla e t’soanang. Ke bolelang ka hore ha re na menyetla e t’soanang? Monyetla e ka nna eaba lelapa leo u phelang ho lona, sebaka seo u sebetsang ho sona, bahaisane ba rona, sekolo seo re se kenang, kapa libaka tse ling tseo re bang ho tsona bophelong. Leetong la bophelo, libakeng tsena tse fapaneng , re na le menyetla ea ho ba mang’osa a Kreste ‘me ra nka karolo mosebetsing oa poelano. U ka nna oa re u na le menyetla e fokolang libakeng tsena. Mohlomong u ka se bue litaba tsa tumelo le lelapa leno; mohlomong u sebeletsa ‘muso ‘me ha u lumelloe ho bua ka Molimo. Lengolong leo re le bitsang thomo e kholo(Mattheu28:19-20), Morena Jesu o re re etse barutuoa ba lichaba tsohle. Ka nako e ‘ngoe re bala temana ena ka kutloisiso ea hore”e-ea” ke ho tsamaea le lefat’se lohle. Ke nnete re lokela ho etsa joalo, empa e ka hlalosoa tjena”ha le ntse le tsamaea”. Ka mantsoe a mang Jesu o ne a re, ha le ntse le tsamaea bophelong bona, le nne le phethe thomo ea ka. Ke hona mona he a reng u o bopetse mesebetsi e molemo pele lefat’se le theoa hore u e etse. 30 MATLA A TSOHO Menyetla e re potapotile, empa ha ngata ha re e ele hloko. Mohlala, ha u ntse u batla koloi, ‘me o batla ea mofuta o itseng, u bona eng hohle ‘mileng moo u tsamaeang? Oa tseba! U iponela mofuta o no o batloang ke uena feela. Li ne ntse li le teng le pele, empa kelello ea hao e ne e so hloke ho e bona. Ho t’soana feela le menyetla ea ho ba lengosa la Molimo moo u leng teng. Ha u phela ho ea ka litakatso tsa hao, u nahana ka eng? Uena. Menyetla eohle eo u e bonang e re uena feela. Ha re phela ka matla a tsoho, litakatso tsa sebe(borona) li felile ‘me ha re sa nahana ka rona empa ka Kreste ea shoetseng ba fumanang bophelo bo bocha(menyetla) (2Bakorinthe5:15). Ha re sa sheba ka leihlo la lefat’se(sebe le borona) empa re se re sheba ka leihlo la matla a tsoho, mosebetsi oa poelano le bong’osa. Ke batla ho khutlela mofuteng oa koloi hape. Ha u na le mofuta oa Vespa, e ba joale u se u batla Honda. U tlo shebana le menyetla ea ho bona Honda. U tla li bona hobane li hohle mona moo u tsamaeang teng. Menyetla ea ho phetha morero oa Molimo e o potapotile. Re lokela feela re shebe ka leihlo la lengosa la Kreste. Ha re phela ka matla a tsoho, ha se ka rona. Ha rea tlameha ho sheba moo ho lumellanang le rona. Ka nako e ‘ngoe Molimo oa re lumella, empa re lokela ho mo t’sepa hore ha hona letho le senyehang. Hape haeba o u bopile pele lefat’se le theoa, o bopetsoe mesebetsi e molemo ka Jesu Kreste, joale u na le kopano e khethehileng eo a e ngotse bukeng ea hae sebakeng sa hao. Thapelo ea Letsatsi: “Morena oa ka, ke kopa hore u nketse hore ke bone lefat’se ka leihlo la hao. Ke batle ho sebelisa menyetla eohle ea ka Letsatsi le Letsatsi ho u bona le ho ba leng’osa la hao hohle mmo ke leng teng. Nt’sebelise ka cheseho hore ke tlise phetoho sebakeng sa hao. Amen” LETSATSI LA BOSUPA Nka Bibele ea hao u bale Pesalema ea 16. Ha u ntse u nahana ka uena, mohlomong u ngola fat’se pitso ea hao ha u e elelloa. E be u ngola lit’sekamelotsa hao(lintho tseo u li ratang) le hore na li ka sebelisoa joang pitsong ea Molimo. Ngola menyetla eo u neng u neng u e nka e se menyetla. Nahana ka kopano ea hao le Molimo eo e ka bang u ile oa hloloa ho ba teng ho eona e le hobane u sa hlokomele hore ke kopano ea hao le Molimo. Hosane re tla qala ho sheba matla a tsoho le hore na a ama likamano tsa rona joang. Thapelo ea Letsatsi: “Kajeno ke amohela lentsoe la hao e le tlhohonolofatso ha ke re ho uena” u tla mpont’sa tsela ea bophelo ba ka; boteng ba hao ke thabo feela; letsohong la hao le letona ke monyaka o hlollang. Nka se rate joang ho batla ho fumana menyetla e mengata ea ho u sebeletsa? Amen” LIPOTSO TSA TLATSETSO TSE BUISANOANG KE MALAPA: LETSATSI LA PELE: 1. U nahana hore ho na le ntho eo Molimo a batlang u e etse?(fa bana nako ea hore ba bue menahano ea bona) 2. Ha Molimo a re bitsa, o re fang ho etsa bonnete ba hore re tla phetha pitso ea hae? 3. Ke litabatabelo life tseo u nahanang hore Molimo o na le tsona sebakeng sa hao? 31 LETSATSI LA BOBELI: 1. Mohau ke lerato le lereko la Molimo ho rona oo re sa o rekeng. Bophelo ba hao bo fetohile joang ke mohau oo le t’soarelo ea libe ka Jesu Kreste ka ho shoa sefapanong sebakeng sa hao? 2. U ka tlisa phapang e feng ha u tseba hore Molimo o u bitsitse?(o u khethile)? LETSATSI LA BORARO: 1. Lentsoe la motheo la kolobetso le bolela ho ina ka har’a tae e be u fetoha ka hohle. Ke eng se re fetolang ha re kolobetsoa? 2. Lerato la Kreste le re tlamile, u ka etsang kajeno, ho bont’sa lerato la Kreste ho motho u sa hloke patala? LETSATSI LA BONE: 1. Ke bosebeletsi bofe boo re bo etsang ka kerekeng ho khahlisa Molimo ka ho tsotella ba bang? 2. Ho bolelang hore lengosa la Kreste? U lengosa la mofuta o feng? Na batho ba bona e bile ba utloa Kreste ka ho tsebana le uena? LETSATSI LA BOHLANO: 1. Ke li fe lintho tse tharo tseo Molimo a re fang tsona hore re phethe pitso ea hae ho rona? 2. Ke eng ntho eo u ratang ho e etsa, eo u ka lulang u e etsa nako eohle? 3. U chesehella ho etsang haholo-holo?(t’sekamelo) 4. Ke ka tsela e joang Molimo a ka sebelisang lit’sekamelo kapa licheseho tsa hao hore u sebeletse ka tsona lefat’seng? LETSATSI LA BOT’SELELA: 1. Ha e ne e ba u na le monyetla o le mong feela, oa ho pakela batho ba itseng ‘me e bile e le uena feela ea ka ba joetsang ka Jesu, u ne u tla reng? 2. Ke efeng menyetla eo Molimo a u fileng eona u le lengosa la hae? U ile oa etsang? BEKE EA BONE “Ka baka leo motho ha a le ho Kreste ke ‘mopuoa e mocha tsa khale li fitile ,bonang tsohle li nchafetse.”2 Bakorinthe 5:17 LETSATSI LA PELE Re se re buile ka matla a tsoho libeke tse ka bang tharo joale. Linatla tse peli tseo e leng lira tsa ronasebe le lefu-li hlokisoa matla ke sefapano sa Kreste. Bakolose 2:15 e re, “Oa hlobolisa le marena le mebuso,oa e pepesa ponts’eng ha Jesu a se a e hlotse sefapanong seo.” Hallelujah, amen le ee. Matla a sebe le motso oohle oa sebe u ka rojoa le ho hloekisoa maphelong a rona ‘me joale matla a Moea o halalelang a ka re tlatsa ka matla a Molimo haholo holo pitso ea poloko le poelano ea Molimo. Likamano li ba moo rabara e kopana le ‘mila. Mathata a rona a mangata,lits’ehlo,le boima li ka latellisisoa ho tsoa likamanong ka mokhoa le tsela e itseng. Ho boima ho tsoelapele le batho bophelong,na ha ho joalo.Joale re tlisa joang matla a tsoho likamanong tsa rona. Tsela e nepahetseng ke Jesu empa ka nako e nngoe re ba le bothata ka lebaka la hobane Jesu ke Molimo ‘me sena se mo fa monyetla.Sena ke nnete. Jesu e ne e le Molimo nameng,e leng Immanuele.E ne e le Molimo ka ho phetheha hape e le motho ka ho phetheha. Ha ke tsebe hore sena se boleleng hantle ntle empa seo ke se tsebang ke hore o ne a na le batsoali,bana ba bo,batsoala,metsoalle,basebetsi mmoho e sita le lira.Ka lebaka lena o lokela ho tseba se seng. Mohlomong re lokela ho talima ho eena hore na re lokela ho atamela likamano tsa rona joang. 32 MATLA A TSOHO Ho fihlela ha a joale re boemong ba hore u ka ba le nnete ka uena esita le ka Molimo oa hao. Ha re ke re leke ho etsa seo. Sena ke seo ke lakatsang hore u se etse. Nka pampiri e fokolang eo u neng u ntse u e sebelisa ‘me re etse boitlhahlobo bo fokolang. Ha re etseng lethathamo la likamano tsa rona. Li fe?Qala ka molekane oa hao haeba u nyetsoe. Le haeba u ne u nyetsoe empa u se u hlalane le eena mo ngole. Haeba ha u e so nyaloe,qala ka motho eo u tlo kena le ena lenyalong haeba a le teng ,motsoalle oa hao oa moshanyana kapa oa ngoanana. E ea ho batsoali,bana,kapa bohle ba etsang karolo ea lelapa. Kenya basebetsi mmoho le metsoalle ea hao sekolong. Joale ngola moahisane kapa motsoalle kapa ba le babeli. Haeba u na le lira li kenyelletse. Joale bula buka ea Mattheu 7:12 e be u bala temana.Arola likano tseo ho qala ka nomoro ea1-10 o qala ka e ka holimo ho latela temana. Sheba na u e etsa joang ‘me re tla talimisisa hape hosasa. Thapelo ea letsatsi “Ha ho na motho ea itseng ho uena ho tla ba bobebe ha u ena le likamano le batho ba bang empa u bile le tsona. U bile u na le lira tse khahlanong le uena ‘me oa li hlohonolofatsa. Kajeno nthuse ho fumana tsela ea ho hlohonolofatsa ba bang le ho tlisa matla a tsoho likamanong tsa ka.Amen” LETSATSI LA BOBELI Ba bangata re tseba molao oa tsamaiso, “Etsa batho ba bang seo u lakatsang hore ba u etse sona.”Re e tseba hape ka phetolelo e nngoe, “etsa ba bang pele seo u batlang ha ba u etsa sona.” U entse bokae sekaleng maobane. Se ke oa botsa,u rialo. Ho lokile ha kena ho botsa empa ke nahana hore Molimo eena u tla u botsa, eseng hobane a batla ho ikhotsofatsa empa hobane a batla ho u thusa. U batla hore re bone hore matla a tsoho a etselitsoe ho re thusa moo re hlokang thuso ka ho fetisa e leng likamanong tsa rona. Na u kile oa ipotsa hore na likamano ke hobaneng li le thata ha kale. U korile holimo haholo likamanong tsa hao,ha ho joalo? Likamano tsa lenyalo tse qalileng ka batho ba babeli ba ratanang,li qetella e le lebala la ntoa,le la likhang le ho hobosana. Ho etsahalang? Ke hobaneng ho le thata? Ha re talimeng hape lira tsa rona tse bolaeang-sebe le lefu. Bula Bibele ea hao bukeng ea Bagalata 5:16-26.Sheba ka kotloloho temana ea 19-21.Ke mosebetsi oa sebe hopola.U tla lumellana le ‘na hore mosebetsi oa semelo sa sebe ke oa boikhabo.Itekole,hloeano,likomang,mona,bohale,likhang liphapang,likhaohano,mohono.Ke bolela hore ke tse amanang le mosebetsi oa motho oa ho ikhaba.Joale talima temana ea 17: “Hobane nama e na le litakatso tse loants’anng moea”Re se re hlalositse hore motho e mong le e mong o tsoaloa e le moetsalibe lefats’eng-a na le semelo sa sebe(Baroma 5:12).Le ha re ka rata motho ea itseng,empa qetellong ea hapang ke mang?ke bouena ba hao. Ha re talimeng mohlala oa tsela eo sena se sebetsang ka teng bophelong ba motho.Talima hape buka ea lipesaleme re shebe ea 51.Davida ke monna oa senatla.Molimo o ‘mitsitse hore e be morena oa Iseraele.O phetha pitso eo hantle ka mokhoa o ts’oanelang.Ke lesole le letle le tletseng ts’epo(sheba ntoa ea hae le Goliata).O boetse ke moetapele oa semoea ea tataisetsang sechaba sa hae khumamelong.Empa u qalella a ba le bothata ba likamano tsa hae.Kamano ea hae le Saule e ile ea ba bosula le hoja sena e ne e se phoso ea hae.Eaba ka mohono le ka nama,o ama likamano tsa hae le basali ba hae ka ho etsa bohlola le Bathesheba.Likamano tsa hae li thehiloe holima thobalano le matla.Ka morao ho mona likamano tsa Bathesheba le monna oa hae Uriah tsa ameha ka lebaka la boqhekanyetsi ’me tsa qetella ka polao.Ho ile hoa etsahalang? 33 Davida o ile a hlokomela hore semelo sa hae sa sebe se mo tsamaisa tseleng e fosahetseng.U ne a hopola hore o ntse a le tseleng e nepahetseng empa qosong ea hae o ile a ela hloko ‘me a itemoha. Ke ka lebaka lena pesalemeng ea 51:5 a reng, “Bona ke tsoaletsoe bokhopong,’me’ o nkemoletse sebeng.”Ha feela semelo sa sebe se ntse se rena,likamano tsa rona li sitoa ho tiea.Hopola hore semelo sa sebe se labalabela ho leng khahlanong le moea. Ho bokoe Molimo hobane matla a tsoho a ka re hloekisa semelo sa sebe ‘me re ka tseba ho rapela le Davida ra re “Bopa ka hare ho nna pelo e hloekileng oho Morena.”Ha re qalella ho phela boteng ba matla a tsoho a felisitseng mesebetsi eohle ea sebe(1 Johanne 3:8 ),rea tseba hore re ka ba le ts’epo bakeng sa likamano tsa rona.Mohlomong molao o reng re etse ba bang seo re lakatsang hore ba re etse sona le rona re qale re ba etse sona ,o ka tiea.Pele o koala kajeno,qetella ka ho bala pesalema ea 51 e be u rapela hore Molimo a u bonts’e seo u hlokang ho se bona. Thapelo ea letsatsi “Oho Molimo u bope ka hare ho ‘na pelo e hloekileng u boele u lokise ka hare ho ‘na moea o tiileng.”Ena e ne e le thapelo ea Davida ho uena Molimo ‘me e boetse kea ka ha re ntse re tsamaea hammoho hara beke le ho hola le ho u tseba hape le hape.Matla a hao a tsoho a ka ntlhoekisa.Amen.” LETSATSI LA BORARO Molimo o hloekisitse lipelo tsa rona semelong sa sebe sohle.Matla a sebe a neng a busa maphelo a rona a felisitsoe ka seo Jesu a se entseng sefapanong ka tsoho ea hae.Mattheu 5:8 e re , “Ho lehlohonolo ba pelo li hloekisitsoeng hobane ba tla bona Molimo.”Ha e ne e ba ke ka rona re ne re tla ngola sena ka mokhoa o fapaneng.Re ne re tla buoa ntho e nngoe joaloka , “ho lehlohonolo ba pelo li hloekileng hobane ba tla etsa lintho tse makatsang bakeng sa Molimo.”kapa re ne re tla re “Ho lehlohonolo ba pelo li hloekileng hobane ba tla rata bahaisane ba bona.”Empa e re ba tla“bona Molimo”, see se bolelang? Ho fihlela mona re lokela hore ra be re utloisisa sena.Ho bona Molimo ho bolela hore re tla be re le boemong bo nepahetseng le Molimo re bona seo a leng sona.Re bona seo Molimo a leng sona,re bona le seo a leng ka sona(ho ipoelanya le tsohle tse leholimong le lefats’enng ka Jesu Kreste) ‘me re bona le pitso ea rona ea borumuoa ba ho boelanya batho le Molimo.Re ke ke ra bona lintho tsena pele re bona Molimo pele.Ho bona Molimo ka pelo e hloekileng ke ho mo bona ka mahlo a Kreste e seng a rona.Ho bona Molimo ka pelo e hloekileng ke ho labalabela ntho e le ‘ngoe feela e leng eena Molimo.Ha se ka rona empa ke ka Molimo. Joale ho ba nang le nnete re ka lakatsa ho theoha sekepe sena haa joale.Ka mora tseo tsohle ho lokela ho be le se seng molemong oa ka ka ho sona.Haeba ke ka Molimo feela ha ke se batle.Hona ke nnete e makatsang ka mohau oa Molimo,lerato la hae le semelo sa hae.Ka ho talima Molimo ka pelo e hloekileng,se seng le se seng seo ke neng ke se labalabela sea phethoa.Ke sitoa hore nka re ke utlosisa sena empa nkile ka iponela sona.Hantle ntle u batlang bophelong?U buee nnete feela.Ke uena le Molimo feela.Na ke thabo,katleho,nyakallo,matla,ho ba le lintho tse bonoang kapa u batla ho tsebahala?Joale ho tseo ke life tseo u seng u li fihletse?Haeba ho na le tseo u seng u li fihletse u ile oa ikutloa joang?Kea u tiisetsa hore u tla lumellana le nna hore seo se ile sa u bakela takatso ea ho fihlela se fetisang seo,kapa ha ho joalo?E na ke nnete ea sebopeho sa boqhekanyetsi ba semelo sa sebe-u ke ke oa se fihlella.Hang ha u hopola hore ekaba u se fihletse u tla bona e ka ha hoa lekana. Sheba hore na lintho tseo tsohle li etsang likamanong.Ha feela likamano tseo li ka u thusa ho fihlella seo u hlokang ho se fihlella mabapi le sebe,e tlaba ke tse lokileng bonyane ho uena.Empa haeba ha u fihle moo u batlang ho ea fihla,ke eng se u sitisang?E lokela ho ba motho ea itseng.Ha feela u etsa seo 34 MATLA A TSOHO u lokelang ho se etsa ‘me le ba u potileng ba etsa seo u hopolang hore ba lokela ho se etsa,le ka tsoella pele.Haeba ba na le tse ling tse ka thoko liqabang li tla ba teng. Hona joale pelo ea hao e hloekisitsoe ka mali a Jesu.Ha u sa lokela ho phela joalo.Karolo e ‘ngoe e fanang ka mathata ke hore re na le litloaelo le litsela tseo re tloaelang batho ka tsona.Litloaelo tsena le litsela li thehiloe holima motho oa khale (2 Bakorinthe 5:17) ka semelo sa sebe sa boikhabo se tsamaisang sena.Joale re talima hore na Jesu u lebelletse hore re nke likamano tsa rona joang.Nka nako u shebana le tsela eo u ts’oarang batho ba u potileng ka eona.Kopa Moea o halalelang ho u thusa hore u be motho oa nnete le ho talima ka mahlo a pelo e hloekileng. Thapelo ea letsatsi “Kea lumela hore pelo ea ka e hloekisitsoe ka mali a Kreste.Moea o halalelang nthuse hore ke talime ka nnete ka mahlo a pelo e hloekileng,ho bona Molimo ka mahlo a Kreste e seng ka a ka.Ke rata ho labalabela ntho e le ‘ngoe e leng uena.Ha se hore na ke batlang Molimo empa ke hore na uena u batlang. LETSATSI LA BONE Bula Bibele ea hao thutong ea thabeng e hlahang bukeng ea Mattheu5:7.Jesu a qala thuto ea hae ka mantsoe a ts’oanang lea Johanne mokolobetsi ha a re, “Bakang hobane ‘muso oa maholimo o atametse.”(Mattheu 4:17).Ena e ne e le polelo joaloka ha e ntse e le eona le kajeno.Mantsoe a mang a Jesu e ne e le ponts’o ea ‘muso oa maholimo.Batho ba bang ba lekanya hore thuto ea thabeng e ne e se ea batho ba lefats’e lena empa e ne e le tlhaloso ea se leng hona se tla tla.Ho bonolo ho fumana hore na ke hobaneng batho ba bang ba bona joalo.Ha re sheba thuto ena ka mahlo a semelo sa sebe le ho ikhaba ,ha ho ka moo mantsoe a Jesu a neng a ka utloisiseha ka teng.Le ha ho le joalo ,le ha re sheba ka mahlo a matla a tsoho,joale re ka lumella Jesu hore a re tsamaise. Sheba Mattheu 5:43-48.Ha u bala serapa seo u nahanang?Se utloahala e le bolefats’e, na ha ho joalo?Rata lira tsa hao?ke mang ea ka etsang seo?Rapella ba u hlorisang le ba u etsang lintho tsohle tse mpe ho uena? Ke mang ea ka khonang ho latela melao ee?Hape le mona ha re ka sheba ka leihlo la semelo sa sebe ha e etse moelelo.Taba ena kea bo nna,ke hore nna pele.Ka tsebo ena,ke lokela ho sebetsana le lira tsa ka ka mokhoa o ts’oanelehang,ho ea ka moo seo se se bolelang.Empa Jesu o itse re ba rate.Lentsoe leo a le sebelisang bakeng sa lerato,le kenyelletsa le ho ba etsa hantle.Ka mantsoe a mang,a se feela ho sebelisana kapa ho mamella sera,empa ke hore le molao oa hore u etse sera kamoo le uena u batlang ha se u etsa oa u sebelisa.Joale re etsa joang seo lefats’eng lee?Ha re etse sena lefats’eng empa re se etsa matleng a tsoho. Joale re lokela ho sebelisa matla a na a tsoho.Bafilipi 2:3 o re, “Le se ke la etsa letho ka khang le ha e le ka boithoriso ba le feela,empa e mong le e mong ka boikokobetso a lekanye hoba ba bang ba mo fetisa.”Na se e se bolela le lira tsa rona? ‘nete ke hore ha ke bone moo ho siiloeng lira tsa rona ‘me sena se bolela hore le tsona li kenyellelitsoe.Hopola hore ho Bafilipi 2:6 re nehelane ka litokelo tsa rona e le hore re tle re pholose ba bang.Moo ke litokelo li fe tseo re nehelaneng ka tsona ?Re tlohella feela tokelo ea ho ahlola le hoja batho e ka ba bona ba molato, le tokelo ea ho shebana le rona .Sena se tla re thusa hore re rate le lira tsa rona ka ho ba etsa hantle le ho boloka ba bang joaloka baemeli ba thuto ea poelano. Sebaka se seng seo re ka sebelisang sena ho sona ke ho 2 Bakorinthe 5:15-16. Ha re shebana le matla a tsoho,re tla hlokomela hore sera sena le sona Kreste o se shoetseng;ka lebaka lena re ka mo nka ka tsela eo e seng ea sera ho ea ka nama ea rona.Na see se bobebe? Na sea khonahala?Ho joalo sea 35 khonahala hobane ke eona tsela eo Jesu a re etselitseng ka eona le eena.Baroma 5:8, “Empa moo Molimo o totisitseng lerato la oona ho rona teng,ke ka hore re sa le baetsalibe,Kreste o bile a shoa sebakeng sa rona.” Ha e ne e ba Jesu o ile a re talima ka mokhoa oa lefats’e,a ka be a sa re shoela.Ka matla a tsoho a ka ho rona,re ka talima ho eena ‘me ra rata joaloka eena.Nahana hore na re ka etsa sena ka sera sa rona joang,ho balekane,metsoalle,malapeng e sita le basebetsing mmohong. Bala Mattheu 5-7 butle.Lumella Molimo ho hlahisa mehopolong ea hao, lifahleho le mabitso a batho le tsela eo u ka qalellang ho sebelisa matla a tsoho. Thapelo ea letsatsi “Ke rata ho sala morao mohlala oa hao oa boikokobetso ntle le ho khetha.Ke rata ho lopolla ba bang joaloka moemeli oa thuto ea poelano ea Jesu.U mponts’itse hore ha ke ne ke sa le moetsalibe,Kreste o ile a thakhisoa a ba a shoa ka lebaka la ka.Ntumelle ho bona ka mahlo a hao e le hore ke tle ke tsebe ho sebelisa matla a tsoho.Amen.” LETSATSI LA BOHLANO Leeto la hao le bile joang ka thero “thuto ea thabeng”?Ha ho bonolo ho utlosisa tse ling tsa lintho,na ho joalo?Motho e mong o re litloaelo tsa khale li shoa ka thata.Sena ke nnete haholo ha re tla tabeng ea likamano.Maphelo a rona a filoe sebopeho ke likopano ‘me re se re ithutile le litsela tseo re arabelang libopehong tseo.Ka bomalimabe lintho tse ngata tsa tseo re ithutileng tsona li isa ts’enyehong,empa hopola seo Molimo a se entseng.Matleng a tsoho a sentse mesebetsi eohle ea diabolosi.Maphelo a rona joale a ka pheloa ka khanya ea matla a na e seng ka khatello ea semelo sa sebe.Hopola hore ha rea lokela ho tsamaea ka sebopeho sena sa sebe.Re lokolotsoe ‘me re ka tsamaea ka mora matla a moea oa tsoho. Ha re qaleng ka thapelo ea morena bukeng ea mattheu 6:9-15.Sheba haholo temana ea 12,14 le 15.Haeba ho na le se ka etsang hore matla a tsoho a se sebetse,ke se ngotsoeng lipolelong tsena tsa Jesu.Morena Jesu o tisitse ha a re re ts’oarelane ‘me o tiisitse.Ts’oarelo ea rona e na le boleng bo holimo haholo ‘me Kreste ha a rate hore re e nke hanyenyane.Pele hopola kamoo uena u ts’oaretsoeng.1 Johanne 1:9 e bonts’a hore ke ka mali a Jesu libe tsa rona li ts’oaretsoeng.Li ts’oaretsoe joang?Hopola matsatsi a fetileng ha re ne re bala pesalema ea 103.E reng?Temana ea 3 e re , “ke eena ea o ts’oarelang makhopo oohle” temana ea 10 e re “Molimo ha a ka a re etsa ka moo libe tsa rona li leng ka teng ha a ka a re putsa ka moputso oa makhopo a rona.” Temana ea 12 eona e re,Joalokaha bochabela bo le hole le Bophirima o lahlela makhopo a rona joalo hole le rona.Ha ke tsebe ka uena empa sena se utloahala Molimo a tiile ha a buoa ka ts’oarelo.Ho nka tumellano e kholo,ka mali a Jesu ‘me a koahela tsohle.Utloisisa sena ho tsoa ho Mattheu 6 Jesu u re ha u fumane ts’oarelo pele uena u fana ka eona.Bala temana ea 15. E utloahala e ka ke thuto ea mesebetsi hape,na ha ho joalo?Ts’oarelo ea rona re e fumana ha Jesu a ne a lla ha a le sefapanong, “Ntate ba ts’oarele hobane ha ba tsebe seo ba se etsang”,ena ke mpho e ke keng ea fetoloa e ileng ea tiisoa ke tsoho ea hae.Temana ea 15 e bolelang?E bolela hore ha ke sa ikemisetsa ho ts’oarela ba bang seo ba nkentseng sona,ke ntse ke le sebopehong sa sebe le sa ho ikhaba.Ke koaletse ho phalla hoa mohau oa Kreste hore o sitoe ho mphihlella le ho ntlhoekisa.Jesu o hlalosisa sena hantle bukeng ea Mattheu 7:1-2. 36 MATLA A TSOHO O re bolella litemaneng tsena hore re se ke ra ahlola.E utloahala ha monate empa ha se ka mehla e sebetsang hantle,na ha ho joalo?Re tletse ka ho ahlola ba bang ‘me re ho apese hantle hore ho se ke hoa utlohala hore re ntse re ahlola.Bonyane re lekanya ho re e be re koahelisitse.Re ka ahlola kantle le ho buoa polelo ,empa e ka ba ka ts’ebeliso ea hlooho,ho koba leihlo le ho bonya le molumo oa lentsoe le sa utloahalang li ka sebelisoa ho ahlola ba bang. Litsela li ngata tseo re ka ahlolang ba bang.Jesu o re temaneng ea 2, “Tekanyo eo le lekanyetsang ba bang ka eona le lona le tla lekanyetsoa ka eona.”Sena se ts’oana le ho buoa ka ts’oarelo khaolong ea bots’elela.Mohau o fanoe ho setseng ke hore ho se ho itsoela mothong ho o ananela. Bakreste ba bangata ba tlamiloe ke ho hloka ts’oarelo,ho baba le khalefo ho feta lintho tse ling.Bana ke ba senyang likamano.Ba nka ho fumana mohau le ho o fana e le ntho ea lefeela. Hobaneng re its’oaseletsa ka lintho tsee?Karolo e ‘ngoe ea eona ke hore re batla ho bapala Molimo.Ha re ts’epele Molimo hore a ka ts’oara batho ka litsela tse ts’oanang.O tlohele taba ea hore ha a ka a re etsa ka moo libe tsa rona li neng li lokela hore li etsoe.(hopola pesalema ea 103).Ha re lumelle Molimo ho sebetsana le batho ba re utloisang bohloko.Ho se ts’oarele ke ho se lokolle batho litlamong tsa kahlolo ea rona.Hopola hore tekanyo eo re lekanyetsang ba bang ka eona le rona re tla lekanyetsoa ka eona.Ho ea ka Jesu re ke ke ra fumana mohau le ts’oarelo tse fetang tseo re fanang ka tsona. Lebaka leo lintho tsena li thibellang ho phalla hoa mohau,ke hobane re atamela lintho ka tsela ea khale ea semelo sa sebe.Ha re ela hloko ho teba hoa lerato la Molimo ho rona le matla a hlollang a tsoho ea Kreste,re ka tla sebakeng seo re sa etseng lintho molemong oa rona empa re li etsa molemong oa Molimo.Ha ese molemong oa rona re ka atleha ho se ahlole ba bang.Re ka lokolla ba bang kahlolong ea rona le ho ba ts’oarela.Hopola pelo ea hao e hlokisitsoe ka mali a Kreste ‘me le bophelo ba hao matleng a tsoho,ha bo sa le ka uena empa ka Molimo.Se ke oa hlola o phela ka tsela ena.Ts’oarela ba bang.Lokolla ba bang kahlolong ea hao ‘me u lumelle mohau oa Molimo ho u tlatsa. Thapelo ea Letsatsi: “Oh sena se utloahala ha monate,ke hloekisitsoe ka mali a Kreste.Ha ho sa le lebaka la ho phela ka tsela eo Jesu a sa phelang ka eona.Ke lakatsa ho lokolla motho e mong kahlolong ea ka ‘me ke lumella mohau oa Molimo ho nthusa.O makatsa ha ka kang;ke eena feela ea ka etsang sena molemong oa rona.Ke rata ho phela bophelo ba ka leseli la matla ana.Amen.” LETSATSI LA BOTS’ELELA Hara libaka tseo matla a tsoho a lokelang ho sebelisoa ho tsona,ke likamanong tsa lenyalo.Haeba ha u oa nyaloa ha ho na lebaka kopanela le rona feela thuto ena.Ke lumela u na le likamano tse tebileng le motho e mong ‘me u ka phela matleng a tsoho hona likamanong tseo. Haeba u nyetsoe,ema ha khuts’oanyane ‘me u nahane ka lenyalo la hau.Ka sekala sa ho tloha ho 110,10 e le eona e kholo,u ne u ka fa lenyalo la hau nomoro e feng?Ho ka ‘na hoa se ke hoa ba hantle ho ngola seo fats’e hobane molekane oa hao a ka ‘na a batla ho bona seo u se ngotseng ‘me ea ba seo se baka mathata a mang, ka hona boloka seo ho uena.Likamano tsa hao tsa lenyalo li phetse joang litebellong tsa lona?Ha ho na potso e hapang hobane meetlo e fapaneng e ipehela litebello tse sa fihleleheng ha bonolo ho tseo ba li lebeletseng lenyalong ‘me ha ho le tsela ea ho phema sena. Re lokela ho ipehela likamano tsa lenyalo ka moelelo oa seo re ithutileng sona ho fihlela mona.Semelo sa khale sa sebe sa “nna pele” le ho ikhaba hohle li felisitsoe ka lefu le tsoho ea Jesu.Sebopeho sa rona sa sebe se hloekisitsoe;bophelo ba rona bo se bo ipapisa le Kreste,le sefapano sa hae 37 mmoho le pitso ea hae-e leng thuto ea poelano ea Molimo le bana ba hae.Re tlisa see joang ka hare ho manyalo a rona.Potso e nepahetseng e ka ba, “Ha re tlise see joanng ka hara malapa a rona? Enngoe ea lithuto tsa lenyalo tse hlakileng e fumanoa bukeng ea baefese 5.Temaneng ea 25 re bala hore, “Lona banna,ratang basali ba lona joaloka ha Kreste le eena a ratile kereke ‘me a iteletse lefu ka baka la eona.”Ha ke nahane hore sena se ne se bolela hore banna ke bona feela ba lokelang ho rata basali empa ke lumela hore le bona basali ba ne ba lokela ho rata banna ba bona. Ho tsoa ho seo re ithutileng sona rea hlokomela hore re ne re ke ke ra tseba ho rata balekane ba rona ka moo Molimo a batlang re ntse re na le sebopeho sa khale.Sebopeho sa khale sa sebe se sitoa ho ikokobeletsa letho.Sebopeho sa khale se ka etsa boinehelo bo itseng empa ke ha feela ho na le seo se ka unoang qetellong ho tsoa boinehelong boo e seng hobane se etsetsoa Molimo ka boitelo. Rona ka matla a tsoho a Jesu re atamela likamano tsa lenyalo ka tsela e fapaneng.Ha se ka ho re na re batlang empa hore na Jesu eena o batlang.Nahana ka phapang e etsoang ke sena.Re lokolohile hore re ka tlosa balekane ba rona litebellong tsa rona.Hobaneng?Hobane matla a mohau oa Molimo rea filoe ho se litebello ho tsoa ho rona.(Hopola Jesu sefapanong).Re lokolohile hore re ka lokolla balekane ba rona kahlolong tsa rona.Re ts’oaretsoe ka ho phetheha ‘me le rona re ts’oarela ka ho phetheha.Jeremia 31:34 e bonts’a hore Molimo o itse, “Me ha ke sa tla hopola libe tsa bona”.Paulosi ha a ne a re ho 1 Bakorinthe 13:5 Molimo o re “Ha le hopole bobe” o ne a re fa tsela eo re ka sebelisang matla a tsoho ka teng.Ha re boloke lintlha likamanong tsa lenyalo kapa likamanong tse ling feela. Likamanong tsa lenyalo ke teng moo motho a kenang tekong ea ho phela bophelo ka tlasa matla a tsoho.Taba ea bohlokoa ke hore Molimo oa re khothatsa.Ha ho letho le labalabelang hore manyalo a rona a inoe ka hara matla a tsoho kantle le Molimo.Bala Baefese 5:26-27 hape.Hopola pitso ea rona ea bophelo bo nang le matla a tsoho,e leng thuto ea poloko le poelano.Seo re lakatsang ho se fihlella ka manyalo a rona ke hore re be mohlala oa pono ea Molimo ea ho boloka lefats’e lohle.Ka Letsatsi le leng Kreste o tla ho phela ka hara manyalo a rona ka likamano tse bonahatsang poloko ea Molimo. Thapelo ea Letsatsi: Molimo oa ka, ke batla ho rata molekane oa ka joaloka ha u ratile kereke ‘me oa nehelana ka Mora oa hao molemong oa eona.Ke rata ho lokolla molekane oa ka litebellong tsa ka hobane mohau oa hao u fane ka oona ntle le litebello tsa letho ho tsoa ho nna.Amen” LETSATSI LA BOSUPA Lula fats’e hape ka pene le pampiri e be u lekola hape likamano tsa hao.Sheba likamano tsena ka pono ea matla a tsoho.Ke lintho li fe tseo u neng u tla li fetola?Ke ho kae moo u hlokang ho fana ka mohau oa ts’oarelo le ho lokolla ba bang kahlolong ea hao?Lekola likamano tsa hao tsa lenyalo.Haeba molekane oa hao a le teng thutong ena lulang ‘moho ‘me le lekole le ho buisana ka lenyalo la lona le shebile karolo ea tsoho ho Mattheu 5:7,Baefese 5:21-23 le 1 Bakorinthe 13. Ha u lamella ‘nete ea mangolo a na ho sebetsa bophelong ba hao,u tla be u etse hloko matla a tsoho. Thapelo ea Letsatsi: “Ke lakatsa ho fumana mohau oa hao bakeng sa bophelo ba ka.Ke hloka ho fana ka mohau oa ts’oarelo le ho lokolla ba bang kahlolong ea ka .Ke ts’oaretsoe ka lebaka la lerato la hao ho nna,hobane u shoele oa ba oa tsoha.Kea leboha ka ho mpha monyetla ona oa ho etsa ts’episo ea ka hape.men. 38 MATLA A TSOHO LIPOTSO TSA TLATSETSO MOLEMONG OA MALAPA LETSATSI LA PELE 1. Ke likamano li fe tseo e leng tsa bohlokoa ka hara lelapa la hao?mosebetsing kapa sekolong?kerekeng?hobaneng li le bohlokoa? LETSATSI LA BOBELI 1. Ha u bala pesalema ea 51,u hlokomela litsela tseo sebopeho sa hao sa boetsalibe se neng se u tsamaisang tseleng e fosahetseng? 2. Na u ke u ipone u phela ka tlasa boteng ba matla a tsoho? LETSATSI LA BORARO 1. Ke litsela li fe tseo u kopanang le batho ba bonahatsanng litloaelo le limelo tsa motho oa khale tseo u lokelang ho sebetsana le tsona ka thuso ea Moea o halalelang? 2. Ke pitso e fe eo Molimo a re bitselitseng ho eona? LETSATSI LA BONE 1. Na u lumela le ho etsa molao oa ho etsa ba bang seo u batlang hore ba u etse sona? 2. Ho khonahala joang hore re rate lira tsa rona? 3. Ha u bina Jesu feela na ke seo u se batlang? hlalosa karabo ea hao. LETSATSI LA BOHLANO 1. Na u ee u lule u halefisitsoe ke motho ka nako e telele? 2. U na le bothata ba ho ts’oarela ba bang? 3. Na u kile ua talimana le taba ea ts’oarelo le ho ahlola ba bang pele ho moo? 4. Nahana ka batho ba babeli ba hlokang ts’oarelo ea hao.ke hobaneng ho le bohlokoa ho ts’oarela? 5. Ke batho ba fe bao Kreste a ileng a ba ts’oarela hoo a qetellang e ka ba mohlala oa rona? LETSATSI LA BOTS’ELELA 1. Batsoali ba khothaletsoa ho sebelisa sena ho hlahloba likamano tsa malapa a bona le bana ba bona ka leseli la Baefese 5:22-6:4.Banyalani ba ka etsa nako ea lerato joaloka ha e sebetsa likamanong tsa banyalani feela. 2. Ke karolo efe ea likamano tsa hao e u qholotsang? 3. Na u ikemiselitse ho lumella Molimo ho sebetsana le uena le ho u thusa? 4. Na u ikemiselitse ho nehelana ka karolo ee ho Molimo kajeno? BEKE EA BOHLANO Lentsoe ho “shebahala joaloka”ka phetolo ea semoea le bolelang? “Empa ha re tsamaea leseling,joaloka ha oona o le leseling re na le kopano hammoho maling ‘me mali a Jesu Kreste mora oa oona a re hlatsoa libe tsohle….Ha re ipolela libe tsa rona ,Molimo oa ts’epahala,o lokile hore o re ts’oarele libe ‘me o re hlatsoe bokhopo bohle.”1 Johanne1:7,9 LETSATSI LA PELE Liketso 1:8 e baleha tjena, “Empa le tla fuoa matla mohla Moea o halalelang o tlang ho lona, ‘me le tla ba lipaki tsa ka Jerusalema le naheng eohle ea Judea le ea Samaria le ho isa lipheletsong tsa lefats’e.Ana ke mantsoe a Jesu pele a nyolleloa leholimo.Temaneng ea 11 re utloa polelo ea mangeloi a ileng a iponahatsa ho barutuoa, “Jesu eo ea nketsoeng leholimong a le hara lona,o tla be a tle ka 39 mokhoa oo le ‘moneng a ea leholimong ka oona.Lipakeng tsa litemana tsena tse peli ke moo re phelang teng. Jesu o hlalosisa pitso ea rona. O re ka matla ana a tsoho ao barutuoa ba hae baneng ba tlo itsebela oona ka Letsatsi la Pentekonta, re tla ba lipaki tsa hae, kapa re tla ba mang’osa a hae joaloka ha Paulosi a hlalosa. Morena Jesu o batla ho etsa boipiletso ba hae ka rona. Re lokela ho tsamaisa molaetsa oa poelano, hobane Molimo ha a balle batho libe tsa bona ha ba baka. Molimo o morerong oa ho boelanya lintho tsohle tse leholimong le tsohle tse lefat’seng le eena ka seo Kreste a se entseng sefapanong(Bakolose1:20) Ho phethahatsa morero ona, Molimo o theile kereke- ba “bitsitsoeng”- ho etsa mosebetsi oa poelano. Re lumela re ntse re ipotsa hore na, “kereke e sebetsa hantle ho le ho kae? Ha re sheba lefat’se le mathata a mangata a lona, re phakisa re tla le qeto e reng ha re sebetse hantle hohang. Ke Molimo feela a ka tsebang karabo ea taba ena. Empa kea lumela hore kereke ea Jesu e tlameha ho tlisa phapang e kholo lefat’seng. Re lokela ho ipotsa hore na ke hobaneng mosebetsi oa Molimo o sa phethahale ka tsela eo re lebeletseng kateng. Ba bang ba lona ba nahana hore taba ea hore na kereke e sebetsa joang lefat’seng ha se taba ea bona. O leka ho beha leoto le leng ka pel’a le leng bophelong ba Letsatsi le Letsatsi. U tla tlohela kereke boikarabellong ba baruti. U nahana hore hoa hao ke hore u shebane le bophelo ba Letsatsi le Letsatsi. U hlahisitse bothata bo boholo ba ho phela ka matla a tsoho. Ha re khutleleng morao hanyane. Ho phela ka matla a tsoho ke ho phela ka nnete ea seo Jesu a se entseng ka lira tse peli tsa matla a tsoho, sebe le lefu. Ho latela 1Johanne3:8, Jesu o tlile hore a felise mesebetsi ea Diabolosi. Ka lefu le tsoho ea hae, o phethile seo. Re se re ka phela ka bolokolohi hobane re hloletsoe sebe. Re ka phela ra ba ra tsamaea ka matla ana a tsoho. Joaloka ha re buisane pele, bophelo ba tsoho ha bo re letho ka rona empa bo re letho ka Molimo. Re lumellana le taba ena kaofela Phetla 2Bakorinthe5:14-15. Bala temana tsene tse peli. Ha lerato la Kreste le ntlamile le ntlamile hore ke ee kae? Karabo ke eo re e fumanang ho Liketso1:8. Lerato la hae le nkhanella lefat’seng leo a tlileng hore a le boelanye le eena. Matla ao kaofela, lerato, le mohau li fanoe ka lebaka la morero ono. Ke ka lebaka lena Paulosi a reng temaneng ea 14,” re tsoe re lumetse hoba e mong ha a shoetse bohle, bohle le bona ba shoele” ‘me ha re sa iphelela, empa re se re phelela eena ea re shoetseng a ba a tsoha. U lumetse? Ke tumelo e feng e tataisang matla le maikutlo a hao bophelong ba hao? Nka nako le Molimo o mo kope ho u bont’sa lefat’se la hae. Thapelo ea Letsatsi: “Ntate oa ka, kea leboha ha u sa mpalle sebe sa ka. Ha ke batle ho iphelela empa ke phelele uena ea shoetseng libe tsa ka oa ba oa tsoha. Lerato la hao le ntlama hore ke shebe ka leihlo la hao lefat’se le hlokang poelano. Amen” LETSATSI LA BOBELI: Ha re khutlela mangolong ao re a balileng maobane, re tla hlokomela hore ho phela ka matla a tsoho ha ho khonahale haeba re se morerong oa Molimo oa poelano. Hopola ha re ne re bua ka pitso ea rona? Ho ba morerong oa Molimo oa poelano ha ho bolele hore u tlameha u ee Afrika kapa ho ba moruti. Hopola litlha tsa bohlokoa tsa pitso: cheseho, monyetla le kopano le Molimo. Lintlha tseo li teng kaofela hona joale, hohle moo u leng teng le sohle seo e bang u sona le maemo a hao. 40 MATLA A TSOHO Ba bang ba rona ba ka nna ba utloa e ka Molimo a ka se ba sebelise. Haeba re nahana joalo, re lahlehetsoe ke matla a tsoho. Ka nako e ‘ngoe ha re na letho leo re ka fanang ka lona, hoa rona ke hore feela re iponahatse ho Molimo ‘me eena o tla etsa tsena tse ling; ho na le linako tse ling tseo re sebeletsang ka sehlahlo. Ha re se re phela ka matla a tsoho, re etsa mosebetsi le morero ona oa poelano ho sa tsotellehe sebaka kapa seo re fetang ka har’a sona. 2Bakorinthe5:16 e re, “ ka baka leo, le joale ha re sa tseba motho ka nama;” re ka etsa se joang? Hobane maphelo a rona ha a sa re rona hohang(hopola sebe sa khale le lithato tsa sona); a se a re Molimo feela. U hopola pelo e ncha eo Davida a e rapelletseng Pesalemeng ea 51, e otlang ka thabo, tabatabelo ea ba lahlehileng le tabatabelo ea ho binela Molimo lipina tsa thoriso? Ka mali a Jesu le ka tsoho ea hae, semelo sa sebe se ka hloekisoa ‘me lipelo tsa rona tsa tlatsoa ka Moea o Halalelang oa Jesu Kreste. Bothata bo bong boo re teanang le bona ke ba hore re phetse ka nama ka nako e telele hoo re seng re na le litloaelo tsa khale tseo re phelang ka tsona. Re khutlela mekhoeng le litloaelong tsa rona tseo re li tloaetseng. Hore re tsoelepele bophelong ba matla a tsoho, re lokela ho lumella Molimo hore a re thuse hore re be le menahano e mecha e lumellanang le bophelo ba matla a tsoho. Mohlomong u ka nka nako u nahana ka taba ea cheseho, monyetla le kopano le Molimo le hore na u ka li Kenya t’sebetsong joang bophelong ba hao. Thapelo ea Letsatsi: “Morena oa ka, etsa hore pelo ea ka e tlale ka Moea o Halalelang . ke batla ho ba le pelo e ncha eo Davida a e rapeletseng ha a ne a baka. E otlang ka thabo, e nang le tabatabelo ea ba lahlehileng ‘me e thabelang ho u binela lipina tsa thoriso.Amen” LETSATSI LA BORARO: 2Bakorinthe e re,”Ka baka leo, motho ha a le ho Kreste, ke ‘mopuoa e mocha; tsa khale li fetile; bonang tsohle li nchafetse.” Boholo ba rona re bala taba eno e le “ libe tsa rona li t’soaretsoe ‘me li tlositsoe” Hoo ke nnete e bile ke karolo ea moelelo. Empa ho na le ho ho holo ho feta mono. “popo e na e ncha” ke popo ea ho t’soana le Molimo eo Genese e buang ka eona ha Molimo a ne a etsa Adama le Eva. Hape hona moo 2Bakorinthe 3:18 e eang teng ha e re, “ re fetohela ho t’soaneng le eena(Jesu Kreste) khanyeng ea hae”(litlatsetso ke tsa ka). Bolulo ba rona bo fetotsoe ‘me joale re se re le ba leholimo(Bafilipi3:20) Hobaneng boholo ba rona re sa itsebele ho fetoloa hoo ka tekanyo eo Molimo a batlang ka teng? Le ha re na le bokhoni ba ho phela ka matla a tsoho, “ mehopolo “ ea rona “e ntse e le linthong tsa lefat’se”(Bafilipi3:19 litlatsetso ke tsa ka). Bona re fumanang ho 1Johanne2:15-16, “Se rateng lefat’se, leha e le tse lefat’seng…hobane tsohle tse lefat’seng, litakatso tsa nama, le takatso ea mahlo, le boikhant’so joa bophelo, ha li tsoe ho Ntate, empa li tsoa lefat’seng”. Re phetse nako e telele ka litloaelo tsa lefat’se hoo e seng e le tsona tseo re bonang li nepahetse. E ‘ngoe ea lintho tse re sitisang ho kenella bophelong ba matla a tsoho ke chelete. Mokhoa oo re sebelisang chelete ka ona, seo re se batlang cheleteng le seo re se nahanang ka chelete se bohlokoa haholo ha re tla mosebetsing oa Molimo oa ho re fetolela hore re itsebele bophelo ba matla a tsoho. Molimo eena o reng ka mokhoa oo re tlamehang ho nka chelete ka ona le hore na re e sebelise joang re le balateli ba hae? 41 Sebaka se setle sa ho qala teng ke Mattheu6:19-24. Kea t’sepa ha se lekhetlo la hao la pele u bala lengolo lena, empa ha re le shebe hona joale re le balateli ba Jesu ba nang le matla a tsoho. Ha re sa bua ka rona , empa ka Molimo, hore na ke mang le hore na o ntse a etsang. U kanna oa botsa na re lokela ho sheba chelete ka tsela ena. Kea t’saba tjena. Ho na le lipolelo tsa mantlha lengolong lena,” ipokelleleng matlotlo a lona leholimong”, “ hobane moo letlotlo la hao le leng hona teng, ke moo pelo ea hao e bang teng le eona.” Le “ ha ho na motho ea ka sebeletsang Marena a mabeli…u ke ke oa sebeletsa Molimo le chelete.” Ha ke nahane hore re ka iphapanyetsa taba ea hore chelete ke molingoana lefat’seng. Batho ba bangata ba ke ke ba cho joalo, empa ba tla cho ka liketso. Joale, potso eo re tlamehang ho ipotsa eona ke: Letlotlo la rona le hokae? ka tloaelo, chelete e lula moo letlotlo la rona le leng hona teng. Nahana ka taba eno. Joang kapa joang, u fumana mokhoa oa ho etsa chelete ka letlotlo leo u nang le lona. Haeba ha u tsebe moo letlotlo lahao le leng hona teng, batla moo chelete ea hao e leng teng u tla le fumana. U sebelisa chelete ea hao ho etsang, u khona ho e reka kapa u sa khone? Lipalopalo tse ling tseo ke li balileng tse mpakelang moferefere ke tsa ho re ke batho ba ka tlase ho 10% ba kenang kereke ba nt’sang boshome hangata. U ka nna oa botsa hore na “ke nt’setsang boshome?” boshome bo bolela feela “leshome lekholong” . Molimo ha a ne a etsa selekane le bana ba Israele, boshome e la ba karolo ea selekane seno. Levitike27:30 Molimo oa bolella bana ba Israele hore ba tlise “ boshome bo bong le bo bong ba naha, ba likotulo tsa masimo, le ba litholoana tsa lifate ho Jehova. Bo khethetsoe Jehova.” Ho nt’sa boshome ke ho tlisa kotulo ea hao ea pele tlung ea polokelo ea Molimo(Malakia3:10). Batho ba bang ba entse khang ea hore boshome ke molao oa Testamente ea khale ‘me joale Testamenteng e ncha re tlas’a mohau. Morena Jesu o buile lintho tse bont’sang hore boshome e ntse le karolo ea rona. Ha Bafarisi ba botsa Jesu ka taba ea ho nt’sa lekhetho, o ile a sheba chelete ‘me a araba”fang Sesare seo e leng sa hae le fe Molimo seo e leng sa hae.” Ke eng seo e leng sa Molimo ho MATLA A TSOHO latela Levitike27:30? Boshome. Thutong ea thabeng, Jesu o re bukeng ea Mattheu5:17,”Le se ke la hloma e ka ke tlile ho felisa molao, leha e le baporofeta; ha kea tla ho felisa, ke mpa ke tlile ho phetha.” Nka nako u nahana ka moo letlotlo la hao le leng hona teng. Haeba u sa tsebe, kopa Molimo a u thuse hore u le fumane moo le le teng. Hopola hore bophelong ba matla a tsoho, bophelo ba pelo e hloekileng, Jesu ke eena letlotlo la rona. Ke litloaelo tse kae tseo ke tlamehang ho li fetola? Re tla tsoelapele ka litaba tsena tsa chelete hosane. Thapelo ea Letsatsi: “Tsatsing lena re sa buile ka moo letlotlo la ka le leng teng, ke kopa hore u nthuse hore ke se ke ka lebala moo litlhohonolofatso tsa ka li tsoang teng. Ha ke batle hore chelete e nt’sitise ho ba le uena; ha ke batle hore mehopolo ea ka e tsepame ho chelete. Empa ke batla ho fana ka bolokolohi ho uena hobane e tsoa ho uena kaofela.Amen” LETSATSI LA BONE: Re bone ho Mattheu6 hore re ke ke ra sebeletsa Marena a mabeli; re ke ke ra sebeletsa Molimo le chelete. Paulosi o ngolletse Timothea bukeng ea 1Timothea6:10 “hobane lerato la leruo ke mohloli oa libe tsohle;” Boholo ba rona re tatela ho itatola, “ oh! Ha ke rate chelete”. Ba bang ba tlatselletsa ka hore, “ ke mpa ke rata seo chelete e se etsang kapa e se rekang”. Taba e makatsang ka chelete ke hore e 42 MATLA A TSOHO fumanoa ho monna ea neng a ruile ho feta bohle eo lefat’se le kileng la mo tseba, Salomone. Ke sena seo a se buang bukeng ea Moekelesia5:10, “Ea ratang silefera, silefera e ke ke ea mo khorisa; ea ratang ho phela ka nala, le eena a ke ke a hola ka eona…” Ana ke mantsoe a matla. Ka bomalimabe, lerato le leholo la chelete le re amme ‘me ha re na bonnete ba hore na re lumela mantsoe ao kapa che. Maobane re qalile ho bua ka ho nt’sa boshome. Taba e ‘ngoe eo re e tsebileng ho tsoa lentsoeng la Molimo ke hore boshome boa halalela ‘me ke ba Molimo. Ka mantsoe a mang, boshome ba sohle seo ke se fumanang kapa ke se etsang ha se ba ka hohang. Ke ba Molimo. O kile oa utloa Molimo ka kerekeng a re, “joale re tla nka boshome le monehelo”? boshome ha se monehelo. Ke ba Molimo le pele u rera ho nehela. Lintho tseo re fanang ka tsona ho Molimo ha re qeta ho nt’sa boshome ba tsona ke ona monehelo. Ke nnete re fana ka boshome ho Molimo ele karolo ea khumamelo ea rona ho eena, empa ha se monehelo o t’soanang le e meng. Nka Bibele ea hao u bale Malakia3:6-12. Malakia ke buka ea ho qetela ea Testamente ea khale. Menahano ea rona ha re qeta ho bala lengolo lena e ka nna eaba “ouch!” Boholo ba rona re ka nna ra nahana hore u nehella Molimo ka boikhethelo. Hore haeba ke ikemiselitse ebile ke na le bokhoni, ke hona ke tla nehela. Hape, ke bolokuoe ka mohau, ha ho tsotellehe ha ke fana le ha ke sa fane? Ho hlakile hore ho bolela ho ho holo ho Molimo. Ha bakreste basa nt’se boshome, inahanele hore na ho ntse ho etsahalang? Re hana ho utloa Molimo ‘me re ntse re mo utsoetsa. Na litlhohonolofatso tsa Molimo li tla ba holima rona le lefat’se la rona? Ho latela lentsoe la hae, le khale! Litaba tse monate ruri,ha ho joalo? Se ka ema mono. Khutlela temaneng ea 10-12. Molimo o na le litlhohonolofatso tse kholo polokelong ea hae bakeng sa bana ba hae le masimo a bona ha ba ka nt’sa boshome. Ntlo ea polokelo ea Boshome e sebetsa ho latela bot’sepehi ba kereke ea Jesu. Ha re na moo ho se ntse ho bokelletsoe matlotlo,matsete kapa chelete e tsoang mohloling oa kereke. Tsela e le ‘ngoe eo re sebetsang ka eona ke bot’sepehi ba baena le ho utloa Molimo hoa bona beke le beke. Ha ke tsebe moo u leng teng ntlheng ea ho n’tsa boshome. Haeba u ne u ntse u t’sepahala ka ho utloa Molimo,u tseba litlhohonolofatso ‘me u tseleng ea ho lumella Molimo hore a u hlohonolofatse ,a u fe mohopolo oa chelete ho ea ka Bibele. Haeba u ne u ntse u sa nt’se boshome ka mehla kapa u sa bo nt’se ho hang, joale ke kopa ho u khothaletsa hore u qalelle hona joale. “Oh,” u re, “re ke ke ra e khona.” Che, u ke ke oa khona ho se e etse. Molimo o e nketse holimo ‘me joale le rona re tlameha ho e nkela holimo joalo. Ntho eo re lokelang ho e hopola ke eena ka bophelo ba matla a tsoho.Ha re sa utloe Molimo,re khaola khokahano e teng ea matla.Ha re hloekisoa semelong sa sebe, ‘me re tlatsoa ka Moea o halalelang, ho na le maemo a phahameng ao re fuoang boikarabello ba oona.Utloa seo Jakobo a se buoang bukeng ea Jakobo 4:17, “Efela ea tsebang ho etsa botle, ‘me a sa bo etse o etsa sebe.”Seo re lokelang ho se etsa ho tloha mona ke hho baka,e leng ho fetoha ha kelello le tsela ‘me joale re utloa re ba re etsa seo re ntseng re se tseba. Nka metsotsoana e fokalang le Molimo.Mo kope hore a u bonts’e likarolo tsa ho se mo utloe bophelong ba hao.Haeba ho nts’a boshome ke ea tse ling tseo o sa utloeng Molimo ho tsona mo kope hore a u thuse a be a u fe matla a ho qala ho etsa qeto ea ho se mofetohele Thapelo ea Letsatsi: “Molimo oa ka ,ha ke lakatse hore boshome e be taba pakeng tsa ka le uena.Ke rata ho u fa seo u se kopang ho ‘na le ho feta.Kea tseba hore ho u utloa ke karolo e kholo ea likamano tsa ka le uena le hore nka fihlella sena ka thuso ea hao.Amen 43 LETSATSI LA BOHLANO Ha re khutleleng ho liketso 1:8.E ka ba temana e ntle hore re ka e ts’oara ka hloho.Matla ao Molimo a re fang oona ka bophelo ba matla a tsoho ke hore re be lipaki tsa hae le baemeli ba hae lefats’eng.U ikutloa joang ka seo?U ka nahana hore ho lekane ho araba pitso ea hao eo Molimo a u fileng eona ho ea ka baefese 2:10;hore e be ha u ikhathatse ka lefats’e.Hobaneng ha re lokela ho nka karolo mosebetsing oa ho fihlella lefats’e. Ha re ke re shebeng pitso ea rona e kholo bukeng ea Mattheu 28:19-20.Re laetsoe litemaneng tsena hore re etse barutuoa lichabeng tsohle.Sena ke se hokahanang le Liketso 1:8.Ha ke nahane barutuoa ba Jesu ba ne ba utloisisa seo a se bolelang.Le bona ba ne ba ts’oenyeha feela ke ho phela hoa bona.Ha ba ne ba tlatsoa ka matla a tsoho ka Letsatsi la pentekonta,lintho tsohle li ile tsa fetoha.Molimo o ile a qala ho ba isa libakeng le bathong bao ba neng ba sa tsebe hore ba teng. Re phela lefats’eng le letle.Re lumelloa ho latsoa le ho itsebela haholo ka lefats’e la rona.Kea tseba hore ho bonolo ho nka sena e le lefeela. Hantlentle ha re tsamaea ka semelo sa sebe,joaloka ha Solomone a bolela,ha re khotsofale.Haa joale re se re na le sebopeho se secha ‘me re tlanngoe ke lerato la Molimo.Re kholisehile hore Kreste o shoetse bohle ‘me o re file molaetsa le thuto ea poelano.Re se re talima ka mahlo a seng a fapane lea motho oa khale(2 Bakorinthe 5:16). Haeba bophelo kannete bo se ka rona empa ka Molimo,seo a leng sona le seo a se etsang,ha ho tsotellehe hore na re na le eng,ha ho joalo?Oh!ema hanyenyane.U ea hlokomela hore ho Molimo ha ho tsotellehe seo u nang le sona sa lintho tsa lefats’e?Seo Molimo a se tsotellang ke tsela eo u sebelisang tsohle tseo u nang le tsona.Joale ha letlotlo la pelo ea hao e le Kreste,’me le matla a tsoho a pelo ea hao a otla mmoho lea Kreste, hakanya joale hore na lintho tsena litla phalla joang.Nka nakoana ‘me u nahane ka mantsoe a Jesu bukeng ea Luka 12:48, “Empa ea sa kang a tseba,’me a entse litaba tse ts’oaneloang ke kotlo,o tla otloa hanyenyane.E mong le e mong ea nehiloeng haholo ho tla batloa haholo ho eena:’me ea laelelitsoeng haholo,ho tla botsoa haholo ho eena.” Se teng ka hara litemana tsena ,ke hore na re le bana ba Molimo re atamela joang lintho tsa nama esita le chelete lefats’eng.Pitso ea rona ke ho kopanela le Molimo ha a ipoelanya le lintho tse leholimong le lefats’eng ka seo a se entseng ka Jesu Kreste,lefu le tsoho ea hae.Re lokela ho nka karolo ka ho rapela,ka chelete ea rona,ka ho tsoa,ka ho fa bana ba rona,kapa ka tsela e ‘ngoe feela eo re ka nkang karolo ka eona morerong ona oa Molimo.Rea lokela hoba re ka khona.Molimo a ke ke a batla ho rona se ka tlase ho seo re ka se khonang.Ho joalo,hona ke boikarabello.Hona ke tlhompho le tlhohonolofatso.Ke iponetse eona ka mahlo a ka ‘me ha ho letho le ts’oanang le lona.Ha re keneng ka sekepeng kaofela hoa rona ‘me re lumele noka ho phalla. Thapelo ea letsatsi “Ntate ke kopa u nketse mosebeletsi ea motle oa seo u mo ts’epetseng ho se etsa.Joaloka motho nka nna ka fumana seo se se bobebe, empa ka ha ke se ke bona ka mahlo a fapaneng,kea tseba hore u tla ntataisa ‘me u lumelle noka ho phalla.” LETSATSI LA BOTS’ELELA LE LA BOSUPA Kea ts’epa u ka nna oa etsa nako kajeno ea ba u oa ka pela Molimo.Nka Bibele ea hao e be u bala butle Mattheu 5,6 le 7.Bala hape tse ling tsa litemana tseo re li balileng bekeng ena.Ngola fats’e seo u hopolang Molimo a se buile le uena.Ke mefuta efe ea liphetoho eo a batlang hore u e etse?Ke likarolo life tsa ho se utloe tse koaletseng ho phalla hoa matla a tsoho bophelong ba hao. 44 MATLA A TSOHO Thapelo ea letsatsi “Molimo oa ka,ho na le lintho tse ngata tseo ke lokelang ho li sheba,ho li fetola,empa kea tseba hore litlhohonolofatso tsa hao lia phalla molemong oa ka.Kea u leboha ka tsela eo u nthutilenng eona ka nako ena ea libeke tsena hore ke bone liphetoho tseo ke lokelang ho li etsa hore ke be haufi le uena le hore ke u utloe.” LIPOTSO TSA TLATSETSO TSE BUISANOANG KE MALAPA LETSATSI LA PELE 1. Pitso ea rona ke eng? 2. Ts’itiso ea rona ea ho tsamaea ka matla a tsoho ke efe? LETSATSI LA BOBELI 1. U lokela ho ba lilemo li kae pele Molimo a ka u sebelisa? 2. Ke mang ea ka u thusang ho etsa se nepahetseng le ha se le boima? 3. Ke litumelo li fe tsa khale le litloaelo tseo u batlang Molimo a li fetole? LETSATSI LA BORARO 1. Ke lintho li fe tse bolefats’e tseo u ka li hopolang? Li u sitisa joang ho tsepamisa tsohle ho Jesu? 2. Boshome bo sebetsa nakong, litalenteng le cheleteng.U sebelisa nako ea hao e ngata joang?U sebelisa talenta ea hao joang?Usebelisa boholo ba chelete ea hao joang? 3. U ipapisa le likarabo tsa potso e ka holimo, letlotlo la hao le ho kae ha a joale? 4. Ke se fe seo o tlo lumella Molimo ho se fetola? LETSATSI LA BONE 1. Monehelo ke eng? U fana ka monehelo neng? 2. Boshome ke eng? 3. Boshome ke ba mang? 4. U lokela ho ba lilemo li kae hore u tsebe ho fa Molimo boshome? LETSATSI LA BOHLANO 1. Ha Molimo a batla ho re sebelisa ho thusa ho tlosa bobe a bo etse botle,rona re lokela ho etsang? 2. Molimo o u ts’epetse hore u etseng? 3. Molimo o u file eng eo a ka ratang ha u e arolelana le batho ba bang? 4. U se u arolelane le batho ba bang hakae ‘me ke se fe seo u ntseng u sebetsana le sona hore u se arolelane? BEKE EA BOTS’ELELA Ke ipoloka ke tsepamisitse maikutlo a ka joang? “ka baka leo bana beso,kea le rapela hle ka mehauhelo ea Molimo,hore le ke le o behele ‘mele ea lona e be sehlabelo se phelang ,se halalelang se khahlisang Molimo;ke eona ts’ebeletso e le ts’oanelang.Hape le se ke la ipapisa le lefats’e lena,le mpe le fetohe ka nchafalo ea kelelo ea lona,le tle le lemohe ho ratoang ke Molimo hore na ke hofe,ho molemo,ho khahlehang ho phethehileng.”Baroma12:1-2 45 LETSATSI LA PELE Ho tla eng ka kelellong ea hao ha u hopola ka bokamoso?Ho ba bang ho ka hloka hore ba nke matsatsi a fokolang ho khefutsa;ho ba bang ke moroallo o mong,ts’isinyeho ea lefats’e.U nahana hore Molimo o batla hore re talime bokamoso joang?Na ho ea ts’oaneleha?Kamora tsee tsohle na Jesu ha a re ho Mattheu 6:34, “Ka baka leo le se ke la belaella tsa hosasane;hobane hosasane ho tla ipatlela sa hona.Letsatsi ka leng le lekanoa ke tsietsi ea lona.” Ke nahana hore Jesu Kreste o ne a batla hore re phele Letsatsi le le leng ka nako.Ha re shebeng sena ka bophara nakoana e fokolang.Bekeng e fetileng re balile liketso khaolo ea pele.Re bone hore re phela lipakeng tsa temana ea 8 le ea 11.Re phela lipakeng tsa ho tla hoa Moea o halalelang ka matla a tsoho le nakong eo Jesu a tla khutla ka tsela eo a ileng a tsamaea ka eona. Re phela lipakeng tsa ho tla hoa lintho tse peli.Re phela nneteng ea se ileng sa etsahala ha a ne a tlile lefats’eng pele, hape re phela ts’epong ea ho khutla hoa hae lekhetlo la bobeli.Liketsahalo tsena tse peli li bopa boteng ba rona,morero le ts’epo ea rona.Ke ka lebaka lena ho leng bohlokoa ho phela joaloka baahi ba ‘muso oa leholimo.Re tseba tsela ea khale, “Re lokela ho phela lefats’eng empa re se ba lefats’e.”Ho bobebe ho rialo, empa esale re tsamaea leeto lena libeke tsena tse fokolang,rea hlokomela hore ha ho bonolo ho etsa. Re ithutile hore na bophelo matleng a tsoho bo buoa ka eng empa re boetse rea tseba hore na re hole ha kae le sena.Hantle ntle re ka nna ra se ke ra ba hole ho hang.Utloa mantsoe a Paulosi ho Bafilipi 1:6, “Ke ts’epile hobane ea qalileng mosebetsi o molemo ho lona o tla fela a o phethe ho isa tsatsing la Jesu Kreste.” Hape bophelo bona ke ba mohau,’me Molimo u na le mohau o lekaneng ho phethela ka ho rona mosebetsi oo a seng a o qalile.O hloka ts’ehetso ea rona le ha ho le joalo.Sena se tla ka ho mo utloa.Sheba hore na liketso 5:32 e reng, “…le Moea o halalelang oo Molimo o o nehileng ba o utloang.” Ha re etsa joalo ,matla a hae a tsoelapele ho re tlatsa ‘me a re isa pitsong ea hae. Ka mokhoa o ts’oanang re bona se etsahalang ha re sa utloe Molimo.Matla aa khaoha ‘me re lokela ho ela hloko bothata pele re ka tsoela pele ka leeto la rona.Moapostola Johanne o hlalosa matla a na a tsoelang pele a bophelo ka mantsoe ana, “Empa ha re tsamaea leseli joaloka ha oona o le leseling re na le kopano hammoho, ‘me mali a Jesu Kreste mora oa oona a re hlatsoa libe tsohle.”(1 Johanne 1:7) Ho tsamaea leseling ke ho utloa Molimo.Lena ke leseli leo Kreste a ileng a tsamaea ho lona.Rea tseba hore Jesu ha a rapela o ile a re o entse ntho tsohle tseo Ntate a mo kopileng tsona(Johanne 17).Se hapang maikutlo ke hore Johanne o re,ha re tsamaea leseling re ba le kopano le ba bang.See se bolelang?Se bolela hore re phela likamano tsa rona ka tlasa matla a tsoho(sheba beke ea 4).Ha re tsamaea leseling lena ka kutlo,mali a Kreste a tsoelapele ho rona ka matla a ona a hloekisang.A re hloekisa ho eng?Sebopehong sa sebe,ho se loke hohle joaloka ha Johanne a bolela ho 1 Johanne 1:9. Joale re etsa joang hore see se sebetse?Hantlentle ha se rona ba etsang hore se sebetse empa Molimo ke eena ea etsang hore se sebetse.Re ka senya sohle ha re sa lumelle Molimo hore a etse seo a batlang ho se etsa.Re batla ho qeta beke ena re ntse re shebana le litsela tseo re ka holang ka tsona matleng ana a tsoho. Thapelo ea Letsatsi: “Ha u tlisa mosebetsi oa hao pheletsong ka ho nna,ke batla ho tsamaea leseling la hao;ho u utloa ho sohle seo u nang le sona bakeng sa ka.Ke batla ho phela likamano tsa ka ka ho ea ka matla a tsoho.Lumella mali a hao a hloekisang ho phalla ka ho nna le ho ntlhoekisa. 46 MATLA A TSOHO LETSATSI LA BOBELI Phetla Baroma 12:1-2(ena ke enngoe ea litemana tseo u lokelang ho li ts’oara ka hloho).Litemana tsee li re thusa joang ho hola matleng a tsoho.Re batla ho shebisisa litemana tsena tse tletseng ka matla le hore na Molimo o reng ho rona. Temana ea pele e qala ka “Ha ho le joalo”.Ena ke taba e makatsang. Hobaneng ho le bohlokoa.Moo lentsoe lena le hlahang,ho bolela hore re lokela ho talima polelo e tlang pele ho lona.Litemaneng tse 11 tsa pele,Paulosi o ntse a hlalosa mosebetsi o moholo oa mohau oo Molimo a o phethileng ka Jesu Kreste.Paulosi o hlalosa kamoo re hlokang ts’epo ka teng ha re sena Molimo le ka moo re tebileng sebeng ka teng.U re fa litaba tse molemo,le ha ho le joalo ‘me o re bolella ka moo mohau oa Molimo o leng moholo ka teng ho feta sebe le ho hloka ts’epo hoa rona.O tsoela pele hore re ka lokolloa tsuong ea lefu ‘me ea ba re latela moea oa Kreste. Ha a fihla temaneng ea 1 o re, re shebe ka mahlo a matle a Molimo, mohau oa hae le lereko la hae. Ho lokile, re t’sepa hore re ka etsa seo, empa ke lintho le fe tseo re lokela ho li sheba? Ho ea ka temana eohle ea pele, Paulosi o re Molimo o re bitsetsa ho mo khumamela. Pitso ea ho khumamela. Ema hanyane, re nkile libeke tse ngata re bua ka bophelo ba matla a tsoho, re hlakisa thomo le pitso ea rona. Re itukiselitse ho kena mosebetsing oa rona oa khumamelo. U ka nna oa re u ne u sa tsebe hore u bitselitsoe ho khumamela. Ha re talimisiseng sena. Paulosi o re “re o behele ‘mele ea rona e le sehlabelo se phelang”. Ha re bona mantsoe “monehelo” le “sehlabelo” ka ha r’a Bibele, hangata a na le khokahano le khumamelo. Testamenteng ea khale batho ba ne ba tlisa lihlabelo tsa liphoofolo e le monehelo ho Molimo. Phoofolo ena e ne e tla hlabuoa e be e neheloa ho Molimo hore a utloe lithapelo tsa bona, a ananele sehlabelo sa bona ‘me a ba t’soarele libe tsa bona. Joale rona re bitsetsoa ho beha ‘mele ea rona e le sehlabelo se phelang. Na taba ee ha e loant’sane? Ho ea ka Bibele, e ka ba sehlabelo joang empa e ntse e phela? Jesu o entse sehlabelo sa nnete. Re bala mantsoe ana ho Baheberu10:10, “ Ke ka eona thato eo re halalelitsoeng ka sehlabelo sa ‘mele oa Jesu Kreste se entsoeng hang”. Sehlabelo sa Jesu sefapanong se ne se phethehile ‘me ha se lokele ho phetoa hape. Nahana ka sena leha hole joalo: Bophelong ba matla a tsoho, Jesu o hokae? 2Bakorinthe4:10 e re, “re jara lefu la Morena Jesu hohle ‘meleng oa rona hore bophelo ba Jesu le bona bo tle bo bonahale ‘meleng ea rona.” Joale ‘mele o phelang oo re o hlahisang khumamelong ke ‘mele oo Jesu a phelang ka hare ho ona. Ke ka lebaka lena polelo e latelang e ka bang nnete temaneng ea pele, “se halalelang se khahlisang ho Molimo”. Ketso ea rona ea khumamelo e ka halalela eaba ea khahla Molimo ka lebaka la Jesu Kreste ea ka ho rona. Nka metsotso e se me kae u nahana ka khumamelo. U ka hlalosa khumamelo e le eng? U nahana hore khumamelo e bohlokoa ha kae bophelong ba matla a tsoho? Re tla tsoela pele ho buisana ka khumamelo hosasa. Thapelo ea Letsatsi: “Ke lakatsa hore bophelo ba ka bo halalele bo be bo u khahlise. Ke lakatsa le ho u khumamela ka nnete. Ke batla ho phela bophelo ba matla a tsoho, ke itlhahise ka pele ho uena ka khumamelo ka mehla. Ke rata ho talima ka mahlo a hao a matle a mohau le lereko.Amen” 47 LETSATSI LA BORARO: Re shebana le litsela tsa ho hola bophelong ba matla a tsoho. Tenama tsa rona tsa mantlha kajeno ke Baroma12:1-2. Mohlomong u se u e tsoere ka hlooho. Maobane re bone hore re lokela ho beha ‘mele ea rona e le sehlabelo se phelang ho Molimo ka khumamelo. Hobane Kreste o entse sehlabelo sa tefelo sebakeng sa libe tsa lefat’se lohle(1Johanne2:2), le hore re jere bophelo le lefu la Kreste ‘meleng ea rona, re ka etsa boinehelo bo halalelang bo khahlisang ho Molimo. Paulosi o tsoela pele hore sena ke ketso ea Semoea ea khumamelo. Liphetolelo tse ling li e hlalosa e le ketso ea Semoea ea t’sebeletso. Ka kelello, sehlabelo seo re se hlahisang ke boikhopotso ba hore re shoele mekhoeng ea rona ea khale ea bophelo(semelo sa sebe). Re hloekisitsoe hape re lokollotsoe tlas’a khatello ea mekhoa ea khale ea bophelo ‘me joale re kene bophelong ba matla a tsoho. T’sebeletso eo Molimo a re bitsetsang ho eona ke ea poelano. Re mang’osa a Kreste. Re tlisa 'mele ea rona e tlatsitsoeng e bileng e khannoang ke lerato le botho ba Jesu Kreste, ho Molimo ka khumamelo. Karolo ea khumamelo eo ke ho inehela pitsong eo Molimo a re bitselitseng eona. Sena ke sehlabelo sa rona se phelang. Ho tla ka pel’a Molimo ka khumamelo u se na thahasello ea pitso ea hae e ba khumamelo e sa amoheleheng ho eena. Khumamelo ha e re letho ka rona empa e re letho ka Molimo. Ha e ne e re letho ka rona, e ne e se na ho halalela le ho khahlisa Molimo. Ka mokhoa o t’soanang, ha re tla ho Molimo ka khumamelo empa re sa nt’se boshome, khumamelo e joalo e ka khahlisa Molimo joang? Nahana ka litsela tse fosahetseng tseo re li lekanyang ka khumamelo. Ha re ne re sa tsamaea ka semelo sa sebe, e leng sa ho ikhaba e ba re ferekanya ba bang. Re etsa khumamelo ka khopolo ea hore mohlomong Molimo o tla tla ho rona a be a hlohonolofatse khumamelo ea rona. Bophelong ba matla a tsoho ke rona re tlang ho Molimo ka khumamelo. O tla lula a iponahatsa, hoo ha se le potso. Potso ea mantlha ke ea hore feela na oa khahlisoa ka khumamelo eo. Ha re na le khumamelo e kopanetsoeng, e leng ha ‘mele oa Kreste o kopane hammoho ka mohopolo o le mong oa ho khumamela Molimo, e ka ba boiphihlelo bo botle. E ‘ngoe ea litsela tsa ho hola matleng a na a tsoho ke ho ba mosebeletsi ea sehlahlo khumamelong ea kopanelo. Jesu o re ho Johanne4:24, “Molimo ke Moea: ba o rapelang e ka khona ba o rapele ka moea le ka nnete.” Ho khumamela Molimo ka moea ho bolela ho mo khumamela ka pelo, ka mehopolo, ka maikutlo, ka litakatso, ka thahasello. Ho ka tlase ho hoo, ho latela Jesu, ha ho amohelehe ho Molimo. Hape re lokela ho khumamela Molimo ka nnete. Molimo oa re bopa hape oa re fetola ka lentsoe la hae ‘me re lokela ho le lumella hore le re bope. Ho khumamela Molimo ka moea e seng ka nnete ho etsa hore re be batho ba tsamaeang ka boikutlo, ba qeaqeang le ba sa laoleheng. Ho khumamela Molimo ka nnete empa re se na moea ho etsa hore re be batho ba sa beheng litholoana. Khumamelo ea motho ka bo mong kapa e kopanetsoeng, e lokela ho isa batho sefapanong sa Jesu. Ke moo teng re qalellang ho bona seo Molimo a leng sona le hore na ke mang. Ke ka khumamelo sefapanong re qalang hape ho bona mohau oa nnete o re etsang ba ikokobetsang. Boikokobetso bo bong bo ka thoko ho bona ha se ba nnete. Ke ka khumamelo sefapanong feela moo leseli le lekaneng le re chabelang ka nnete ho sebetsana le boikhohomoso ba rona. Ke ka khumamelo sefapanong moo tumelo ea hore Jesu o shoetse bohle e etsang moelelo. Ke ka khumamelo sefapanong moo kopano le boikutlo ba nnete ba kopano ea ‘mele oa Kreste ho bang le bonngoe. Ke teng moo ke qalang ho bona ba bang ka leihlo la tsoho e seng la bolefat’se. Ha ke iphapanyetsa khumamelo, ke sa kene ho eona, ke sa ikamahanye ka bo nna bohle ho eona, ha ke sa khumamele ka moea le ka nnete, ha ke 48 sa tle khumamelong ke le sehlabelo se phelang – e tla ba ha ke na t’sepo ea ho tseba bophelo ba matla a tsoho. Joale nka ‘mino oo o u ratang oa khumamelo le Bibele ea hao e be u ipha nako u khumamela Jesu Kreste sefapanong. Thapelo ea Letsatsi: “Oa ntseba u tseba le pelo ea ka; ena ke karolo ea bohlokoa ea Letsatsi lena. Ke ha khumamelo e tla e phela ho nna ke tsebang hore u bua le pelo ea ka. Ke rata ho u khumamela ka pelo ea ka eohle, mehopolo, maikutlo, litakatso le cheseho. Ke rata ho lula ke ikutloela bophelo ba matla tsoho.Amen” LETSATSI LA BONE: Ha re nne re talimeng Baroma 12:1-2.Re bone ‘me hape kea ts’epa hore le arabetse pitso ea khumamelo temaneng ea 1. Temana ea 2 e re tlosa khumamelong ho ea leetong la ka mehla la ho tsamaea ka bophelo ba matla a tsoho. Jesu Kreste o sentse mesebetsi eohle ea diabolosi ka ho tla hoa hae,ka lefu la hae le ka tsoho ea hae.Lira tse peli tsa sehlooho tse fokotsang matla – sebe le lefu – li hlotsoe tsa ba tsa hapuoa ka matla a tsoho. Ha re sa tlameha ho phela tlasa khatello ea semelo sa sebe sa boikhabo. Ha re sa lokela ho phela tlasa thohako ea lefu; re baahi ba leholimo. Bophelo bo nka sebopeho sa bosafeleng. Bophelo bona ha se sohle seo bo leng sona. Re na le pitso; re basebeletsi ba Molimo; re ronngoe re le mang’osa morerong oa Molimo oa ho boelanya lintho tsohle tse leholimong le lefat’seng ho eena. Re ela hloko hore ka ha re tsoalletsoe sebeng, re ba le litloaelo tse mpe le likarabo maemong a bophelo. Litaba tse molemo ke hore HA REA LOKELA HO FELLA MOO! Ke seo temana ea bobeli e se bolelang. “hape le se ke la ipapisa le lefat’se lena”J.B Philips phetolelong ea hae ea Testamente e ncha o e beha ka tsela ena: “le se ke la lumella lefat’se hore le le fetolele ho tsa lona.” Hantle ntle ke moo bohle re tsoang teng empa joale re libopuoa tse ncha ho Kreste(2Bakorinthe5:17). Re tsoela pele joang re sa ipapise le mekhoa ea lefat’se, seo lefat’se le batlang ho se fihlela,seo le se chesehellang le seo le inyakalatsang ka sona? Karabo ea potso ena e hlaha karolong ea bobeli ea polelo: ho na le ho ipapisa, re lokela ho fetoha. Ho fetoleloa ho eng? 2Bakorinthe3:18 e hlalosa ka ho hlaka, “ Joale, rona bohle ba talimang seiponeng khanya ea Morena, ka mahlo a se nang lesira, re fetohela set’soant’song se le seng le eena ka khanya e isang khanyeng, e leng ka Moea oa Morena.” Matsatsing a fetikeng re balile hore re fetoleloa set’soant’song seo re neng re le ho sona pele ha re ne re boptjoa – ka ho t’soana le Molimo. Phetoho eno e tla felella ha re tloha lefat’seng lena ha re fuoa mele ea rona e mecha(1Bakorinthe15). Leeto la rona le re nkela khanyeng ha Kreste a phahamisoa rona re kokobela. Kreste o phethile mosebetsi ona sefapanong moo a neng a bopa pelo e ncha, e hloekileng, e ka ho rona(Mattheu5:8), empa hona joale re lokela ho fetoha le ho t’soana le eena. Ke seo bophelo ba matla a tsoho bo buang ka sona. Phetoho ee e etsahala joang? Paulosi o re bolella hore ka ho nchafala ha likelello tsa rona. See se bolelang? Kelello tsa rona li lokela ho nchafatsoa joang? Ho ithuta puo e ‘ngoe ho thata. Ha oa lokela ho ithuta mantsoe feela, empa le tatellano ea mantsoe e ncha e bileng e fapaneng le ea puo ea pele. Ka bokhut’soanyane ntho e ‘ngoe le e ‘ngoe e ncha. Joale, ha u utloa kapa u bala litaba ka puo e ‘ngoe, u leka ho e isa puong ea hao hore u e utloisise. Ke seo re se etsang ka Molimo: re leka ho utloisisa litsela tsa hae ka bo rona, mantsoe a hae, melao ea hae le lit’sepiso tsa hae. Re li fuoe ka puo e ‘ngoe, puo ea ‘muso oa Molimo, puo ea matla a tsoho. Empa re batla ho li tlisa mekhoeng ea lefat’se, lefat’se la semelo sa sebe. Ka bokhut’soane, ha u etsa joalo ka puo e ‘ngoe eo e seng ea leholimo , u tla ferekana. 49 Leha ho le joalo, ha u ka mamella eaba u sebelisa puo ee ea leholimo ho lekana, ho tla tla Letsatsi leo u tla hlokomela hore ha u sa sebelisa kelello ea hao ho utloisisa puo ena. Kelello ea hao, ka puo ena e tla be nchafalitsoe. Ke moo Molimo a batlang ho re fihlisa teng ka bophelo ba matla a tsoho. Re tla tsoela pele ho sheba temana ea 2 hosasa. Thapelo ea Letsatsi: “Morena oa ka, nthuse hore ke fetohele ho t’soana le uena; nchafatsa kelelle ea ka, nketse ‘sebopuoa se secha. Ha ke batle ho ipapisa empa ke batla ho fetoha. Kea leboha hobane u tlo etsa seng bophelong ba ka e le hore ke phele bophelo ba matla a tsoho.Amen” LETSATSI LA BOHLANO: Re lula re sa ipapise joang, e be rea fetoha ‘me re nchafatsoa kelello? Ha re khutlele mohlaleng oa ho ithuta puo. Ntho ea pele u tlameha ho tseba lebaka leo u batlang ho ithuta ka puo. Baithuti ba likolo tse ngata le tse phahameng ba qeta selemo kapa tse peli ba ntse ba ithuta puo eo ba sa e tsebeng, empa boholo ba bona ha ba ithute ho bua puo eo ka lebaka la mabaka a mabeli. La pele, ba e kena ha ‘ngoe ka hara tse ngata, ‘me ba ipatlela feela ho e pasa, e seng ho ithuta eona. La bobeli, ba beiloe boemong boo ba tlamehang ho sebelisa puo eo. Uena? U ithutile puo e feng sekolong? Na u ka e sebelisa kajeno? Bakreste ba bangata ba t’soana le baithuti bana. Molimo o bua ka mekhoa, semelo, merero le tabatabelo ea ‘muso oa maholimo. Empa, hangata re sebelisa Bibele joaloka ha e ka ke puo eo re ithutang eona sekolong. Re e bala feela ha nyenyane hore e be re entse seo(rea t’sepa) ‘me seo re se batlang feela ke ho pasa(Molimo, u bone hore ke balile khaolo Bibeleng leha ke ne ke phathahane?) le thoholetso(na seo se lekane sebakeng sa ho nkisa leholimong?). Empa lintho tseo re li balileng kapa re li utloang ha re na taba hakaalo kaalo le tsona. Rea ferekana ‘me hangata re tla le liqeto tse fosahetseng. Re entse likhato tse itseng empa ha rea fetoha. Re etsa se t’soanang le ka thapelo. Ha re bueng nnete. Boholo ba lithapelo tsa hao bo bua ka eng? Uena? U nahana hore seo se tsoa kae? Hopola semelo sane sa khale sa sebe se ikhabang ‘me se bua ka uena feela? Na lithapelo tsa hao li joalo? Puo ea thapelo ha se taba ea ho ithuta mantsoe a itseng kapa lipolelo tse utloahalang e ka li monate ha u li bua. Puo ea thapelo ke pelo ea Molimo – hore na ke mang, hore na o reng le hore na o etsang lefat’seng. U hopola Davida Pesalemeng ea 51? O ile a hlokomela hore o ne a ntse a sa bue puo ea Molimo lilemong tse ngata tse fetileng. O ile a lumela hore ha a ka ba le pelo e hloekileng, a ka bua puo ea thabo, ea thomo le thoriso. Molimo o ne a ka mo fa pelo e hloekileng hang hang, empa kelello ea hae e ne e lokela ho nchafatsoa hore a tle a bue puo ea Molimo. Temaneng ea 2 Paulosi o re, “le tle le lemohe ho ratoang ke Molimo, hore na ke ho fe”.Sekolong ke tloaelo ho ngola tlhahlobo e le hore ho bonahale hore na u ithutile ho le ho kae. Potso e ‘ngoe e botsoang hangata ke hore na, “nka tseba thato ea Molimo joang?” Uena le Molimo le tlameha hore le be le bua puo e t’soanang. U tlameha ho fihla boemong boo u ke keng oa bolela temana, oa rapela, oa ithuta kapa oa etsa lintho ka leihlo la khale la semelo sa sebe. Ntlha e ‘ngoe ea ho ithuta puo ke mamello. U lokella ho lula moo. Ha ho paroletsoe ha u ithuta puo. Ke ntho ea Letsatsi le le leng, boitsebelo ba mola o le mong ka nako. Ha ho paroletsoe ha re ithuta puo ea bophelo ba matla a tsoho. Mamela seo Paulosi a eketsang ka sona:”thato ea hae e molemo, e khahlehang, e phethehileng” Taba ee ha e makatse? Ha se ho bolela hore thato ea Molimo ha e ea phethahala, empa e le hore kutloisiso ea rona e ka tlase ho nchafalo, likelello tsa rona le ho fetoha hoa rona. Ha re ntse re phela ka matla a tsoho, tlhakiso, pono, matla le bophetheho ba thato ea Molimo bo ea hola ka ho rona. 50 MATLA A TSOHO Joale, u ka nna oa nahana hore sena se thata haholo bakeng sa hao. Joaloka ha u ithuta puo e ncha, u tlameha ho mamella ‘me qetellong u tla natefeloa ke ho buisana le sehlopha se seng sa batho. Haeba u utloa seo se le thata bakeng sa hao, joale u tla tlameha ke ho khutlela bekeng ea boraro e be u sheba pitso ea hao hape. Ho fetoha ka ho nchafala ha kelello ha se khetho sebakeng sa bophelo ba matla a tsoho. Litaba tse monate ke hore u ka e etsa. Molimo o u bitselitse hore u e etse.O u file mohau oa hore u e etse. O u hlometse hore u e etse. O tla ba le uena ka linako tsohle. Ke batla hore u be le metsotso ea tokoloho leetong la hao. U ka fetoha. Hantle, Molimo o se a entse mosebetsi ka Jesu Kreste ka lefu le tsoho ea hae. Re tlameha re re “Ee” ho eena Letsatsi le leng le le leng ‘me re tla qalella ho tseba thato ea hae e molemo, e khahlehang, e phethehileng. Thapelo ea Letsatsi: “Ke kopa t’soarelo, Morena, hobane ka nako e ‘ngoe ke ile ka nka Bibele joaloka ha e ka ke thuto ea sekolong, ke e balla feela hore ke pase. Ke batla ho tseba puo ea hao ‘me ke khone ho bua le uena. Ke batla ho mamella ho fihlela ke e tseba hantle. Ke kopa ho fetoloake uena u be u nchafatse kelello ea ka. LETSATSI LA BOT’SELELA: E le tsela ea boikhopotso, khutlela maqepheng morao bukeng ena ‘me u ikhopotse litemana tseo re buisaneng ka tsona hammoho. Li bale, nahana ka tsona, rapela ka tsona. T’soaea tseo u nahana hore Molimo o batla hore u li tsebe ka hlooho. Etsa boikitlaetso ba hore u li tsebe. Hona ke mokhahlelo oa pele oa ho nchafatsa kelello ea hao. Joale sebakeng sa beke e tlang sa thapelo ea hao, u se ke oa rapela ka uena. U se ke be oa kopa letho. Bua le Molimo ‘me u mamele. Bua ka eena ‘me u mo mamele. Thapelo ea Letsatsi: “Morena, kajeno ke thabetse ho khona ho u mamela ha u bua ka lentsoe la hao, ka tlholeho, ka lelapa , metsoalle le ‘mino. Kea leboha ha u nthusitse hore ke khone ho u rorisa ka tsela tsohle. Tsohle li re uena bophelong ba ka.Amen” LETSATSI LA BOSUPA: Ho bile monate ho nka leeto le uena libekeng tsena. Nka sebaka ka tlase e be u ngola ka mantsoe a hao set’soant’so sa bophelo ba matla a tsoho. Ha u se u se ngotse, joale, u etse selekane le Molimo hore ka thuso ea hae u tlo phela ka matla a tsoho. Ntho e le ‘ngoe eo ke e tsebang ke hore Molimo o tla boloka selekane seno. Ha hona letho leo a batlang hore u phele ka lona ho feta matla a tsoho. Thapelo ea Letsatsi: “Kajeno, Ntate, ke rata ho u leboha ka ho re nthusa hore ha re ntse re sebetsa hammoho libekeng tsena re utloisise matla a tsoho. Ke batla ho phela bophelo bo fetohetseng ho etsa thato le ho latela tsela ea hao. Kea u rata ‘me ke thapelo ea ka hore ke be le cheseho ea ho u batla ‘me ke bone lintho tsohle le batho bohle ba mpotileng ka leihlo la hao.Amen” LIPOTSO TSA TLATSETSO TSE BUISANOANG KE MALAPA: LETSATSI LA PELE: 1. Na ho na le karolo eo u e hlokomelang eo u sa batleng ho etsa seo Molimo a batlang hore u se etse? 2. Ho bolelang ho “ tsamaea leseling”? 3. Na u ikemiselitse ho utloa Molimo karolong tsa bophelo ba hao? 51 LETSATSI LA BOBELI: 1. Na u ntse u hopola hore na mohau ke eng? 2. Khumamelo ea rona ke eng ho Molimo? 3. Ke eng ntho eo re lokelang ho e behela ‘mele ea rona e le sehlabelo se phelang? 4. U nahana hore khumamelo e bohlokoa ho le ho kae bophelong ba matla a tsoho? LETSATSI LA BORARO: 1. Ha re tla ho Molimo ka khumamelo ea nnete, re lokela ho thahasella eng haholo? 2. Re lokela ho khumamela kae e le hore re qalelle ho bona seo Molimo a leng sona le hore na ke mang? 3. Ho tla etsahalang ha re iphapanyetsa khumamelo? LETSATSI LA BONE: 1. Ke likarolo li fe tse peli tseo(mohlala, puo, likamano, litloaelo) u boneng ntlafatso ho tloha u qalile ho latela Kreste. 2. Ke likarolo li feng tse peli tseo u ntseng u hloka ho sebetsana le tsona ka thuso ea Moea o Halalelang hore u nchafatsoe ‘me u t’soane le eena? LETSATSI LA BOHLANO: 1. Kopa Molimo ho u tataisa ho latela thato ea hae kajeno likarolong tseo u li hlokometseng maobane? BEKE EA BOSUPA “Empa le tla fuoa matla mohla Moea o Halalelang o tlang ho lona, ‘me le tla ba lipaki tsa ka Jerusalema, le naheng eohle ea Judea, le ea Samaria, le ho isa pheletsong ea lefat’se.” Acts1:8 LETSATSI LA PELE: Mothehi oa Masole a pholoho, General William Booth a senoleloa ka lilemo tse lekholo tsa leshome le robileng mono o le mong hore kereke e tla tsoa bophelo ba khalalelo tlase ha tsoseletso e sa be teng. Booth o ile a bont’sa hore nako e tla tla eo ho tla ba le: • Bokreste(bolumeli) bo se nang Kreste • T’soarelo e se nang pako • Pholoho e se nang nchafalo • Tumelo e se nang Moea oHalalelang • Polotiko e se nang Molimo • Leholimo le se nang lihele Joaloka moruti, ke lula ke hlahlobisisa mantsoe ana a Booth ‘me e be ke llela tsoseletso. Hangata le hangata ke lula ke rapella tsoseletso ea khalalelo kerekeng ea ka ea lehae. Hangata ke rapella 2Likoronike7:14 hore e etsahale pelong ea ka le kerekeng ea ka. Hantle ntle, ke hlophisitse thero e bitsetsang ho fana, boevangeli bo khahlisang le bophelo ba khalalelo. Khalalelo eona e hlokoa ke lefat’se lohle! U lapetse tsoseletso? Na u ikemiselitse ho bula pelo ea hao hore Moea o Halalelang o phalle kerekeng ea hao? Haeba ho joalo, kopanela le Manazarene a Afrika le lefat’se lohle thapelong ea ho kopa Molimo hore a romele khalalelo e phallang ea tsoseletso kerekeng ea rona ka kakaretso. Thapelo ea Letsatsi: “Ntate, kajeno kea rapela joaloka barutuoa ha ba ne ba rapela ho Liketso4:31, ba rapella nchafalo le hore u re tlatse ka Moea oa hao o Halalelang. Rea lumela hore u batla ho sisinya maphelo a rona le kereke ea rona. Tlatsa lipelo tsa rona hore li bue ka sebete ka matla a Moea o Halalelang.Amen.” 52 MATLA A TSOHO LETSATSI LA BOBELI: Semelo se seng se hlalohanyang kereke ea lehae ke ho hatella taba ea boevangeli. Hantle, e ke ke ea ba morero oa boikhethelo oa kereke; e lokela e be ntlha ea pele morerong oa kereke. Kereke e ‘ngoe le e ‘ngoe e rutang khalalelo e lokela ho tsepamisa maikutlo a eona khapong ea meea. Ke tataiselitsoe ho amohela Kreste ke tichere ea sekolo sa sontaha ha ke le lilemo li 4. Irma Shook o ile a koala thuto ka hore, “ bashanyana le banana ke le rutile thuto ena kajeno hore ke le bolelle hore Jesu Kreste ke mopholosi oa lefat’se ‘me mokhoa oo u ka mo amohelang ka ona ke ona.” O ile a hlakisa morero oa pholoho ‘me a re tataisa ka thapelo ea boinehelo le ho amohela Kreste Bophelo ba ka ba khalalelo bo ne bo hlakile bophelong ba tichere ea ka. O ne a khahleha ‘me o bitselitse banana le bashanyana ba bangata ho lumela ho Kreste. Ka lebaka la bophelo ba bomolimo boo ke bo boneng bophelong ba hae bo nt’susumelitseng, ke na le lilemo ke arolelana le batho litaba tse bobebe tsa ALBs tsa boevangeli le batho ba bangata e le karolo ea morero oa pholoho: Ananela hore u entse sebe/u na le sebe. Baroma3:23 Lumela hore Jesu Kreste a ka pholosa. Johanne1:12 Bolela hore ke Morena oa bophelo ba hao. Baroma10:9-10 Motsoalle oa ka, Dr Louise Bustle, o atisa ho ruta ka sehlooho se reng a le mong le a le mong. Ke rata tabatabelo ea hae ea meea. Molaetsa oa hae ke o hlollang o reng bakreste ba phelang khalalelo ke baena ba tletseng ka Moea,’me ba ke keng ba thola ka lerato la Kreste. E se e ka Molimo a ka re fa cheseho e ncha ea meea e le hore re phethe taelo ea Mattheu28:18-20. Thapelo ea Letsatsi: “Molimo oa ka, mphe cheseho ea meea le takatso e kholo ea ho phethahatsa molao oa hao ea ho “ea ‘me re etse barutuoa ba lichaba tsohle… re ba rute ho latela tsohle tseo ke le laetseng tsona”. Mpule mahlo hore ke bone monyetla oa ho bua le motho e mong kajeno ka lerato la hao le hlollang le pholoho.Amen” LETSATSI LA BORARO: “…itlhakisetse borapelling…empa borapeli bo thusa kahohle, bo tsoe bo e-na le pallo ea bophelo ba joale le ea bo tlang ho tla”1Timothea4:7-8. Papali ea mohope oa lefat’se ea bolo ea maoto ea 2010 e ne e le ntho ea nakoana e amang lefat’se lohle. Hona le ba bang ba rona ba neng ba shebelletse lipapali tseno ‘me ba thoholetsa libapali, ka t’sepo e kholo ea hore sehlopha sa rona se tla hlola! Empa ho na le ba sebelitseng ka thata ho itlhophisetsa ho ba bo ‘mampoli ba lefat’se. Libapali li qetile matsatsi le likhoeli li ikoetlisa; li ikoetlisetsa ho ba sehlopha se tla nka maemo a pele lipapaling tseo, sebapali se hloahloa le hore sehlopha sa bona e be bo ‘mampoli ba lefat’se ba 2010. Ke ne ke shebelletse ha banna ba bang balla joaloka bana qetellong ea papali ha ba sa hlola. Ho ne ho na le ho utloa bohloko, ba bona hore ba utloisitse naha le bathoholetsi ba bona lefat’seng lohle bohloko. Morero ka lebaleng e ne e le ho ba bo ‘mampoli ba lefat’se. Kea ipotsa hore na e be lefat’se le ne le tla ba boemong bo feng ha e ne e ba bakreste kaofela lefat’seng ba na le cheseho e joaloka khalalelo ea Bibele. Ba ne ba tla nka nako ba bala, ba mamela, ba nahanisa lentsoe la Molimo, ba nke nako thapelong le boitimong, ba nke nako bo teng ba Molimo ka morero o le mong – oa ho itlhakisetsa borapeli. 53 MATLA A TSOHO Ke nnete hore re bolokuoe ra ba ra halaletsoa ka mohau ka Jesu Kreste. Boit’soaro ba Semoea, joaloka ha Paulosi a bolela, bo bohlokoa tsoelopeleng ea rona ea kholo ea Semoea ho Kreste le ho tsamaea ka khalalelo. Re na le ho phathahana ka mesebetsi ea rona re be le mabaka a monate a hore na hobaneng re sa khone ho ithuta lentsoe la Molimo le ho nka nako re le thapelong le boitimong. Re lebelletse ho hola le ho matlafala tsebong ea Morena le le litabeng tse itseng, tsa malapa, kereke le maikarabello a mang.Nnete ke hore, ee, re tla hola kutloisisong ea rona lentsoeng la Molimo likarolong tse itseng. Re tla itsebela mehlolo le mapaki a tlholo. Empa ka nako e le ‘ngoe ho ntse ho le bohlokoa hore re se ke ra iphapanyetsa leeto la rona le Morena. Ha re itlhakisetsa borapeling,ntho e ‘ngoe le e ‘ngoe eo re e etsang e tla ba le phallo ea mohau le Moea oa Molimo. Thapelo ea Letsatsi: “Ntate, mphe ho lapela le ho nyoreloa lentsoe la hao e le hore ke tle ke hole tsebong ea hao.Etsa hore bophelo ba ka e be mocha oo Moea o Halalelang oa hao le mohau li tla phalla ka ona ho ba mpotileng kajeno. Amen.” LETSATSI LA BONE: “Ka lebaka leo, le joale, ke sa u hopotsa ho tsosa mpho ea Molimo e leng ho uena… hobane Molimo ha oa ka oa re nea moea oa boi, empa e le oa matla, le oa lerato, le oa kelello.” 1Timothea1:6-7 Mantsoe ana “ ho butsoela” a ka sebelisoa sebakeng sa mantsoe” ho bolula” temaneng ea 6. Mantsoe ana ho bolulela kapa ho butsoela a bolela hore ntho e hloka ho etsahala, ho na le ho lokelang ho etsoa ho hlasimolla, ho tsosa kapa ho susumetsa kereke. Potso ke hore na re ka etsang ho hlasimolla kereke? Ke mang ea ka hlasimollang kereke? Makhabane a kereke e hlasimolohileng ke a feng? Ka phuptjane le phupu 2010 ha ho t’soeroe bolo ea mohope oa lefat’se, ke ile ka sheba hanyane hore na ho hlasimoloha ho nang le cheseho ea khalalelo ea Bibele ho shebahala joang. Papali ea mohope oa lefat’se e ne e etelletsoe pele ke litlaleho tse fapaneng le maikutlo a bohlale a ho t’soara ketsahalo ena South Africa. Empa ntho e neng e tsosa thahasello ke hore bahlophisi ba mohope ona oa lefat’se oa 2010 ba ne ba ikemiselitse ho hlasimolla lefat’se ka lipapali tsena. Batho ba likete ba ile ba tla South Africa hore e be karolo ea papali ena ea lefat’se. Ha batho ba ntse ba utloa haholo ‘me ba ithuta ka ketsahalo ena, lenyora la bona le cheseho ea bona li ile tsa hola ‘me ba ithuta haholo ka bolo hape ba ba le takatso ea ho e shebella ea ba teng. Ho ne hona le thabo le cheseho ka bolo hohle. Re hlokang hore re be le cheseho ea khalalelo ea Bibele? Re hloka ho hlasimolla cheseho ea khalalelo ea Bibele hona joale. Ha malapa a rona le likereke tsa rona e ka ba libaka tseo ho bonoang khalalelo ho tsona molokong ona, ke lumela batho ba tla batla ho tseba, ho ithuta le ho ikutloela khalalelo. Ho ata ha sebe lefat’seng la rona kajeno ho etsa hore ho be thata bathong ba bangata hore ba lumele hore phetoho e ka etsahala. Bobolu, ho tsekisana matla, ho hloka t’sepo ho baetapele ba bang, batho ba maemong a holimo ba phoqang ‘me ba soabisang ke bona bao e leng mehlala lefat’seng la rona kajeno. Ka bomalimabe re fumana litloaelo tsena le kerekeng. Sebe se senya lefat’se! sena se etsa hore ho be thata bathong ba bangata molokong ona hore ba nahane le ho lumela hore khalalelo ea Bibele ke ntho e ka etsahalang. Ke nahana hore ho na le se hlokang ho etsoa ho hlasimolla cheseho ea khalalelo ea Bibele molokong ona. Ke rapela hore cheseho boithutong ba ho itsebeng le ho ikutloela khalalelo ea Bibele e be teng likerekeng tsa rona tsa mahae le malapeng. Ke rapela hore ho be le litsoseletso tsa khalalelo Afrika 54 eohle. Empa ho bohlokoa haholo, ‘me kea rapela, “Morena hlahloba pelo ea ka, nthuse hore ke rapele, ntataise hore ke ipolele hape ke bake likarolong tseo ke sa latelang litaelo tsa hao le tseo ke belaetseng lentsoe la ha, Morena, etsa thato ea hao ho nna le ka nna! Nketse ka bot’sepehi, ka mohau oa bophelo ba Molimo, hore ke rere ‘me ke rute ka khalalelo ea Bibele. Morena, hlasimolla cheseho ea khalalelo ea Bibele ka ho nna le ka nna”. ‘Me joaloka moapostola Paulosi re ka re: “ Hobane ha kena lihlong tsa ho bolela evangeli, hobane ke matla a Molimo a ho pholosa mang le mang ea lumelang…Hobane ho loka ha Molimo ho koaholotsoe ka ho eona, ho tsoang tumelong ho isang tumelong, joaloka ha ho ngoliloe, ho thoe: Ea lokileng o tla phela ka tumelo.” Baroma1:16-17 Thapelo ea Letsatsi: “Morena oa ka, etela malapa a rona le likereke kajeno. Re bitsetse ho tla ipolela le ho baka, ‘me u re thuse ho araba ka le ho latela litaelo tsa hao tsa pitso ea hao. Morena, re tlotse, le kereke ea hao, hore re be mantsoe a hao a t’sepahallang ho phatlalatsa molaetsa oa litemana tsa hao tsa khalalelo kajeno. Re eme ka t’sepo ho uena, Morena, re emetse hore u re tsoseletse! Amen.” LETSATSI LA BOHLANO: “…ke t’sepile hobane ea qalileng mosebetsi o molemo ho lona, o tla fela a o phethe, ho isa tsatsing la Jesu Kreste.” Bafilipi1:6 Re le baena ba leng ho Kreste re lokela ho ba le cheseho ea khalalelo ka hare ho rona, ‘me re lumelle Molimo ho re hloekisa. Testamenteng ea khale, kantlelare ea khauta e neng e sebelisitsoe ka tebanakeleng e ne e entsoe ka karolo e le ‘ngoe ea khauta e hloekisitsoeng. Kantlelare e ne e hloekisitsoe ka mollo ‘me ea etsoa sejana se hlomphehang. E ile eaba sejana se khanyang ka tebanekeleng, ‘me se ne se beile ole e tlotsang e neng e t’setsoe ka hara sekotlolo. Molimo o na le mollo oa ho chesa limelo tse tse monate. Re lokela ho lumela hore Molimo o tla hlahisa mosebetsi o motle ka nako e t’soanelang ha re sa tepelle. Bakreste ba seng seli hore ba utloe Molimo ba tla phakisa ba lahleheloe ke boleng ba bona, ba khathale ‘me ba qetelle ba oele. Paulosi o na le motho ea ileng a lahla phutheho/bosebeletsi. Lebitso lena Demas le ile la bitsoa ke Luka bukeng ea Bakolose4:14. Empa, re fumane hore ha morao Demas o ile a siea a ikela Thesalonika(2Timothea4:10). Sena se etsahetse ha Paulosi a le teronkong, empa Paulosi o bolela hore Demas o tsamaile hobane, “o ne a rata lefat’se la joale”.Demas o ne a hokahane haholo le lefat’se. ha a ka ba a khaola litlolo tsa lekunutu tse neng litla qetella li mo silafalitse. Paulosi o buile haholo ka monna ea tletseng ka Moea bukeng ea Bafilipi ea bitsoang Epaphrodituse. O ne a ratoa ‘me a ananeloa ke Bafilipi le Paulosi; monna ea neng a t’sepuoa le ka menehelo ea hae ho Paulosi ‘me e le mosebeletsi ea t’sepahalang le eena. O ne a t’sepahala a bile a ikitlaellelitse bosebeletsi ‘me a latela bakreste. Epaphrodituse o ile a t’sepahalla bosebeletsi le maemong a kotsi a mahlomola. Ha maemo a ba thata a imela kelello, ‘me a le boima, na re tla t’soana le Demas kapa Epaphrodituse? Leeto la bokreste ha se leeto le tloalehileng kapa le bonolo feela tjena. Re lokela ho tsoseletsoa, re be le tabatabelo ea ho tsamaea ka litsela tse phahameng, re phahamele meetlo, re hanele ho hloleha hoa rona ho fetileng ‘me re itele. Re ka ithuta ho tsamaea ka litsela tse phahametseng lipehelo tsa rona ‘me re be re fihle boemong boo Moea o Halalelang o ka har’a rona o re phahamisang ‘me o re matlafatsang. Thapelo ea Letsatsi: “Ntate ea maholimong, rea rapela hore u re fe matla a Moea oa hao o Halalelang o re tataisetse litseleng tse phahameng tsa kholo. Re labalabela ho t’soana le Jesu. Re fe cheseho ea ho ithuta, ea ho 55 MATLA A TSOHO phahamela maemo a rona ‘me re fihlele boemo boo Moea oa hau o Halalelang o ka re matlafatsang hore re tsoelepele le uena ‘me re etsa thato ea hao ka matla a hao. Amen.” LETSATSI LA BOT’SELELA: Ho ea khonahala hore motho a phele bophelo ba tlholo boo a sa etseng sebe ka boomo/morero. T’sepiso ea Molimo ho Jakobo4:17 e hlalosa sebe, “efela ea tsebang ho etsa botle, ‘me a sa bo etse, eena o etsa sebe.” Joale sebe ke ho etsa ntho e mpe eo re e etsang re tseba. O tla fumana hore ho na le mefuta e ‘meli ea sebe. Sa pele ke sa ho etsa ntho e fosahatseng kapa ho se etse se lebelletsoeng. Sena ke sebe seo re hlokang ho se t’soareloa. Hona ho etsahala ka lebaka la ho furalla sebe se entsoeng. Hantle, re na le matla a ho se etse sebe leha re sa tlatsoa ka Moea o Halalelang. Mofuta oa bobeli ke sebe sa tlhaho,seo re tsoaloang re na le sona kapa semelo se lokelang ho hloekisoa ho rona. Ke mosebetsi oa bobeli oa mohau oa Molimo ho hloekisa lipelo le borona le semelo sa rona sa khale. Ona ke mosebetsi oa mohau o re fang matla a Molimo a ho phela ka Moea(sheba Luka24:49, Liketso1:8, Baefese3:16-20). Khalalelo ke pelo ea evangeli. Molimo oa halalela ‘me o lebelletse hore re halalele. O fanne ka mosebetsi oa mohau ho re tlisa likamanong tse halalelang tsa ho tsamaea le eena ka kopano e halalelang Letsatsi le Letsatsi. Ke ka lebaka lena Jesu a shoeleng. Ha a shoa feela hore a re tlise likamanong tsa t’soarelo empa ho re halaletsa le ho re tlatsa ka lerato le halalelang le re matlafatsang hore re phele kopanong e tiileng. Ee! Hona le bophelo bo lokelang ho rutoa boit’soaro ka mora ho halaletsoa. Khalaletso e hloekisa lipelo tsa rona sebeng sohle ‘me e re fa bokhoni ba ho phela bophelo ba khalalelo. Sena se etsoa ka mali a Jesu a re hloekisang a t’solohileng sefapanong sebakeng sa motho e mong le emong. Baheberu13:12 e baleha tjena, “Ka baka leo, Jesu le eena, a tle a halaletse sechaba ka mali a hae, o kile a shoela ka ntle ho monyako oa motse.” Ha lipelo tsa rona li hloekisoa ka ho tlatsoa ka Moea o Halalelang,o lokafatsa mehopolo ea lipelo tsa rona e be o re tlisa likamanong tsa lerato tse re fang bokhoni ba ho latela seo Jesu a se buileng molaong o moholo, oa ho rata Molimo ka lipelo tsa rona tsohle le ho rata ba bang joalo ka ha re ithata. Kea t’sepa u tla latela Baheberu12:14 ‘me e be u phela khalalelo ho fihlela o fumane boitsebelo ba ho halaletsoa. Ona ke mosebetsi o khethehileng oa mohau o tla u thusa hore u phele u sa etse sebe ka boomo. O ka fihlela boemo boo u seng u sa batle ho etsa sebe e be u koatisa Jesu eo o mo ratang ka pelo ea hao eohle. Thapelo ea Letsatsi: “Morena Jesu, hloekisa pelo ea ka semelong sa sebe le litakatso tsa ho etsa lintho ka tsela ea ka. Halaletsa pelo ea ka le bophelo ba ka; ntlatse ka lerato le halalelang la ho phela ka kopano le uena le ka khotso le ba bang, ‘me ke halalele ka ha oa halalela. Amen.” LETSATSI LA BOSUPA: “Empa le tla fuoa matla mohla Moea o Halalelang o tlang ho lona, ‘me le tla ba lipaki tsa ka Jerusalema, le naheng eohle ea Judea, le ea Samaria, le ho isa pheletsong ea lefat’se.” Acts1:8 Morena Jesu o fa mokreste t’sepiso e kholo, t’sepiso ea hore Moea o Halaleleng o tla theohela ho rona. Motho e mong le e mong ea t’soaretsoeng ka Jesu o na le Moea o Halalelang. Moea o Halalelang o tlala ka ho rona e be oa re laola. Ka mantsoe a mang re tletse ka lerato le ntseng le phalla la Molimo la Moea o Halalelang. 56 T’sepiso ea matla a halalelang e habeli.Ea pele, ke matla a fang motho ea halalelitsoeng bokhoni ba ho phela bophelo ba tlholo Letsatsi le leng le le leng a sa etse sebe khahlanong le Molimo. Ke matla ana a Moea o Halalelang a re tlatsang ka lerato le phethahetseng la Molimo, e be ha re rate ho siteloa Molimo ka ho fosa litaelo tsa hae. Ke likamano tsa lerato. Taba ea bobeli ka matla ana ke hore a re fa bokhoni ba hore re be lipaki. Sena ke bakeng sa mokreste e mong le e mong. Ha e re re tla ba le neo ea boevangeli empa e re bakreste bohle ba halalelitsoeng bana le matla a ho bolella ba bang seo Molimo a ba etselitseng sona. Ba bang ba tla bona hore maphelo a rona a fetohile ‘me a tletse ka lerato la Molimo le hore meea ea rona le maphelo a rona a fana ka bopaki hore ho na le se fapaneng se khahlang ho rona. Ke ka lebaka lena Molimo a re romellang lefat’seng hore re ise phetoho. Re bona ba lahlehileng lefat’seng ‘me re batla ho isa lerato la Molimo ho bona. O na ke morero oa Molimo oa ho fihlela lefat’se ka rona. Rona bakreste ba halalelitsoeng re ka tlisa phetoho maphelong a batho ba lahlehileng lefat’seng. Thapelo ea Letsatsi: “Ntate, rea leboha ka matla ao re nang le ona ka Moea o Halalelalng hore re phele bophelo ba tlholo hape re bolelle ba bang ka lerato le pholoso ea hao. Amen.” LIPOTSO TSA TLATSETSO TSE BUISANOANG KE MALAPA: LETSATSI LA PELE: 1. Tsoseletso ke eng? 2. Tsoseletso ea khalalelo ke eng? 3. Ho tla etsahalang ha re ka latela litaelo tsa Molimo tse hlahang ho 2Likronike7:14? Ho Liketso1:8? LETSATSI LA BOBELI: 1. Mosebetsi oa bohlokoa oa kereke ea le hae ke o feng? 2. Re lokela ho etsang hore re bolokehe? 3. Re lokela ho etsang ha re se re bolokehile? LETSATSI LA BORARO: 1. Libapali tsa bolo ea maoto ea mohope oa lefat’se oa 2010 ba nkile nako e kae ho ikoetlisa? 2. Rona, re le bakreste re lokela ho nka nako e kae re ikoetlisetsa borapeli? 3. Ke lintho li feng tseo re lokelang ho li etsa ha re koetlela borapeli? 4. Ho tla etsahalang ha re ikoetlisetsa borapeli? 5. Khalalelo ea Bibele ke eng? LETSATSI LA BONE: 1. Ke eng se thusitseng South Africa ho hlasimolla lefat’se sebakeng sa bolo ea maoto ea mohope oa lefat’se oa 2010? 2. Re lokela ho etsang hore re hlasimolle kereke? 3. Ke mang ea lokelang ho hlasimolla kereke? 4. U ka hlalosa kereke e hlasimolohileng joang? LETSATSI LA BOHLANO: 1. Demas o tlohelletse bosebeletsi ba hae hobaneng? 2. Ke eng se thusitseng Epaphrodituse hore a t’sepahalle ‘me a ikitlaelletse bosebeletsi ba hae? 3. Moea o Halalelang a ka re thusa joang ha re mo lumella? 57 LETSATSI LA BOT’SELELA: 1. Molimo o etsa hore re halalele joang? LETSATSI LA BOSUPA: 1. Ke t’sepiso e feng eo Molimo a fileng mokreste e mong le e mong? 2. Moea o Halalelang o re thusa joang likamanong tsa lerato la rona le Molimo? 3. Moea o Halalelang o re thusa ho etsang lefat’seng? 58