broschüra 2015 - Stamparia Strada

Strada – Turich
Zürich – Strada
retuorn
und zurück
Co cha la musica populara es rivada in Engiadina e co
cha la musica engiadinaisa es rivada a Turich
Museum Stamparia
CH-7558 Strada
mai –october 2014 | www.stamparia.ch |
Pream
Il cumanzamaint da la musica populara (1890 – 1920)
L’exposiziun speciala 2014 «Ferm tabac!....» da la musica populara e la musica instrumentala in Engiadina Bassa es statta l’exposiziun culs plü blers visitadurs daspö chi
exista il Museum Stamparia Strada. «Strada – Turich retuorn» / «Zürich – Strada und
zurück» schlargia l’exposiziun da l’on passà ed accentuescha la musica populara svizra
e seis effet vicendaivel culla musica populara engiadinaisa.
• L’industrialisaziun attira la populaziun dal pajais in cità
• La populaziun dal pajais piglia cun sai eir sia musica da bal
• I vegnan inventats l’orgel da man e l’orgelin da Sviz (svizzer);
quels dvaintan instrumaints populars
• I nascha ün nouv stil da musica: «musica populara»
I vegnan muossadas las consequenzas da la musica populara chi ha cumanzà a Turich
e’ls impuls chi vegnan da l’Engiadina. L’exposiziun speciala 2015 cumprouva l’autonomia impreschiunanta e la creatività da la musica populara engiadinaisa. Il svilup dürant
ils ultims 100 ons as poja dudir e vegn visibel pro desch staziuns cun üna tscherna da
50 tocs musicals.
Al cumanzamaint dal 20avel tschientiner sun las citads svizras creschüdas ferm. A
Turich per exaimpel s’ha la populaziun redublada dal 1896 fin al 1915 sün 200'000
abitants. La blera glieud es gnüda nanpro da regiuns ruralas da la Svizra. Id han tut
cun sai lur musica da bal chi d’eira fingià influenzada da differentas varts (chapellas
sün viadi, musica classica, musica da salon, musica instrumentala e militara ed oter).
La fin dal 19avel tschientiner as vaiva l’orgel
da man derasà remarchabelmaing ed id es
cumparü l’orgelin da Sviz (svizzer). Quists instrumaints nouvs han pussibiltà ün möd attractiv da far musica, ün möd cun schlantsch
e ritems svelts. La misculanza da la musica
da bal tradiziunala cun strichaders e sofladers cul stil da l’orgelin ha survgi il nom musica populara (dingionder cha quista noziun
deriva nun esa istoricamaing cumprovà cleramaing). Fingià avant la prüma guerra
mundiala s’ha fuormada illas citads (pustüt l’orgelin da Sviz (svizzer)
a Turich) üna remarchabla scena cun musicants da musica populara.
La prüma guerra mundiala 1914–1918 ha frenà il svilup
da la musica populara, ha però promovü la derasaziun
da l’orgelin da Sviz (svizzer). Per las cumpagnias da sudats al cunfin d’eira quai ün instrumaint chi gniva sunà
suvent e chi’s dudiva jent. El es gnü cuntschaint in tuot
la Svizra. Las premissas per ün grond interess per la musica populara d’eiran dattas.
«Fränzlimusig» a 1890
02
1899 Giacomo Sartori
«Crisantemo»
Al cumanzamaint dal 20avel tschientiner d’eira l’Engiadina influenzada musicalmaing daplü dals vaschins vers
03
Fin cuort avant la seguonda guerra mundiala gnivan
integrats eir oters stils in la musica populara. Tuot
quai chi d’eira modern vaiva lö: schlaghers tudaischs, melodias talianas, elemaints classics. Ils musicants da quel temp importaivan simplamaing ideas
nouvas. Quellas sun gnüdas sviluppadas localmaing
e tuttas in possess. Specialmaing d’eiran quai il jazz
(In Svizra s’haja pudü dudir quel davent da la mità
dals ons 1920) e swing.
ost e vers süd co da las citads da la Svizra tudais-cha. La vicinanza cull’Austria e
cull’Italia, musicants tschiainders ed ils «Randulins» (Engiadinais a l’ester) han influenzà la musica engiadinaisa ed als musicants a lunga vista. Il violinist orb Fränzli
Waser (1857-1895, da Strada) cugnuschaiva pustüt melodias dals orchesters da cura
e da salon in Engiadin’Ota,ch’el vaiva d’uffant probabelmaing tadlà uras a la lunga.
Waser e seis frars , «Ils Fränzlis» d’eiran sgür ils musicants da quel temp.
Ils ons d’or a Turich (1920 – 1939)
•
•
•
•
Musica populara es alch nouv, sulvadi, exotic
Musica populara dvainta musica da bal la plü preferida
Musica populara es averta per innovaziuns
Il Niederdorf a Turich dvainta il center da la musica populara
Davo la fin da la prüma guerra mundiala s’ha sviluppada illas citads la musica populara sco musica da bal la plü preferida. Musica populara valaiva sco alch nouv
sulvadi exotic ed eir genuin.
Pioniers ed exaimpels da la nouva musica
d’eiran Joseph Stocker, Kasi Geisser o Jost
Ribary sen., chi d’eiran rivats da la Svizra
centrala a Turich.
Kasi Geisser e siaChapella
ca. 1925, Turich
Il Niederdorf a Turich es dvantà il centrum
per musica populara. La cità spordschaiva
als artists la pussibiltà da’s prodüer davant
ün grond publicum. Chi chi laiva tadlar buna
musica populara gniva dal Grischun, da la
Svizra orientala o da la Svizra centrala a Turich. Da quia davent s’ha derasada la nouva
musica fascinonta in tuot la Svizra.
Quai cha New Orleans d’eira pel jazz e Liverpool pel beat, d’eira
Turich per la musica populara.
04
Blers musicists han badà l’entusiassem per quista
americanisaziun illa musica. Il ritem foxtrott es gnü
surtut la prüma jada dal 1928 in ün toc da musica populara (Heiri Meier, «Im Zeppelin») e quai ha manà al «ländler-fox», chi plascha amo hozindi a fich blers. Id es gnü
pro il saxofon, e quel ha plan a plan s-chatschà la posauna e la trumbetta. Sco pro’l
jazz san buns musicants improvisar pro la musica populara eir sainza notas. Tradiziunalists activs laivan sbüttar il «ländler-fox» - al publicum plaschaiva’l.
Geschwister Schmid
Davo ha eir il «swing» influenzà la musica populara. Quista direcziun da musica ha
ragiunt il punct culminant dal 1935. Il tipic ritem da swing s’ha masdà illa musica
populara. Exaimpels per la misculanza da musica populara svizra cul swing han preschantà las sours Schmid culs titels «Swing
in Switzerland» oder «Swing das isch
Musig für d’Bei».
Sco cha’l Rock’n’Roll ha influenzà
ils ons 1950, ha influenzà la musica
populara ils ons 1920 e 1930
(Dieter Ringli)
Il custüm tipic (blusa da paur) han ils musicants
cumanzà a portar pür davent dal 1920 – plü bod
as preschantaivan els in lur büschmaints
schics. Joseph Stocker ha dat nom a sia fuormaziun «Stocker Sepp’s 1. Unterwaldner Bauernkapelle», eir scha gnanc’ün musicant nu
derivaiva ni da Sursilvania ni da Suotsilvania ed
ingüns nu d’eiran paurs. Da Suotsilvania s’hana
nomnats perquai ch’els han pudü cumprar là
las blusas bunmarchadas …
05
Placat ca. 1930, Turich
Alchüns musicants da musica populara d’eiran fingià da quel temp diligiaints interprendists – Beatrice Egli vaiva avant 90 ons degns antenats! Joseph Stocker laschaiva per exaimpel sunar listessa saira fin quatter chapellas cul nom «Stocker
Sepp’s 1. Unterwaldner Bauerkapelle» ed el svess sunaiva pro minchüna ün cuort
tokin. Pro l’avertüra dal studio da radio Zürich 1924 s’ha Stocker eir preschantà e
perfin pro svouls da recloma da la Swissair a Paris e Londra d’eira’l da la partida sco
musicant.
Il purtret dal musicant popular, liber, minchatant eir
ami da la «festa» da la generaziun da pioniers ha
manà üna gronda popularità illas bleras classas dal
pövel, però es eir gnü refüsà lönch da las classas
plü otas.
Quist stil fich popular in tuot la Svizra tudais-cha
nun es rivà amo tanter las duos guerras mundialas
Anton Erni, Cla Janett, unbekannt,
fin in Engiadina. Dürant ils ons 1930 gniva eir sunà
Peder Nett um 1940, Engadina
il stil musica populara grischuna (1-2 clarinettas, 12 orgelins da Sviz (svizzers), contrabass) in Grischun. Mo per la nouva direcziun da
musica saran stats ils Pass dal Flüela e l’Alvra massa gronds impedimaints per rivar
fin in Engiadina.
Ün dals plü importants musicants engiadinais da quel temp d’eira il clarinettist Cla
Genua, rivà da l’Italia intuorn il 1910 a Sent. El ha scrit e notà bleras melodias. Quellas notas sun gnüdas dattas inavant plü tard da Nott Caviezel a Hanny Christen.
Cun üna collecziun da circa 12'000 titels es Hanny Christen dvantada üna persuna
fich importanta per la musica populara svizra. In quist möd s’haja pudü gnir a cugnuoscher eir in Svizra Bassa las melodias engiadinaisas. (1992 publicaziun da la collecziun cumpletta).
Cla Genua
Hanny Christen
(1899-1976)
Nott Caviezel
06
La seguonda guerra mundiala (1939 – 1945)
• Nüvlas s-chüras vi dal tschêl
• Nouv vegn la musica populara incletta sco segn d’identità,
unind la Svizra
• Musica populara dvainta part musicala pro la defaisa spiertala
dal pajais
• A la fin: A la Landi 1939 acceptan tuot las classas dal pövel
la musica populara
Culla preschentscha dal naziunalsocialissem in Germania i’ls ons 30 s’ha ins-chüri il
tschêl svizzer. La Svizra gniva imnatschada ed ha tscherchà segns d’identità, quai chi
unischa. Cul «Plan Wahlen» (Anbauschlacht) es gnü predschà il pauresser. La musica
populara–cleramaing buolada da la cità e sunada da na paurs – es gnüda resentida sco
musica genuina dals paurs.
Musica populara svizra es quai chi vegn resenti sco svizzer
(Dieter Ringli)
La nouva interpretaziun da musica paurila exotica da trategnimaint ad ün’ expressiun musicala da unità naziunala in greivs temps es gnüda promovüda pustüt a
la «Landi 1939» a Turich. Vairamaing laiva la Svizra as preschantar i’l cuntschaint
«Landidörfli» sco pajais avert. I vessan gnü da gnir sunats ritems moderns (p.ex.
charlston). Quist’intenziun nun ha funcziunà pro’l publicum dal 1939, chi‘s chattaiva imnatschà dal naziunalsocialissem da Hitler in Germania e
tscherchaiva plütöst üna forza
unida interna.
La direcziun da la Landi ha decis
da rimplazzar las fuormaziuns modernas cun chapellas da musica
populara. Quellas han sunà a la
Landi cun grond success e quista
musica es per la prüma jada
gnüda acceptada da tuot las classas socialas. Il pionier da musica
populara, Joseph Stocker cun seis
Landi 1939, Turich
07
bun nas per affars ha survgni a la Landi ün contrat exclusiv per musica populara
ed el ha pudü svess tscherner las chapellas chi sun gnüdas ingaschadas.
Fin dal 1939 nu d’eira musica populara per nus seminaristas e
magistras giuvnas ingün tema. Nus pensaivan cha quai saja la musica dals simpels paurs in lur valladas. Davo la Landi e dürant
la guerra però vaina cumanzà a stimar ed a tadlar jent quista musica (Lotti G., commembra da la stamparia, nada 1920)
Che importanza cha la Landi ha gnü muossa cha cur
cha la guerra es ruott’oura, als 1. settember, esa gnü
serrà l’exposiziun e be trais dis plü tard tilla ha
Henri Guisan darcheu rivida. Il nouvelet general
vaiva ün fin sensori per quista simbolica ed importanza per il sentimaint da solidarità svizzer. Pür a la
Landi es la musica populara dvantada üna part dal
mitus da la musica svizra naziunala – ün mitus
chi’d es plü vegl co la musica svessa.
Circa 30 ons plü tard, davo Cla
Genua dal 1940, ha Steivan Brunies da Cinuos-chel, cunfundatur
dal Parc Naziunal, laschà scriver sü
tuot quellas melodias ch’el cugnuschaiva. Dal 1941-1950 haja dat bleras
emischiuns
dal
radio
Bermünster culs sots ramassats da
Steivan Brunies. Quai sun cleramaing tocs dad avant il temp da
musica populara svizra. Per part
sun quels amo gnüts sunats da
Fränzli Waser.
Da l’otra vart ha radio Beromünster
cuntribui cha la musica populara
svizra dürant la seguonda guerra es
rivada planet sur ils pass da muntogna in Engiadina ed ha chattà
quia ils prüms amis.
Hans Erni « Die Schweiz, das Ferienland der Völker»
Schweizerische Landesausstellung , Zürich 1939
Dal 1939 ha gnü la musica populara seis punct culminant. Sper il pensar politic
(uniun fa la forza) in quella situaziun, ha pustüt cuntribui inoura l’emettur radio Beromünster chi ha emiss fich suvent avant e dürant la guerra musica populara.
Chapibel cha dürant la guerra sun gnüts pro be pacs elemaints esters illa musica
populara; il stil nu s’ha sviluppà inavant. L’associaziun federala da jodlar ha scrit
dal 1943: «Tuot ils elemaints na svizzers sun dad eliminar».
Als 20 favrer 1938 es il rumantsch gnü recugnuschü dal pövel svizzer sco quarta lingua naziunala. Quai es stat ün evenimaint important per
l’Engiadina. Be ün on plü tard es stat la Landi
(I’s spettaiva 4 milliuns visitaduors e 10 milliuns
sun gnüts) ün triumpf implü per la Rumantschia
sün terrain federal. Ils Dis Grischuns dals 24 ed
il 25 gün 1939 han dat la pussibiltà da preschantar musica ed üsanzas engiadinaisas a Turich ad ün vast publicum.
Ills dis Grischuns «Landi» 1939
Amo in ün oter möd ha chattà la musica engiadinaisa la via illas stüvas da la Svizra tudais-cha:
08
Recugnuschenza il rumantsch sco quarta lingua,
20 favrer 1938
09
Chüra o stagnaziun? (1945 – 1990)
zas e desideris dal temp cun elavurar nouvs impuls e nouvas influenzas. (Dieter Ringli)
•
•
•
•
Davent dals ons 80 han cumanzà singulas chapellas a’s deliberar da quist corset stret
cun cumbinar lur musica cun direcziuns musicalas cun daplü success commercial. Partenaris da fusiun d’eiran per exaimpel ils Oberkrainers cun bler «drive» e il schlagher.
Ir a l’ester es interessant – eir la musica fa viadi
Elvis Presley dvainta plü popular co «S’Guggerziitli»
Distanza da nouvs impuls
Instrumentalisaziun politica da la musica populara
Quist svilup nun ha gnü be aderents. Experts critichaivan chi sajan simplamaing gnüts miss insembel duos stils, sainza ingüna confruntaziun
culla musica populara. Ueli Mooser nomna quista
sort da musica, «musica da bal d’ütilisaziun» o
«musica populara per turists». Tradiziunalists discurrivan dafatta da «musica per büttar davent» e
cha surtour elemaints da schlagher saja pac profound.
Davo la seguonda guerra mundiala culs cunfins libers han gnü blers Svizzers e bleras
Svizras il desideri dad ir davent, in Italia, in Frantscha. Elvis Presley es dvantà plü popular co la «S’Guggerziitli», I’s tadlaiva plü jent a Françoise Hardy e Jonny Hallyday
sün Europe1 co «S’‘Vreneli vo Guggisberg» sün Beromünster.
La musica populara es gnüda influenzada adüna daplü da tradiziunalists vegls. Per la generaziun giuvna davo la guerra nu
d’eira «cool» da tadlar musica populara. Fin aint pels ons 80
nun esa capità vairamaing nöglia, chi vess pudü ragiundscher
ün publicum plü grond. Ün tschert privel da restar a l’ur d’eira
quia. Sgür chi daiva eir da quel temp musicants chi sunaivan
quai chi tils plaschaiva. Però a quels nu’s daiva bada e nu’s
dudiva neir na , ni a la televisiun ni al radio.
Original Oberkrainer
Da tschella vart ha tut per mans il conflict il chantadur da schlaghers glarunais Salvo.
Cul toc «Volksmusig und Schlager gänd sich d’Hand» culs fradgliuns Rymann propaghescha’l cha las duos direcziuns da musica lavuran insembel.
Elvis Presley
A la televisiun Svizra esa almain grattià, grazcha a Wysel Gyr, da mantgnair la musica
populara, a cuost però cha la musica populara es gnüda adüna daplü schmachada politicamaing aint il chantun conservativ da la dretta chi sbüttaiva mincha müdamaint
dal stil. La musica chi vaiva dürant la seguonda guerra mundiala fat uschè grond servezzan, vaiva da restar inavant uschea. Güst perquai ha pers la musica populara, in ün
muond chi’s müdaiva uschè svelt, la capacità da derasar il sen d’identità naziunala!
Musica populara s’ha distanziada da quel temp da la musica da trategnimaint moderna.
Ella es statta salda perquai chi nu das-chaivan gnir integrats ingüns elemaints nouvs.
Hoz eschna stuts cha’ls svilups da las epocas musicalas tras ils Beatles e’ls Rolling Stones sun its speravia sainza grond’influenza per la musica populara.
Pervia da quistas tendenzas da mantgnair es crodada la tradiziun
veglia da müdar ed adattar cuntinuantamaing a las circumstan-
10
• «Mer musiziered mitenand…»
• «Mer lönd das Ganzi richtig fahre – wer weiss, wie witt mer so no chänd»
• «Nüd isch schlimmer als wie s na früener enand i d Queri sind cho»
• «Volksmusig hät nu den einte ghört und jede Schlagerton hät gstört»
Üna prouva da revitalisaziun seriusa ha manà l’uonda da folk. Las temmas da contacts,
per part inspiradas politicamaing, nu s’haja pudü survendscher dal tuot. Ils «a schnestra» sunaivan folk, ils «a dretta» musica populara. Amo hozindi, dal 2015, as bada
quista separaziun. Pro las festas dals 1. mai as prodüan tipicamaing «El Condor de los
Andes» o «The Djembé Kings of Africa», al püschain da paurs «S’Echo vo Maiegrüen».
Davo la seguonda guerra mundiala d’eira l’orgel da man l’instrumaint e quel ha influenzà
il svilup dal sound engiadinais in direcziun musica populara. Ils Janetts ed ils Ernis da
Tschlin sunaivan prol’s bals dals ons 60 ün vast repertoir – da vegls sots engiadinais fin
pro marchas, da tocs dals Oberkrainers fin pro’l schlagher popular.
Culla fundaziun da la chapella Engadiner Ländlerfründa dal 1968 ha cumanzà il stil grischunais ed uschè la musica populara classica eir in Engiadina. Quista chapella ha fat
üna pitschna revoluziun cun lur interpretaziun nouva dal stil grischunais (trais impè da
11
duos clarinettas, integraziun da divers stils da musica, e lapro il saxofon. Ed els sun svelt stats renomnats in tuot la Svizra.
Engadiner Ländlerfründa
Domenic Janett (Fränzlis) und Vali Meier
(Prättigauer Stelser Buaba)
Quai d’eira il temp da stüdi dals frars Janett da
Tschlin e dals frars Caviezel da Ramosch. Els sunaivan per bals sco Frars Janett/Caviezel in Engiadina ed eir giò la Bassa. Dürant lur scolaziun
s’occupaivan els cun divers stils da musica e preferivan persunalmaing la musica dals Oberkrainers, beat, pop e jazz. In sunond han influenzà
quists stils lur cumposiziuns.
Ils musicants engiadinas han surmuntà la stagnaziun chi regnaiva amo in cità. Forsa eir perquai cha la musica populara svizra es rivada cun
retard in Engiadina haja güdà pro cha la musica
populara nun es gnüda schmachada in ün chantun naziunalconservativ sco giò la Bassa - musica populara in Engiadina nu vaiva e nun ha
dachefar cun politica.
Inavant vers rivas incuntschaintas (1990 – heute)
• Set scoulas otas da professiun spordschan a stupends musicists
buna scolaziun, ad uschè blers sco amo mai.
• Sco cuntrapais a la globalisaziun as tschercha darcheu quai local,
genuin, tradiziunal
• Ils giuvens musicists voulan sviluppar robas nouvas
• Amo mai nu d’eiran las vistas uschè bunas per renovar
la musica populara a lunga vista.
Pero: la cumprouva da success pro’l vast publicum manca amo.
Davent dal 1990 han cumanzà ils mezs da massa a muossar interess pels «progressivs»
da la scena da musica populara. Ün exaimpel cuntschaint sun ils Innerschweizer Pareglish. Els sun però its mass’inavant pel gust dal publicum. Dal 2003 s’ha la gruppa
scholta. La chapella ha dat però impuls importants ed ha tscherchà cun üna nouva fuormaziun, ils Hujässers üna via plü daspera al publicum.
Eir Ueli Mooser da Turich s’ha fatschendà consequaintamaing per la renovaziun da la musica
populara. Divers experimaints però nun han amo
chattà ün larg publicum. (Sia duonna Chatrina
Mooser-Nuotclà da Ftan, eir specialista da musica populara ha preschantà dal 1998-2012
l’emischiun «Musica populara da qua e da là» da
RTR)
I nun ha dürà lönch chi s’ha remarchà la creatività engiadinaisa eir giò la Bassa. Grazia als nouvs mezs da transmissiun sun culats
quists impuls svelt darcheu inavo là ingio cha daspö il 1990 sun quels gnüts recipits
avertamnaing illa scena da musica populara illas citads.
Ueli Mooser
Id ha dat otras prouvas cun surtour influenzas dals pajais vaschins da las Alps, da
la Scandinavia, dal jazz e dal pop. Per blers musicists d’eira il success pro’l publicum
la masüra per stimar la valur da lur cumposiziuns – la musica populara ha cumanzà
eir giò la Bassa a’s distachar da la politica.
La globalisaziun da la musica ha per consequenza ün cuntermovimaint dürant ils
ultims ons. Quai as referischa sül mantegnimaint da las particularitats da la regiun.
I’s tschercha da colliar il vegl e tradiziunal cul nouv – darcheu üna schanza per la renovaziun da la musica populara.
12
13
L’Engiadina giova üna rolla importanta pro’l svilup d’hozindi da la musica populara. La fundaziun dals Fränzlis da Tschlin 1982 (fuormaziun
successura dals Frars Janett/Caviezel) muossa
ün fenomen chi’d es dvantà actual in tuot la
Svizra: tuornar pro la musica dal 19avel tschientiner, dimena dal temp avant l’orgel da man e
l’orgelin da Sviz (svizzer).
Fränzlis da Tschlin
Chapella Engiadina
Stubete am See
Quista musica precedainta a la musica populara
plaschaiva fich bain a quel publicum, chi’s vaiva
distanzià (eir our da motivs politics) da la musica
populara classica.
Actualmaing sun in Engiadina differentas fuormaziuns activas chi chüran e sviluppan per part
sur generaziuns la musica da l’Engiadina in Engiadina: Dasper ils Fränzlis da Tschlin e’ls Engadiner Landlerfründa sun per nomnar ün pêr,
la Chapella Engiadina da Strada, la Chapella
Clavadatsch d’Engiadin’Ota, la Chapella Jünaiver da Scuol e la Chapella Tasna d’Ardez. Tuot
las fuormaziuns sunan ün vast repertoir da tocs
engiadinais, cumbinà cun melodias da tuot la
Svizra e da l’ester, vegl e nouv cumbinà cun differentas occupaziuns d’instrumaints.
Fazit
La musica populara nun es gnaca zich üna musica lungurusa da
l’on dal cuc. Ella es viva ed adüna pronta per innovaziuns
(Kurt Pahlen)
Ils pass d’innovaziun da la musica populara vegnan per intant plütöst acceptats dal publicum
urban. Il pövel sül pajais resta ün zich skeptic.
Però daspö lönch muossa la musica populara
segns da nouvas vias, dad avertezza e da vitalità.
I tilla sunan musicists da fich ot nivel. Ella es vivais-cha sco al cumanzamaint ed uschè multifaria sco amo mai.
Quai dà spranza per l’avegnir. Cha la musica populara survegna darcheu quel lö ch’ella vaiva
üna jada – aint ils locals da concert, sco eir aint
ils cours dals Svizzers e las Svizras !
Zukunftsmusik in der Ländlermusik
Daspö il 2008 ha lö a Turich illa Tonhalle la «Stubete am See» – ün festival per nouva musica
populara svizra. Regularmaing as poja dudir eir
a Turich darcheu tuns engiadinais per ün vast
publicum.
14
Trio Robin Mark, Prättigau
Stadt und Berge – tauscht euch aus!
15
Funtanas
Grazcha fich
Exposiziun e texts:
Fundaziun Stamparia Strada
La Stamparia Strada ingrazcha da cour a las
seguaintas persunas :
Texts e purtrets/fotografias:
Dieter Ringli, Schweizer Volksmusik von
den Anfängen um 1800 bis zur Gegenwart,
2006, Mülirad-Verlag, Altdorf
Ueli Mooser, Die instrumentale Volksmusik,
1989, Gesellschaft für die Volksmusik in der
Schweiz
Madlaina Janett und Dorothe Zimmermann,
Ländlerstadt Züri, 2014, Elster Verlag, Zürich
Diverse Fachartikel
· Markus Brülisauer, Haus der Volksmusik
(Altdorf )
· Madlaina Janett (Zürich/Tschlin)
· Heiri Känzig (Meilen/Sent)
· Ueli und Chatrina Mooser-Nuotclà
(Birmensdorf/Ftan)
· Roger Rhyner, Radio Zürisee (Rapperswil)
· Dieter Ringli (Aathal)
· Florian Walser (Wald)
Grafica:
grrrafica.ch, Tanya Schatzmann, Strada
Sainza lur grond sustegn e sainza lur respostas a nossas bleras dumondas nu vess
«Strada–Turich retuorn» mai pudü gnir realisà.
Traducziuns:
Corina Caviezel
Stamparia Strada, Strada, mai 2015
Exaimpels da musica:
Ausgewählt mit Unterstützung von
Madlaina Janett und Ueli Mooser
Temp d’avertüra
mai fin october, sonda da las 15–17
lügl/avuost, gövgia da las 15–17 e sonda da las 15–17
o tenor cunvegna: +41 (0)81 866 32 24
auto da posta: Scuol-Tarasp(CH)–Landeck(A)
fermativa: Strada i. E., Cuncalada
Museum Stamparia
CH-7558 Strada
mai –october 2014 | www.stamparia.ch |