Istituto Istitut Cultural Ladin Cesa de Jan
Transcript
Istituto Istitut Cultural Ladin Cesa de Jan
ISTITUT CULTURAL LADIN „CESA DE JAN“ Galizia 1914/2014 - Sui segnes dei melitare ladis al fronte Da sabeda 20 a sabeda 27 setenbre del 2014 ULTIMO DI' PAR SE SCRIE INZE: 2 AGOSTO 2014 Polonia del sud: ra zità inperiale de Cracovia, i porteas de ra prima guera mondiale, ra zità forteza de Przemysl, el Santuario de Czestochowa, el cianpo de concentramento de Auschwitz, ra minieres de sa de Wieliczka. PROGRAMA(*) Sabeda 20 setenbre – DA ARABA – COL DE S. LUZIA – ANPEZO A BRNO Da bonora presto se moe par Toblach, Graz, Viena, Brno. Se diśna inze un ristorante drio ra strada. Se rua dadasera a Brno, capoluogo de ra Moravia. Se va inze l hotel, se zena e se pasa ra note a Brno. Domegna 21 setenbre - CRACOVIA Dapò aé solerà, se moe par Cracovia e se ruà par diśnà. Dapomeśodì se vijita ra zità. Par i polache, Cracovia l é 'na zità particolare: ra capitale dei res, el luó agnó che i é stade incoronade e seporide. Capitale de ra Polonia fin a ra fin del XVI secol, da senpre ra vien considerada ra capitale culturale del paes e con pì testimonianzes d’arte. Se prevede de śì inze a vede el cortio rinascimentale del Castel de Wawel, inze ra Catedrale, inze ra Basilica de Santa Maria. Se fesc un śiro inze ra piaza del Mercà de ra vecia zità, una de ra pi granda piazes d'Europa. Duto intorno a ra piaza l é restà conpain da 700 ane e l é ciaśes de gran valor storico. Ogni ora se pó sentì sonà ra tronba de ra tore de ra Jeja de Santa Maria. Inze el castel de Wawel se podarà vardà el depento ben conosciù de Leonardo da Vinci, “La dama con l’ermellino”. A ra fin de ra vijita, se torna inze l hotel, se zena e se pasa ra note a Cracovia. Lunes 22 setenbre - CRACOVIA – CZESTOCHOWA - CRACOVIA Dapò aé solerà, se moe par Czestochowa e se rua par diśnà. Dapomeśodì vijita del Santuario de ra "Madonna Nera di Jasna Gora", meta de pelegrinajio e luó sinbolo del catolicesimo polaco. R'é da secui ra capitale relijiosa de ra Polonia par ra granda venerazion ves el so Santuario. Inze el 1382, su domanda del Re Luigi I d’Anjou "il Grande", l é stà fondà el monastero par ospità i monache Paolini mandade via da r’Ungheria. Fin da canche l é nasciù el monastero l é stà el cuore del sentimento nazional e, gouja ra piera bianca de ra jeja, i l à ciamà alolo "Jasna Gora" (ra croda lujente). De inze l é ra conosciuda icona de ra "Madonna Nera", ra so storia ra se perde inze ra lejenda. Depenta su len de "cipresso", somea che ra rue da Jerusaleme. Se torna dadasera, se zena e se pasa ra note a Cracovia. Martes 23 setenbre – VIJITA AI PORTEAS DE GUERA - PRSEMYSL E EL"FIUME" SAN Dapò aé solerà, se moe par Bochnia par vijità el porteà 311, dapò a Zakliczyn e Sukmanie par el porteà 286. Se và inaante par ra vijita del porteà 198 a Blokie, par ruà dapò a Tarnow agnó che se vedarà i porteas 200 e 202. Se diśna inze un ristorante intrà 'na vijita e cheroutra. Dapomeśodì se moe par Przemysl, ra pì granda zità forteza del Inpero Austro-Ungarico. Se se ferma sul voro del "fiume" San, par recordà i trope melitare che, canche i à fato ra ritirada de r'Armada austro-ungarica d'outon del 1914, i é morte sofeade par aé proà al traversà. Vijita al Castel rinascimentale de Krasiczyn, un dei pì biei de ra Polonia. Se va inze l hotel, se zena e se pasa ra note a Przemysl. Istitut Cultural Ladin «Cesa de Jan » Via Villagrande n. 54 - 32020 Colle Santa Lucia (BL) Tel/fax 0437 720609 Web : www.istitutoladino.org e-mail: [email protected] ISTITUT CULTURAL LADIN „CESA DE JAN“ Mercui 24 setenbre - RA ZITA’ FORTEZA DE PRZEMYSL Dapò aé solerà, l é ra vijita panoramica de ra vecia zità e a doi dei fortes del Festung Przemysl. A ra fin de ra vijites, se moe par Tarnow. Se diśna drio ra strada inze un local tipico. Se torna a Cracovia dapomeśodì, se và inze l hotel, se zena e se pasa ra note. Śoiba 25 setenbre - RA MINIERES DE SA DE WIELICZKA Dapò aé solerà, se va a vede ra minieres de sa de Wieliczka, ra pì vecia miniera polaches agnó che se laora ancora ades, agnó che se tira fora sa da pì de 1000 ane. Par pì de 700 ane, tanta jenerazios de minatore i à creà un mondo sote tera fora del ordenario e ugnolo par ra so beleza, con ra capeles tropo lourades, ra orijinales galaries e un lago salino sote tera. In zentenera de anes i minatore i à jaà pì de 300 km de galaries sote tera. Se torna a Cracovia e se diśna inze un ristorante de ra śona ebraica de Kazimierz. Dapomeśodì vijita guidada a ra śona ebraica. Zena del "A se reede!" inze un ristorante storico. Se pasa ra note inze l hotel a Cracovia. Vendres 26 setenbre - EL CIANPO DE CONCENTRAMENTO DE AUSCHWITZ - OLOMOUC Dapò aé solerà, se moe par Auschwitz-Birkenau par ra vijita al Cianpo de concentramento. Auschwitz r'é stada ra pì granda fabrica de morte de duta ra storia de r'umanità e muto testimogno de 'na trajedia umana: l é morto pì de doi milioi de parsones, ra gran parte l éa ebree. El cianpo l é inze ra lista dei "beni Unesco". Se diśna inze un ristorante e dapomeśodì se moe par Olomouc e se rua dadasera. Se zena e se pasa ra note inze l hotel a Olomouc. Sabeda 25 setenbre - DA OLOMOUC A ANPEZO/COL/ARABA Dapò aé solerà, vijita guidada de Olomouc. Ra vecia zità r'à tropa piazes: ra pì bela r'à 'na conosciuda Colona de ra "Santissima Trinità", monumento che l é patrimonio del Unesco. Se vijitarà ra Catedrale de San Venceslao, fata su con diferentes "stili": ra cripta r'é romanica, el chiostro gotico e ra capeles baroches. Olomouc r'é conosciuda anche par i so sié brente baroche che và ancora. A ra fin de ra vijita se moe par Brno, Mikulov, Viena. Se diśna inze un ristorante drio ra strada e se rua dadasera. CUOTA PAR PARSONA: - IN CAMERA DOPIA: € 1.070,00 CUOTA INPI' PAR DROMI' DA SOLE: € 200,00 Inze ra cuota l é inze: viaśo a/r in pullman gran turismo; alośo inze hotel 3 e 4 steles; dute i paste, dal diśnà del 1° dì, al diśnà del 8° con algo da bee ogni pasto par parsona; ra vijita guidades inze el programa; guida da canche se rua in Polonia a canche se moe da ra Polonia (dal 2° al 7° dì); guida del posto a Cracovia e doa guides del posto a Przemysl; i biliete par śì a vede chel che l é inze el programa: Catedrale Reale, Basilica de Santa Maria, "Dama con l’Ermellino" de Leonardo da Vinci, Minieres de sa col lift e guides del posto, Auschwitz-Birkenau con "auricolari" e guides del posto; Segurazion speśa del dotor e valijia; Segurazion par descdì; Inze ra cuota no n'é inze: outro da bee, i extra de ogni parsona, i biliete che no n'é inze el programa, ra bonaman e duto chel che no n'é stà scrito sora Par rajos de organiśazion l ordin de ra vijites el podarae ese canbià. DOCUMENTO DOMANDA': Carta de identità (senza tinbro de proroga) o pasaporto che val Istitut Cultural Ladin «Cesa de Jan » Via Villagrande n. 54 - 32020 Colle Santa Lucia (BL) Tel/fax 0437 720609 Web : www.istitutoladino.org e-mail: [email protected] ISTITUT CULTURAL LADIN „CESA DE JAN“ Par se notà inze l é da scrie el modulo de iscrizion che se pó toi śò dal sito del Istitut Cultural Ladin “Cesa de Jan”: www.istitutoladino.org . (*)Organiśazion Tecnica: Agenzia Viaggi Guidavacanze - Cles/ Assicurazione Resp. Civile Ass.ni Generali n. 321644446 Istitut Cultural Ladin «Cesa de Jan » Via Villagrande n. 54 - 32020 Colle Santa Lucia (BL) Tel/fax 0437 720609 Web : www.istitutoladino.org e-mail: [email protected]