Su calendariu
Transcript
Su calendariu
Su calendariu GENNARXU A mei mi nanta Gennarxu friarosu Totus is muntannias tengu niadas In is terras chi funti seminadas Deu fazzu cresci e trigu e orxu In is cotturas chi non funti aradas Fazzu nasci ciocciri e pizziadroxu Po mei esti vantu mannu Seu su babbu de is mesis de s'annu. MESI DE ARGIOLAS Est mesi de messai e sediai Su lori a s'argiola nci portamusu A treullai inzandus cumenzamusu E trigu e fai po deppi bentullai Poi a misura e a cubeddu misuramusu Po sciri su tanti chi si deppiat fai Candu trigu e fai fiada insaccada Iscirernus s'arregorta de s'annada. FRIAXU Mi nau Friaxu, segundu mesi arribau Troppu pitticcu m'anti offiu bolli Ma fazzu cuai e bessiri su solli Is antigus mi naranta affanceddau Ah! Fama leggia chi non pozzu sciolli Custu allomingiu m'anti bogau Ca seu fraizzu e fazzu puru frius Su prus pitticheddu de is fradis mius. AUSTU Sa mindula puru si ndi scudiada A monti ancora inzandus s'andada Su tanti de sa linna si procurada Chi cuaddus e bois teniada. Tottu sa palla beniada incungiada Chini bestia in domu possidiada Sa palla si pigada allupori Ndi bessemus prenus de sudori. MRAZU Mrazu scroxa bois, bentu forti Ti timint finza is piscadoris Mari malu e commitis erroris A bortas tiras di' e notti Finza de is mattas sciuscias is froris Si calencunu si sarvat est po sorti Fais tirai bentu a prepotenza Benis puru carrigu de infruenza. CABUDANNI A Cabudanni serbidoris cambianta, Intrai cun attiri in atru meri Po ddi fai su propiu doveri, E po trigu e po fai aggiustanta. Su dinai fiada pagu, po prexeri, Una pariga de crapitas donanta Po cali tanti fiada cussa sa sorti Po un' annu traballai diri e notti. ABRILI Bellu esti beranu , bellu Abrili Massaiu penzat a s'arregorta giai Bolit aqua a siccia e a barrilli Po podi cabizza niedda messai Po fai mois a centu e a milli Po andai cuntentu a incungiai E chi s'annu ndi fait in prusu Ponint trigu in terra e in susu. MESI DE LADAMINI E sa palla totu si arregolliada Chi in prus de su tanti abarrada Beniat totu beni ammuntonada Po chi a ladamini si fadiada. Annu infattu a is terras si ghettada Po chi su trigu bellu nasciada Palla beccia e brutes' `e bestiamini Ddi naramus mesi de Ladamini. MAIU Sendi Maiu mesi de fai indolia Beranu chi is poburus aspettamusu Sa fa' a lissu e a sossa papamusu E arrostia e ancora buddia U' pagu de famini nci bogamusu Ma su pani ancora a cudda nia! Biremusu su trigu giai scabiddendi De andai a boddi' spiga giai penzendi. DONNIASANTU Eccu, Donniasantu est arribau Andaus a su sattu a seminai, Penzendi arregorta bona a ndi fai Prepareus cuaddus, giu' e arau Trigu e spotta a su carru a nci dettai Poita su tempus est arribau Tiri bentu e s'aria sia trulla Si andada a seminai sa stulla. LAMPARAS Lamparas sa spiga pronta giai Bella, scabiddada, bianca e niedda Preparamusu furriottu e sa cubedda Bertula, fraci, po andai a messai Guardarazzus, po notti sa stabedda Corru de sali a cundiri su papai U' arrogu de casu, pani e tomatas Cugumbiri, cibudda e patatas. MESI DE IDAS Mesi de Idas, benit Paschiscedda Sa nascida de Gesus Bambinu Ca su mustu si furriada a binu Bonu cun sa pezza de angionedda Beni arrostia cotta in sa forredda Cun s' appititu bellu de continu Nuragus, cannonau in ampudda prena Viva viva sa notti de Cena.