stampa - corpuslad

USC 46.2001 Un an aduna con i Ladis
: null.
USC 46.2001 Un an aduna con i Ladis.
lingua: Anpezan
corpora: Anpezan
letterario:no
argomento: corpus USC 40-49 USC 2001
periodo:
solo testi pubblicati: no
titolo dell'originale: USC 46.2001 Un an aduna con i Ladis
testo grafia moderna
El laoro de r'Union dei Ladis d'Anpezo del 2001
Un an aduna con i Ladis
Fosc mai conpain de 'sto an, che 'l é drio a fenì, r'Union de i Ladis d'Anpezo r'é stada una parte viva del sò paes. Se pó pensà a i fate pì grei, opura a
chi pì pize, e se ciata de spes r'Ulda inze me$o.
Via par el 2001 i é de seguro doi i momente agnó che r'Ulda r'é stada pì leada al sò paes. Ignante de duto và betuda ra zerimonia par el monumento
ai anpezane morte in guera, fata ai 14 de luio. Dapò se pó pensà a Euroscola Ladinia 2001, i prime dis de ma$o.
Chera del monumento ai morte in guera r'é stada 'na $ornada storica. Da pasa otanta ane el paes vorea recordà i $oen, i ome, ra femenes, dute chi
che i é morte par via de ra Prima Guera. Ignante no s'aea podù, dapò fosc no s'aea vorù. O, par ra fei pì fazile, dijon che no se s'aea pì pensà.
Canche el capocomun 'l à domandà al paes intiero ce che s'arae podù fei par recordà el Doimile, chesta data coscì granda, Siro Bigontina Titoto,
presidente de r'Ulda, in comun 'l à dito de fei algo par recordà chi morte. R'Ulda, da sò posta, r'à lourà drio el libro dei "Valorosi d'Ampezzo" de Paolo
Giacomel, r'à betù a posto ra crosc del Tummelplatz, inze a Innsbruck. El Comun d'Anpezo 'l à fato el laoro $ò dal porteà, con dute chi gnomes che
ades podon vede dute i dis, canche pason de là.
Euroscola Ladinia 2001 'l à portà in Anpezo pize de ra parlades minoritaries de duta Europa, par una $ornada de festa. El guergnato de chel dì el non
é $ù adora a roinà el bel de chera ocajion, agnó che dute i parlàa, i ciantàa, i se conoscea un con 'l outro.
Dapò de chesta doa festes grandes, i é stade tante outre i momente con i Ladis protagonistes o pronte a dià 'na man. Penson al crighel cioudo dà
fora inze piaza, da Nadà, a sarà un an e a in daer$e un outro. Penson, par recordà i ultime dis, a ra festa par San Nicolò e a chera par saludà el
nonzolo Corrado Suani che el lascia el sò laoro. Da San Nicolò, par el terzo an, aduna con alcuanta carameles 'l é stà dà fora un libreto con inze algo
par anpezan, par ra famea, par i insegnà a inparà ra nostra bela parlada.
O vardon ra dejines de parsones che r'Ulda ra bete aduna, dute i ane, par ra festa de ra bandes, a ra fin de agosto. Da calche tenpo in cà r'Ulda ra
laora pì che see par ciatà fora outre ome, par i convenze a se fei el vestì da festa anpezan, par el bete.
Soralduto penson ai libre, ai scrite, ai laore che i vien fate par tegnì su ra nostra parlada, par no ra desmenteà. Un libro par dute: chel dei tre studio$e
che i à contà duta ra storia del Castel de chi de Zana.
Proón a vardà al laoro che vien fato, inze par sote, che no se 'l vede, ma che el conta, de $ì a i congrese, a ra scentades, a ra foules agnó che se
parla de 'l ladin o de che's outra parlades minoritaries, in $iro par r'Italia o anche fora.
Penson a ra bandieres ladines, senpre depì, che se res vede nafré daparduto, dai hotiei inze piaza fin ai refuje su par ra crodes e finamai su ra cia$a
de comun, pede chera taliana, chera de r'Europa.
Ruon fin al turismo, a duta ra otes che chi de r'Ulda i vien ciamade par mostrà i sarvije vece, par fei nafré de bel color, intorno a 'na manifestazion.
Par fei vede a chi che i vien cà in vacanza che i é ruade inze un paes vivo, sinzier, agnó che ra $ente ra non à zedù, vendù, strazà fora duto chel che
vegnìa dal vecio. Algo de prezios che, inveze, 'l é stà precurà fin ancuoi e che son drio a portà ves el doman, nosc e de i nostre $oen. E par fei
chesto s'à bi$oin anche del laoro de r'Union de i Ladis d'Anpezo.
+fotografia
didascalia
I sarvije anpezane de r'Ulda inze porteà, el 14 de luio, inze ra zerimonia par Ziano Moro