MARY, FA LA FOTO!!
Transcript
MARY, FA LA FOTO!!
MARY, FA LA FOTO!! I na domandà de nar a Mestre a manifestar parchè en sto modo el sociale avanti nol pol nar, e a noantri, che da sempre laoren a testa bassa, adesso ne toca nar a dir la nostra en piassa. Con bandiere, poster, adesivi, e volantini, macchine, camion e pulmini semo partii en modo ordinato, par arivar al posto concordato. En fato na bela riunion e qualchedun, davanti ai politici, l’ha espresso la nostra preocupasion. En poco la nostra tristessa l’è svania quando i Ambaradan i na fato cantar en compagnia. La carovana dopo l’è ripartia a publicizar la cooperasion en alegria: done, omeni, manifesti, trombete e tamburi credo che naa sentio tutti, anca i pi duri! Intanto la Mary con maestria, la fermaa el tempo con qualche fotografia. Noantre en voluo restar a Venesia, en po’ par dover ma anca par piaser: en portà la cooperativa fra la gente e tutto questo alegramente!!! Col capelin che slusea i giapponesi i na fotografà e i giornalisti entervistà. De caminon sen partie dala stasion e, curiosando de qua e de là, fin a San Marco sen arivà. La Donatella l’è restà stupia e l’ha pensà che i leoni i avesse tirà ia! Par essa esatamente informà l’è na da du gondolieri e la ga domandà: “scusè siori, sio de Venesia?” e lori: “se no fusse così no saresene chi!”; “manco mal! Alora secor podì dirme ando’ l’è finia la copia de leoni che mi go en fotografia”. “Par fortuna poden contentarla: i leoni no i è miga scapè, ma dedrio ala cesa bison che guardè”. Ensieme ai leoni la Mary la nà fotografà e de tornar a casa emo pensà. Emo caminà, riduo e ciaciarà, en visto boteghete, mascare, gondole, ponti e stradete. Alla fine, strache e contente, emo beuo en cafè e sen tornè a casa come gnente. El futuro della cooperasion nessun l’e sa ma el ricordo de sto bel giorno per sempre ne compagnarà. Bertilla