o le sulu samoa

Transcript

o le sulu samoa

O LE SULU SAMOA
EKALESIA FAAPOTOPOTOGA KERISIANO SAMOA
O LE NUSIPEPA FAA-LE-LOTU NA FAAVAEINA I LE T.A. 1839
FAAVAEINA 1839
O LE SULU SAMOA
Aperila 2013
email: [email protected] -Main Office: Ph. 24414, Ext 30 - website: www.cccs.org.ws
Umusa se falea’oga fou
The Dirty Words mo le Kolisi i Papauta
from the book:
for parents:
Daddy, Do You Love Me?
by Ariel Allison & Shelby Rawson
p. 8
O se tala mo tina
O Makerita o
Niu Olini itulau e 7
O le aso 5 o le masina nei na
umusaina ai se falea’oga fou mo
le Kolisi a Teine i Papauta. O lea
sauniga na auai atu iai le Laulau a
le Fono Tele - le Afioga i le
Taitaifono Susuga Tauti’aga
Senara FT, le Sui Taitaifono le
Susuga Tavita Roma FT, le
Failautusi Aoao le Susuga Rev. Dr
Iutisone Salevao, le Teutupe le
Susuga Kuatemane Ulutui FS. Na
auai foi le Failautusi o le Komiti a
le Au Toeaina, Susuga Kerisiano
Soti FT, le Taitaifono o le Komiti o
A’oga le Susuga Palemia Tauiliili
FS ma nisi o le Komiti o A’oga, ma
faaauau itulau e 2
O LE ATA I LUGA: O nisi o teine
a’oga o le Kolisi a Teine i Papauta
ma nisi o tagata faigaluega, ma a
latou ta’ita’i mo faaaloaloga o le a
faia mo le auvalaaulia i le aso na
tatala ai le falea’oga fou.
O le Faata’oto i le Alofa Anoanoa’i
E to’alua atalii o le tamaloa. Ina
ua fai atu le atalii laitiiti i lona tama,
“Ua ou mana’o e tuuina mai nei ia
te au lo’u vaega o au ‘oa, ae ‘aua
le faatali se’i e oti!” - ona malie ai
lea o le tama e vaeluaina loa ana
‘oa i ona atalii e to’alua.
O nai aso mulimuli ane, ona teu
ai loa lea o le ‘ato a le uii, ma
malaga i se atunuu mamao, ma
faamaumauina ai lana vaega o le
‘oa mai lona tama, i pati ma fafine
talitane.
O le vai taimi na uma ai ana tupe,
na oo atu ai se oge tele i le nuu,
ma ua oo ai nei ina matelaina o ia i
le fia ‘ai. Ona ‘ai’oi ai lea i se
faifaato’aga failafu puaa, pe maua
ai sa na galuega.
Ona
faafaigaluega ai lea e le
faifaatoaga e alu atu na te tausi ma
fafaga ana puaa. O le fia ‘ai tele o
le atalii lenei, na oo ai lava ina ia
‘aia atigi mea’ai a puaa o ia tausia.
O lona fia’ai ua pei ai lava ua lololo
ma lelei ia atigi mea’ai. E ui i lona
mafatia i le fia’ai, ae leai lava ma
se isi na fesoasoani ma alofa ane
ia te ia.
Ina ua lagona e ia le leaga o le
mea ua iai, ona ia faapea ifo ai lea,
“E le toatele ‘ea o auauna a lo’u
tama ua faula’i a latou areto ua
totoe, a o a’u, ou te matelaina. O
le a a’u tula’i ma alu i lo’u tama, ou
te fai atu ia te ia, ‘Lo’u tama e, ua
ou agasala i le o i le lagi atoa ma
ou luma; ua ou le toe aoga ona
ta’ua o lou atalii; ia e avea a’u ia
pei o se tasi o au auauna.”
Ona tulai lea o ia, ua alu i lona
tama. Ua iloa mamao atu foi o ia e
lona tama, ona mutimutivale lea o
lona alofa, ua momo’e atu o ia, ua
fusi ia te ia, ma sogi atu ia te ia. A
ua fai atu le atalii ia te ia, “Lo’u tama
e, ua ou agasala i Le oi le lagi atoa
ma ou luma, ua ou le toe aoga ona
ta’ua o lou atalii.” A ua fai atu le
tama i ana auauna, ‘Aumai ia loa
le ofu tatapuvae aupito lelei, ma
faa’ofu ia te ia; ma ia tuu se mama
i lona lima, ma faasee i ona vae.;
aumai ia foi le tama’i povi peti, ma
fasi; tatou te aai ma olioli; aua o
lo’u atalii lenei, na oti, ua toe ola
mai; na leiloa foi o ia, a ua maua.
Ona latou olioli ai lea. Ua fai le
pati tele a le ‘aiga.
Sa i le vao lona atalii ulumatua,
ua sau o ia, ua latalata mai i le fale,
ona faalogo ai lea o ia i laaupese
ua ta, ma le siva. Ua valaau atu o
ia i le tasi auauna, ua fesili atu, poo
le a le uiga o nei mea. Ua fai mai o
ia ia te ia. Ua sau lou uso, ua fasi
ai foi e lou tama le tama’i povi peti,
ina ua toe oo mai o ia o ola.
Ona ita ai lea o ia, e le mafaia
ona ulufale iai; ona alu atu ai lea o
lona tama i fafo, ua faaoleole ia te
ia. A ua tali mai o ia i lona tama.
“Faauta, o tausaga e tele, ua ou
auauna ai ia te oe, ua leai lava sau
poloa’iga ua ou solia; ae te le’i
aumai lava se tama’i oti ma a’u,
matou te olioli ai ma a’u uo. Peitai,
o lou atalii lena, sa na faaumatia
Umusa se falea’oga fou
mo le Kolisi i Papauta
nisi o le Aufaigaluega a le Atua, o
matua ma e na valaaulia i lea aso
e pei o sui o le Asosi a Teine
Papauta Tuai o lo latou sui le tina
matua ia Simolo Reupena na ia
ootiina le lipine e tatala aloa’ia ai
le galuega.
O le Susuga Tauti’aga Senara FT
na ia ta’ita’ia le sauniga na
faapa’iaina ai le galuega, o se fale
e tolu ni ona vaega - o le vaega
mo a’oa’oga faakomipiuta, (com-
puter room) o le vaega mo kuka ma
mataupu tau le ‘aiga, (home economic), ma le vaega mo tusi a’oga
(library).
E iai vaega tupe mai
faalapotopotoga faale-ekalesia
mai fafo na fesoasoani i le galuega,
faapea ma le fesoasoani mai le
malo o Niu Sila, ma le tupe a le
Ekalesia i Samoa nei. O le tala
atoa o lenei galuega o le a tuuina
atu i le Fono Tele i le masina fou.
2. O LE SULU SAMOA Aperila 2013
au mea faatasi ma fafine talitane,
ua sau o ia, ona e fasi lea le tama’i
povi peti mana.
Ua fai atu o ia ia te ia, ‘Ta e, ta te
nonofo pea ma oe, o a’u mea uma
foi, o au ia. Ua tatau foi ona tatou
fiafia ma olioli, aua o lou uso lena
na oti, a ua ola mai, na le iloa foi, a
ua maua.”
O lenei faata’oto a Iesu ua faaali
mai ai ia i tatou, le alofa anoanoa’i
e faatalitali pea mo tatou i taimi
uma, tatou te fo’i atu ai i le Tama.
E faatali pea o ia i soo se taimi tatou
te fo’i atu ai ia te ia. E faanaunau
mai, ma moomoo se’i o tatou fo’i
atu ia! O le uiga lena o le Atua oloo
tatou tapuai iai. Ua faaata mai e
Iesu i lana faata’oto le Tama e le
faatali se’i taunuu atu le atalii lea
ua na iloa atu ua fo’i atu, a ua
tamo’e mai. Tamo’e mai e
faafetaui. I tu a ia atunuu, e le se
mea lelei le tamo’e faapea o se
tagata matua. Fai mai le tagata
poto o Arisitoto o le malo o Eleni,
“E le tamo’e se tagata mamalu.” A
o lenei ua fai le alofa anoanoa’i, ma
apaau e peiseai ua lele ai le tama,
a ua le faatali, e faafetaui le atalii
toe foi atu.
E faapea le alofa o le Atua ia i
tatou toe fo’i. E le faatali mai, ae
afio mai e faafetaui, le atalii ua
salamo ma ua toe foi atu ia te ia.
O Toma Monaheni
ma lona fale Pizza
E tasi le fale’aiga o le Domino
Pizza na amata ai le pisinisi i le
tausaga e 1960 a Toma Monaheni.
E valu tausaga o galue lava ma le
faamaoni Toma i lona fale pizza.
Ae te’i ua mu lona fale, ae alu atu i
le inisiua ae fai mai e na o le tasi le
sene i le Tala na te maua mai lana
inisiua.
O le faalavelave, e na o le tasi
lava le mea e iloa e Toma ona fai,
o le pizza, (le mea’ai lea e ta’u e isi
tamaiti o le Pisa). Ona toe amata
foi lea o le isi fale pizza, e 100 itula
i le vaiaso e galue ai i lona fale
pizza. Na o le tasi le vaiaso na
faaauau itulau e 7
O LE LAUGA
Tusi Faitau: Luka 24: 1-9
Matua: Luka 24: 5: “Se a le mea
tou te saili ai le oloo soifua i e ua
oti?”
Autu: “O ai ‘o outou sailia?”
(“Who are you looking for?)
Ioe, o le aso lenei, o le aso o le
Toetu manumalo mai o Iesu i lona
maliu i le tuugamau. O le aso ua
faaalia ai le silisili ese o le Atua ina
ua ia sofa’ia le oti, ae faaali lona
mana sei faatepa ai le tagata i lona
faaolataga. Le aso ua faia ai e
Iesu, le galuega o le faa’atoaga o
le foafoaga pei ona faaselemutu i
le amataga, ona o le agasala. Le
aso ua toe amataina ai e Iesu, le
talafaasolopito fou o le lalolagi.
Fai mai le fesili a agelu i tina, “Se
a le mea tou te saili ai le ua soifua
i e ua oti?”
Fia faamamafaina le upu ‘saili’
pei ona fesili ai le au agelu. E tele
uiga o lenei upu. E sau mai le upu
Eleni o le ‘seteo’.
O le uiga muamua o le upu ‘saili’,
o le fia iloa (enquire). Tasi lenei
uiga o le tina, o le fia iloa o se mea.
A tuutuu i le loloto, o lenei uiga, e
iloa ai le tina e magafagafa ma saili
manuia. Taatia ia uiga vaivai o le
sailiili tala ma nisi uiga, a o lenei
taeao, ua fia iloa e tina, le tulaga o
le maliu o Iesu. O se uiga lelei lea,
o le o i le tuugamau, tusa lava poo
ua maliu Iesu, ae o pea, e fia iloa
le tulaga oloo iai le tino maliu o
Iesu, ae sei faaauau le alofa
faatina.
Lona lua o uiga o le upu ‘saili’, o
le taumafai (endeavour). Tina ma
le tiute
tauave i
aiga,
faalapotopotoga ma Ekalesia, tasi
lenei o iuga lelei, o le ola taumafai.
E taumafai i se mea lelei ina ia le
falolo le fanau ma lona aiga. E
taumafai i le mea sili ina ia lelei
lana Ekalesia. Lenei taeao, lea ua
agai tina i le tuugamau, sei
taumafai e fuli ese le maa i lo la
malosi ae sei faatino le alofa. Ioe,
poo le a le mamafa o le maa, ua
loto gatasi lava e mafo’efo’e ma
ma’osi’osia lima, ona o le alofa i le
Alii o Iesu.
Lona tolu o le uiga o le upu ‘saili’,
o le manao (desire). Tasi foi lenei
natura o le tina, o le manao. Ioe, e
manao ia manaia le fale e nofo ai.
Manao ia tu lelei lona aiga. Manao
ia manuia lana fanau. Manao ia
lelei lana tautua. Lenei foi taeao,
o le manao foi lea a nai tina. Fia
vaai atu ia Iesu poo lelei lona
tuugamau. Mananao ia fai lelei
ona laei e alu ma ia. Ioe, e le uma
le mananao o nei tina e fai mea
lelei mo Iesu.
Lona fa o le uiga o le upu ‘saili’,
o le faufau leaga (plot). O le uiga
le lelei lea o le upu. O le faufau i
se mea e leaga ai le isi. Toatele
foi tina e maua i lea uiga leaga. E
pei o Iesepela le ava a Aapo. O le
toalua foi o Potifara. Ae faafetai i
tina o lenei taeao, e lei oo i lea
manatu. E lei o e faufau se mea e
faaleaga ai Iesu. Ua le pei ia tina,
o tina ia na alalaga, ‘Faasatauro!
Faasatauro!.
Lona lima o uiga o le upu ‘saili’ o
le tapuai (worship_. O le tasi lea
natura o tina, e fiafia e tapuai i le
Atua. Fiafia e auauna i le Atua.
Tiga ona ulagia Hana, ae na
tafatasi pea lona loto i le Atua.
Lenei taeao, fai mai ua ave ‘mea
manogi’. O le tiute lea o tina i afiafi
o Aso Toonai poo le taeao o Aso
Sa, o le fai o teu o malumalu. O le
faa-Iutaia, e ave mea manogi e
susunu i taimi e fai ai le tapuaiga.
O taimi la o le tatalo, e faamumu ai
ia mea manogi, ina ia alu atu le asu
i taimi o le tatalo. Lenei taeao, o le
uiga lea o le ave o mea manogi i le
tuugamau, sei faailoa le agaga
tapuai o nei tina ia Iesu. Tatalo
faafetai ona o le tele o lona alofa i
tagata matitiva ma vaivai. Tatalo
foi faatoese i le tele o mea sese ua
faia e tagata, ae maliu ai fua o ia,
ae leai se agasala. Faapea foi ona
momoli foi ni o la alofaaga mulimuli
i le Alii ua maliu. Oloo ta’ua e Ioane
19: f39, le galuega tele na faia e
Nikotemo ma Iosefa le Arimataia, i
le uuina o le tino o Iesu i le muro
fefiloi ma le aloe. O vailaau manogi
ia sa faaaoga, mo e ua maliliu. Na
uma loa ona teu le tino o Iesu,
tapuni loa ma le gutu o le
tuugamau. O lona uiga la, e leai
se manatu o nei tina, e toe tatala
le tuugamau aua o lea ua maea
ona tapena e ia tama. Pau lea o le
aoga, o le tutu loa o ia mea manogi,
ma tapuai i le Iesu maliu.
Ae ina ua taunuu nei tina i le
tuugamau, o iina na liua ai le vai o
Sina mai le sailiga faanoanoa, i le
sailiga ua faatumuina i le fiafia ma
le olioli. Lo la fia iloa, lo la taumafai,
lo la manao, lo la fia tapuai, se ua
sili atu mea ua la vaai iai, nai lo
mea na manatu iai. Ua le vaai i se
Iesu maliu, ua le mananao foi e
faatino o la manaoga faatina i se
tagata oti, aua o lea ua toetu Iesu.
Aleluia! Fai mai le au agelu, “Se a
le mea lua te saili ai le o ola i e ua
oti? E le o iinei o ia, a ua tu......”
O le fesili la, “O fea o tatou saili
iai le oloo soifua i e ua oti?” Ese le
manaia, ae toe tuutuu i le loloto la
ta sailiga i lenei Toetu. Lo tatou fia
iloa (enquire) o le Atua, ia faavae i
le lauga faa-Amuia a lo tatou
Faaola. Amuia e matitiva i le
agaga, aua e o latou le malo o le
lagi. Lo ta fia iloa o le Atua,
muamua lava ona faamativa o
tatou loto ae sei faatumu e le
Toetu. Faapena foi lo ta ola
taumafai (endeavour) mo le Atua.
Fetalai Iesu, Amuia e faanoanoa,
aua e faamafanafanaina i latou. Le
ola taumafai, e o faatasi ma faigata
o le olaga. Le ola tautua toto ma
le ola tautua matavela mo le Atua,
e le faigofie. Ae manatua, e
faamafanafanaina tatou e le Iesu
Toetu. Faapea foi le ola manao
(desire). Fetalai Iesu, Amuia e fia
aai ma fia inu i le amiotonu, aua e
maoona i latou. Ioe, o le Toetu o
Iesu, ia faatumuina ai tatou i le
amiotonu. Tuu ia uiga le amiotonu,
ae faatumuina tatou i le Toetu o
Iesu, e uma ai so tatou manao.
Faapea foi i le ola faufau (plot). Le
sailiga lea oloo ola ai le toatele, a
o lea ua fetalai Iesu, Amuia e
faatupuina le filemu, aua e ta’ua i
latou o atalii o le Atua. Ioe, lenei
Toetu,saili le alofa faamagalo o le
Alii, tatou te filemu ai, ae le o le
faatupu vevesi i Ekalesia. I le ma
lenei, ia tatou saili le Atua e ala i le
agaga tapuai (worship) ma le
faamaoni. Fetalai Iesu, Amuia e
loto mama, aua latou te iloa atu le
Atua. Le Toetu o Iesu, ia fai lena
ma ala o le toe faaleleia o tatou
malumalu (loto) ina ia afio ai Iesu.
Ioe, o le uiga o le upu toetu, o le
OLA. o LONA UIGA, OLOO OLA
pea Iesu e oo i le faavavau. Fai
lea ma faavae o lo tatou ola
galulue. Ia OLA la ta sailiga. Ia
OLA la ta tautua. Ia OLA la ta amio.
faaauau itulau e sosoo ai
O LE SULU SAMOA Aperila 2013 3.
O ni Faauigaga Talafeagai o Keriso
mo ni Mataupu Silisili Samoa
Mai le Mafutaga Faafouina
Faifeau & A’oa’o Tausinuu
21-25 Aokuso 2006
faaauau mai le masina o Mati 2013
2.
Mat aupu-i a-Keri so
a
Tagata-uli Amerika: O le Iesu
Uliuli (The Black Jesus)
O le Mataupu-silisili Uliuli (Black
Theology) o le taumafaiga a tagata
uli o Amerika i Matu, ina ia
faamatalaina le talalelei i le
faaolataga ia Iesu mai le siomaga
o le soifuaga mafatia i faiga
faailoga lanu ma faiga le amiotonu,
ua taotaomia ai o latou olaga talu
mai le 1960s e oo mai lava i nei
aso. E manatu le alii o James
Cone, o se tasi o fai-mataupu-silisili
iloga i tagata uli o Amerika, o Iesu
Keriso o le faavae lea o
faasaolotoga uma faale-tagata
soifua. E faatauaina e tagata uli
Amerika le itu tagata ma le itu Atua
foi o Iesu Keriso e fai ma amataga
o la latou faauigaga o le
faasaolotoga. Ua vaaia ai Iesu o se
taiala e faamatalaina ai le tauiviga
a tagata uli mo se saolotoga, ma o
ia foi o le amataga o le faamoemoe
mo i latou. O lona uiga o le
taumafaiga a tagata uli mo se
saolotoga ma faiga amiotonu ua
talafeagai ma faamaonia ona o
Iesu o le ua avea ma o latou
O LE LAUGA
Ia OLA foi la ta auaunaga. Ae soia
tatou te toe saili mea e oti ai. Fetalai
le Atua ia Mose, O AU O LE OLA,
OLOO OLA LAVA. Se a le mea
tou te saili ai le o soifua i e ua oti?
Tatou saili Iesu Toetu, o lo tatou
taupega ‘afa lea, i le ola e
faavavau. Le sailiga a le Atua na
ia alofa mai ai i le lalolagi, ua ia
aumai ai lona atalii e toatasi, ina ia
le fano se tasi e faatuatua ia te ia,
a ia maua e ia le ola faavavau.
AMENE.
A.M.Apineru FS
EFKS Meletona
Vitoria, AUSETALIA
lumanai, ma ua avea foi ma faavae
o la latou tauiviga mo lo latou
saolotoga.
E faatauaina e le Mataupu-silisili
Uliuli le liutino tagata o le Atua e
ala ia Iesu Keriso. E faamamafaina
le talitonuga e lei fanau mai le Atua
i le mafanafana o se maota tau tupu
ina ua liutino tagata ia Iesu. I lona
liutino tagata, ua filifili ai le Atua e
avea o ia ma pologa. Ua afio ifo le
Atua mai lona nofoalii mamalu ma
filifili e fanau mai i ni matua matitiva
ma faatauvaa, ina ia ola ma oti foi
o se tagata mativa ma saisaitia ina
ia avatu i tagata uli oloo
faapologaina le ola fou ma le
faamoemoe ola.
Ua auiliiliina foi le galuega talai
a Iesu ma iloa manino ai sa mau
faatasi le Alii ma tagata
tuulafoaina, teena ma inosia i le
sosaiete. Ua faaalia ai se Atua e
auai faatasi ma tagata mafatia ma
faapologaina i sosaiete o tagata.
3.
Mataupu-ia-Keriso FaaTama’ita’i: O le Iesu Tama’ita’i
(The Female Jesus)
O le tulaga tamaloa o Iesu e
tumau pea ona faia ma faafitauli i
le tele o tina o le lalolagi. O lea
tulaga ua vaai ai pea tagata i le itu
tamaloa poo le tane e pito i lata i le
atoaga o le natura faale-tagata nai
lo le tamaitai. Ua faaleoina e Mary
Daly lea faafitauli e faapea, “O le
mafaufauga i se faaola tamaloa
iloga ma tulagaese, o se tasi lea
ala ua faamalosia ai pea le ola i se
tulaga maualuga (faamaualuga?)
o tamaloloa.”
Ua aga’i nei sailiiliga faamataupu-silisili a tina o le lalolagi
ina ia mafai ona latou tautalatala i
mataupu tau ia Iesu i se gagana e
faailoa ai o latou uiga moni faaletagata. Fai mai le tamaitai o Rosemary R. Ruether, “O le taiala taua
o le mataupu-silisili a tamaitai o le
faalauiloaina lea o le ‘ato’atoaga o
le itu faale-tagata o tamaitai. Soo
se mea na te teena, faaitiitia pe
faaleaogaina le atoatoaga o le itu
faale-tagata o tamaitai, o le a avea
ma mea e leai sona taua faalefaaolataga.”
Ua faatauaina e tamaitai le tulaga
taua o tamaitai i le galuega talai a
Iesu a o soifua. Faata’ita’iga:
Ioane 4 - le fafine Samaria. Ioane
8 - le fafine faitaaga. Luka 8: 1-3 o fafine na feoa’i faatasi ma Iesu.
Atoa lava ma isi vaega o lana
galuega faaola e pei foi o le taua
ia te ia o lona tina.
O le maliu ma le toetu manumalo
o Iesu, o se faailoga vaaia lava o
le aofia o tagata uma ma mea uma
i le galuega faaola a le Atua e pei
ona ia faatinoina - e leai se faailoga
tagata aua e tutusa tagata uma ia
te ia.
O faailoga ma uiga
faatamaitai oloo faaalia i le Tusi
Paia ae sa le faatauaina ona o le
malosi o le vaaiga ma le faauigaga
faa-tamaloa o le Tusi Paia, ua
faapea ona faaalia manino. Mo se
faataitaiga o le Sophia poo le Poto
o le Atua ua faaalia ia Iesu Keriso.
O nei taumafaiga uma e
faamoemoe ia faaalia le aofia uma
o tane ma tamaitai i le galuega
faaola atoa foi ma le faaolataga a
le Atua ma ia see ese mai le
faamamafa pitotasi o le itu tamaloa
o Iesu. Ua faaaogaina e tamaitai
mai soo se itu o le lalolagi mea oloo
tutupu i o latou siomaga ma
lotoifale e faamatalaina ai le uiga
moni o Iesu Keriso.
Faataitaiga o Mataupu-ia-Keriso
F aa-T amai t ai
(F emi ni st
Christology):
(i) Ua faamatalaina e Jacqualine
Grant tina uli o Amerika o e ua
afaina i faiga faaituau ma
faailogalanu, e faapea ua latou
faauigaina Iesu o se uo ma o lo
latou Alii o le e auai mai e pologa
ma mafatia faatasi ma i latou. Ona
e au faatasi Iesu ma e pito i
faatauvaa o tagata, o lea foi e auai
faatasi ai o ia ma tamaitai uli i o
latou puapuaga i aso uma, ma
faamautuina lo latou taua, ma
faatupuina le faamoemoe ola e
tetee atu ai i faiga leaga uma ua
faaitiitia ai le taua o tagata e pei o
tamaitai.
(ii) I le lotoifale o Aferika, ua
faauigaina ai e tina Iesu o se
‘tagata sulufai’ (refugee) poo se
‘malo’ (guest) i Aferika. Ua
lagonaina ni sootaga loloto ma
mafanafana o tamaitai Aferika ma
Iesu Keriso. Ua latou saili e
faapapai atu lo latou agalelei ia te
IOANE HASI - Tama o le Toe
Fuata’iga - 1372 - 1415
O nai tama’i “fai’ai”
e amataina afi
Ua soloa’i atu nei Ioane XXIII e avea
ma pope e sui ia Alesana V Na mua’i
le amanaia o ia ina ua tofia Alesana e
fai ma pope. Fai mai faamaumauga i
le talafaasolopito, na faa’onaina e
Ioane ia Alesana.
E pei la ona matau mai, o Ioane XXIII
o se tagata e uiga ti’apolo. A o avea o
ia ma epikopo o Napole (Naples), na
faamaonia mai e lana failautusi e
faapea o Ioane na ia ta’ita’iina i le
faitaaga ni taupou, tina, fafine ua oti a
latou tane, ma ni taupousa e atoa le
to’a luaselau. Na ia faatonuina foi le
fai o lafoga i mea uma, e oo i tupe e
maua e fafine talitane. A o lenei ua
avea lenei tagata ma pope.
Sa faamalosia e Sipeneka le
faatonuga mai ia Alesana, ae sa teena
e Ioane Hasi mai lava i le amataga. Tou
te manatua lona talitonuga e uiga i le
laugaina o le Upu; na manatu o ia e
leai se pule oi le pope na te faatonuina
ai soo se tagata poo fea e tatau ona fai
ai sa na lauga. Na talitonu foi Hasi ua
le o toe aoga le faatonuga na aumai,
aua ua oti le pope na ia faia.
Ona o le le usitai o Hasi i le faatonuga
e aua le toe lauga, o lea na sauniuni ai
e Sipeneka se osofa’iga i le Faletapua’i
i Peteleema, ina ia talepe ai. Na fai le
osofa’iga a o tumu le faletapua’i i se
sauniga, ma oloo lauga ai Ioane Hasi.
Na talepe e le vaega a Sipeneka
faitotoa ma ulufale atu i totonu. Peitai,
latou te le’i sauni i se teteega mai o
latou e le ‘au fuata’i o Sekisolovakia.
Na tuli aga’i i le tele o magaala o le aai
le ‘au a Sipeneka, ma o latou
manu’anu’a ma tino ua tafe toto. A o
tupu lea mea, a o le la lava e lauga Hasi
ma tuua’i Sipeneka i le mea ua ia faia.
O se matua to’ilalo popo lava lea o
Sipeneka i lea aso.
O ni Faauigaga Talafeagai o Keriso
mo ni Mataupu Silisili Samoa
ia ma ia faatonutonuina ai le olaga
i se ala e mafai ona mafuta faatasi
ai le aiga ma Iesu i sootaga
mafanafana. Ua faapea foi ona
latou vaai ia Iesu o se uo faamaoni
ma lelei ua sau e faasaoloto ma
faataua i latou o tamaitai.
(iii) Ua faailoa e Oo Chung Lee le
tulaga oloo iai tamaitai o Asia ma
oloo ia taua ai le taotaomia o
tamaitai i nisi o aganuu faa-Korea.
Oloo ia faamamafaina ai le natura
o le galuega faaola a Iesu e aofia
ai mea uma ma e tutusa ai tagata
uma. Ua faapea foi ona maua e
tamaitai i le Agaga o Iesu fatu o le
ola ae le o le oti, fatu o le
faamoemoe ae le o le faanoanoa,
fatu o le nofolelei ae le o maseiga,
fatu o faigauo ae le o le fefulituaa’i.
Ua leo tetele mai iuleo o tamaitai
a o tau saili i foliga faaola o Iesu
Keriso e talafeagai ma taua lona
uiga i o latou siomaga ma lotoifale.
I nei taumafaiga uma ua atagia ai
le mafuli o a latou faauigaga i le itu
tagata o Iesu Keriso. O le itu tagata
o Iesu e fesootai ai lana galuega
talai ma le natura ofaofatai ma le
aofia ai o mea uma o lana talaiga
ma lana faaolataga. O le galuega
talai oloo faatupuina ai le lagona o
le taliaina ma le amanaiaina o
tamaitai. Oloo faaalia foi e Iesu i
lana galuega talai lona alofa laveai
ma lona amanaiaina o le oi o tagata
oloo faasinosinomia i totonu o
sosaiete. Ae peitai ua le faaitiitia
foi le taua o le itu Atua o Iesu Keriso
au o le Agaga o le Atua oloo liligi
tutusa ifo i luga o tagata uma tamaitai ma alii.
O Mataupu-ia-Keriso ua tatou
talanoaina mai itu eseese o le
Lalolagi Lonatolu atoa foi ma
Tamaitai ua amata mai la latou
taumafaiga mai totonu lava o
siomaga ma lotoifale o a latou
aganuu ma talitonuga. E eseese
uma siomaga ma lotoifale ma ua
faapea ai ona eseese mataupu ma
luitau oloo aafia ai faiga mataupusilisili. Ma ua faapea ai foi ona
eseese foliga ma vaega o le
Ina ua te’a lea osofa’iga o le
malumalu tapuai o Ioane Hasi, na avea
lea ma mea e faatuputeleina ai le afi o
le tete’e o tagata Sekisolovakia, ma le
matamataita faasaga ia Sipeneka, ua
tutu faatasi ma le loto gatasi. I se
sauniga na faia i le faletapua’i na matua
faatumuina i tagata o Sekosolovakia,
na laugaina ai e Hasi lana tali atu ia
Ioane XXIII e uiga ia Alesana ma le
tulafono na ia faia e faasaga ia Hasi.
Na lauga foi o ia ma vavalo o le tausaga
e 1409 o le a tula’i mai ai se tagata o le
a ia sauaina le Tala Lelei faapea ma le
faatuatuaga ia Keriso. Ina ua fesili Hasi
i le motu o tagata pe latou te
lagolagoina o ia e tetee atu i lea tagata,
na matua alalaga leotele tagata e faaali
lo latou lagolago ia Hasi. E le gata ina
suia e Hasi le faatonuga poo le tulafono
na faia e Alesana ma Sipeneka, ae na
ia tusia foi se tusi e faamalamalama ai
lona tetee.
Na matua masiasi Sipeneka i lenei
mea ma oso ai lona ita tele, ona ia
faatonuina ai loa lea ina ia aoina uma
mai tusi na faia e Ioane Uikilifi e
susunuina i se sauniga faitele a o
matamata ai tagata. Ma o le aso 16
Iulai 1410, a o taina logo o falesa, ma
pepese patele, na la’uina atu ai kopi e
tusa ma le 200 o tusi a Ioane Uikilifi,
galuega faaola a Keriso e
faamamafaina ona o le talafeagai
ma lea siomaga poo le lotoifale.
Mataupu-ia-Keriso Faa-Pasefika
(Pacific Christology).
Ua taoto le luitau mo le Pasefika
ina ia amata ona mafaufau i se
Keriso o le Pasefika e enaena lona
pa’u ma uliuli migimigi lona lauulu,
e ese mai le Keriso na o mai ma
misionare e pa’epa’e ona foliga,
manifinifi ona laugutu, lanumoana
ona mata ma lanumumu lona
lauulu. Ua faapea ona tali atu le
Pasefika ma oloo aliali mai i
tusitusiga faa-mataupu-silisili mai
le tele o tagata lava o le Pasefika.
O le Mataupu-ia-Keriso FaaPasefika ua taumafai e saili ni
foliga o Iesu Keriso e amanaia ai
aganuu ma suiga tetele o le olaga
o le Pasefika ona o le anoano o
malosiaga eseese ua aafia ai le
olaga o tagata. Ua faaaogaina i ia
taumafaiga mea taua i aganuu, o
mea o le siosiomaga e taua i le
olaga i aso faisoo, e faamatalaina
ai Iesu Keriso i se faauigaga
talafeagai mo le Pasefika e faigofie
ona malamalama ai tagata.
faaauau Sulu Samoa o Me
IOANE HASI - Tama
o le Toe Fuata’iga 1372 - 1415
ma susunuina seia oo ina liu lefulefu.
Na tali atu Hasi i lea mea na fai i lona
faailoa atu, “O tafuna’i faapea e leai
lava se agasala se tasi e mafai ona
faamamaina ai mai loto o tagata. E le
mu i se afi le mea moni. A o lea mea
na o se faaaliga lea o si tama’i fai’ai o
faasagasaga atu lona ita i mea e leai
so latou ola.”
Na avea ia upu a Hasi ma mea e atili
ai ona tetee tagata Sekisolovakia i le
pulega o le Ekalesia. Ua latou faalili
Sipeneka i upu o latou faia, ma fai mai
ua susunu e Sipeneka ia tusi ae na te
leiloa mea o tusia ai.
Ua liliu atu nei Sipeneka ua faate’a
Hasi ma le Ekalesia. Ae mulimuli ane,
ua sola mai le laumua o Paraka ona
ua fefe i fasioti o ia e tagata o le atunuu.
FETU’UTU’UNA’I MUNIAO
Ioane 4:15: “Ua fai mai le fafine ia
te ia, “Le Alii e, au mai ia te a’u lena
vai, ina ia ou le toe fia inu, ina ia
ou le toe sau fo’i iinei e utu vai”.
*Tasi lea o vaivaiga ua le mafai
ona tu’uese mai i le natura fa’aletagata. O le musu e avatu, ae
mana’o ia aumai. E le fiafia i le
alofa atu, ae naunau ia alofaina. E
manao tele e maua se mea lelei
mai se isi, ae augata e fai se mea
lelei mo se isi. E le lima foa’i, aua
e lima mau.
E fiafia i le
fa’amagaloga, ae le loto
fa’amagalo. O lona uiga o le tagata
manatu fa’apito, i se isi fa’aupuga,
o le tagata e ‘ai’u ae poto e aisi.
*Ma o le ituaiga tagata tonu a lea
o lo’o va’aia i luga o le vaieli i le
talanoaga a Iesu ma le fafine
Samaria. O le fafine na muamua
fia teine mamafa, ae mulia’i folasia
i lumamea nai ana measina. Na
muamua mita’i i le Ali’i vai’eli a ona
tuaa, ae emo ane ua fa’atoga
mamate i le vai a le Iutaia. Na ‘ai’u
i le manatu o le Ali’i o lo’o fia
taumafa, ae na te le o iloaina o ia o
lo’o galala fa’aleagaga. Le fafine
na muamua ‘ai’u, ae mulia’i ua toe
‘aisi. Ia ae e le tio fo’i se isi, aua ia
manatua fo’i, e afio mai le Ali’i ma
fa’atino lana galuega, o lo’o i ai le
pa vaeloto o lo’o va ai Iutaia ma
Samaria. E le o se pa pei o le pa
lea na vevesi ai Isaraelu ma
Palesitina. E le o se pa sima… Leai;
a o le pa a le fili olo’o ‘ati ma fau i
loto o tagata.
Le pa o le
fe’ino’inoa’i ma le fefulituaa’i, le pa
o le fefa’aleagaa’i ma le felamata’i
… Ma o le pa lea na mafua ai le tali
fia matamuamua a le fafine. “…aua
e leai ni mea e fe’avea’ia a Iutaia
ma Samaria” O lona uiga o le pa
lea pe a fa’amatalaina, e le mafai
e se Iutaia ona alofa fua i se
Samaria, ae sili ai ona le mafai e
se Samaria ona foa’i fua se mea
mo se Iutaia.
*Ma o le mafua’aga tonu a lea o
le ‘ai’u a le fafine i le ‘aisiga a le
Ali’i mo se vai, ona o le pa lea,
peita’i o le pa tonu lea olo’o naunau
le Ali’i e talepe, ae fa’alelei le fanau
a le Atua. Ma o le mafua’aga lea
na uia ai e Iesu le ala lea i le nu’u o
Sukara, o le fia fa’asoaina o le vai
ola mo tagata matelaina, le gata ia
Samaria a o Iutaia fo’i. Fai mai le
tali a le Ali’i; “Ana e iloa le mea foa’i
fua a le Atua…” Ua lava lea e iloa ai
le pogisa o lenei tinâ. O le mea na
te le o iloa, e sese le Iutaia o lo’o
‘ai’u i ai. Fai mai lana tali e pei e fia
poto; “E sili ea oe i lo matou tama
o Iakopo?” E le o iloa e le fafine o
Le olo’o la finau nei o le Atua o
Iakopo. O le isi a lea uiga o le
tagata ‘ai’u o le so’ona leoleoa ma
mateletele, aua e musu e fa’asoa
atu.
*Peita’i o le mea ua iloa e lei
ma’uma’uina lava se taimi o le Ali’i
e fai ai se finauga po’o ai e sa’o, o
le mea taua i lona finagalo ia ola
lenei agaga ua i ona a’ao. O lana
upu i le fafine; “O le inu i le vaieli e
inu nei, ae toe fia inu taeao… a’o le
inu i le vai ou te avatu e le toe fia
inu e o’o i le fa’avavau” Silasila i le
‘ese’esega o le tagata manatu
fa’apito toe ‘ai’u ma le tagata e
moni le alofa, E lei taua ile Ali’i ni
fe’ese’esea’iga o lo’o fai, peita’i o
lo’o taula’i pea lana silasila i le nafa
ua feagai ma ia, o le agaga ia maua
ma ia fa’aolaina ae le o le tusitusi
lima. O le uiga lena o lana fetalaiga
i lona au-so’o, “O la’u mea e ‘ai ia
ou faia le finagalo o le na auina mai
a’u, ma fa’aiu lana galuega.”
*Silasila la i le mea na tupu, na ona
fa’alogo atu lava o le fafine o le vai
a inu ai e le toe fia inu, ma o le vai
e le fa’atauina, ‘aisi matutu loa i le
Ali’i. Ma o le isi a lea natura o le
tagata manatu fa’apito, e poto tele
e ‘aisi ae valea e tufa atu, e augofie
e aumai, ae augata e avatu… O uiga
to’ilalo ia o le lalolagi na feagai ma
lo tatou Ali’i, meamanu o lona afio
mai, na afio mai ina ia sasa’a atoa
mai lona soifua pa’ia, e le ina ia
‘au’aunaina, a ia ‘au’auna atu mo
tagata. Fa’amata e le o le isi lea o
vaivaiga o lo’o lapelapea a la tatou
tautua foa’i i le Galuega?. Tatou te
augofie e fai ‘aisiga ma asamoga i
le Ali’i mo ona manuia, ae augata
e fai le foa’i ona o le lima mau. E
fiafia i manuia o le Ali’i, ae le moni
le alofa i le Ali’i… Silasila fo’i, pau a
le mea na mana’o ai le fafine i le
vai a le Iutaia, ia le toe fia inu, ia le
toe sau e utu vai i le mugala, a’o
se isi lava mea e leai. Peita’i e le o
le fia inu lea o le fafine o lo’o
naunau le Ali’i e fa’amalie, e ala i
le VAIOLA lea e saunoa i ai. O lona
galala fa’aleagaga, o lona ‘ai’u ma
le manatu fa’apito, ia suia i le alofa
ma le lima foa’i, o lona fia tauimasui
ma le ita fua i le Iutaia, ia sui i le
loto
fa’amagalo,
o
lona
fa’amaualuga ia loto fa’amaulalo,
aemaise o vaivaiga ma tu’inanau
ua fai ma ana vaisu, ia salamo ma
‘alo ese ai. Ma e le’i fo’i fua le
galuega a le Ali’i i lenei tinâ, aua o
le aso lava lea na fa’aolaina ai o ia
i le Alofa Tunoa o le Atua.
*Fa’amata ana o oe lea e ‘aisi atu
i ai le Ali’i mo se vai, po’o se mea’ai,
po’o se tupe po’o le a lava, o le a
sau tali i ai? Manatu o le a vave
lava ona e fai mai e te alofa i ai, e
te fa’apea mai fo’i e te aveina i ai
se mea fa’asili. Ae a la lou tuaoi,
ma le tagata o lo’o manaomia lau
fesoasoani e te fa’apea fo’i ona fai?
Manatua o le fa’aolataga na fai e
Keriso na aumai ‘ato’atoa lona
soifua paia ina ia ola le tagata
agasala, e ala i le salamo
fa’amaoni. ‘Aua nei pei ta’ua o le
fafine ‘amoso, e poto e ‘aisi ae
valea e foa’i atu…
Keneti Leaupepetele. (F.S.)
Savaia & Tafagamanu-Uta.
O Evagelia e Fa
O le Evagelia a Mareko na ulua’i
tusia, sosoo ai ma le Evagelia a
Mataio, pito atu iai Luka, ae
mulimuli le tusi a Ioane.
I tusitusiga a Mataio, Mareko ma
Luka, oloo faamamafaina ai le itu
tagata o lo tatou Faaola. A o le
Evagelia
a
Ioane,
oloo
faamamafaina ai le itu Atua o Iesu
Keriso.
Na tusitusi faapitoa lava Mataio
mo tagata Iutaia; o Mareko na tusi
mo tagata Roma; o Luka mo tagata
Eleni; a o Ioane na faasaga ana
tusitusiga i le Ekalesia Kerisiano.
A o i latou uma lava - Mataio,
Mareko, Luka ma Ioane, e aafia le
lalolagi atoa ia latou tusitusiga.
I le Evagelia a Mareko, oloo
faamatalaina ai Iesu o le Auauna
O Toma Monaheni
ma lona fale Pizza
malolo ai mai lana pisinisi, a ua alu
le la tafaoga (honeymoon) ma lona
to’alua fou, E oo atu i le tausaga e
1971 ua $1.5 miliona Tala lana
aitalafu. Ae taumafai lava, ona o
le pizza ona pau lea o le mea na te
iloa fai. Ua sui teisi le paluga o lana
pizza, ona alu lea ua tiliva i faleoloa
a o vevela ma fou ae le totogiina le
tiliva. Na matua faamanuiaina ana
suiga na fai.
E oo atu i le tausaga e 2007, ua
atoa le 6,100 fale’aiga Domino
a le Atua. I le Evagelia a Ioane oloo
faamatalaina Iesu o le Alo o le
Atua. I le tusi a Mataio oloo ta’ua
ai o ia o le e Pule i tagata. I le tusi
a Luka oloo faapea mai ai, e ese
ai lava o ia mai tagata.
O Mataio ma Mareko oloo ta’u
mai ai ona tulaga pa’ia aloa’ia o ia
o le Tupu ma le Auauna (King and
Servant). O Luka ma Ioane oloo
faatulaga mai ai lona lava itu i lona
lava tagata - o ia o le Atalii o le
Tagata, o ia foi o le Alo o le Atua.
Fai mai le tagata e igoa ia Renan,
o le Evagelia a Mataio, o le tusi
aupito taua lea ua tusia i le lalolagi;
o le Evagelia a Luka o le tusi aupito
manaia lea (beautiful) ua tusia.
O le tusi a Mareko e mafai ona
faaupuina o le Evagelia e aupito
anoanoa’i mea o tusia ai. A o le
Evagelia a Ioane, o le tusi e tele
ana tala i mataupu tau i le lagi.
Pizza i le Iunaite Setete o Amerika.
faapea ma isi atunuu o le lalolagi
na salalau iai lana pisinisi. O nei
aso, o Toma Monaheni o se tasi
lea o faipisinisi aupito mau’oloa i
le atunuu o Amerika. A o le tele o
tupe e maua e Toma Monaheni, na
te foa’i e fesoasoani ai i tagata
matitiva.
O le a le mea lilo na mafua ai ona
manuia lana pisinisi? Na galue o
ia i luga o lona talitonuga o le taleni
o ia te ia mai le Atua o le mea lava
lea e ala mai ai so na manuia. E
le’i faavaivaia o ia i le tele o lana
aitalafu. Na toe tu i luga ma toe
taumafai seia oo ina manuia lona
taumafai.
Pope Francis says hypocrisy undermines Church’s credibility
ROME (Reut ers) by Steve
Scherer (Reuters)
Pope Francis on Sunday (14
April 2013) said clergy and
Christians must not betray the
word of God with their actions
or they undermine the credibility of the Catholic Church.
“Inconsistency on the part of
the pastors and faithful between
what they say and what they do,
between word and manner of
life, is undermining the Church’s
credibility,” the Pope said.
“Those who listen to us and
observe us must be able to see
in our actions what they hear
from our lips, and so give glory
to God.”
O se tala mo tina
O Makerita
o Niu Olini
Afai ae te asiasi atu i le aai
manaia o Niu Olini i le Iunaite
Setete o Amerika, e le taumate
lava ona ave oe e au uo poo aiga
foi e faamatamata i le vaega tuai o
le aai oloo iai faletupe, faletalimalo
ma le tele o pisinisi tetele. O ina o
le a faamatamata ai oe i le
faatagata na faatuina ai i se tasi o
magaala o le aai i le tausaga e
1884. O le faatagata o se tamaitai,
oloo nofo i se nofoa maulalo, o ona
lima oloo opoina atu ia te ia se
tamaitiiti, oloo ta’oto atu i lona
fatafata.
E le aulelei foliga o le fafine. E
lapopoa ona seevae, ma lona ofu
e iloa ai o ia o se tagata mativa. E
faaputaputa ma puupuu, A o ona
mata e pulato’a atu ia te oe e pei
ona vaai toto’a atu ia te oe lou tina.
O le faatagata, o le faatagata o
le tina e igoa ia Makerita. O lona
igoa atoa o Makerita Hoki, ae leai
lava se isi i Niu Olini na te ta’u atoa
le igoa, na o Makerita lava e ta’u.
O le tala la lenei ia Makerita, ma
le mafuaaga na fausia ai e tagata
o le aai o Niu Olini le faatagata
lenei e faamanatu ai Makerita, le
fafine mativa.
A o tamameamea lava Makerita,
ae maliliu uma ona matua, ona
vaetamaina ai lea o ia e se ulugalii
talavou e matitiva ma alolofa foi e
pei o ona matua. Na nofo ai lava i
ona matua fai se’ia oo ina matua.
Ona oo ai lea ina faaipoipo, ma
maua foi lana tama. Ae le’i umi ae
maliu si ona to’alua, sosoo atu ai i
ni masina mulimuli ane ai, ma le
oti foi o lana tama. Ua nofo toatasi
nei Makerita i le lalolagi. E matua
mativa lava, ae malosi lona loto,
ma e masani i le galue.
O aso uma lava mai le taeao se’ia
oo i le afiafi, e faigaluega ai i le
auliina o lavalava i le faleta’ofu. Ma
o aso uma lava foi, na te iloa atu ai
mai lona faamalama i le galuega,
tamaiti e leai ni o latou tina oloo
O se tala mo tina
O Makerita
o Niu Olini
tausia i se nofoaga mo tamaiti e
leai ni matua. E ta’a’alo ma fai a
latou galuega mo lo latou nofoaga.
Ae iai se aso na sasao ai se
faama’i, ma feoti ai nisi e toatele o
tina ma tama o le aai o Niu Olini,
ma ua matua toatele ai lava tamaiti
e leai ni o latou matua. Ua le lava
le ofeneti e tasi, (orphange) e tausi
ai tamaiti matua oti. ua toatele. Ua
mana’omia nei e nei tamaiti e
toatele se tasi e alofa ia i latou, ma
fesoasoani e tausi faatina i latou.
E leai lava se isi na manatu o se
fafine mativa e faigaluega i se
faleta’ofu i le auliina o lavalava o
le a maua ai se fesoasoani. Ae o
le mea moni lava lena na oo iai.
Ua alu nei Makerita i Taupousa e
vaaia le ofeneti, ma fai iai o le a
faigaluega mo latou, ae tipi lona
totogi e fesoasoani ai i le
faatupeina o le ofeneti. E lei umi
lava ae ua lava sina tupe o ia teuina
mai lona totogi.
O le tupe lea na ia faatauina ai
ni ana povi taususu e lua, ma le
taavale solofanua e tufatufa ai lana
susu e maua mai ana povi, ia i latou
e fia faatauina, ma maua mai ai
ana tupe. A alu le tiliva susu a
Makerita i le taeao, e uma ona ave
le susu a le aiga, ae talosaga iai
pe le o iai ni nai meaai o totoe a
latou mo tamaiti e leai ni matua
oloo nonofo i le ofeneti. E foi mai
lana tiliva i lona fale, ua tumu le
taavale solofanua i meaai mai aiga
o faatau iai lana susu. O nisi aso,
ona pau lava lea o le meaai e maua
e tamaiti e aai ai.
O se vaega tele o tupe e maua e
Makerita, e alu i le faatupeina o le
ofeneti, poo le nofoaga o tausi ai
tamaiti ua leai ni matua. Sa
faasolosolo lava ina tele tupe e
maua e Makerita ona o lona
faaeteete, ma toe faatauina ai isi
ana povi taususu, ma atili tele ai
ana tupe maua. Ma oo ina ia
faatuina ai se fale tele e fai ma
nofoaga, ofeneti, o tamaiti e leai ni
o latou matua. Na ia faaigoaina lea
nofoaga o le Fale mo Tamaiti.
Na oo foi ina fai sona lava
falefalaoa, ma alu ai lana tiliva e
faatau falaoa ma le susu, ma
tuputupu atili ai lava ana tupe. A o
le tele lava o ana tupe, e alu i le
tausiga o nofoaga mo tamaiti e leai
ni o latou matua. I le vai taimi o le
taua i le va o setete o Amerika, sa
fai ai lava le pisinisi a Makerita, ma
tausi ai tamaiti, faaopoopo atu iai
ma nisi o fitafita o le taua.
Na toe faateleina lona falefalaoa,
ma faaopoopo isi masini
faaneionapo. Ua tuputupu tele le
pisinisi, ma tele ai foi tupe e
fesoasoani ai i nofoaga mo tamaiti
e leai ni o latou matua.
Ua oo nei ina o atu tagata fai
pisinisi ma fesilisili ia ia mo se
fesoasoani mo a latou pisinisi. Ua
fai o ia ma faufautua mo tagata fai
pisinisi o Niu Olini.
Ina ua maliu Makerita, na
faitauina lana uili, ma iloa ai e
tagata, tiga lava ona tele o tupe na
foai e Makerita e fesoasoani ai i
ofeneti, ae na ia mafai lava ona teu
nisi tupe, e atoa le $30,000, o se
tupe tele i ia aso. Ma o nei tupe na
ia tuu uma i lana uili mo nofoaga o
tamaiti e leai ni o latou matua, i le
aai o Niu Olini. O tamaiti e eseese
uma o latou tupuaga: Porotesano,
Katoliko, Iutaia, ma isi. E papa’e
isi, ae uli isi pe ‘ena’ena. Aua fai
mai le talitonuga o Makerita, e
tutusa uma lava tamaiti - e leai ni o
latou matua.
O le mea e saini ai le igoa o le
tagata i le uili a Makerita, na o se
ekisi na tusi ai. Ona tiga lava ona
poto Makerita e fai lenei pisinisi,
ma tele tupe na ia maua mai ai, ma
foai ai le tele o tupe mo ofeneti, ae
le iloa e Makerita tusi lona igoa. E
le’i a’oga Makerita. E le iloa
tusitusi ma faitau tusi. O le mea
lea na o le ekisi lava le mea e saini
i le mea e tatau ona saini ai
Makerita i lana uili.
Ina ua maliu Makerita, ona fai
ane ai lea o tagata o Niu Olini, “O
ia o le tina mo i latou e leai ni o
latou tina. O ia o se uo mo i latou e
leai ni a latou uo. E sili atu lona
poto i lo le poto e a’oa’oina mai i
se a’oga. O le a tatou le faagaloina
o ia.”
Ona latou fausia ai lea o se
faatagata o Makerita, ia foliga mai
ia te ia ma lana nofonofo i le
faitotoa o lona falefalaoa. O le
faatagata lea o tu nei i le magaala
i totonu o le aai o Niu Olini, e
faamanatu ai le tamaitai alofa ma
le agalelei i tamaiti e leai ni o latou
matua, i le aai o Niu Olini.
tusia e Sara Cone Bryant
faamatalaina e
Afemata T. Apelu Aiavao
THE DIRTY WORDS
Rape. Incest. Molestation.
No three words in the English language can create more fear in a
woman’s heart. No three words are
uglier. No three words are more
horrifying when used to describe a
woman’s experience with her own
father. How do you recover from
that?
There can be no darker place in
a woman’s heart than when she
endures sexual abuse from her father. There is no more deadly
place for a daughter’s heart to reside than in the cruel bondage of a
father’s perverted embrace. It
does not get any worse It cannot
get any worse than that.
from the book:
“Daddy, Do You Love Me?”
by Ariel Allison &
Shelby Rawson
(two Christian authors)
Edi t or’s not e: The Christian
Church globally is facing allegations of sexual abuse involving
some members of the Church in
high places against children. This
has challenged and tested the
faith and loyalty of many ordinary
members of the Christian Church
(Catholics and Protestants alike)
throughout the world.
The problem is found in Samoa
too. Often the mother knew about
what was going on, but afraid to do
anything about it, or ashamed to reveal what was going on. It was only
when one Samoan mother couldn’t
stand it any more when her third
daughter was raped and got pregnant like the other two, that she reported her husband to the police.
Fifty years ago.!
And this week, as I am
Ua tala mai e le lagi
le mamalu o le Atua
O le mafuaaga o le viiga:
O Lord my God!
When I in awesome wonder
O le viiga a le Au Kerisiano ua
ta’ua - How Great Thou Art - na
tusia i le tauafiafi o se aso i le taimi
o le taumafanafana o le tausaga e
1886 i le atunuu o Suetena.
Fai mai le na tusia le viiga, o Kala
Popeka (Carl Boberg), na
valaauina o ia faatasi ma nisi alii e
auai atu i se faatasiga a ni tamaitai
o latou suiina ni lavalava mo
galuega faamisionare i isi atunuu.
O le aso na faia ai lea faatasiga o
se aso matua lagilelei lava ma le
manaia. Peiseai ua teuteuina le
vanimonimo ma le siosiomaga e ni
teu matagofie se tele. O se aso
fiafia foi ia i latou uma na auai.
E le’i umi ae vaaia ni
faaputuputuga ao uli i le
tafatafa’ilagi, sosoo ai ma timuga
mamafa a o papa faititili ma fe’emo
mai ma uila. Ua laga nei tagata i
totonu o le fale o fai ai le su’isu’iga..
Ae le’i umi foi, ae uma le timu,, a
ua tuu mai i tafatafa’ilagi le nuanua
ma ona lanu malolosi.
Na matamata ma le ofo Kala
Popeka i le matagofie o le foafoaga
a le Atua - le siosiomaga ma ona
lanu, timuga ma le nuanua, O le
THE DIRTY WORDS
prepareing this piece for the Sulu
Samoa, the Samoa Observer reported that a 60 year old father in
Samoa has been sent to prison for
20 years for raping his 14 year old
biological daughter.
It’s sickening! Just sickening!
And as stories of Pope Francis
dominate the news these days, a
survey was taken in the United
States where the Catholics were
asked to name the biggest challenge facing the Catholic Church
today, They gave as number one
the clergy sexual scandals, and
two, the lack of trust in the Church.
afiafi o le aso lea na tusi ai i lalo e
Kala ona lagona e uiga i lana
vaaiga i lea aso, i le pese, O Store
Gud! E lua ni nusipepa i Suetena
na lomia ai lea pese a Kala.
I se tausaga mulimuli ane, na
auai atu ai Kala i se faatasiga na
faia i le itumalo o Vanaleni. Na te’i
o ia i le faalogo atu ua usu e le
faapotopotoga upu o lana pese, i
se fati tuai lauiloa ma le fiafia iai
tagata o Suetena. A o le tausaga
e 1890 na lomia ai lea pese i se
nusipepa Amerika.
Na fanau Kala Popeka i le
tausaga e 1859 ae maliu i le 1940.
Na faaliliuina le pese mai le
gagana Suetena i le gagana
Peretania ma salalau atu ai i le
lalolagi atoa. Ma o le viiga lenei i
le gagana Peretania:
O Lord my God! When I in
awesome wonder
Consider all the works Thy
hand hath made,
I see the stars, I hear the mighty
thunder,
Thy pow’r throughout the
universe displayed.
chorus
Then sings my soul, my Saviour
God, to Thee,
How great Thou art, how great
Thou art!
When through the woods and
forest glades I wander,
And hear the birds sing sweetly
in the trees;
When I look down from lofty
mountain grandeur
And hear the brook, and feel
the gentle breeze.
And when I think that God, His
Son not sparing,
Sent Him to die - I scarce can
take it in;
That on the Cross, my burden
gladly bearing,
He bled and died to take away
my sin:
When Christ shall come with
shout of acclamation
And take me home - what joy
shall fill my heart!
Then shall I bow in humble
adoration,
And there proclaim, my God
how great Thou art.
O le Tusi Paia ma le Saienisi
Science and the Bible
Fai mai nisi e fe’ese’esea’i le Tusi
Paia ma le Saienisi. A o le mea
moni, e tutusa lava le Saienisi ma
le Tusi Paia. Ma o le Tusi Paia, e
tele ina tele tausaga na ia faailoa
mai ai ni mea moni e uiga i le
lalolagi ma le vateatea a o le’i taitai
ona ausia i
mafaufauga
faasaienisi.
Faata’ita’iga: Ua talitonu lava le
lalolagi o Kolumupasa (14511506), na ia uluai faalauiloa mai e
faapea e lapotopoto lo tatou paneta
o tatou nonofo ai nei (planet earth).
Peitai, e tele senituri i luma atu o
Kolumupasa, na faaalia ai e le
perofeta Eperu, “O ia le ti’eti’e i luga
o le faataali’oli’o o le lalolagi...” Isaia 40: 22
Ua maua nei i suesuega a
saienitisi e faapea e aafia
le
ola a laau o le fanua i le la ma le
masina. Peitai na ta’u mai e le Tusi
Paia, e fia afe tausaga talu ai, “.....mea e sili ona lelei e tutupu i le
la, ma mea e sili ona lelei e tutupu
i le masina.” - Teuteronome 33: 14
O le alii fomai o Dr Harvey (15781657), o le tagata muamua lea na
ia maua ma faamaonia i ana
suesuega faasaienitisi, o le toto e
ola ai le tino o le tagata. Peitai, e
fia afe tausaga i luma atu, na tusi
ai e Mose - “Aua oi le toto le ola o
le tino....” Levitiko 17:11.
Ua maua i suesuega a saienitisi
e 14 elemeni o faia ai le tagata; Ua
latou maua foi, e 14 foi elemeni o
faia ai le palapala. Ae fai mai Mose
i le fia afe tausaga talu ai: “Ona
faia lea e le Alii le Atua o le tagata
faaauau itulau e 11
A Page for Youth
ITULAU MO TUPULAGA TALAVOU
O le Agelu mai Kukamoga
E 30 tausaga faato’a manino mai
e tele o mea na tutupu i lo’u olaga.
Ua oso a’e ia a’u lagona tiga ina
ua ou iloa na faia sauaga mataga
ia a’u a o o’u laitiiti. Ua matua
luluina lo’u faatuatua sa iai. Ua ou
le toe mana’o foi ou te faalatalata
atu i tagata ou te ta’ua o Kerisiano,
aua o le toatele o latou e pei ua
latou tuua’ia a’u ma fai mai e le
taumate o a’u lava na mafua ai ona
fai ia a’u ia sauaga mataga.
Na ou oso i la’u taavale ma ou
aga’i atu i le vaituloto. Na ou savali
i le matafaga o le vaituloto, ma ou
lagona le malu o le vai i o’u vae.
Na tafe ifo loimata i o’u mata, a ua
ou e’e leo tele ma valaau i le Atua,
“O ‘e faafofoga mai ‘ea, pe e te le
popole iai, le Atua e, i le mea o
tupu ia te a’u?”
Na o le oti lea ua lata mai ia a’u.
O le pule i lo’u ola ona uma ai lea.
Na ou nofo ifo i lalo, ma ou tagi,
ma ou tago atu ua faaputuputu
tama’i maa i le mea o o’u nofo ai,i
le matafaga o le vaituloto.
Faaputuputu i se li’o lapotopoto,
faaputuputu ai lava aga’i i luga
se’ia oo ina na o le tasi le maa e
mau i le tumutumu o le faaputuga.
Ae te’i ua oso mai i lo’u mafaufau
mea na ou faitau ai e uiga ia Akara.
Ina ua sauaina o ia e Sara, ona
sola ai lea o ia i le vao. E le
taumate na oo ia Akara le fenumia’i
o lona mafaufau, ma le ita, ma le
le mautonu ma le loto tiga. E
faapena foi a’u!
Ona faailoa atu ai lea o le agelu
a le Atua ia Akara. E ui lava e le’i
folafolaina atu e le agelu o le a ia
maua se filemu ma se mapusaga
mai ona faafitauli, ae na folafola atu
e le agelu ia Akara, o le a ia maua
se tama tane, ma o le a to’atele nisi
e tupuga mai ia te ia. E le’i iai se
masalosaloga o Akara o le Atua lea
ua fetalai mai ia te ia. Ua
fesoasoani mai le Atua ia te ia a o
sola o ia mai sauga sa feagai ma
ia mai lona matai tama’ita’i o Sara,
le ava a Aperaamo.. Ona ia
faaigoa ai lea o lea mea o Perelaaroi, o lona uiga, “O le vaieli o le
soifua o silasila mai”. - O lona
uiga, na silasila mai le Atua; na
faafofoga mai le Atua; ma afio mai
le Atua, ia te ia, i le mea oloo iai
lava o ia.
Na ou vaai i la’u faaputuga maa
ma ou mautinoa ai, o la’u
“Perelaaroi” lava lea. O lenei lava
faaputuga maa na ou faia e pei o
se mea e osi ai se taulaga, na oso
a’e ai ia te au le manatu, e iai foi
lo’u Atua o le silasila mai ma ia
faafofogaina la’u tagi, ma ia lagona
o’u tiga. Ona ou tootuli ai lea ma
ou tatalo o le a ou faalogo pea i le
Atua e ui lava ou te leiloa pe ou te
talitonu moni i lea mea. Ua mautu
lo’u manatu, o le a ou talitonu i le
Atua o ia na te faataunuuina le
amiotonu lea o le a manumalo i le
o leaga. O le faaaliga foi lea o la’u
filifiliga, o le a tauivi pea ma aga’i
atu i luma, ae ou te le faavaivai, pe
ou te pule foi i lo’u ola.
O ni nai aso mulimuli ane na ou
ave ai la’u tama tama e fitu ona
tausaga, o Atamu, i le mea na ou
fai ai le faaputuga maa. Na ou
faamatala iai i se gagana faigofie
le faaputuga maa na ou fai.
E le mamao ma le mea o ma iai,
oloo tu ai se toeaina i le auvai o le
vaituloto ma sausau lana ofe. Na
ou te’i ina ua fai mai la’u tama ia te
au, “Mama, o le a le mea e te le
faamatala ai i le tamaloa le la ia
Pere-laaroi?” Na ou tali i la’u tama
leaga ailoga e malamalama le
tamaloa i lea igoa. A o le
faalavelave, ua lagona mai e le
tamaloa ia tala a Atamu, ma fesili
mai ai, “Faamatala mai le a?”
Ona ou fai matamuli atu lava lea
i le tamaloa, “E te iloa le uiga o
Pere-laaroi?” Na ‘ata le tamaloa
ma tali mai, “Ioe. Ae te iloa ia Ieova
i Irae?)
“Ioe, o lona uiga o le a foaiina mai
e le Atua.” Ona ‘io’io mai lea o le
ulu o le tamaloa. Na ou faaali iai
la’u faaputuga maa. Na ou ta’u iai
oloo ou mafatia i ni ou faafitauli
ogaoga, a o lea ua ou tuu ou
mafatiaga i aao o le Atua. Ona fai
mai ai foi lea o le tamaloa, sa
fesoasoani mai foi le Atua ia te ia i
taimi sa ia mapuitiga ai.
O lona igoa o Toroi, ma e nofo i
Kukamoga. Na fesili mai ia a’u pe
o o’u mafatia ona ua ma tetea ma
lo’u toalua. A o le’i to’a lo’u
mafaufau i le fesili a le tamaloa, a
ua sasaa atu o’u tiga ia ia e uiga i
sauaga mataga sa fai ia a’u a o o’u
laitiiti. Ua la’u atu nei nei mea e
tele i se tagata ou te le iloa, aua o
lea faato’a ma fetaui, ae ua oo mai
lava ia te a’u lagona talitonu i le
tamaloa. Ua le a’oa’o mai ia a’u ni
mea e tele e uiga i ia sauaga ma ni
togafiti e fai iai. A o lona latalata
mai ia te au, ma ona uiga
faanofogofie tagata, ua ou
faatuatuaina ai lava le tamaloa. E
foliga mai e malamalama lelei le
tagata i o’u tiga,
A o amata ona goto ifo le la, ae
ma savalivali atu ma Toroi, ma la’u
tama, i le mea o paka ai taavale.
Na tuu mai lona lima ma fai mai,
“O le a ou matua tatalo mo oe Ioana
ma lou aiga.” Na ma lulu lima, ma
ou faafetai iai.
A o ma ti’eti’e ma Atamu i la ma
taavale ma ma aga’i atu i lo matou
fale, na ou mafaufau i le tagata ese
o Toroi, o le tagata ese, a o le
Kerisiano foi, ma se uso, tuagane
ia Keriso. A o o’u mafaufau i ia
mea, ae te’i ua oso a’e i lo’u
mafaufau ni fesili. “O ai lenei
tagata ua ia faaoso mai i lo’u
mafaufau ni lagona e pei ua ou iai
i le pa’ia o le Atua? Aue e! se mala
paga! Toroi, o ai oe?
Ou te le iloa pe ofuvae pupuu ni
agelu, feoa’i i ni taavale, ma tutu i
auvai o ni vaituloto ma sausau ni a
latou ‘ofe, ma fagogota......?
Oi ta fia ola e! Toroi ! ! !
tusia e Jo White
faamatalaina e
Afemata T. Apelu Aiavao
Resurrection of the Christian
No longer must the mourners weep,
Nor call departed Christian dead;
For death is hallowed into sleep
And every grave becomes a bed.
A Page for Youth
ITULAU MO TUPULAGA TALAVOU
Na ou toe vaai i a’u taimane
i loimata o le tagata ma’i
O Purinisese Usinia o Suetena o
se tama’ita’i Kerisiano faamaoni. O
se tama’ita’i sa alofa i tagata
matitiva, ma ia fesoasoani malosi
ia i latou. E ui lava ina tele mea ua
faia e Usinia mo tagata matitiva o
lona atunuu, ae le’i malie ai lava
lona loto.
O ana asiasiga i mea e nonofo ai
ia tagata, na tau atu ai i tagata
mama’i ua iloa lava e leai ni togafiti
e toe mafai ona fai iai, na o le
faatalitali oti le mea o iai. Na
mana’o ai lava Purinisese Usinia
e fai se fale lelei e ta’o’oto ai nei
tagata, ma tausia lelei i le mea e
gata mai ai le mafai.
Na ia ta’u i lona tuagane le
Perenise lona mana’o, ma sa
lagolagoina o ia e lona tuagane.
Ua Lava Keriso
Fai mai Puti Taka, a o lauga o ia
i Sikako i se isi aso, na savali mai
ai i luma mai le faapotopotoga se
tagata, ma fai atu ia te ia i luma o
le faapotopotoga: “Taka, e mafai
ona e tautala faapena e uiga ia
Iesu ma lou alofa ia te ia ona o lona
fesoasoani ia te oe, ae ana faapea
ua oti lou toalua, e pei o lo’u toalua,
O le Tusi Paia ma
le Saienisi
i le efuefu o le eleele.....”
Na faavaeina e Isaako Niutone
(Sir Isaac Newton) tulafono o le
kalave o le lalolagi poo le femitia’i
i le senituri e 17. Peitai, e 30
senituri i luma atu o Isaako Niutone
na tusia ai e Iopu: “Ua ia folasia le
itu i matu i luga o le vanimonimo
ua ia tautauina le lalolagi, ae leai
Ua fia fesoasoani lava le
Purinisese i e mama’i ua le toe
aoga iai se togafiti. A o le
faalavelave, ua uma ana tupe ona
faaalu i le fesoasoani ua leva ona
ia fai mo tagata matitiva. Ae te’i
ua oso a’e i lona mafaufau ana
taimane ma isi ana maataua e tele
o teu i le maota o le tupu, lona
tama. Ona faatauina atu loa lea o
taimane ma maataua a le
Purinisese, ma fau ai se falema’i
fou i tupe na maua. Na faatumuina
le falema’i fou i tagata mama’i. Ua
fai nei ma galuega a le Purinisese
le asiasi pea lava pea i le falema’i i
lea aso ma lea aso; talatalanoa i
ma’i, ma tatalo faatasi ma latou.
Fesoasoani i o latou mafatiaga, ma
faitau le Tusi Paia ma talatalanoa
ma iai sau fanau laiti o fetagisi mai
i lo latou tina, ua oti ma e le toe foi
mai, e le mafai ona e lauga
faapena.”
Na o ni nai aso mulimuli ane, ae
maliu le faletua talenia ma le
atamai o Taka i se nofoaafi na alu
ai. Na molimoli mai lona tino maliu
i le nofoaga o le Ami o le
Faaolataga (Salvation Army) mo
ona toe sauniga. Ina ua i’u le
sauniga, na tu Taka i tafatafa o le
pusa maliu o lona toalua, ma
se tautaulaga.” - Iopu 26: 7
O le tausaga e 1643 na maua ai
e le saienitisi o Toriseli, (Torricelli),
le paromita (barometer), ma ia
maua ai, e iai le mamafa o le ‘ea
poo le savili (air has weight). Ae
fia afe tausaga i tua atu o Toriseli,
na tusia ai e Iopu, “....ina ia faatatau
ai le mamafa o le matagi.....” - Iopu
28: 25.
O Kalileo (Galileo) na ia ta’ua o
fetu o le lagi e le mafaitauina.
Peitai, e 2,200 tausaga i luma atu
o Kalileo na fai mai ai Ieremia: “E
pei ona le mafaitauina o ‘au a le
lagi...” - Ieremia 33: 22.
e uiga ia Iesu le Faaola.
Sa iai i tagata mama’i se
loomatua e leaga ona uiga. E
faatautee lava ia i mea e fai atu ai
le Purinisese, e laulauvavale foi.
Sa taumafai pea le Purinisese e
talatalanoa iai, ma tau liliu mai ia
Iesu ma lana faaolataga.. Ae foliga
mai lava e le suia lava uiga o le
loomatua.
O se tasi aso, na faasolo
faamavae atu ai le Purinisese i
ma’i, ona o le a alu i se malaga e
tele aso e to’esea ai. A o fai le
faamavaega a le Purinisese, ae
musumusu ane iai le pule o
tausima’i, “Ua matua sui lava uiga
o le loomatua.” Ina ua taunuu atu
Usinia i le moega o iai le loomatua,
ma na iloa ai ua le o toe umi sona
taimi, ae fai ane le loomatua ia ia,
“Ou te faafetai i le Atua ona o le
toto o lona Alo o Iesu Keriso e
mama uma ai agasala, ma ua
faamamaina ai foi ma a’u agasala.”
A o ia fai ia upu i le Purinisese, a o
le taimi lea, ua tafe ifo ona loimata
i ona alafau. I se aso mulimuli ane,
ona faamatala ai lea e le
Purinisese le vaaiga lea i se isi
tagata ma faapea atu, “I loimata o
lea loomatua na faaolaina, na ou
toe vaai ai i a’u taimane.”
vaavaai atu i le sa pele ia te ia, o
lona toalua ma le tina o lana fanau,
ma fai atu, “E lata mai lava le aso
na sau ai se isi ia te au ma fai mai,
e le mafai ona ou lauga atu e
faapea ua lava lava Keriso, pe a
faapea ua oti lo’u toalua ma oloo
fetagisi mai la’u fanau mo lo latou
tina. Afai o iinei le tagata lea, ou te
fai atu, e tumau pea lo’u fai atu, ua
lava lava Keriso. Ua nuti lo’u fatu!
Ua tafe toto lo’u fatu.
Ua
malepelepe lo’u fatu. Ae oloo iai
pea le viiga i lo’u fatu ma e na tuu
ai iina e Keriso. Afai o iai iinei le
tagata lea, ou te fai atu ia te ia, e ui
lava ua oti si ou toalua, ma ua leai
se tina o la’u fanau,
oloo
faamafanafana mai pea Keriso ia
te au i lenei aso.”
Ae sa iai i lea aso le tagata lea,
ma ua tu a’e i luga ma savali atu i
luma i le mea o iai Taka, faapa’u i
ona luma ma fai atu, “Afai e faapea
ona fesoasoani mai Keriso ia i
tatou, i taimi faapenei, o le mea
lea, ou te tuuina atu ai atoatoa lo’u
tagata mo Keriso.”
O E UA MALILIU
Ieremia Le’autuli
Sili Samuelu FFA
8 Setema 1952 - 6 Novema 2012
Na soifua mai le Faifeau Pule i
le aso 8 Setema 1952, ae
faamanavaina e lona Matai ana
feau i le aso 6 Novema 2012.
Na iu Ieremia mai le Kolisi
Faafaifeau i Malua i le tausaga
1977.
Na faaipoipo atu ia
Misimasefili I’asa Tuu’au Sao i le
aso 10 Iuni 1978.
Na galulue faafaifeau tausinuu i
Patamea mai le tausaga 1978, i le
tausaga 1986. Na maua le avanoa
faasikolasipi o Ieremia i le Kolisi
Faafaifeau a le Pasefika i Suva i
Fiti ma aoga mai ai i le 1987-1989.
Na a’e malo lo la taumafai ma
faamanuiaina i lona Bachelor of
Divinity.
Na tofia Ieremia e le Ekalesia na
te vaaia le fale fogafaleono o le
Ioane Viliamu, ma sa galue ai o le
pule o lea fale mai le tausaga 19901991.
Na toe valaauina Ieremia ma
Misimasefili e le aulotu i Leufisa e
fai ma o latou faifeau, ma galulue
mai ai i le tausaga 1992-1998. Na
faamavae mai i la’ua mai Leufisa
ae ofoina atu le tautua a Ieremia i
le Ekalesia e ala i le galuega
faafaiaoga. Na amata faiaoga
Ieremia i le Kolisi o Maluafou mai
le tausaga 1999-2004. A o faiaoga
ia, sa avea ai o ia ma tama a’oga i
le AMOSA, o le Iunivesite o
Savavau, ma faamanuiaina ai i
lona Master of Arts i le Gagana
Samoa.
Na tofia Ieremia mulimuli ane, e
faiaoga i le Kolisi Maualuga a le
Ekalesia i Vaisigano mai le
tausaga 2005-2008. Na tofia e fai
ma pulea’oga o Vaisigano mai le
tausaga e 2009 sei oo ina
faamanavaina ana feau e le Atua i
le aso 6 o Novema 2012, a o sauni
le fanau aoga mo suega o le
School Certificate ma le PSSC.
Sa galue foi Ieremia o se Faifeau
Faiaoga nofoaiga i le Ekalesia i
Apia-uta mai lava i le taimi na
faamavae mai ai i Leufisa sei oo
mai i lona maliu.
E faagalo gata i lenei aulotu lenei
tama, ona sa toovae ia te ia i le tele
o taimi i ana fautuaga, o lana tofa
tatala. E o faatasi le leo o Ieremia
ma
ana
faatinoga.
E
faamaopoopo, e fai mea lelei, e
galue fiafia ma ona uiga e faatupu
fiafia i loto. E naunau ia lelei ma
matagofie mea e ta’u ai le Suafa o
le Alii. E foa’i e Ieremia mea sili la
te maua mo le faifeau ma lona aiga,
ma soo se malaga lava a le faifeau
pulea’oga e tatau lava ona lavea
ai ma le faifeau ma lona aiga i sona
oso. Ou te leiloa pe na iai se Aso
Sa ua galo ai ia Ieremia ma
Misimasefili se suavai a le faifeau.
Soo se taimi e to’esea ai mai le
galuega, e tuu lava ia Ieremia le
galuega. O se auauna e lelei
tapena i soo se taimi e na te taitai
ai sauniga lotu; e tua foi ia te ia le
Pulega aua faamanatuga a nisi o
aulotu pe a leai ni o latou faifeau.
O le tautua matavela a Ieremia
ma le faletua i le Pulega ma le
Matagaluega e le tau faailoaina i
Susuga i Faifeau Toeaiina ma
Faafeagaiga, aua e laina ma
timu’ia pe a iai ni faatasiga.
O Ieremia o se uso e ola tauivi, e
ola finafinau, e le se tagata e
faamaliegofieina lona mafaufau. E
tausili ia maua le silisili ma le
maualuga e tatau ona iai. Na a’oga
i le Mataupu Silisili, na pa’i lava i le
tumutumu, na finau i le poto
salalau, e lei faamaamulu ae na
tau lava i le tumutumu; o le tauiviga
i taaloga, e lei faataga faia lava, ae
na tau lava i le auro. O lana upu,
na te mafaia mea uma ona o le
Atua ma lona mana.
Na molimoli mai le tino maliu o
Ieremia ma matou lolotu i Apia-uta
i le sauniga lotu o le afiafi o le Aso
Sa. Sa ou taitai, o talosaga sa
saunia e Silafau Fatilua AF, a o le
lauga sa faia e Nouata Saifoloi
(A’oa’o Malua). Ona sosoo ai lea
ma le sauniga faaleaiga o Ieremia,
na ta’ita’ia e Rev. Dr. Iutisone
Salevao, o le Failautusi Aoao a le
Ekalesia ae
tatalo Komiti
Feaueseese Tuu’au FS, lauga
Paul Grey FT. E sili atu i le fa itula
le umi o le lotu, ae le’i uma le
toatele sa fia molimau mo le uso.
Na mae’a le sauniga, ona toe
molimoli lea i le maota maliu o
Letoa Sefo Pa’u ma tofa ai.
O le itula e 1pm o le Aso Gafua
na fai ai le sauniga i le falemaliu
ma sauni ai loa e malaga mo
Salelologa i le motu i Salafai.
Faafetai i le Atua, na leai se maa
tui, leai se maa tala poo se maa
faalava i le ala na faalavelaveina
ai le malaga. E oo foi i le vasa, i le
leai o se peau laga vaa, poo se
peau fati ava, a o faataumua a’e
atu le sa i le Tolotolo o Tamauli e
faasino i Malaefatu, o le tua o
Fuifatu ma Foua.
E taunuu atu oloo tapuai tatalo
mai le paia o le aufaigaluega o fata
faitaulaga uma e faasino i le
Lologapule, le paia a oe le
Faito’aga, afio Luamanuvae ma
Muagututia, susu lau Susuga Su’a,
afio Tinousi ma lo outou To’afia, ma
le Falesalafai. Malo le tapuai. Ona
faaauau ai lea o le malaga mo le
maota i Silaia ma faia ai le sauniga
na taitai e le Tama o le
Matagaluega a Sapulu, o Malaeti’a
Aiono FM, ma tofa ai Ieremia mo
le po.
O toe sauniga o Ieremia na taitaia
e le Pulega a Apia i Sasa’e mai
Apia. Sa taitai lava le Faifeau
Toeaina o Siolo Tauati, na
faaulufale le tino maliu e Moli Moli
FS, o le Tusi Paia na fofogaina e
Fuifui Teevale FS, o talosaga na
saunia e Malaeti’a Aiono FM, ao le
lauga sa saunia e Rev. Dr Paulo
Koria FS.
O molimau; Misi Masefili Ieremia
Leautuli, Su’a Hesed Ieremia - sui
o le fanau; Leautuli Lilomaiava - sui
o aiga o Ieremia; Ta’uo
Seumanutafa - sui o aiga Misi
Masefili; Tavita Roma FT, sui o le
EFKS, Malua Taise Latu - Faatonu
Sili A’oga EFKS; Moli Moli -- sui o
le Pulega; Seiuli Fiu Peni - sui
asosi faataavale polo; Utele Tasi
Falefatu - sui tamafanau a
Patamea; Malaetia Aiono FM, molimau faaleagaga; Siolo Tauati
FT - Tama faaleagaga o Ieremia.
O toe sauniga i le tuugamau, sa
taitai lava e le Taitai o le Sauniga.
Sa faatofa atu i le faifeau pulea’oga
i le lagiina o le pese - “Tofa, uso,
Tofaina oe.” Muamua atu, tatou te
feiloa’i i se aso i le nuu ua saunia e
lo tatou Alii. Malo galue uso.
Rev. Elder Siolo Tauati.
Sorrow
All sorrow and suffering are designed to
teach us lessons we would not or could
not learn in any other way. - Max Heindel
O E UA MALILIU
Fuialo Kava Tiavaasu’e
21 Mati 1939 - 24 Novema 2012
O ona matua o Tiavaasue Siaosi
ma le tina o Kalala. Sa faaipoipo
atu o ia i le tina o Siaipata Taituuga
Faamu, i le aso 7 Iulai 1969. O se
tama e tumu i meaalofa a le Atua.
E osi aiga ma e alofa tele i si ana
fanau. Ua leva ona malaga mai i
Tutuila ma aumau ai ma atiae ai le
aiga.
E ui ina sa lolotu i le Ekalesia
Papatiso, peitai e le uma le
faananau pea o lona loto i le
Ekalesia e pele i lona loto na
faafailele ae ai lona soifua. O le
ala lea ina ua matou feiloai na tonu
ai lona manatu o le a toe foi mai i
lana Ekalesia. O le faaiuga o le
tausaga e 2008, na matou mafuta
faatasi ai i tapuaiga i Aso Sa. O le
aso 1 Mati 2009 na faapaia ai lo la
Losi Manuolevao Liki
10 Me 1930 - 13 Novema 2012
Le Afioga i le Tiakono - Losi
Manuolevao Liki. O lona aso soifua o
le 10 Me 1930, ae na valaau o ia e lona
Matai, 13 Novema 2012. O lona tama
o Saloi Soroi mai le atunuu o
Solomona, a o lona tina o Pogai
Luatutu mai le alalafaga o Manono.
Na faaipoipo Losi ia Manuolevao Liki
Fea, ma e toafitu o la alo. O le aofai o
fanau a fanau e 21, a o fanau a fanau
a lana fanau e toafa. Lona uiga, e maliu
Losi ua 32 le aofai o e na tutupu mai ia
te ia.
Na maliu Manuolevao Liki i le 1987
ona faaauau mai lea e Losi ma le fanau
le latou matafale. O Losi o se tina e le
lagona sona leo i tonu fai a le aulotu,
ae leotetele ana galuega. E naunau
Losi ia lelei lona aiga; ia lelei olaga o
lana fanau, ia lelei mea e fai e lana
fanau, ae faasilisili i lona mafaufau, ia
savavali lana fanau i ala o le Alii.
Na faaee le tofi tiakono o Losi i le aso
1 Iuni 1990, ma galue mai ai i lena
tausaga sei oo mai i le 2005, na maua
ai o ia i se gasegase o le stroke. Sa le
mapu le fanau ma le aiga e saili fofo, e
oo foi i le ave i atunuu i fafo ona o le
naunau ia toe faafoi sona malosi.
E lei lafoa’i e Losi lona talitonu i le
alofa o le Atua; e fiafia e tatalo, ma lana
Tusi Paia e uu i ona lima i taimi uma.
tofi tiakono e galulue ai. O le tama
e masani ma le ola galue ma tautua
i le EFKS. Na iloga lona tulai mai.
Sa faamatua ia te ia le galuega, i
lana tofa matua ma lana faautaga
loloto. Sa fai ma ana mea fiafia le
faitau o le Tusi Paia. E malosi lona
ola tatalo ma le faatuatua i lona
Matai.
Na fai e Fuialo faataitaiga lelei
mo le Ekalesia. E pito matua i
tagata uma, ae muamua ma
taulamua foi i mea uma a le aulotu
e fai. E toaga i soo se sauniga e fai,
aemaise sauniga Au Leoleo. E fiafia e
sufi lagona o tagata lotu ina ia galulue
fiafia mo le Atua. O ona uiga malie ma
le tausaafia na pupula tele ai lana
filosofia tauave: “IA FIAFIA SE MEA SA
I AI FUIALO” O ia o se matai faiupu,
ma o lona tootoo ma lona fue sa tausi
ai le galuega i lona va i fafo. O se tama
faaaloalo ma loto maulalo. E fiafia i soo
se tagata e oo lava i tupulaga. O se
tiakono faatuatuaina, o le ala lea na
filifilia ai e avea ma taitaifono i le Komiti
Atinae seia oo ina valaau mai lona
Matai.
Na faataotolia o ia i se gasegase
O se tina e mau lona loto i le Alii, o
mea sili foi e manao e fai mo le Alii, e
fai uma lava e lana fanau. Oloo
faaauau pea e oo mai i le aso, le ofo a
Losi ma le aiga, latou te saunia malu
taeao mo tofi e lauga mai i le matou
falesa i soo se taimi, ma e leai se
faaletonu.
E tausi faifeau Losi, e faapolopolo
mea na te maua aua le asiasiga a le
failotu. O le isi lenei aiga, e le galo le
suavai a le faifeau i Aso Sa uma, Aso
Sa uma. O alo o Losi, o isi ia tagata e
vae ma lima iai le galuega a le Atua.
E toetoe o atamai uma o le olaga, o lea
ua faamanuiaina ai le fanau a Losi ma
a latou fanau.
Ua avea le umi o le taimi na feagai ai
Losi ma gasegase, ua matauina ai le
agaga tausi matua o le fanau ma le
aiga.
Na aveese mai le tino maliu o Losi
mai le maota o Letoa Sefo Pa’u i le
taeao o le Aso lulu , 21/11/2012 ma
molimoli mai i lona aiga i Apia-uta, ma
mapu ai seia oo i le 11am o le taimi o
ona toe sauniga i le malumalu.
Sa ou taitai i le toe sauniga, na
faaulufale le tino maliu e Nouata
Saifoloi (A’oa’o Malua), o le Tusi Paia
na faitauina e Reupena Nofoaiga, o le
faafeagaiga a le EFKS i Elisefou, o
talosaga sa saunia e Enefatu Lesa FS,
ma le lauga na saunia e Dr. Afereti Uili,
o le Susuga i le alii Pule o le Kolisi i
Malua.
O molimau: Uaina Liki - fai ma sui o
faigata, ma iu ai lona soifua i le falemai
i Fagaalu, i le Aso Toonai, 24 Novema
2012. O le Aso Tofi 6 Tesema 2012
na faia ai ona sauniga faaleaiga i le
faletapuai o le falemai, a o le Aso
Toonai 8 Tesema 2012, na faia ai ona
toe sauniga i le malumalu EFKS
Ierusalema Fou, Tafuna.
Na ou taitaiina le sauniga a o le
A’oa’o Fesoasoani o Faumuina
Lautaimi na faitauina le Tusi Paia. O
le A’oa’o Fesoasoani o Auvaa S. Kupa
na saunia talosaga, a o le Susuga i le
Feagaiga o Amosa Vaetoe na saunia
le lauga. Na molimau le tina o Siaipata
i le la mafutaga. O Satele Iupeli Kava
sa fai ma sui o le fanau. O le Tofa
Taloolemaagao o se tasi o tamalii sa
fai ma sui o aiga. Sa ou molimau i lona
soifua faaleagaga. Sa faaiu ona toe
sauniga i lona aiga i Fogagogo i le mea
o taoto ai ma matou faamavae atu ai i
le tama i le pese faamavae a le Au
Kerisiano. “Talofa uso e tofaina oe....”
Faafetai le Atua mo lau auauna o
Fuialo.
Rev. Alapi Eti.
EFKS Ierusalema Fou,
Tafuna, Amerika Samoa
le fanau tama; Dr Asenati Chang Tung
- sui o fanau teine; Dorothy Iosia - sui
o fanau a fanau; tina o Faanunu Taua
- uso o Losi; Siolo S. Tauati FT, tama
faaleagaga.
Sa ou taitai sauniga i luga o le
tuugamau, ma faatofa atu ia Losi i le
lagiina o le pese: Tofa uso, tofaina oe.
Fai mai le aposetolo, “E le se mea
faaleaoga lo outou tautiga mo le Alii.”
Ia manuia lau malaga Losi.
Rev. Elder Siolo Tauati,
EFKS - Apia-uta.
RESULTS
You can have the largest
church auditorium, the
biggest Sunday School,
and run up a steeple on the
church so high that it
interferes with astronauts
circling the earth, but the
angels in heaven won’t
give a holy grunt until some
old sinner comes down the
aisle and gets right with
Jesus. - Bob Harrington
Troubles
To be right with God has
often meant to be in trouble
with men.
A.W. Tozer
O E UA MALILIU
Te’o Faainu Faamita’i
18 Novema 1931 - 7 Novema 2012
“Afai foi e pa’u se laau i le itu i
Toga poo le itu i Matu, o le mea e
pa’u iai le laau e iai pea ia.”
O le A’oa’o Fesoasoani i Falefa,
Pulega Anoamaa. Matagaluega
Apia Sasa’e. Na soifua mai 18
Novema 1931. Ua maliu 7
Novema 2012. O ona matua
Faamita’i Tafuna’i (tama), ma
Taimoana Suaniu (tina).
Na faaipoipo ma Vaegaau
Fulumu’a o Falefa 25 Me 1965. Na
avea ma tiakono i le 1969 a o le
1971 na pasi ai i le suega A’oa’o
Fesoasoani. Ua 41 tausaga o avea
ma A’oa’o.
O le Susuga Te’o ma lona faletua
o toe tagata ia o le mamalu o le
Magaui Bettie Kirisimasi
26 Aokuso 1952 - 19 Ianuari 2013
O le tina tiakono o le Ekalesia Ola
mo Keriso - EFKS i San Diego
(Amerika). O ona matua o
Faavaatuia ma Leigaga Poumele
(Fitiuta, Manu’a). E to’afa ona
tuagane, toalua ona uso. Sa
faaipoipo atu o ia ia Filimalo
Kirisimasi Jr. o Vatia, Amerika Samoa i le tausaga 1978. E toalima
le la fanau, e fa tama tasi le teine.
O fanau a fanau e toalua. Na
aoaoina i aoga a le faifeau, agai
atu ai i aoga tulagalua ma aoga
maualuga (Elementary ma High
School) i San Siego ma faaauau
atu ai i Iunivesite. I le tausaga e
1974, na galue ai Magaui i le
faletusi a le Iunivesite o Kalefonia
i San Diego (UCSD) mo le 37
tausaga seia oo ina litaea i le 2011.
Na maliu lava le tina i lona aiga.
O se tina e maua i ma’i (fatu, toto
maualuga ma le suka). O lona sao
i le galuega a le Ekalesia, e fai le
la ipu/matafale ma le tama. O i laua
uma foi o tiakono o le Ekalesia. O
se tasi o aiga faavae o le aulotu
ina ua amata le Ekalesia i le 1999
e oo mai i le taimi nei. E iloga
Magaui i lona tofi o le teutupe a le
Ekalesia seia oo ina uma lona ola
(12 tausaga o galue i le tofi). O se
aulotu na matou osi feagaiga ia
Tesema 1977. O ia o le sui faavae
o le Autalavou ina ua faavaeina i
le 1967 ma auai pea seia oo ina
valaau mai lona Matai. Sa avea
ma failautusi o le Autalavou seia
oo ina gasegase i le 1995. O le
sui faamaoni o le Aufaipese seia
oo ina maliu. O le faiaoga Aso Sa
i le tele o tausaga seia oo ina
gasegase. Sa avea ma failautusi
o le aulotu i le tele o tausaga. Avea
foi ma Komiti o le Alofa ma le
Taulaga Samoa.
Sa fai ma sui o le Matagaluega i
le Komiti o Feau Eseese 19911994. Sa fai ma Komiti o A’oga mai
le 1995 seia oo ina gasegase i le
iuga o le tausaga lava lea. Sa avea
foi ma Ofisa o le Matagaluega i le
Ofisa o Aoaoga Kerisiano mai le
1994 seia oo ina gasegase i le
1995.
O Te’o o se tama tautua lelei ma
faamaopoopo i mea uma o le
Galuega i le aulotu, Pulega,
Matagaluega ma le Ekalesia Aoao.
Tama fiafia i tapuaiga seiloga ua
gasegase. O le A’oa’o e saunia
lelei ana lauga ma fiafia e folafola.
O Te’o o le laau na pa’u i le Atua
ma iai pea lava seia oo ina maliu.
Amuia lea auauna e maua mai e
lona Matai oloo faapea ona fai.
Auauna lelei e, ma le faamaoni,
ulufale maia i le fiafia o lou Alii.
O ona toe sauniga na faia i le aso
17 Novema 2012 i le taeao.
Faaulufale lona sa e Alataua
Sootaga FS, talosaga na saunia e
Tafa’i Galumalemana FS. O upu
faamafanafana na saunia e
Faatausau Onesemo FS. O au na
molimau, taitai ma faaiua ona toe
sauniga i lona oliolisaga tumau.
Manuia lau malaga.
Faamaise i le tina ia Vaegaau ma
le fanau. Tofa Te’o.
Faatauoloa Maualaivao FT.
EFKS Falefa
tina faamaoni tele i lana galuega.
O lana meaalofa taua lea sa ia
faaaogaina e auauna ai i le Atua e
ala i le aulotu. O se tina e fiafia e
pese, ona e manaia lona siufofoga.
E matagofie ona laei ma ana teuga
e sau ai i le lotu. E fiafia e foai lona
tamaoaiga mo le Ekalesia ma lana
faifeau. O se tina e faaaloalo i le
aufaigaluega ma tagata matutua o
le aulotu.
O sauniga uma o le maliu o
Magaui sa faia i le falesa o le Word
of Life Worship Center. O le
sauniga lotu a le aiga sa faia i le
Aso Toonai. O au sa taitai ma
faamafanafana, faifeau o T.I. Miller
sa tatalo. O le sauniga i le Aso Sa,
o au lava sa taitai, faifeau o
Faafouina Solomona na faitauina
le Tusi Paia, faifeau o Faavae
Fiatoa sa tatalo. O le Faifeau
Toeaina o Suitulaga Faia’i FT
(EFKAS) ma le faifeau o T.I.Miller
(Word of Life Worship Center) na
saunia lauga. O le tama ia
Filimalo, Leigagato (tama teine)
ma Dora (uso) na saunia molimau
autu. O au sa saunia le molimau
faaleagaga o le tina. O le Aso Sa
lava i le sauniga masani a la matou
Ekalesia sa matou lolotu faatasi ai
ma Magaui ae le’i faia le sauniga
tele a le Pulega i le Aso Sa. O au
foi sa taitai i le sauniga mulimuli i
le Aso Gafua, tatalo ma le Tusi
Paia sa saunia e le A’oa’o
Fesoasoani ia Satoafaiga.
O le Susuga i le Faifeau ia
Esekielu Tapu FS na saunia le upu
faamafanafana. O au foi sa taitai i
toe sauniga o le tina i le tuugamau
i le Mt. Hope Cemetery, ona matou
faamavae atu ai lea ia Magaui i le
pese
faamavae
a
uso
Kerisiano....Talofa uso e tofaina
oe. Le auauna lelei e ma le
faamaoni, ulufale maia i le fiafia o
lou Alii. Ia faamaise pea le Agaga
o le Atua i le tama ma le fanau,
faapea aiga ma le Ekalesia.
Makerusa Porotesano FT.
EFKS San Diego,
Matagaluega Amerika.
Ofeira Fatilua Tevaga
Tuala
16 Setema 1955 - 25 Tesema 2012
O le aso soifua o Ofeira 16
Setema 1955, ae maliu o ia i le 25
Tesema 2012. O ona matua o
Satiu Silafau Fatilua ma
Faatuaiitaua.
Na faaipoipo Ofeira ia Tevaga
Turo Tunai Tuala i le 1984. E to’afa
le la fanau, ae to’atasi le fanau a
lana fanau. O le tele o tausaga sa
alaala ai lenei aiga i San Francisco
O E UA MALILIU
Ofeira Fatilua Tevaga
Tuala
16 Setema 1955 - 25 Tesema 2012
i Amerika, ae fai lava ma asiasi mai
Ofeira i Samoa, o nisi taimi e sau
ai ma faigaluega ai i Samoa ma
fesoasoani ai e atia’e ona aiga. O
nisi taimi e lotu ai i Fagaloa ma
tautua ai, o nisi foi taimi e lotu ai i
Apia-uta ma tautua ai foi ma
faatinoina le matafale a ona matua.
O lenei tina e ola finau ma e atia’e
lona mafaufau i mea e manuia ai
lona aiga ma tautua ai le lotu. Sa
faae’etia lona tofi tiakono i Fagaloa
a o tautua ai ia Harima Faumuina
FS ma le aulotu i le tausaga e
Faatuaiitaua Silafau Satiu
12 Oketopa 1928 - 8 Ianuari 2013
Na soifua mai Faatuaiitaua le
faletua o le A’oa’o Fesoasoani i le
aso 12 Oketopa 1928, ae
faamanavaina ana feau e lona
Matai i le aso 8 Ianuari 2013 i lo la
maota i Apia-uta.
Sa tautua ma auauna lenei tina i
le malo o Samoa i le galuega o le
tamaitai tausimai pasi seia oo ina
malolo ritaea. Sa faaipoipo ia Satiu
Silafau Fatilua, ma e toavalu le la
fanau. E maliu le tina, ua 21 le
aofai o fanau a lana fanau, ae
toavalu fanau a fanau a lana fanau.
Lona uiga e 37 le aofai o i latou na
soifua mai ia Faatuaiitaua.
E valaau le Atua i lenei tina o
galulue pea i laua i lo la tofi o le
A’oa’o Fesoasoani. O se faletua e
fiafia e feagai pea ma le mamalu o
le Atua i aso uma. E taofi o ia, e
manuia mea uma ona o le Atua. E
toaga ma faamaoni e auai i
sauniga lotu, e pei o sauniga i le
Aso Sa, o lotu a le Au Leoleo, o
sauniga faale-Au Taumafai, o
sauniga a le Pulega, o le
Potopotoga, Lotu a Tina ma le
Masina Fou. E auai foi i Tofiga a
le Pulega ma le Matagaluega. E
naunau Faatuai e savavali lana
fanau i ala o le Alii. E toatele
taulaga tagata a Faatuai ua o i le
galuega a le Atua. O se tina e pele
2005. Sa gagau mai lona tofi ma
faaaoga i Apia-uta ma le Pulega
Apia i Sasae mai le tausaga e 2008
sei oo ina maliu. Sa usufono i le
Fono Tele i Malua i le 2010.
E aumai e Ofeira fanau a lona
aiga e o mai Savaii ma Fagaloa i
totonu o le au talavou ma le
aufaipese. A o galue o ia i le tofi
failautusi o le Au Talavou, na te foai
le tele o lona tamaoaiga e atia’e ai
le Au Talavou. Sa galue foi o le
failautusi i le Mafutaga a Tina o le
aulotu. O se tina e loto alofa ma e
aao foa’i, e faamaopoopo ma loto
fesoasoani. E tausi faifeau ma na
te ofoina mea sili mo le faifeau ma
lona aiga.
Na aveese mai le tino maliu o
Ofeira mai le maota maliu o
Ligaliga i le itula e 10 i le taeao ma
molimoli mai i le falesa i Apia-uta
mo ona toe sauniga i le 11 i le
taeao o le aso 7 Ianuari 2013. Sa
ou taitaia lava le sauniga. Sa
faaulufale e Nouata Saifoloi (A’oa’o
Malua) le tino maliu, o le Tusi Paia
sa faitauina e Magele Mauiliu AF,
o talosaga na saunia e Harima
Faumuina FS, a o le lauga na
saunia e Enefatu Lesa FS.
O molimau: Sui o le fanau Andrew Tuala. Sui o uso ma
tuagane - Rev. Esaroma Fatilua
FS; Tama o le aiga - Tevaga Turo
Tunai Tuala; Tama o Ofeira - Satiu
Silafau Fatilua. Molimau faaleagaga - Harima Faumuina FS ma
Siolo S. Tauati FT.
O ona sauniga i le tuugamau sa
ou taitaia, ma faatofa atu ai ia te ia
i le pese “Tofa uso tofaina oe.”
Siolo S. Tauati FT.
Apia-uta
ia te ia ona aiga, ma e naunau ia
iloa e ona tagata o latou tupuaga,
e sulufai i le tulafono e saili ai se
faaiuga tonu.
Na aumai i tua le tino maliu o
Faatuai mai le maota o Ligaliga i
le itula e 10 i le taeao ma molimoli
mai i le malumalu i Apia-uta mo
ona toe sauniga. Sa auai le Pulega
i ona toe sauniga. Sa ou taitai, na
faaulufale e Moli Moli FS le tino
maliu. O Fuifui Teevale FS sa
faitauina le Tusi Paia, o le tatalo
na saunia e Moli Moli FS, ma le
lauga na saunia e Komiti o Feau
Eseese Tuuau FS.
O molimau: Sui o le fanau -
Uepati Fatilua, Sui o uso ma
tuagane - Silafau Vilivili, tama o le
aiga- Satiu Silafau Fatilua AF,
faifeau Aso Fitu - Erika Puni, uo a
Faatuai - Melenaite Aiafi, tama
faaleagaga - Siolo S. Tauati FT.
Sa faaautu la’u molimau i le
fuaitau oloo i le Salamo 37:25: “Ua
ou toeaina au nei, sa au taule’ale’a;
ae ou te lei iloa se tagata amiotonu
na lafoaiina, poo ana fanau ua aisi
i latou.” Sa ou taitaia le sauniga i
le tuugamau, ma usuina le pese
268 e faatofa ai o lenei tina alofa.
Ia manuia lau malaga.
Rev. Siolo Tauati FT.
Apia-uta
Tataimata Malae
Ueselani Peseta
10 Aperila 1926 - 1 Mati 2013
Na soifua Tataimata Malae Ueselani
Peseta i Avao i le aso 10 Aperila 1926,
ae maliu i le aso 1 Mati 2013 i lona aiga
i Avao i Matautu lava, ina ua 86 tausaga
o lona soifua. O tulaga masani lava o
le aumatutua ua aafia ai le soifua o le
tama, ua afea gofie i ma’i ma faigata o
le soifua ua afu, seia faamanavaina e
lona Matai i le lagi ana galuega, i le te’a
laitiiti o le 6.00 i le taeao po o le Aso
Faraile 1 Mati 2013.
Na faaipoipo i le tina ia Tapafua Ieti
Tiatia i le aso 28 Tesema 1959. Na
faaeetia lo la tofi tiakono i le aso 29 Iuni
1972, ua atoa i lenei tausaga le 40
tausaga talu ona tiakono.
E toa sefulu o la alo, 6 teine, to’afa
tama. Ua maliliu le toalua. O le teine
ulumatua ma le tama lona ono o le
fanau, a o loo soifua mai pea le toavalu.
E toa sefulutasi molimau o le talaaga
o lona soifua, o alo o le tama, o sui o le
aiga ma le tina, faapea le molimau a
lana faifeau.
E usuia le fono i le Fetalaiga ia
Tataimata Malae Ueselani, toe lima
lava aso, atoa lelei le tolu tausaga talu
ona matou osi feagaiga ma le aulotu
EFKS i Avao. O le tolu ai foi lea o
tausaga, talu ona mafuta le faifeau ma
lona toalua ia Tataimata Malae
Ueselani Peseta. O ia o se tasi o toe
‘ulutaia, o se tasi o tama matua, o le
aumatutua sa totoe i le nuu ma le
Ekalesia.
O se tama e le fiafia i le tautala soo,
itiiti upu saunoa ai, ae anoa ma taua.
Sa faaigoa e tagata o le nuu nei ma le
O E UA MALILIU
Suiga i faasalalauga o Maliu
Ona o le mana’o mai pea o nisi
ina ia lolomi atu a latou maliu i le
itulau mulimuli ona e lanu ai ata o
a latou maliu, o lea ua fai ai si suiga
lea, o le tuu uma o ata i le itulau
mulimuli, itulau e 16, ae amata atu
pea tala i itulau o i totonu o le Sulu.
Se’i faaaoao foi pe lelei lea faiga.
Losi Manuolevao Liki
Ieremia Le’autuli Sili Samuelu FFA
Fuialo Kava Tiavaasu’e
Ofeira Fatilua Tevaga Tuala
Opportunities
Te’o Faainu Faamita’i
Magaui Bettie Kirisimasi
I shall pass through this
world but once. Any
good that I can do, or
any kindness that I can
show any human being,
let me do it now and not
defer it. For I shall not
pass this way again.
- Stephen Grellet
Faatuaiitaua Silafau Satiu
Tataimata Malae Ueselani Peseta
Tataimata Malae
Ueselani Peseta
lana faautaga, sa tele se sao i le
atinaeina ma le maopoopoga o le
aulotu ma le nuu o Avao, aemaise o
lona aiga.
O le Aso Toonai 9 Mati 2013 na faia
ai ona toe sauniga i le malumalu o le
EFKS i Avao, i le itula e 10.00 i le
taeao. Sa ou taitai lavai le sauniga, o
le Susuga ia Mose Galuvao Peniamina
FS na ia faaulufaleina le tama i le
malumalu ma le faitauina o le Tusi
Paia. O le Susuga ia Auvaa Peseta
FS sa saunia talosaga ma lana
molimau. O le Susuga Alefa Tauma’oe
FM Avao, sa saunia le lauga. Ma faaiu
10 Aperila 1926 - 1 Mati 2013
aulotu, o le toa, ona o se tama e leai
sona tamaoaiga, ae o lona galue malosi
i faiga o le popo ma isi atinae ua manuia
ai a’oga a ona alo. Aemaise foi, o lona
taumafai e maualuga ma sili lava ana
mea e fai i le Ekalesia ma le nuu, e
tautala ana galuega, e faalototele i
tagata o le nuu ma le aulotu i soo se
fuafuaga ma mea e fai. O lana tofa ma
ai ona toe sauniga i lona oliolisaga
tumau, ma o a’u lava sa faatinoina lona
toe sauniga i luga o le tuugamau, ma
faatofa atu ai i le auauna lelei.
O ia o se tiakono toa, o le uiga lea o
le upu e ave i tiakono, o poutu toa, o le
pou e toa lana tu, e toa lana vaai, toa
le galue, e toa foi ana upu e fai. Ae
talofa e, ua faasolo ina leai ni toa o
totoe. A letioa a saafi Tavita, ina ua oo
mai le tala o le oti o Saulo, na ia faapea
ane ai, “Aue, ua maliliu toa, ua maumau
ai auupega o le taua.”
Talosia ia, ia pa’u se toa, ae ia vave
ona tulai mai isi toa, pe afai e toe iai se
toa. Ua fetalai lo tatou Alii, “Le auauna
lelei e, ma le faamaoni, ulufale maia i
le fiafia o lou Alii.” Ae fai mai le upu a
Iopu, “Ua foaiina mai e le Alii, ua
aveeseina e le Alii, ia faamanuina le
suafa o le Alii.”
Ia manuia lau malaga tama.
Tavita Kirisimasi Salaa Fiti
EFKS Avao.

o le sulu samoa

Transcript

Documenti analoghi

Pe na Faaoolima Se Isi ia te A`ue Feusua`i Faaulugalii?

1. O le a le uiga o le tala o le vavau pei ona taua e Tuiatua ma isi I le

O Au O Se Atalii o le Atua

Pepa o Faamatalaga o Avanoa mo le totogiina o aitalafu

o Vaega Faapitoa Tau Faigafaiva o Atumotu o Amerika Samoa e

failauga ataeao

Samoa

O Se Taiala mo le Faauuga i le Seminare ma le Inisitituti

Aso o Tina i le fanuatanu