Francois BENEDETTI-Infrastructures santé Plaine Orientale

COLLECTIVITE TERRITORIALE DE CORSE
ASSEMBLEE DE CORSE
1ère SESSION ORDINAIRE POUR 2016
REUNION DU 25 FEVRIER
N° 2016/O1/001
DUMANDA À BOCCA POSTA DA M. François BENEDETTI
À nome di u gruppu « CORSICA LIBERA »
OGGETTU : Infrastruttura di salute publica in Piaghja urientale
O Sgiò Presidente di u Cunsigliu esecutivu,
A Piaghja Urientale hè in piena crescita demugrafica.
Però, si trova esse a sola regione di Corsica à ùn dispone
d’infrastrutture sanitarie à l’altura di u so sviluppu .
L’accessu à infrastrutture publiche è private di qualità, degne di u
XXI
seculu hè un dirittu legitimu devutu à a pupulazione.
Ci serà vulsutu una longa mubilizazione è parechje manifestazione (da u
2008 à u 2012) per chì a pupulazione di a Piaghja Urientale ottenessi in fine strutture
da permette a presa in carica di l’urgenze vitale cù :
- A perenizazione di u SMUR.
- Una megliurazione di e cundizione di splurazione radiologiche per via di
a stalazione di un scanner.
simu
Oghje, si pone a questione di a creazione d’un Uspidale Publicu
Lucale in Piaghja Urientale. Sta regione essendu a sola à esse alluntanata di
più d’una ora di e strutture uspidaliere esistente.
A creazione di st’uspidale hè di più realista chì stu territoriu hà un EHPAD,
« a Ziglia », vetustu è ch’ùn benefizieghja micca attualmente di l’investimenti
necessarii à a so mudernizazione.
U terrenu nantu à u quale l’EHPAD hè impiantatu hè pruprietà di a
cumuna di Prunelli di Fium’Orbu è hè abbastanza grande da pudè accoglie
un’estensione chì permetteria a creazione di a struttura uspidaliera à bon pattu.
A crezione d’un Uspidale publicu Lucale permetteria di mudernizà è
valurizà l’EHPAD attuale, di dispone di un serviziu di medicina generale cù
qualchì lettu di cortu seghjornu per ogni persona necesitendu
un’uspidalizazione tempuraria senza chirugia, cum’è di una USLD (Unità di
curamentu di longa durata)…
A trasfurmazione di l’EHPAD in uspidale permetteria à u persunale
d’integrà à Funzione Publica Uspidaliera cù tutti l’avantaghji chì ci sò liati (paghe,
statuti, piani di carriera…).
A presenza d’un centru di radiolugia è d’un scanner ne u circundariu vicinu
ghjustificheria sta scelta d’impiantazione, struttura cù a quale si cunvenerà di
cunvenziunà per avè accessu 24ore/24 à st’arnesi in casu d’urgenza in l’interessu di
a pupulazione.
Una dumanda d’IRM hè stata posta di novembre scorsu da u Dre
Ristorcelli, chì u cabinettu di radiolugia si trova in Migliacciaru è cum’ella s’era
digià fatta per u scanner, l’Agenza regiunale di a Salute (ARS) rifusa di struisce
stu cartulare è di signà ne u gradimentu.
St’attrazzu indispensevule per avvintà precucemente e patulugie è più
grave, principalmente traumatologiche è cancherose, seria enteramente finanzatu da
u pruprietariu di u Centru senza nisuna suvvenzione publica è permetteria di
risponde à i bisogni di a pupulazione di a Piaghja Urientale chì dispuneria cusì d’un
settore di radiolugia cumplettu nantu à u so territoriu.
A messa in piazza regulare di a Permanenza di i curamenti (PDS) hè
ugualmente una preocupazione maiò. A l’iniziativa di a Merria di a Ghisunaccia,
l’apertura di una Casa Medicale di guardia nantu à sta cumuna hè digià
prugramata. Inciampa sempre nantu à ditaglii quantu à u modu di rimunerazione di i
medichi liberali è di l’interni di u Centru Uspidalieru Generale di Bastia chì ci
puderianu participà. Quì dinù, l’ARS si deve di fà un sforzu indispensevule per
sbluccà a situazione.
L’inseme di l’infrastrutture, Uspidale Lucale, Casa Medicale di Guardia è
IRM guarantiscerà una presa in carica glubale di i bisogni sanitarii di a pupulazione è
puderà incità parechji giovani medichi à stallà si in una regione duve a
desertificazione medicale hè prugrammata.
Sapimu chì a CTC ùn hè cumpetente per agisce in materia di salute
publica. Però, hè a guarante di l’inseme di l’interessi materiali è murali di i corsi. In
stu sensu, a nostra Assemblea hà pregatu accertà a so parte pulitica in stu settore
creendu una cummissione di e pulitiche di salute publica.
In cunsequenza, è vista a clausa di cumpetenza generale, stimemu d’una
parte, chì a nostra Cullettività devi dumandà uffizialmente à l’ARS ch’ella pisessi
l’impedimenti custattati è d’altra parte, chì l’azzione purtate in stu quadru sianu
esaminate da a cummissione di e pulitiche di salute publica.
O sgiò Presidente seriate prontu d’ingagià stu generu di dimarcchje, à
nome di u Cunsigliu esecutivu?
Vi ringraziu.