Fantoni Renzo - Associazione Succede solo a Bologna

Äl mimåus
Le mimose
di Renzo Fantoni
di Renzo Fantoni
Anc alåura la fiuré a premavaira
la mimåusa, st mänter che int la bâsa
l’êra padråuna la nòt e la supièva
un’âria alżîra in vatta al furmänt vaird.
Strè inspulvrazè äli andèven in zà e in là
cme béss a câzia däl sô véttim.
A se stèva int i fûs e la lûs dla louna
cme alsî la fèva arlûser i mîtra inpaziént.
I gnichèven, ancåura luntäni,
in vatta ala gèra, äl schèrp di tudéssc
e, cme gnôl ch’äl mitêven in avîs,
äl rinpêven i ôrt e äl nòstri cà,
e i êren strèl i ûc’ di fangén,
uné al såu mèder int i nûster lèt.
Al calmèva la nòstra ataisa
al parfómm notûren däl mimåus.
Silenziûs al respirèven cme s’al fóss
al parfómm ed ragâzi infugantè,
quand äli àn i stéss insónni.
Viguråusa a premavaira, la mimåusa,
l’êra drî a dèr l anónzi dl arîv
dal tänp suspirè dla speranza.
Mo in cal mänter la mèrcia tudàssca
la mustrèva una sicuràzza arugànta,
comm se i amazamänt dal dé
i fóssen scôrta par la nòt.
Vultè dåpp vultè i tugnén i vgnénn
al apuntamänt col destén e la stòria.
Anc st ân l’é fiuré a mèrz
la mimåusa. Däl man gentîl i l’àn côlta
e regalè. La s é sacrifichè
ancåura una vôlta, par mustrèr
nôvi premavair e speränz.
Anche allora sbocciò a primavera
la mimosa, mentre sulla pianura
regnava la notte e ondeggiava
la brezza padana sul grano verde.
Strade polverose zigzagavano
come rettili a caccia della preda.
Si stava nei fossi e il chiaro lunare
come liscivia spalmava impazienti
mitra. Stridevano ancor lontane,
sulla ghiaia, le suole dei germani,
e come ammonitrici cantilene
riempivano gli orti e i casolari,
ed erano stelle gli occhi dei fanciulli,
tutt’uni alle madri nei nostri giacigli.
Lenivano l’attesa partigiana
i notturni olezzi delle mimose.
Muti, ne assorbivamo l’essenza,
come il profumo d’ardenti ragazze,
qualora condividano chimere.
Prospera a primavera, la mimosa.
Essa ci stava annunciando l’avvento:
l’agognato tempo della speranza.
Ma intanto la marcia alemanna
ostentava insolente sicurezza,
come se le diurne stragi fossero
riserve per notturno carburante.
Curva dopo curva gli Unni vennero
al rendez vous col destino e la storia.
Anche quest’anno è fiorita a marzo,
la mimosa. Mani gentili l’hanno
recisa e donata. S’è immolata
ancora una volta, per proporre
moderne primavere e speranze