Comunicaziuns 07-2015
Transcript
Comunicaziuns 07-2015
C UMÜN DA S CUOL Da la suprastanza cumünala Via da S-charl Il serrar la via da S-charl ha chaschunà ils ultims ons plüssas jadas per discussiuns. La gestiun da San Jon maina persunas culla charrozza aint in S-charl e vess jent cha la via gnia serrada da Nadal fin a Pasqua. Ils ultims ons esa capità fingià plüssas jadas chi nun es naiv a Nadal e cha a Pasqua es la via fingià terraina. Ils possessuors da chasas in S-charl da l’otra vart giavüschan cha la via resta averta plü lönch pussibel per transir cun veiculs. Daspö l’on 2004 exista üna survaglianza da lavinas per la via da S-charl. A partir dal mais december nu mantegna il cumün plü la via. I vain plazzada üna tabla chi renda attent sün quai. La suprastanza ha incletta pels interess da la gestiun da San Jon. Da l’otra vart esa da dir chi nu saja güst a tilla serrar scha la via es terraina e schi’s po transir sainza privel. Perquai decida la suprastanza da tgnair averta la via da S-charl uschè lönch sco pussibel e da tilla drivir la prümavaira subit chi nun es plü privlus. Plan general da fuormaziun aboliziun, revisiun parziala La fracziun da Tarasp ha per tscherts cuntegns ün plan general da fuormaziun (Hotel Tarasp, intuorn il chastè, Vulpera ed Avrona). A Scuol esa üna zona turistica in Trü e Gurlaina chi correspuonda al plan general da fuormaziun. Il planisader propuona dad abolir il plan general da fuormaziun e d’introdüer «spazis cun dovair da concept». In üna zona cun ün plan general da fuormaziun esa fich stantus a realisar ün fabricat. Id es da far quint cun bler temp. Il sistem cul dovair da concept es percunter fich flexibel. La suprastanza sustegna quista proposta e decida d’introdüer la revisiun parziala necessaria per abolir il plan general da fuormaziun illa fracziun da Tarasp. Giardinaria Neuhäusler, Funtanatscha, revisiun parziala Per cha la giardinaria a Scuol Sot as possa sviluppar sto esser la parcella 407 in üna zona da giardinaria. Actualmaing es quella illa zona verda. Cun quist müdamaint da la zona as pudessa eir schoglier il problem da las plazzas da parcar pella cliantella e’ls furniturs da la giardinaria. La suprastanza decida d’introdüer la revisiun parziala per metter la parcella nr. 407 in üna zona da giardinaria. «STWEG Stradun» (Gallaria Milo), taxas da parcar Ils proprietaris in condomini da la chasa «STWEG Stradun (Gallaria Milo)» han fat la dumonda per ün müdamaint da las taxas da parcar pella plazza da parcar pro lur chasa (parcella 518). Els giavüschan chi saja liber da pajar las taxas dal lündeschdi fin la sonda la mezdi, da las 12:00 fin las 13:00 e chi saja da pajar la taxa da parcar la dumengia pür a partir da las 13:00. Implü dess gnir reglada l’ura da möd chi’s possa parcar maximalmaing ün’ura. Pro quista plazza as tratta d’üna privata chi vain gestiunada dal cumün. Tenor l’artichel 3 dal reglamaint da parcar po la suprastanza fixar excepziuns localas. La suprastanza decida dad introdüer la procedura pel müdamaint necessari. Ils cuosts chi resultan dalander van a charg dal proprietari da la plazza da parcar. Cumischiun da turissem La cumischiun da turissem propuona da fuormar duos gruppas da lavur chi s’occupan da la ledscha per üna taxa da turissem, nempe üna operativa ed üna accumpagnativa (strategicpolitica). La suprastanza es da l’avis cha’l manader da finanzas Michel Taisch dessa esser preschaint illa gruppa da lavur (operativa) e’l suprastant Men-Duri Ellemunter illa gruppa accumpagnativa (strategic-politica). Id es previs d’introdüer la taxa da turissem pels 1. december 2016. Rendaquint 2014 Il büro da revisiun Lischana Fiduziari SA ha revis ils quints dals anteriurs cumüns d’Ardez, Ftan, Guarda, Scuol, Sent e Tarasp. Tuot ils anteriurs cumüns han pudü serrar giò il quint bler meglder sco stat previs. Quai ha impustüt da chefar culla vendita da la rait electrica. Sent es l’unic cumün chi’d ha serrà giò il quint cun üna perdita. Quint da gestiun Fracziun guadogn/perdita büdschetà Amortisaziuns 519'997.01 2'542.92 102'882.23 62’516.17 -139'309.44 93'381.57 70'175.00 -128'570.00 642'665.00 -556’190.00 -514'090.00 -550'852.00 2'411'530.24 852'552.71 1'271'587.97 1'661'952.15 723'629.80 980'328.43 Ardez Ftan Guarda Scuol Sent Tarasp Ün motiv cha’ls resultats sun meglders co previs sun ils fits d’aua i’ls anteriurs cumüns dad Ardez, Ftan, Guarda e Tarasp. Cun müdar il sistem da sun quels gnüts contabilisats duos jadas per l’on 2014 (fits 2013 e 2014). Quint d’investiziun Fracziun investiziuns entradas investiziuns nettas Ardez Ftan Guarda Scuol Sent Tarasp 1’944’873.40 1'023'473.82 1'166'006.53 3'960'147.00 3'165'590.65 2'325'020.47 270’838.70 728'737.25 473'732.05 725'633.05 1'709'036.10 789'865.45 1’674’034.70 294'736.57 692'274.48 3'234'513.95 1'456'554.55 1'535'155.02 Facultà pro abitant Fracziun Ardez Ftan Guarda Scuol Sent Tarasp 2014 2013 14’036 5’204 17’210 24 1’075 3’379 11’013 4’084 10’946 430 594 4’076 Zona da mansteranza Sotruinas L’areal da Sotruinas es gnü dovrà il principi dals ons otanta sco zona da deponia per las immundizchas da l’Engiadina Bassa. Dal 2005 fin als 2011 ha dovrà la firma Reto Crüzer quist areal per tour incunter ed elavurar ruments da fabrica. L’anteriur cumün da Scuol vaiva fat ün’exposiziun publica (procedura da cooperaziun) per üna revisiun parziala da la zona da mansteranza. Dürant quel temp sun entradas bleras chartas da protesta, remarchas ed objecziuns sco eir protestas a bocca. In vista a quista situaziun ha il cussagl cumünal decis als 6 schner 2014 da sistir la revisiun parziala da la zona da mansteranza Sotruinas. La firma Reto Crüzer voul transloccar tuot lur gestiun giò’n Sotruinas. Il lö es economicamaing il dret. I nu dà ingünas alternativas per ün lö plü adattà. Quai vain eir sustgnü dals uffizis chantunals. Il trafic stuvess in mincha cas gnir svià davent da la via d’Engiadinna illa via da Talur - via da Pradella e directamaing fin in Sotruinas. La suprastanza sustegna la proposta da s-chaffir üna zona da mansteranza in Sotruinas. La cumischiun da planisaziun dess s’occupar da la chosa e preschantar a temp ütil lur proposta. In mincha cas esa da cumanzar da prüma e far ün’examinaziun preliminara pro’ls uffizis chantunals e davopro amo üna jada l’exposiziun publica (procedura da cooperaziun). Chasa «butia Volg» Tarasp Id es büdschetà ün import da CHF 50'000.00 per la progettaziun da la chasa «butia Volg». Il stabilimaint da la butia es in possess dal cumün. Il tet da quel s’rechatta in ün nosch stadi e sto gnir rimplazzà urgiaintamaing. Scha’l cumün decidess d’ütilisar la chasa cumünala cun laint las localitats dal turissem, da la posta etc. schi nu füssa plü pussibel da mantgnair eir la butia. La suprastanza es da l’avis chi saja da sclerir il prüm che varianta chi’s voul perseguitar (nouv stabilimaint da la butia obain nouva ütilisaziun da la chasa cumünala). Perquai decida la suprastanza da sistir la progettaziun da la chasa «butia Volg» e dad impuonder l’import büdschetà da CHF 50'000.00 per las reparaturas urgiaintas sco eir pel s-chodamaint. Plan directiv, sendas per «Mountainbike» La suprastanza decida da propuoner a la PEB dad integrar las seguaintas sendas i’l plan dierctiv regiunal: − − Ftan: Guarda/Ardez: Nateas - Muntatsch - Prasüras (pro la mundschaduoira); Murtera - Alp Sura - God Vallatscha - Laret - Plan dal Nov – Guarda; Murtera - Rudans - Mundaditsch - Chöglias - Pradasura - Bos-cha Guarda; − Scuol: − Tarasp: Motta Naluns - Vianova - Salez (ed inavant vers Prà San Peider Ftan); Avrona - Foppa - God d’Avrona - Palüdettas - Vulpera; La PEB inoltrescha prosmamaing il plan directiv al Chantun. Id es previs cha la Regenza til approvescha amo quist utuon. Per realisar las sendas per «Mountainbike» han quellas lura eir amo da gnir integradas illa planisaziun cumünala. Quists adattamaints han da gnir suottamiss a temp ütil al suveran per l’approvaziun. Museum d’Engiadina Bassa, contribuziun annuala Fingià avant decennis esa gnü decis cha’ls cumüns pajan üna contribuziun dad CHF 1.00 per abitant a favur dal museum d’Engiadina Bassa. Quella nu correspuonda dal tuottafat na plü a la situaziun d’hoz. Perquai dumonda il president dal museum per augmantar la contribuziun a partir da quist on sün CHF 2.00 per abitant. Per la suprastanza es quist augmaint inevitabel ed ella decida da til acceptar. Surdattas da lavuors - - - - Chasa da scoula Sent: - Adattamaints e renovaziun tschuffa, plazza sura - Saiv, finischun plazza da üert, abitaziun da pedel - Paraid pel local da pellets - Rinvestimaint scumpart principal electric - Serrürier - Fuond da pvc - local tanc d’öla - Isolaziuns e vettas impermeablas - tet plat - Lavuors toler e cuvratet e sbodamaint tschuffa per ventilaziun Punt chi pendan Sinestra - Zuort - lavur d’impressari Reservuar Surtaus, Ftan - lingias sanitaras - lavuors da tet Hanin Salomon, Sent Thomas Hugentobler, Sent J.M. Taverna-Mettler, Sent Andri Taverna, Sent Bischoff Metall AG, Scuol Ruben Fuonds, Scnt Schmidt AG, Sent Benderer cuvratets Scrl., Sent Crestageo AG, Cuoira Stecher SA, Scuol Peer SA, Scuol Infrastructura Pütvia - via da Manaröl, 1. etappa, Scuol - lavuors d’asfaltaziun Walo Bertschinger AG, Samedan Mür da sustegn Archas Sura, Sent - lavuors d’impressari Lazzarini AG, Scuol Via da god Pradella, traversar la Val Triazza, Scuol punt pel forestal e per la loipa da passlung - lavuors d’impressari Koch AG, Ramosch Dumondas da fabrica La suprastanza resp. la direcziun han concedü ils seguaints permiss da fabrica: - Albin Paulmichl e Jachen Mosca, Sent, tschuffa annex a la chamonna sül S-chalambert, parcella 11525 - Punts chi pendan Sinestra - Zuort, Sent - Thomas Lampert, Guarda, ufficina ed abitaziun, parcella 41564 Hans Künzle, Ftan, sanaziuns internas e fanestras da tet, parcella 50346 Jon e Manuela Cantieni-Mader, Sent, nouv tet, parcella 10308 Dominique e Conrad Benderer, Sent, nouvas abitaziuns, parcella 10350 Claudia e Pol Clo Nicolay, Ftan, chavamaint fatschada süd-vest e chamonna da üert, parcella 503018 Otto Davaz, Sur En Sent, suost per star in üert, parcella 19019 Elke e Michael Roth, Guarda, sanaziun dal tet, parcella 41673 Betta e Burtel Thom, Scuol, ingrondimaint lobgia, parcella 1840 Andrea e Sascha Ullmann, Scuol, nouvas fanestras, parcella 53 Nicola Mosca, Sent, mür e saiv pro l’üert, parcella 10240 Annatina Alini, Scuol, suost sper la lobgia, parcella 1226 Jachen Bischoff, Scuol, tet sur l’entrada, parcella 75 Jürg Arquint, Scuol, refabricaziun suost aint il bröl, parcella 465 Ilario Fedi, Ardez, scurnir la chantunada, schlargiar l’access, parcella 30013 Ambrosi e Richard Parli, Scuol, annex cun abitaziun, parcella 2017 Heiko Schlatter, Scuol, suost per autos, parcella 340 Peter ed Erich Kühnis, Scuol, entrada garascha, parkegis nouvs e müdamaint lobgia, parcella 139 Scuol, 22-07-2015 SC 13-15/ CDF 12-14 La suprastanza cumünala