L`UNIVERS, L SISTEM DEL SOREIE, LA TERA L`Univers e la
Transcript
L`UNIVERS, L SISTEM DEL SOREIE, LA TERA L`Univers e la
L’UNIVERS, L SISTEM DEL SOREIE, LA TERA L’Univers e la galassies L’Univers l’é l spazie olache duc i corpes i é fac de materia e olache sozet duc i fenomens naturèi. L’é metù adum da sacotanta steiles, da polvres cosmics, da gasc e da etres corpes del ciel, desche i pianec, che l’é corpes no lumenousc che “noda” dintorn na steila. La steiles l’é corpes del ciel che sgalizea de sia lum, ajache les é fates da gasc che se mesceida e che mana energìa e radiazions lumenouses. La steiles più granes les é n muie ciaudes e les à n color ròsol, chela più pìcoles, desche l Soreie, les à n color śalpomaranc. L Soreie, ajache l’é la steila più vejina a la Tera, l ne dèsc lum e ciaut. Te l’Univers la steiles, i polvres cosmics, i gasc e i corpes del ciel mendres i stèsc adum te formazions che à inom galassies. La galassia olache l’é l Soreie l’à inom Aussa (Via Lattea per talian) e l’à na forma a torcelin. Noscia galassia śira sun se enstessa e sie moviment l’é peigher tel zenter, ma l doventa più spedient a man a man che l se arlontana dal zenter. Tel sécol passà i scienziac à osservà che i corpes del ciel che forma l’Univers i é dò a se arlontanèr l’un da l’auter: da chest i à entenù L’Aussa: noscia galassia che l’Univers l’é te na fasa de espanjion, ajache l’é scialdi più post anter i corpes. Aldò de chesta osservazions i studiousc à ipotisà che duc i corpes de l’Univers tel scomenz i fajea pèrt de n soul gran atom primordièl, na gran massa de energìa fata de radiazions: chest gran atom, acà i 12 e i 20 miliarc de egn, l fossa crepà fora te n gran bot (a chel che i ge disc Big Bang), libran fora l’energìa che se à mudà te miliarc de steiles che se à metù ensema te galassies. L’energìa del Big Bang dapò l’à metù en esser duc i etres corpes del ciel, ge dajan la spenta per sie moviment en esser amò anchecondì. La paroles che ne serf Scrif l segnificat de chesta paroles: Univers .................................................................................................. Steila ..................................................................................................... Galassia ............................................................................................... Aussa ..................................................................................................... Atom primordièl ..................................................................................... Big Bang ................................................................................................ L Sistem del Soreie Sistem del Soreie Anchecondì i scienziac peissa che l Sistem del Soreie sie nasciù da na nebulosa, na nìgola che śira fata da polvres e gasc che à na temperatura n muie auta. Acà 4,5 miliarc de egn, aldò de chesta ipotesa, l’esplojion de na steila vejina l’à fat a na vida che l polver de la nebulosa se bine ensema per formèr n disch con te mez l Soreie. Dapò, te chest disch se à formà masses de materièl dur che à metù a jir i corpes del ciel desche i meteoric, la cometes e i asteroides. Etres corpes del ciel i se à scontrà anter de ic, i é doventé più gregn e l’é doventà i pianec de anchecondì con sie satelic. I pianec l’é corpes del ciel che no sgalizea de sia lum: chi del Sistem del Soreie i la ciapa dal Soreie medemo. I śira duc te la medema direzion te percorsc béleche a cercen e a chi che se ge disc òrbites. Endèna che i śira entorn al Soreie (moviment de revoluzion), i pianec roda ence su se enstesc (moviment de rotazion). I pianec del Sistem del Soreie Soreie Mercurius Venus Tera Mars Iupiter Saturnus Uran Neptun Pluto I pianec del Sistem del Soreie i é ot. Dal più vejin al Soreie a chel più dalonc l’é: Mercurius, Venus, Tera, Mars, Iupiter, Saturnus, Uran e Neptun. L’é ence Pluto, ma i scienziac no i lo conscidra più n pianet. I satelic l’é corpes del ciel no lumenousc che śira dintorn a n pianet: i pianec del Sistem del Soreie (fora che Mercurius e Venus) i n’à un o più che un; per ejempie l satelit de la Tera l’é la Luna. I asteroides l’é toc de crep n muie pìcoi. La cometes, alincontra, te mez les é giacèdes e dintorn les à gasc che se moscia desche na couda canche les passa. I meteoric l’é toc de crep che se mef tel spazie e che pel ence ruèr su la Tera: i più pìcoi se desfèsc a contat co l’atmosfera, ma i più gregn pel ruèr fin sul teren e fèr de gregn crateres. 2 Che él pa chest? Colun pa di doi retrac ne moscia na cometa e colun n meteorit? L’é: ................................................. L’é: ................................................... Perché: ........................................... Perché: ............................................. ........................................... ............................................. La paroles che ne serf Scrif l segnificat de chesta paroles: Sistem del Soreie ................................................................................... Nebulosa ............................................................................................... Meteorit ................................................................................................ Cometa .................................................................................................. Asteroid ................................................................................................. Pianet .................................................................................................... Satelit .................................................................................................... Moviment de revoluzion ......................................................................... Moviment de rotazion ............................................................................ 3 La formazion de la Tera Se peissa che acà 4,5 miliarc de egn la Tera se abie formà da la agregazion de partizeles solides e de gasc che l’era dintorn al Soreie. Tel scomenz l’era na gran massa de materièl roent che dapò pian pian la se à desfridà la é doventèda chela de anchecondì. Endèna che la Tera se fajea l’era teremoc n muie forc e eruzions vulcaniches che petèa fora gran cantitèdes de gasc: chisc gasc à metù en esser la pruma atmosfera, con n muie de vapor de èga, che fajea piever dassen n muie. A cajon de duta chesta pievia se à fat i ruves primordièi e se à empienì ite i gregn ciadins de Permian Triassich 225 milions de egn 220 milions de egn la grosta de la Tera, metan en esser l mèr. I ruves, passan fora la spersa de la Tera, i à tout fora dal crep de gran cantitèdes de sèi minerèi che i é stac mené fin tel mèr e coscita chel’èga la é doventèda salèda. Cretacich 65 milions de egn Tel scomenz l’era demò n soul gran continent, ma acà 250 milions de egn de gregn teremoc i l’à crepà te zopes continentèles, da cheles che l’é vegnù fora i continenc de anchecondì. Al scomenz chesta zopes continentèles les era vejines, ma les à scomenzà a se arlontanèr semper de più, ajache da la sfessures de la grosta de la Tera seghitèa a vegnir fora magma roent che, se sfridan, l metea en esser n fon nef tel mèr (zopa ozeanica): endèna che pian pian i fons marins e ozeanics se slarièa fora, i continents se arlontanèa. La zopes continentèles se mef Himalaya Anchecondì Se scontra doi zopes e se forma i monc Ozean indian Zopa asiatica Zopa indiana Litosfera 4 La zopes continentèles les é semper en moviment e les muda la forma de la crosa de la Tera. Tel temp se à formà cedenes vulcaniches sot l mèr e su la Tera e cedenes de monc olache la zopes se à scontrà; o autramenter se à formà sfessures tel teren o pèrt de la grosta de la Tera la é fonèda tel mèr. Rua la vita su la Tera Su la Tera la pruma formes de vita les é comparides acà 3 miliarc de egn, canche l’era temporèi n muie forc, canche tarluies de gran potenza se desćiarièa su la grosta de la Tera e te la èghes di mères che no era amò n muie fons. Fàzile l’é stat per efet di scorlons di tarluies che te l’èga del mèr bassa e ciauda se à formà la proteines, che l’é la sostanzes de basa de duta la formes de vita. Da la proteines l’é vegnù fora i prumes microrganismes, esseres vivenc microscopics desche i bateres. Chisc bateres era bogn de produjer ossigen e coscita, tel temp de n milion de egn, l’atmosfera la é doventèda béleche valiva a chela de anchecondì, che la ge dèsc l met a duc i esseres vivenc de respirèr. L’à amò cognù passèr n miliart e mez de egn dant che tel mèr se forme i pesc e su la tera la pruma formes de vita. La Tera: n pianet che vif La Tera l’é n sistem vivent: sie inom l’é geosistem (da geo, che per grech vel dir “tera”) e si elemenc fondamentèi l’é l’atmosfera, l’idrosfera e la geosfera. L’atmosfera (aria) l’é na pèrt de gas che cour l pianet e la é fata da azot, ossigen, anidride carbonica e etres gasc. Tel strat più bas de l’atmosfera, l’é la troposfera L’atmosfera con si strac (fin a 15 km dal teren), l’é ite l’ossigen (21%) che serf per la soravivenza di esseres vivenc; tel strat sobito soravìa enveze l’é l’ozon, che filtra i raes ultraviolec mané fora dal Soreie. L’idrosfera (èga) l’é duta la èghes soravìa e Grosta Mantel sotite la grosta de la tera: i ozeans, i leghes, i de la Tera ruves, i giacees e la èghes sot tera. L 97% de Nucleo estern l’idrosfera l’é fat da l’èga salèda di mères e di Nucleo ozeans, l 3% da l’èga doucia di ruves e di intern leghes. La geosfera (tera) l’é la massa solida de nosc pianet e la é formèda da desvalives strac de crep, minerèi, tera e materièl roent. La litosfera (o grosta de La geosfera la tera) l’é Atmosfera Idrosfera sia pèrt soravìa, metuda adum dai continenc e dai fons di Biosfera ozeans e di mères. Tel jir de miliarc de egn i elemenc che met ensema l geosistem i se à evolù e i à prodot i organismes che anchecondì vif su la Tera (vegetai e animèi). I raions de la Tera olache se svilupea la formes de vita i à inom biosfera: chesta tol ite l strat più bas de Geosfera l’atmosfera, l’idrosfera e la litosfera fin a 2 chilometres de foneza. 5 La paroles che ne serf Scrif l segnificat de chesta paroles: Geosistem ........................................................................................... Atmosfera ........................................................................................... Troposfera .......................................................................................... Idrosfera ............................................................................................. Geosfera .............................................................................................. Biosfera ............................................................................................... La èghes de nosc pianet I ozeans e i mères, con sia èghes da sèl, l’é l 97,5% de l’idrosfera e i cour entorn l 70% de la spersa de la Tera. I à na gran emportanza tel sistem Tera, ajache l’evaporazion de sia èghes porta l tumech te l’atmosfera e coscita ence la pievies e i movimenc de la masses de aria. AMERICA DEL NORD EUROPA OZEAN ATLANTICH OZEAN PAZIFICH ASIA AFRICA AMERICA DEL SUD OZEAN INDIAN OZEANIA L’é trei gregn ozeans: l Pazifich, l’Atlantich e l’Indian, che daìte i à n muie de etres mères. I fons di ozeans i é n muie fons e i à ite cedenes de monc, a cheles che se ge disc régnes ozeanics, che vèlch outa ciuta sù desche ìsoles. L’Ozean Pazifich l’é l più gran (180 milions de kmq) e l più fon (con na media de 4.050 m de foneza); l’é anter l’America, l’Asia e l’Ozeania; te sia èghes l’é l stravert marin più gran de la Tera: la Fossa de la Marianes (11.000 metres). L’Ozean Atlantich l’é l secont più gran (106 milions de kmq) e l’é anter l’Europa, l’Africa e la Americhes. 6 L’Ozean Indian (75 milions de kmq) l tol l’inom da la penìsola asiatica e l’é anter l’Asia, l’Africa, l’Ozeania e l’Antartide. La èghes douces raprejenta manco che l 3% de l’idrosfera e ge vegn dit continentales, ajache les é su la spersa de la teres fora dal mèr, desche ruves, leghes, giacees, faudes sot tera. Les ciapa l’èga da la pievies e dai giacees e dapò i ruves mena endò l’èga tel mèr e ti ozeans. I ruves e i leghes no i é sparpagné su la grosta de la Tera a na vida pervaliva. I é soraldut te la arees climatiches olache l pief de più. Te la fascia equatorièla, olache l pief n muie dut l’an, l’é i ruves più gregn de la Tera per cantità de èga. L’é ruves de gran emportanza ence te la zones tropicales olache l’é n muie de pievia e te la zones temprèdes, olache la pievies les é belebon regolères. A la valiva vida ence i leghes più gregn i é ti raions del pianet olache l pief de più (Africa equatorièla, Nordamerica). L Mèr Caspie, che l’é l lech salà più gran de la Tera, l’é na ecezion, ajache l’é chel che resta de n veie mèr te n raion piutost sut anter l’Europa e l’Asia. Te didan con n atlant, te la tabela scrif ite l continent olache l’é i ruves più lonc e i leghes più gregn, dapò proa a i dessegnèr tel planisfer sotite: I ruves più lonc Nilo Ruf de la Amazones Chang Jiang Mississippi Ob-Irtyš km Continent 6695 6516 6380 6019 5570 I leghes più gregn kmq Continent Caspie 371000 Superior 82000 Victoria 69000 Huron 60000 Michigan 58000 7 La teres soravìa l mèr La teres soravìa l mèr cour entorn l 30% de la spersa de la Tera e les é spartides te sie continenc: Europa, Asia, la Americhes, Ozeania, Africa e Antartide. Jà tel scomenz del sécol passà se pissèa che i continenc stajesse cec, ma ti prumes egn del Nefcent l geologh Wegener à desmostrà che chesta teres à abù na evoluzion e che i continenc se mef. Sia teorìa l’à tout l’inom de “moviment di continenc”. Se te vès te la piates più endò te pes veder che, aldò de la teorìa de Wegener, i continenc de anchecondì acà 225 milions de egn i era n soul continent, dit Pangea, che dapò l se à spartì te doi gregn toc: Gondwana e Laurasia. Ence chisc dapò se à spartì e tel temp i ge à dat forma ai continenc de anchecondì. I studies de etres geologhes i à portà coscita a la teorìa de la tetonica de la plaches, che disc che la litosfera la é spartida te plaches o zopes: chesta gran zopes les séghita a se mever, ajache les stèsc soravìa n mantel lujech e roent (formà da magma) che l’é sotite la grosta de la Tera. Teremoc e vulcans I ores de la zopes te cheles che l’é spartì la spersa de la Tera l’é i raions a maor risech del pianet: l’é olache i movimenc de la grosta de la Tera se moscia con teremoc e con eruzions di vulcans. La zopes se mef sun n strat de materia lujia, les se scontra anter de eles e les fona metan a jir vibrazions più o manco I régnes ozeanics fortes che soscedea i teremoc. La scassèdes di teremoc les pel jir dal sot en su (verticales) o les pel esser a ones (orizontèles) e les pel esser a fonezes desvalives, ence a centenees de km sot tera. A sie pont de orìgin se ge disc ipozenter e al lech de la spersa de la tera da olache les se slèria fora se ge disc epizenter. Vigni an l’é n muie de teremoc, ma per fortuna no duc fèsc dejastres per l’om e per l’ambient. La maor pèrt de chisc la é sui ores de la zopes, enlongia la linies sismiches. Cheles con n risech maor les é apede al sistem alpin-himalayan, sui ores de la placa del Pazifich e enlongia i régnes ozeanics. Chisc l’é la cedenes de monc sotite l mèr che se à fat dal magma vegnù fora da na sfessa de la Linies sismiches e vulcans grosta de la Tera e che l’é vegnù dur, canche doi plaches ozeaniches se à arlontanà. 8 Ence l’atività di vulcans se moscia soraldut davejin ai ores de la zopes. Te chest cajo se pel veder vegnir fora l magma roent che vegn sù dal mantel fin su la spersa, trajan fora colades de lava, vampes, gasc e cender. La maor pèrt di vulcans la é enlongia i ores de la placa del Pazifich e de chela de l’Ozean Indian. Te l’Ozean Pazifich l’é n muie de vulcans sotmarins, più che 10.000. N’é de chi che ciuta sù e i fèsc la ìsoles vulcaniches, desche l Mauna Loa, te la ìsoles Hawaii, un di vulcans più auc del mond (4172 m soravìa l livel del mèr, ma se se mesura a peèr via dal fon de l’ozean, l mesura 9400 metres!). I maremoc, a chi che se ge disc ence tsunami, l’é movimenc n muie forc de la èghes del mèr metui a jir da teremoc o da eruzions di vulcans sotite l mèr. I tsunami forma ones autes ence più che 10 metres che pel passèr via i ozeans per centenees de km e ruèr su la costes olache les pel dessatèr dut cant. La maor pèrt di maremoc la é te l’Ozean Pazifich e te l’Ozean Indian. L Mauna Loa te la ìsoles Hawaii Dessatament del tsunami te l’Indonesia La paroles che ne serf Scrif l segnificat de chesta paroles: Régn ozeanich .................................................................................... Moviment di continenc ........................................................................... Placa o zopa ........................................................................................... Tetonica de la plaches ............................................................................ Teremot ................................................................................................. Ipozenter ............................................................................................... Epizenter ............................................................................................... Linia sismica .......................................................................................... Maremot o tsunami ................................................................................ 9 Ejercizies 1. Segna se chesta afermazions les é dretes (D) o falèdes (F); se l’afermazion la é falèda, scrìvela sotite a na vida dreta: 1. I pianec l’é corpes lumenousc che sgalizea de sia lum. O D ............................................................................................... O F 2. La steiles più granes les à n color ròsol. O D ............................................................................................... O F 3. La steiles più pìcoles les à n color anter l ròsol e l vert. O D ............................................................................................... O F 4. La galassies l’é sistemes fac demò da pianec metui ensema. O D ............................................................................................... O F 5. L’Aussa l’é noscia galassia. O D ............................................................................................... O F 6. L’Univers l’é te na fasa de smendrament. O D ............................................................................................... O F 7. Tel scomenz i corpes de l’Univers i era te n soul atom primordièl. O D ............................................................................................... O F 8. Dal Big Bang vegn cà i corpes del ciel de anchecondì. O D ............................................................................................... O F 9. I scienziac peissa che l Sistem del Soreie sie nasciù da na O D galassia. ............................................................................................... O F 10.I satelic l’é corpes del ciel no lumeonousc che roda dintorn n O D pianet. ............................................................................................... O F 11.Anter i pianec del Sistem del Sorieie demò Mercurius l’à satelic. O D ............................................................................................... O F 12.La Luna l’é n pianet. O D ............................................................................................... O F 13.La cometes les à daìte n zenter de fech. O D ............................................................................................... O F 14.I meteoric se desfèsc semper dant de ruèr su la Tera. O D ............................................................................................... O F 10 2. Te chest retrat del Sistem del Soreie scrif ite l’inom di pianec, dapò respon a la domanes: …………………………………………………………………………………………………………………………………….…………………… a. Colun él pa l pianet più vejin al Soreie? ........................................................................................................................ b. Colun él pa l pianet più dalonc dal Soreie? ........................................................................................................................ c. Él più gregn i pianec vejins al Soreie o chi dalonc? ........................................................................................................................ 3. Respon a chesta domanes: a. Co érela pa tel scomenz la Tera? b. Co se èi pa fat i continenc de anchecondì? c. Spiega coche che la Tera séghita a se mever. d. Co éla pa ruèda la vita su la Tera? e. Coluns éi pa i elemenc fondamentèi del geosistem? 11 4. Te chest planisfer mut encoloresc con colores desvalives i continenc e scrif ite l’inom, dapò scrif ence l’inom di ozeans: 5. Apede la paroles scrif la letra de la definizion che ge corespon: Biosfera Epizenter Linia sismica Litosfera Moviment de revoluzion Placa Moviment de rotazion A. Gran zopa de la grosta de la Tera che se mef soravìa n mantel lujech e roent. B. Ensema di raion del pianet olache se svilupea la vita de la piantes, de la besties e de l’om. C. Lech su la spersa de la Tera olache se conzentra n teremot. D. Moviment de la Tera entorn al Soreie. E. Pèrt soravìa de la Tera. F. Raion con maor risech de teremoc. G. Moviment de n pianet su se enstes. 12 6. Vèrdege a i retrac e sotite scrif che che l’é n teremot: ........................................................................................................................ ........................................................................................................................ ........................................................................................................................ ........................................................................................................................ ........................................................................................................................ 7. Vèrdege a i retrac e sotite scrif che che l’é n maremot o tsunami: ........................................................................................................................ ........................................................................................................................ ........................................................................................................................ ........................................................................................................................ ........................................................................................................................ 13