SFUEI 01-2010 - Comune di Tavagnacco

Il sfuei di Tavagnà
Insert informatîf de Aministrazion comunâl (L.482/99)
Ambient
An III, n.1 - Jugn 2010
La cressude sensibilitât des personis pes tematichis ambientâls
e la domande di vivi intun ambient san e sigûr, a cjatin spazi
e azions concretis ancje di bande dal Comun di Tavagnà.
Misurazions dai cjamps
eletromagnetics
La cressude sensibilitât des personis
pes tematichis ambientâls e la domande
di vivi intun ambient san e sigûr, a cjatin
spazi e azions concretis ancje di bande
dal Comun di Tavagnà. I tecnics comunâi
dal centri di elaborazion dâts, di fat, a
fasin di tant in tant des rilevazions di
control dai cjamps eletromagnetics a radiofrecuence produsûts dai ripetitôrs dai
celulârs sparniçâts sul teritori.
Lis misurazions a vegnin fatis doprant
une strumentazion comprade di pueste:
si trate di une sonde e analizadôr isotropic che a permetin une analisi indipendente de direzion di divignince dal cjamp
eletromagnetic. Lis rilevazions a vegnin
fatis a une altece medie di, plui o mancul,
1.5 m dal nivel dal teren, a 200 m di distance dal obietîf, par mieç di un campionament di 360 misurazions fatis vie pal
interval di 6 minûts di timp, cun chê di
misurâ sul teritori comunâl la intensitât
dal cjamp eletromagnetic des frecuencis
jenfri i 100 kHz e i 3 GHz.
« I valôrs fissâts par leç a son :
6 V/m — Nivel di atenzion. Al è un
valôr fissât tant che misure di prudence
pe protezion cuintri i efiets di une esposizion lungje. Al à di jessi rispietât par
edificis e partignincis li che si sta no
mancul di 4 oris in dì. Al represente
l’obietîf di cualitât, di rivâ a cjapâ par vê
une progressive diminuzion de esposizion ai cjamps eletromagnetics massime
intes areis plui frecuentadis.
20 V/m — Limit di esposizion
pes frecuencis dentri i 3 e i 3000
MHz. Al è un valôr che nol à di
jessi mai superât tes zonis frecuentadis de int. Par chês altris
frecuencis dal interval jenfri i 100
kHz e i 300 GHz il limit di esposizion al è plui alt.” (gjavât dal sît
www.arpa.fvg.it)
Lis rilevazions fatis dai tecnics comunâi tacant dal mês di Avrîl dal 2009 (lis
cjatais sul sît cirint “cjamps eletromagnetics”) a mostrin dâts confuartants, par di
plui sot il nivel dal 1V/m a conferme che
sul teritori lis radiazions eletromagnetichis no rivin a valôrs elevâts.
Lis ultimis rilevazions cjapadis ai 21 di
Avrîl dal 2010 a àn di fat mostrât chescj
valôrs:
Felet – Vie Trento (dongje ae Pissine
comunâl) : 1.02 V/m
Tavagnà – Vie Nazionale (parc
Divani&Divani) : 0.94 V/m
Mulignûf – VidePiemonte : 0.92 V/m
Cun di plui, al da ancjemò plui sigurece ae citadins savê che ancje l’organisim
avodât a chestis rilevazions par cont de
Regjon, Provinciis e Comuns, l’ARPA ,
al fâs lis sôs rilevazions di control sul
teritori in mût indipendent (si pues viodi il lôr
sît internet).
Une premure justificade tai confronts dai
citadins che justamentri a domandi di vivi intun ambient, o miôr, par
jessi plui precîs, intun
teritori il plui pussibil
salubri e controlât. Al
va dut câs evidenziât
che lis sieltis cjapadis
dentri dai mûrs di cjase
par chel che al inten, par dî, i eletrodomestics (fors a microondis, suiecjavei e v.i.
che a butin fûr ondis eletromagnetichis)
a van atribuidis ae sensibilitât e ae percezion dal riscli individuâl, partant ognidun si ‘nt rint responsabil.
Il documentari
SunsAtor, a torzeon
te culture furlane
Presentât tal centri civic di Tavagnà il DVD dal documentari “on the road”
SunsAtor a torzeon te culture furlane, continuazion dal prin documentari
su la musiche furlane e realizât simpri dal regjist Massimo Garlatti Costa.
Vinars ai 28 di Mai li dal centri civic di
Tavagnà in Place di Prampar, aes 8.30 sore
sere al è stât presentât il DVD dal documentari “on the road” SunsAtor a torzeon te culture furlane, continuazion dal prin documentari su la musiche furlane. Ducj i doi a son
stâts realizâts dal
regjist Massimo Garlatti Costa e publicâts
juste apont su supuart digjitâl di bande dal
Comun di Tavagnà, cul contribût de Regjon
FVG, de Casse di Sparagn dal FVG, di Moroso e dal Ent Friûl tal Mont che al pensarà ae
sô distribuzion fûr dai confins regjonâi. La
serade e je stade presentade di Jessica Purkeypyle, zovine italo-americane trasferide
uchì di une desene di agns, insegnante di
lenghis, che e passe cun grande facilitât de
lenghe inglese, al talian e al furlan.
“Come tancj zovins dal dì di vuè, ancje
jo o pues dî di vê provât di dut, par tirâ
indenant la carete. Ma une dì o ai pensât:
parcè no lâ a domandâ a chei che a son
rivâts a fâ alc di bon te lôr vite. E alore? E
alore o soi lât!”
Cussì la sigle di SunsAtor, a torzeon te
culture furlane nus introdûs il teme dal program stes che si davuelç dut in lenghe furlane. Il DVD al à chê di
presentâ, intune serie
di 8 intervistis di cuasi
20 minûts, cualchi personaç dal panorame
culturâl furlan. Il menu
dal DVD si complete
cuntune sezion di “the
best of” cun dentri juste apont dai estrats des intervistis cun sottitulazion in talian, inglês e spagnûl.
Il format di cheste edizion al manten lis
stessis carateristichis de precedente.
Il condutôr dal program, Gianluigi Patruno, nus presente, un a la volte, un personaç furlan, sedi chest un scultôr, un
regjist, un om di culture o di sport, fasint
insiemit un viaç in machine e di chê strade fevelant in compagnie des esperiencis
fatis, de sô ativitât, des sôs ideis e des
sôs sperancis pal doman.
La fevelade e ven insiorade cun polsis
musicâls radiofonichis, cualchi video di
grups dal panorame musicâl indipendent
internazionâl.
Il progjet
Orienteering par furlan
Lunis ai 17 di Mai dal 2010 al è finît il
cors di “Orienteering par furlan” nassût
de colaborazion jenfri l’ASD “Friuli
Mtb&O” e dal “Sportel pe lenghe furlane” dal Comun di Tavagnà. Il progjet al è
stât finanziât dal Comun di Tavagnà grazie al Assessorât ae Culture. Referents
des ativitâts a son stâts: i insegnants Rosalba Goi e Nicola Tosolini, che a àn colaborât in prime persone ae iniziative; la
istrutore di Orienteering Alessia Ciriani e
la responsabile dal “Sportel pe lenghe furlane” Elena Pecile.
Lis ativitâts a àn cjapât dentri 46 fruts
des classis 4^B e 4^C de scuele primarie
2
di Tavagnà, cul dopli obietîf di fâ cognossi la dissipline
sportive dal Orienteering e di insegnâ,
stimolâ e meti in vore la lenghe furlane.
L’Orienteering al è un sport che si pratiche
cul jutori de bussule e di una cjarte li che al è
segnât un percors fat di ponts, che il concorint al à di cjatâ, sielzint autonomamentri la
strade e metintgj mancul timp pussibil. Si
trate di une ativitât che e presente grandis
potenzialitâts didatichis stant che e alene lis
capacitâts gjenerâls di orientament dal frut e
la capacitât di leture de cjarte; e disvee la
La sielte de machine che e fâs di suaze
aes intervistis e somee vuaiade sedi parcè che in dî di vuê e rapresente un dai
lûcs simbui li che i zovins a scoltin la musiche e a spartissin opinions, ideis e fats
di vite, sedi pal so significât alegoric di
viaç virtuâl tes esperiencis dal artist.
Cun di plui, il viaç in machine al da une
imagjin une vore plui direte e informâl
dal personaç che, fevelant cul presentatôr, al conte di sè in mût plui sclet e vêr.
Il viaç dal ospit si siere puartantnus intun lûc par lui significatîf, sedi une galarie
di art, un paîs che i ten, la sô cjase o altri.
I personaçs presentâts in cheste serie
a son tal ordin:
Paolo Vidoz, Franco Fabbro, Remigio
Romano, Ulderica Da Pozzo, Nane Zavagnao e Gianpaolo Di Giusto.
Il dvd al è stât dât fûr in ocasion di cheste
serade di presentazion e dopo, daûr domande di indreçâ al sportel pe lenghe furlane dal
Comun di Tavagnà li de sede municipâl.
Par informazions:
Ufici Culture – Sportel pe Lenghe Furlane
Tel. 0432-577326 e 0432-577355
e-mail:
[email protected]
percezion de proprie posizion
tal spazi e e disvilupe la autonomie dal arlêf. La adatabilitât di chest sport in ambit didatic e rint pussibil la integrazion dal stes cun altris tematichis e in chest câs si è sielt di
meti dongje l’insegnament de
lenghe furlane. L’obietîf al jere
chel di promuovi l’ûs dal furlan tant che unic mieç linguistic di comunicazion e imprest di trasmission di dâts
e informazions, dimostrant che si trate di
un patrimoni preseôs che al è pussibil riproponi a nivel di scuele primarie. Di fat
a cheste etât i arlêfs a capissin a la svelte
e a àn plui facilitât a imparâ lis lenghis.
No cate che i arlêfs che a àn cjapât part al
progjet a presentassin nivei une vore diferents di cognossince dal furlan, ducj a
IL SFUEI DI TAVAGNÀ, JUGN 2010
Musiche
Suns
Il concors organizât
in Friûl par cirî cjançons
tes lenghis mancul pandudis
E torne a partî la carovane
de musiche in lenghe
minoritarie
Daspò dal bant di concors dal 2010 si
Suns nol è dut câs un event isolât. La Udin ai 28 di Avost che al ven. Dome 2 di
torne a vierzi uficialmentri Suns, manife- kermesse musicâl nostrane e je di fat la “se- chescj, selezionâts di une jurie internastazion volude de ARLeF e ancje une jen- mifinâl” che e fâs jentrâ tal Liet Internatio- zionâl, a podaran lâ te finâl dal Liet che si
fri lis iniziativis di respîr internazionâl plui nal, la plui impuartante e preseade iniziati- davuelzarà a Lorient in Bretagne te prossime sierade.
ambiziosis che la nestre regjon e vedi ospi- ve europeane di
La musiche furlane e
tât tai ultins agns.
musiche in lenghe
pues svantâ un curriFuarce di chest event e je la costelazion minoritarie. Daspò
culum di bon rispiet par
verzelade des piçulis, grandis lenghis fe- jessi stât ospitât in
chel che al inten lis ediveladis in Europe. No son dome lis lenghis Frisie e Laponie, il
zions passadis: tal 2009
nazionâls e plui pandudis e, in gjenerâl, Liet al rivarà finalil “contestoriis di Suricognossudis ma dutis lis lenghis che, tant mentri a Udin vie
dri”, Lino Straulino, dache il furlan, che a rapresentin cun
spò di vê sbaraiât la
braure il cûr e la anime di tantis culLiet international
concorince tal cors di
turis minoritariis pardabon interesLiet internatio2009 - Le SomBy
Suns, al è rivât tierç te
santis.
nal 2009 Lino Straulino
finâl dal Liet a LeuwarAncje se il status di chestis lendeen in Frisie (Paîs
ghis al è ricognossût in maniere diBas); stes risultât anferente (se no a voltis adiriture
cje pai rappers cjarostacolât palesementri) dai lôr
gnei Carnicats, rivâts
stâts centrâi, la vitalitât des espresancje lôr tal tierç puest
sions artistichis di chescj popui e
te edizion dal 2008 e no
je dal sigûr un denominatôr comun
àn fat brute figure nancje i Prorastar, i Arbe
tant che mieç di libertât par pandi la libertât pal 2011.
di afermazion de lôr unicitât culturâl.
Cundut che i obietîfs principâi di chestis Garbe e i Kosovni Odpadki… simpri fra i
Cualchi esempli interessant di chest pa- manifestazions a son la condivision e il miôr tes edizions dai agns passâts de comtrimoni inestimabil al è za stât presentât te scambi jenfri culturis, no si à di dismenteâ petizion europeane.
Al è di sperâ che ancje chest an un raedizion di Suns dal an passât, che tal Se- il lôr caratar competitîf.
tembar dal 2009, daspò di vê selezionât 20
Ancje chest an jenfri i grups che a invia- presentant de nestre lenghe al rivi a vuagrups di 7 minorancis linguistichis divier- ran lis lôr cjançons, daûr dal bant che si dagnâ une des primis posizions dal Liet; al
sis, al à ospitât vot grups e artiscj di len- cjate sul sît www.sunscontest.com, a vigna- sarès di sigûr un bon auguri pal 2011, cuant
ghe sarde, catalane, rom, retoromance, la- ran selezionâts i 8 finaliscj che si esibiran che Udin al sarà la sede di chest impuardine, arbereshe e, nancje a dîlu, furlane.
intun conciert dal vîf in Place S. Jacum a tant event.
àn dimostrât une buine capacitât di aprendiment e a àn miorât il lôr nivel di comprension e di ûs de lenghe.
Il progjet si è davuelt in plui fasis. Intune prime fase lis lezions a son stadis teorichis e si son tignudis in classe, li che a son
stâts introdots i elements di fonde de dissipline dal Orienteering. In cheste fase a
son stâts proponûts dai zûcs su la terminologjie dal Orienteering in lenghe furlane.
Dopo, lis nozions teorichis a son stadis
metudis in vore e i fruts a àn vût mût di
provâ di persone cemût che al funzione
chest sport – plui facil a fâsi che a dîsi- e a
disvilupâ simpri plui lis lôr abilitâts sportivis e logjichis.
La seconde fase e je stade puartade indevant dai insegnants, che a àn proponût
plui percors in palestre. In cheste fase i
fruts a cjalavin une cjarte li che a jerin seIL SFUEI DI TAVAGNÀ, JUGN 2010
gnâts dai ponts di cjatâ; in ogni pont e jere
une peraule in furlan che i fruts a vevin di
notâ e di voltâ.
Intes ativitâts fatis dopo, il furlan al è stât
adotât tant che mieç privilegjât di comunicazion. I arlêfs a àn dimostrât un bon nivel di
comprension sedi te ricezion des informazions pratichis e des istruzions leadis aes
ativitâts, sedi te memorizazion dai tiermins
specifics dal sport.
La tierce fase e proviodeve svariadis provis di navigazion dentri dal zardin de scuele
e dal cjamp di atletiche cul supuart de cjarte
di Orienteering par disvilupâ une cierte familiaritât cu la simbologjie specifiche. I fruts a àn dimostrât grant interès e a àn, disìn
cussì, brusât lis tapis domandant di podê fâ
di bessoi dai percors che, par dîle dute, a
completavin in pôc timp e, tal complès, cun
ben pôcs erôrs.
La fase conclusive si è davuelte lunis ai
17 di Mai cuant che i fruts des dôs classis,
dividûts in grups di trê concorints misturâts, a si sono misurâts intune vere e proprie gare di Orienteering che si è davuelte
tal zardin de scuele e tal cjamp di atletiche, li che a si jerin alenâts tai mês indaûr.
La manifestazion finâl si è davuelte in mût
regolâr e ducj i fruts a àn partecipât cun
sucès. I grups si son misurâts intun percors fat di 10 ponts che, cuasi ducj, a àn
finît con sucès.
Ae fin de gare al è stât un moment di
confront par tornâ a viodi insieme il percors e po dopo e je stade fate la premiazion, ae presince de Diretore dal Istitût
Comprensîf di Tavagnà, prof.e Gloria Aita,
cun consegne dai atestâts di partecipazion
e dai libruts cun dut il materiâl fat vie pal
cors.
3
Enigmistiche
Peraulis crosadis
Par imparâ la marilenghe zuiant.
4
Si siere cul tierç librut “Peraulis crosadis
e altris zucs enigmistics” il progjet ludic
didatic nassût de sinergjie jenfri il Sportel
pe lenghe furlane dal Comun di Tavagnà e
la cjase editore Kappa Vu che indi à curat la
realizazion e la publicazion, cul contribût
de Provincie di Udin e il patrocini de Arlef.
Il progjet, nassût tal 2007, si è concretizât in trê publicazions diferentis, pensadis e indreçadis a trê gjenars di public
diferents, cun obietîfs calibrâts in base ae
fasse di etât. Il prin librut al veve zûcs
enigmistics, definizions e rebus pensâts pai
fruts des classis de scuele primarie e la sô
finalitât e jere proprit chê di judâju a
incressi la lôr paronance de lenghe furlane,
no dome fevelade ma soredut scrite. Il
librut al è stât dât fûr ai arlêfs des classis
tierce, cuarte e cuinte des scuelis primariis
da comun (plui di 330 fruts), parcè che,
come che al à dit il Sindic Mario Pezzetta,
promotôr de iniziative “dome tacant dai
plui zovins
si pues
garantî un
doman ae
lenghe
furlane che e
rapresente un
element
identitari fra i
plui impuartants de
nestre comunitât, cu la sperance che e diventi
simpri plui ancje ocasion di confront e contat
cun chês altris culturis che a vivin sul nestri
teritori.” Lis reazions a son stadis une vore
positivis e ancje i insegnants des classis che a
àn vût il librut, a àn preseât une vore il
progjet che si presente tant che imprest util
par imparâ zuiant, un mut di imparâ une vore
util pai fruts.
Il secont librut, publicat tal 2008, al è
stât invezit pensât pai zovins des scuelis
secondariis di prin grât cuntun nivel di
dificoltât dai zûcs enigmistics plui alt
rispiet al prin. Stampât in plui di 400
copiis al è stât presentât tal auditorium de
scuele medie di Felet ae presince di ducj i
fruts e dai lôr insegnants; a ducj e je stade
lassade copie, dopo vê partecipât ae
presentazion e vê fat ducj insiemi cualchi
zûc, cun grant divertiment. In fin tal 2009
al è vignût fûr il tierç volum di peraulis
crosadis. Cheste volte indreçât ai grancj e
par tant,i zûcs enigmistics che si cjatin a àn
un grât di complessitât ancjemò plui alt.
L’obietîf al jere ancje in chest câs dimostrâ
che al è pussibil imparâ o miôr a la marilenghe impegnantsi cuntun strument divertent
e deventant par ducj ocasion par imparâ,
par fâ esercizi di memorie, di
resonament…simpri in lenghe furlane.
La presentazion pe popolazion e je
stade fate martars ai 11 di Mai dal 2010
aes 8.30 sore sere li dal centri sociâl di
Branc, cui intervents dal Sindic e de
editore Alessandra kersevan. Par vê une
copie des publicazion baste domandâle tal
ufici dal sportel pe lenghe furlane, te sede
municipâl.
IL SFUEI DI TAVAGNÀ, JUGN 2010