La Quotidiana, 5.9.2013
Transcript
La Quotidiana, 5.9.2013
Pretsch Fr. 1.60 17. annada, numer 171 GA Posta Svizra cun marcas da Flond L’artista Judith Brennwald da Flond ha creà 4 marcas postalas cun animals sin il bain puril. 7007 Cuira Gievgia, ils 5 da settember 2013 Visetas guidadas en la baselgia da Lavin 3 L’art mural da la baselgia da Lavin datescha dal 15. tschientaner ed è ina attracziun turistica. 9 LA VOUSCH DA SURMEIR Redacziun: Via comerciala 22, 7007 Cuira, tel. 081 920 07 10, fax 081 920 07 15 Il Prix Montagne va en il Vallais ■ (anr/vi) Il festival da musica dad Ernen gudogna quest onn il Prix Montagne. Ier han ils victurs retschavì a Berna il premi ch’è dotà cun 40 000 francs. Il festival da musica è s’etablì dapi plirs onns. Durant sis emnas datti mintgamai concerts ed occurrenzas litteraras ad Ernen. Per il vitg vallesan è il festival daventà in impurtant factur economic, scriva l’Agid svizzer da muntogna en sia communicaziun. «La populaziun dal pitschen vitg en il Goms ha fatg daventar realitad ina gronda idea», di Bernhard Russi sco pre- sident da la giuria. Il festival porscha sper musica classica e jazz per exempel era seminaris da scriver cun l’autura da crimis Donna Leon. La mesadad dal budget da 700 000 francs per il festival flessegia directamain en l’economia locala. Il Prix Montagne è vegnì surdà quest onn per la terza giada. Tranter ils nominads sa chattavan era quatter projects grischuns. Ils projects nominads valian entras lur qualitad extraordinaria sco model per autras regiuns da muntogna, scriva l’Agid svizzer da muntogna. Igls oters otg cumegns da Surses speran ferm tgi Beiva sa participescha agl consorzi da scola tgi duess eir an vigour an en onn. FOTO G. N. STGIER Project da scola Surses: Tots speran sen en segn positiv DA GION NUTEGN STGIER / ANR ■ Tar la seira d’infurmaziun a Beiva pertutgont igl project per ena fusiun dallas scolas da Surses ègl do grondas discussiuns per part emoziunalas. Igl tema principal è sto igl lungatg da scola. L’emda passada ò la cumischung tgi ò elaboro igl project da scola Surses preschento chel alla populaziun. A Savognin ò la seira d’infurmaziun procuro per pacas discussiuns. Gist igl cuntrari a Beiva noua tgi è do discussiuns 40036 9 771424 749004 tgi parevan da piglier nigna fegn. Igl cunsiglieder digl project scola Surses, Bernhard Wenger, ò gia da dar pled e fatg e chegl an spezial chegl tgi pertotga igl lungatg da scola a Beiva. Tenor la proposta dalla cumischung dalla gruppa da project duess an Surses dar a parteir digl onn da scola 2014/15 angal ple ena scola a Savognin per igls otg cumegns rumantschs e per Beiva en’atgna scola e chegl ena cumplessiva. ➢ PAGINA 11 Servetsch d’abunents e da distribuziun: tel. 0844 226 226 mail: [email protected] «Autonomia communala è respectada» Martin Jäger davart la posiziun da la Pro idioms DA FLURIN ANDRY / ANR ■ L‘uniun Pro idioms refusa tar il Plan d’instrucziun 21 la part che definescha l’instrucziun da rumantsch. A ses avis vegn uschia introducì il rumantsch grischun «da la porta davos en». La fin da fanadur ha cumenzà la fasa da consultaziun davart il sboz dal plan d’instrucziun 21 (PI 21). La Pro idioms ha ier prendì posiziun: «Il rumantsch grischun (rg) fiss uschia omnipreschent er en las scolas idiomaticas, e quai da la scolina fin il stgalim aut», scriva l’uniun. Quai è a ses avis ina emprova dad «introducir il rg da la porta davos en», uschia vegnia vulnerada l’autonomia communala che dettia a las vischnancas il dretg da tscherner sezzas la lingua d’instrucziun en scola. Quai na lascha valair il cusseglier guvernativ Martin Jäger: «Las vischnancas han era cun il PI 21 la pussaivladad da tscherner tranter idiom ed rg sco lingua da scola.» La Pro idioms tema FOTO TH. GSTÖHL ch’ils uffants fissan surdumandads cun duas variantas da rumantsch en scola. A l’avis da Jäger nun èn quellas temas giustifitgadas: «Il PI 21 vul integrar quai ch’è vegnì fixà en il model da coexistenza, a la fin da la scola duessan savair ils uffants da scolas idiomaticas passivamain era rg.» Ma per avair quellas conuschientschas passivas na bastia sco ch’el punctuescha betg d’entschaiver cun l’instrucziun da rg, resp. idiom pir en la novavla classa. «Uss essan nus en la fasa da consultaziun, per savair, sche nossas finamiras èn memia pretensiusas ha il team che ha elavurà questa part dal PI 21 tramess a la Lia Rumantscha e la Pro Grigioni Italiano in invit da prender part dad ina discussiun approfundida.» ➢ PAGINA 2 Quater milliuns per ina casa da club La plazza da golf ad Andermatt vegn cumpletada cun in liug da sentupada DA HANS HUONDER / ANR ■ La plazza da golf ad Andermatt ei finida, ussa suonda la construcziun dalla casa da club. L’entira infrastructura da golf finanziada entras la Andermatt Swiss Alps SA cuosta 22 milliuns francs. La plazza da golf ei in element central dalla purschida dil resort da vacanzas. Schegie ch’ella ei finanzialmein mo ina fetg pintga part dil project calculau cun cuosts totals dad 1,8 milliardas francs ha ella gronda valeta pil divertiment dalla stad. Igl unviern gioga il grond territori da skis dad Andermatt-Alpsu-Sedrun quella rolla. Parallelmein sper l’emprema badelada dalla casa da club per la plazza da golf ein era las lavurs per la tiarza casa cun appartaments vegnidas lantschadas la mesjamna avonmiezdi. reclama EIDGENÖSSISCHES PROBEFAHRT- UND AUTOFEST. Besuchen Sie die grosse Ausstellung vom 7. bis 14. September und profitieren Sie beim Kauf eines Neuwagens von geschenkten Winterrädern*. Ausserdem bei Ihrem Renault Partner: alle Neuheiten, die exklusiven Modelle und mehr. *Infos unter 0800 80 80 77 oder www.renault.ch Cusseglier guvernativ Martin Jäger ha prendì conuschientscha da la posiziun da l’uniun Pro idioms. Ella fasa finala dalla construcziun sesanfla il hotel The Chedi sper la staziun da viafier ad Andermatt. L’entschatta december da quest onn vegn il menaschi surdaus ufficialmein a siu intent. Ils proxims meins vegnan era las Visualisaziun dalla casa da club per la plazza da golf ad Andermatt. duas empremas casas cun appartaments finidas. ➢ PAGINA 3 FOTO H. HUONDER SURSELVA GIEVGIA, ILS 5 DA SETTEMBER 2013 3 Liug da sentupada cun architectura tradiziunala L’infrastructura da golf ad Andermatt cuosta 22 milliuns francs alla Andermatt Swiss Alps SA DA HANS HUONDER / ANR ■ La mesjamna avonmiezdi ein las lavurs da construcziun dalla nova casa da club per la plazza da golf ad Andermatt vegnidas lantschadas. Cun quei tschenta la Andermatt Swiss Alps in ulteriur accent. Il medem mument han era las lavurs vid la tiarza casa cun appartaments – numnada «Gemse» – entschiet. Las lavurs vid il resort da vacanzas ad Andermatt sespleigan pli u meins tenor plan. Quei ha il meinafatschenta dalla Andermatt Swiss Alps SA, Robert Fellermeier, confirmau ier enviers l’Agentura da novitads rumantscha. Il hotel e Chedi sper la staziun da viafier sesanfla ella fasa finala dalla construcziun. Ils 6 da december 2013 vegn il menaschi luxurius surdaus ufficialmein a siu intent. L’autra jamna vegn il manager general, Alain Bachmann, a surprender sia funcziun. Avanzadas ein era las lavurs vid las duas empremas casas cun appartaments «Hirsch» e «Steinadler».Tenor Robert Fellermeier sesanfla ina casa ella fasa finala dallas lavurs. Omisduas vegnan surdadas a lur possessurs la primavera 2014. Gest lantschadas ein las lavurs vid la casa cul num «Gemse». Ella cumpeglia 19 unitads da habitar cun grondezias denter 36 e 265 meters quadrat surfatscha da habitar. L’architectura da quella ei dil biro AF – Architecture Engineering and Design – da Kairo. Ei setracta d’ina casa da hibrid, vul dir ina cun crap el fundament ed igl ulteriur ord lenn. «La casa regorda alla tradiziun da baghegiar en Svizra, vul dir la cumbinaziun da crap e lenn», di Robert Fellermeier. L’emprema vella vegn surdada gia quest atun a siu possessur. Ella cumpeglia quater alzadas ed ina surfatscha totala da 1249 meters quadrat. Ina casa da club Gia en funcziun per schurnalists da golf, partenaris da reclama e collaboratur(a)s dalla Andermatt Swiss Alps SA ei la plazza da golf. Ella cumpeglia 18 ruosnas e sestenda sin ina gronda part dalla surfatscha seniester dalla Reuss naven dad Andermatt entochen sin intschess da Hospenthal. La surfatscha cumpeglia 130 hectaras cun ina lunghezia totala da 6,4 kilometers. Ils cuosts per quella plazza integrada excellentamein ella cuntrada importan rodund 18 milliuns francs. Il L’emprema badelada per la casa da club sin la plazza da golf ad Andermatt. Da seniester il cau da baghegiar dalla Andermatt Swiss Alps Alfred Achenbach, il directur dalla Andermatt Swiss Alps SA Robert Fellermeier, il president communal d’Andermatt Roger Nager ed igl architect dalla plazza da golf Kurt Aellen. parcours pretensius ademplescha las cundiziuns sco plazza da campiunadi internaziunala. Ulteriurs quater milliuns La plazza da golf ad Andermatt. Dretg ina gronda balla da golf sco tualetta. francs sbursescha la Andermatt Swiss Alps SA ussa per ina nova casa da club. La mesjamna avonmiezdi ei l’emprema badelada succedida. Plazza da golf e casa da club vegnan inauguradas ufficialmein la stad 2016, mo gia las duas stads vegnentas stat la plazza a disposiziun als hosps dil hotel pil menaschi da test. La plazza vegn tgirada e mantenida d’ina equipa d’atgna glieud. La casa da club cun architectura da Kurt Aellen da Berna cumpeglia in restaurant cun lounge e bar. Leutier vegn ina terrassa. Dalla construcziun anora regorda ella allas casas cun appartaments. Sco quei ch’il responsabel per la construcziun tier Andermatt Swiss Alps SA, Alfred Achenbach, di, eis era ella concepida tenor il sistem da hibrid, pia cun part fundamentala ord crap ed il rest ord lenn. Las lavurs s’avonzan Il mument spetgan ils responsabels dalla Andermatt Swiss Alps SA, respectivamein la Andermatt Sedrun Sport SA, sin las lubientschas per extender il territori da skis dad Andermatt, Alpsu e Sedrun. La sutgera a sis pil Calmut ei empustada. «Nus spitgein las lubientschas el decuors dallas proximas jamnas. Secund cura che quellas arrivan savein nus entscheiver cun las lavurs vid quella aunc quest atun», di Robert Fellermeier. Entginas adattaziuns el territori da skis vegnan fatgas sin la stagiun d’unviern vegnenta. Per facilitar igl access vegn montau plirs teppis da striegn cun lunghezias d’entochen 50 meters, per part cuvretgs cun tetg. Medemamein vegnan singuls menaschis da gastronomia modernisai. Cuntents ei Robert Fellermeier cun la vendita d’appartaments. «Enviers igl onn vargau essan nus el plus.» Il resort da vacanzas dalla Andermatt Swiss Alps SA ei calculaus cun cuosts totals dad 1,8 milliardas francs. Ultra da sis hotels da quater ni tschun steilas cumpeglia el 490 appartaments en 42 baghetgs, 25 vellas, halla da senudar, stabiliment da congress per entochen 600 persunas e la plazza da golf. Leutier vegn la modernisaziun dil territori da skis. Ils animals sil bein puril dalla Posta derivan da Flond La grafichera Judith Brennwald ha creau quater marcas postalas DAD ANDREAS CADONAU ■ La Posta svizra ha lantschau ina seria da marcas specialas sut il tetel: «Animals sil bein puril». Per il dessegn dallas quater marcas ei la grafichera Judith Brennwald responsabla. Ella viva dapi quater onns a Flond. Las quater marcas specialas dalla Posta svizra tematiseschan ils animals sil bein puril. La marca dad 85 raps embelleschan dus pluscheins, sin quella dad in franc sepresentan dus vadials. Dus tschuts dattan la tempra alla marca dad 1 franc e 40 e quella dad 1 franc e 90 ei la grafichera Judith Brennwald sedecidida d’embellir cun dus purschals. Davostier sco siluetta ein da veser mintgamai ils animals carschi e las conturas dad in bein puril. Consequentamein ha la grafichera sesenta a Flond mess ils animals giuvens davontier en sias creaziuns per la Posta svizra e Judith Brennwald ei dil meini dad haver perschuadiu aschia la giuria. La grafichera ei numnadamein separticipada ad ina concurrenza da crear marcas postalas. Ina concurrenza lantschada cun ina certa regularitad dall’interpresa postala svizra. «Jeu sundel s’interessada per las premissas da crear ina marca postala.» E las directivas davart dalla Posta ein ualti severas e cumpeglian buca sulet il tema general dalla marca speciala, mobein di- vers detagls dalla cumposiziun. Las premissas postalas pertuccont la marca sto la grafichera da Flond haver adempliu il meglier. Unanimamein ei la giuria sedecidida per la proposta ord la plema da Judith Brennwald. La selecziun ei succedida ord ina gronda schelta da participonts alla concurrenza. Crear ina marca postala vala sco incumbensa attractiva ella branscha grafica. Buca sulet pervia dalla derasaziun dil product sigl entir palancau naziunal. Judith Brennwald ha tschintschau dad ina gronda satisfacziun. Ella valetescha sco atgna fermezia da seprofundar els giavischs dalla clientella. Ina incumbensa succedida era viers l’incarica dalla Posta. La grafichera ei gia separticipada ad ulteriuras concurrenzas. Aschia ha ella astgau crear ina scadiola d’espresso dall’interpresa da mobiglias Pfister ed avon onns ha Judith Brennwald dumignau la concurrenza lantschada per embellir las cuvridas dils autos da vitgira dall’interpresa Toni. Sefatschentada artisticamein cun animals da nez Ils animals da nez ein tuttavia buca jasters alla grafichera da Flond. Ella deriva dil cantun Turitg ed ha frequentau, suenter il precuors alla Scola d’art a Turitg, in emprendissadi da grafica. Suenter divers engaschis professiunals tier inter- Ils animals sil bein puril dalla seria da marcas specialas derivan dalla plema da Judith FOTO A. CADONAU Brennwald. presas svizras ei Judith Brennwald adina puspei serendida egl exteriur. Dapi igl onn 2008 lavura ella independentamein en sia clamada. Ina dimora ell’Engiadina ha contactau la grafichera cun in elevatur dalla razza dad Angus. Ella ha entschiet a luvrar artisticamein cun il peil da quella biestga. La pelegna dil peil vegn parzialmein allontanada e la pial duvrada sco surfatscha per la pictura. Per regla dessegns dad animals al qual il peil appartegn. Las ovras cun peil dad Angus ein vegnidas presentadas en divers loghens, denter auter el Hotel Donatz a Samedan e sil Muottas Muragl. Per in elevatur dad Angus dil Canada ha Judith Brennwald medemamein luvrau ed ei serendida per quei intent vi sur mar. La tecnica da dessignar sil peil dalla biestga ei actualmein amplificada per animals selvadis. Divers catschadurs han gia purtau il peil da lur preda per schar crear in’ovra artistica. A partir dils 5 da settember ein las marcas dessignadas da Judith Brennwald acquistablas tier la Posta. E da quella interpresa ha la grafichera da Flond retschiert in’ulteriura incumbensa. Ella ha creau il bul e la cuviarta per ina brev datada cun igl emprem gi d’ediziun. Gest per rimnaders da marcas ei quei d’impurtonza. Ils emblems dallas singulas marcas ein era acquistabels en fuorma da carta postala.